RSS
53. zk., 2025eko martxoaren 18a, asteartea
- Bestelako formatuak:
- PDF (124 KB - 2 orri.)
- EPUB (106 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
KULTURA ETA HIZKUNTZA POLITIKA SAILA
1238
AGINDUA, 2025eko martxoaren 6koa, Jaurlaritzako lehenengo lehendakariorde eta Kultura eta Hizkuntza Politikako sailburuarena, zeinaren bidez Kultura eta Hizkuntza Politika Saileko Zerbitzu zuzendariaren esku uzten baita eragiketaren arduradunaren eginkizunak betetzea, interes-gatazkaren arriskuaren analisi sistematikoaren ondorioetarako.
Urtarrilaren 24ko HFP/55/2023 Aginduak, Suspertze, Eraldatze eta Erresilientzia Plana betearazten duten prozeduretan interes-gatazkaren arriskua sistematikoki aztertzeari buruzkoak, 4.2 artikuluaren bigarren paragrafoan esleitzen dizkio kontratazio-organoari edo dirulaguntzak emateko organo eskudunari eragiketaren arduradunaren eginkizunak.
Beraz, dagokion prozeduraren arabera, eragiketaren arduradun izatea Kultura eta Hizkuntza Politikako sailburuari dagokio. Hala, Kultura eta Hizkuntza Politika Sailaren egitura organikoa eta funtzionala ezartzen duen azaroaren 26ko 389/2024 Dekretuaren 4.5 artikuluan ezarritakoaren arabera, sailburua da kontratazio-organoa, bai kontratu handietan, bai Jarduera Fisikoaren eta Kirolaren Zuzendaritzari dagozkion kontratuetan.
Era berean, Euskal Autonomia Erkidegoko aurrekontu orokorretako dirulaguntza izendunak ematea dagokio, sailaren jardun-arloan (azaroaren 26ko 389/2024 Dekretuaren 4.6 artikulua).
Aipatutako HFP/55/2023 Aginduak eragiketaren arduradunari zer eginkizun dagozkion ezartzen du, hala nola aplikazio informatikoen erabilera xehatua (CoFFEE eta MINERVA), dokumentazioa kargatzea eta kudeaketa hutsarekin lotutako beste funtzio batzuk.
Sektore Publikoaren Araubide Juridikoaren urriaren 1eko 40/2015 Legearen 9.1 artikuluaren arabera, administrazio publikoetako organoek beste organo batzuei delegatu diezazkiekete beren eskumenak, baldin eta organo horiek administrazio berekoak badira.
Kasu honetan, efikazia, efizientzia eta arintasun administratiboko arrazoiek gomendagarri egiten dute CoFFEE eta MINERVA aplikazioak erabiltzeko funtzioak eta horiekin lotutako beste kudeaketa-funtzio batzuk sailburuak ez, baizik eta ohiko kudeaketatik gertuago dauden zuzendaritzako langileek betetzea. Horregatik, bidezkoa da langile horien aldeko eskuordetza bat antolatzea.
EBAZTEN DUT:
Lehenengoa.– Bigarren ebazpen-zatian aipatzen den Zerbitzuen zuzendariaren esku uztea eragiketaren arduradunaren honako eginkizun hauek, urtarrilaren 24ko HFP/55/2023 Aginduan araututako interes-arriskuaren analisi sistematikoaren ondorioetarako:
– Ziurtatzea eragiketaren erreferentzia-kodea (CRO) sortzen dela CoFFEE aplikazioan (4.3 artikulua).
– Sartu MINERVA aplikazioan eta sartu CRO kodea eta informazioa (IFZ), prozeduretan esku hartzen duten pertsonei eta eragiketako erabakitzaileei buruzkoa (4.4 artikulua).
– MINERVAn kargatzea interes-gatazkarik ez dagoelako egindako adierazpenak (4.4 artikulua).
– Bandera gorrien berri ematea eragindako erabakitzaileari eta haren nagusi hierarkikoari, eragindakoa, hala badagokio, abstenitu dadin [5. artikulua, b) eta c) letrak].
– MINERVA-analisiaren emaitza bidaltzea proiektuen edo azpiproiektuen organo kudeatzaileei (edo haien baliokideari, erakunde instrumentalen kasuan) [5. artikulua, c) letra].
– Analisiaren emaitza CoFFEEn erregistratzen dela ziurtatzea [5. artikulua, c) letra].
– Abstentziorik izan ezean, MINERVAn informazio gehigarria eskatzea detektatutako arriskuei buruz, eta eraginpeko erabakitzailearen goragoko organoari helaraztea (6.2 artikulua).
– Iruzurraren aurkako dagokion batzordera jotzea, kasu jakin batean abstentziorik egin behar den adieraz dezan (6.3 artikulua).
– Ziurtatzea interes-gatazkarik ezaren alegazio arrazoituari buruzko dokumentazioa CoFFEEn kargatzen dela (6.4 artikulua).
Bigarrena.– Eginkizun horiek honako pertsona honek eskuordetu ditu:
– Ainara Saez Amaro, Kultura eta Hizkuntza Politika Saileko Zerbitzuen zuzendaria, Next Generation funtsen kudeaketaz arduratzen dena.
Hirugarrena.– Eskuordetze hau edozein unetan ezeztatu ahal izango da agindu bidez.
Laugarrena.– Agindu hau dagozkion bitarteko ofizialen bidez emango da argitara, eta, nolanahi ere, Euskal Autonomia Erkidegoko Administrazio Orokorraren egoitza elektronikoan argitaratuko da.
Vitoria-Gasteiz, 2025eko martxoaren 6a.
Jaurlaritzako lehenengo lehendakariorde eta Kultura eta Hizkuntza Politikako sailburua,
IBONE BENGOETXEA OTAOLEA.