RSS
32. zk., 2025eko otsailaren 17a, astelehena
- Bestelako formatuak:
- PDF (129 KB - 2 orri.)
- EPUB (108 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
OSASUN SAILA
754
IRAGARKIA, Gipuzkoako Osasuneko lurralde-ordezkariarena, G 41 2024 S zehapen-prozedurari hasiera emateko Osasun Publikoaren eta Adikzioen zuzendariak hartu duen erabakia jakinarazteko dena.
IFZ: B75190041 zenbakia duen pertsonari, ezin izan diogu ohiko moduan jakinarazi zehapen-espedienteari hasiera emateko erabakia. Horregatik argitaratzen da iragarki hau, Administrazio Publikoen Administrazio Prozedura Erkidearen urriaren 1eko 39/2015 Legeak 44. eta 46. Artikuluetan xedatutakoa betez.
Horren arabera, jakinarazten zaio 2025eko urtarrilaren 9an zehapen-espedienteari hasiera emateko erabakia hartu dela, osasun-araudiaren balizko arau-hauste bategatik.
Legezko ohartarazpenak:
– Interesdunak hamabost eguneko epea du hasierako erabakia ikusteko, bidezkotzat jotzen dituen alegazioak, agiriak edo argibideak aurkezteko, frogaldia irekitzeko eskabidea egiteko eta egoki iritzitako frogabideak proposatzeko; epe horretan, halaber, espedientea ikusi ahal izango du Gipuzkoako Lurralde Ordezkaritzan (Antso jakituna etorbidea 35, Donostia).
Aipatutako epean alegaziorik egin ezean, erabaki hau ebazpen-proposamentzat hartu ahal izango da, urriaren 1eko 39/2015 Legeak, Administrazio Publikoen Administrazio Prozedura Erkidearenak, 64.2.f) artikuluan ezarritakoaren arabera.
– Erantzukizuna onartzeko aukera dago, aipatutako 39/2015 Legearen 85. artikuluaren ondorioekin, alegia, dagokion zehapena ezarriz amai daiteke prozedura eta hasieran ezarritako isun-zehapenaren zenbatekoa % 20a murriztuko da.
Halaber, ebazpena baino lehenagoko edozein unetan borondatez ordaintzeak amaitu egingo du prozedura eta proposatutako isun-zehapenaren zenbatekoari % 20ko murrizketa egingo zaio.
Kasu bietan, metagarriak diren murrizketaz baliatzeko, zehapenaren aurka administrazio-bidean jarritako egintza edo errekurtsotan atzera edo uko egin beharra dago. Ordainketa-gutuna iragarki honen 1. puntuan zehaztutako zuzendaritzan eskatu ahal izango da.
Hori guztia, Estatuko Aldizkari Ofizialean argitaratuz jakinarazten da hori guztia, urriaren 1eko 39/2015 Legearen 44. artikuluan ezarritakoaren arabera.
Jakinarazpen honek «dies a quo» moduan ditu ondorioak, epe-kontaketari dagokionez, Estatuko Aldizkari Ofizialean argitaratzen denetik aurrera.
Donostia, 2025eko urtarrilaren 30a.
Gipuzkoako Osasuneko lurralde-ordezkaria,
JOSE RAMON ARAMBARRI BADIOLA.