Euskal Herriko Agintaritzaren Aldizkaria

15. zk., 2025eko urtarrilaren 23a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

ENERGIAREN EUSKAL ERAKUNDEA

372

EBAZPENA, 2025eko urtarrilaren 15ekoa, Energiaren Euskal Erakundeko zuzendari nagusiarena, energia-iturri berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programari dagozkion pizgarrien bi programetako aurrekontua agortu izana argitara ematen duena, NextGenerationEU Europar Batasunak finantzatutako Suspertze, Eraldatze eta Erresilientzia Planaren esparruan.

Lehenengoa.– Suspertze, Eraldatze eta Erresilientzia Planaren esparruan energia-iturri berriztagarrien bidezko autokontsumoari eta biltegiratzeari eta bizitegi-sektorean sistema tekniko berriztagarriak ezartzeari lotutako pizgarri-programak egikaritzeko autonomia-erkidegoei eta Ceutako eta Melillako hiriei laguntzak zuzenean ematea onartzen duen ekainaren 29ko 477/2021 Errege Dekretuak (2021eko ekainaren 30eko BOE, 155. zenbakia) energia-iturri berriztagarrien bidezko autokontsumoari eta biltegiratzeari eta bizitegi-sektorean sistema tekniko berriztagarriak ezartzeari lotutako pizgarriak emateko oinarri arautzaileak ezarri zituen, Suspertze, Eraldatze eta Erresilientzia Planaren esparruan.

Euskadiren kasurako dagokion aurrekontua, Errege Dekretu horren V. eranskinean ezarritako laguntzaren zenbateko totalari dagokionez, 37.173.437 euro da.

Bigarrena.– Energiaren Euskal Erakundeko zuzendari nagusiaren 2021eko irailaren 22ko Ebazpenak (2021eko urriaren 1eko EHAA, 197. zenbakia) energia berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programa arautzen duten oinarriak onartu, deitu eta argitaratu zituen, Suspertze, Eraldatze eta Erresilientzia Planaren esparruan.

Hirugarrena.– Ondoren, energia-iturri berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programaren oinarrien edukia aldatu zuen, Suspertze, Eraldatze eta Erresilientzia Planaren esparruan, honako hauen bidez:

– Energia berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programa arautzen duten oinarriak onartzen, deitzen eta argitaratzen dituen Energiaren Euskal Erakundeko zuzendari nagusiaren 2021eko irailaren 22ko Ebazpena aldatzen duen Energiaren Euskal Erakundeko zuzendariaren 2022ko apirilaren 20ko Ebazpena, betiere Suspertze, Eraldatze eta Erresilientzia Planaren esparruan (2022ko maiatzaren 3ko EHAA, 84. zenbakia).

– Energia berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programa arautzen duten oinarriak onartzen, deitzen eta argitaratzen dituen Energiaren Euskal Erakundeko zuzendari nagusiaren 2021eko irailaren 22ko Ebazpena bigarrenez aldatzen duen Energiaren Euskal Erakundeko zuzendari nagusiaren 2022ko ekainaren 29ko ebazpena, betiere Suspertze, Eraldatze eta Erresilientzia Planaren esparruan (2022ko uztailaren 15eko EHAA, 137. zenbakia).

Laugarrena.– Energiaren Euskal Erakundeko zuzendari nagusiaren 2022ko uztailaren 8ko Ebazpen bidez aldatu zen energia-iturri berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programaren aurrekontu-zuzkidura, Energiaren Euskal Erakundeko zuzendari nagusiaren 2021eko irailaren 22ko Ebazpen bidez ezarritako Suspertze, Eraldatze eta Erresilientzia Planaren esparruan, eta iragarri zen ondoriozko aurrekontu-zuzkidura (2022ko uztailaren 26ko EHAA, 143. zenbakia).

Bereizitako bi jatorri zituen ebazpen horretan jasotako diru-kopuruaren igoerak:

a) Alde batetik, 37.173.436,99 euroko zenbateko gehigarria, Energia Dibertsifikatzeko eta Aurrezteko Institutuko presidentearen 2022ko ekainaren 10eko Ebazpen bidez gauzatutakoa, ebazpen horretan Euskal Autonomia Erkidegoari 37.173.436,99 euroko zenbateko gehigarria ematea erabaki zelarik energia-iturri berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programarako, Suspertze, Eraldatze eta Erresilientzia Planaren esparruan.

b) Beste alde batetik, SEEP Funtsetatik datozen baliabideekiko 20.000.000 euroko zenbateko gehigarri eta osagarria, EEEren baliabide propioetatik ateratakoa.

Bosgarrena.– Energiaren Euskal Erakundeko zuzendari nagusiaren 2023ko apirilaren 5eko Ebazpen bidez, pizgarri-programa bakoitzari dagokion zenbatekoa berresleitu zen, 2021eko irailaren 22ko Ebazpen bidez Suspertze, Eraldatze eta Erresilientzia Planaren esparruan ezarritako energia berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programaren aurrekontu handituari buruzkoa. Deialdiaren diru-zuzkidura 66.784.314,28 eurora iristen zen Suspertze eta Erresilientzia Mekanismoaren kargurako finantzaketari dagokionez.

Seigarrena.– Energiaren Euskal Erakundeko zuzendari nagusiaren 2023ko urriaren 11ko Ebazpen bidez, aldatu egin zen energia-iturri berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programaren aurrekontu-zuzkidura, Energiaren Euskal Erakundeko zuzendari nagusiaren 2021eko irailaren 22ko Ebazpen bidez ezarritako Suspertze, Eraldatze eta Erresilientzia Planaren esparruan, eta iragarri zen ondoriozko aurrekontu-zuzkidura (2023ko urriaren 25eko EHAA, 204. zenbakia), 12.242.486,40 euroko zenbateko gehigarriarekin (378.633,60 euroko dagozkion zeharkako gastuak kendu ondoren), Suspertze eta Erresilientzia Mekanismoaren kargura emandako funtsetatik datorrena.

Zazpigarrena.– Energiaren Euskal Erakundeko zuzendari nagusiaren 2023ko azaroaren 30eko Ebazpen bidez, aldatu egin zen energia-iturri berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programaren aurrekontu-zuzkidura, Energiaren Euskal Erakundeko zuzendari nagusiaren 2021eko irailaren 22ko Ebazpen bidez ezarritako Suspertze, Eraldatze eta Erresilientzia Planaren esparruan, eta iragarri zen ondoriozko aurrekontu-zuzkidura (2023ko abenduaren 12ko EHAA, 235. zenbakia), 27.738.773,55 euroko zenbateko gehigarriarekin (1.459.935,45 euroko dagozkion zeharkako gastuak kendu ondoren), Suspertze eta Erresilientzia Mekanismoaren kargura emandako funtsetatik datorrena. Deialdiaren diru-zuzkidura 106.765.574,23 eurora iristen zen, Suspertze eta Erresilientzia Mekanismoaren kargurako finantzaketari dagokionez.

Zortzigarrena.– Energiaren Euskal Erakundeko zuzendari nagusiaren 2024ko uztailaren 15eko Ebazpen bidez, aldatu egin zen energia-iturri berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programaren aurrekontu-zuzkidura, Energiaren Euskal Erakundeko zuzendari nagusiaren 2021eko irailaren 22ko Ebazpen bidez ezarritako Suspertze, Eraldatze eta Erresilientzia Planaren esparruan, eta iragarri zen ondoriozko aurrekontu-zuzkidura (2024ko uztailaren 30eko EHAA, 148. zenbakia), 4.127.323,00 euroko zenbateko gehigarriarekin, Suspertze eta Erresilientzia Mekanismoaren kargura emandako funtsetatik datorrena. Igoera hori Suspertze eta Erresilientzia Mekanismoaren osagaien artean banatu zen (horien kargura dago finantzatuta pizgarri-programa).

Bederatzigarrena.– EEEko zuzendari nagusiaren 2024ko abuztuaren 8ko Ebazpenaren bidez (2024ko abuztuaren 23ko EHAA, 164. zk.), 2024ko uztailaren 15eko Ebazpenaren bidez onartutako aurrekontu-gehikuntzaren azken banaketa onartu zen. Ebazpen horren bidez, energia berriztagarriko iturrietako autokontsumo eta biltegiratzeari lotutako pizgarri-programaren aurrekontu-zuzkiduraren laugarren aldaketa erabaki zen, bai eta egoitza-sektorean sistema termiko berriztagarrien ezarpena ere, Europar Batasunak finantzatutako NextGenerationEU – Suspertze, Eraldatze eta Erresilientzia Planaren esparruan. Deialdiaren diru-zuzkidura 110.892.897,23 eurora iristen zen, Suspertze eta Erresilientzia Mekanismoaren kargurako finantzaketari dagokionez.

Hamargarrena.– Energiaren Euskal Erakundeko zuzendari nagusiaren 2024ko abenduaren 12ko Ebazpen bidez berresleitu eta aldatu zen energia-iturri berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programaren aurrekontu-zuzkidura, Europar Batasunak – NextGenerationEUren bidez finantzatutako Suspertze, Eraldatze eta Erresilientzia Planaren esparruan, eta ondoriozko aurrekontu-zuzkidura iragarri zen (2024ko abenduaren 24ko EHAA, 249. zenbakia), 2.490.144,39 euroko zenbateko gehigarriarekin (zuzeneko inbertsioetarako erreserbatutako soberakinen kontzeptupean, kopuru horretan zabalduz deialdi orokorraren aurrekontu-zuzkidura), Suspertze eta Erresilientzia Mekanismoaren kargura emandako funtsetatik datorrena.

Pizgarri-programaren 3. oinarrian aurreikusitako Suspertze eta Erresilientzia Mekanismoaren konturako diru-kopurua (113.383.041,62 euro) azkenean honako zenbateko hauen arabera banatuta geratu da pizgarri-programa bakoitzerako:

(Ikus .PDF)

Berreskuratze eta Erresilientzia Mekanismoaren kargurako diru-kopuruaren bosgarren igoeraren eta 2022ko uztailaren 8ko EEEko zuzendari nagusiaren Ebazpen bidez (2022ko uztailaren 26ko EHAA, 143. zk.) EEEren aurrekontuan esleitutako funts propioekin pizgarri-programara bideratutako 20.000.000 euroko gehieneko zenbateko osagarriaren arteko osagarritasun-erregimenari dagokionez, ebazpen horren bigarren erabakian ezarritakoa bete beharko da.

Hamaikagarrena.– Laguntza-programaren oinarri arautzaileen 7. eta 8. oinarrietan xedatutakoaren arabera, eskabideak aurkeztu diren hurrenkerari zorrotz jarraituz erantzungo zaie laguntza-eskaerei, funtsak agortu arte. Oinarri horiek xedatzen dute, halaber, laguntza-eskaeren ebazpenak elkarren segidako lehia-prozeduraren bidez emango direla, diruz lagundu daitekeen egoera edo jarduera garatu dela eta eskatutako gainerako baldintzak bete direla egiaztatu ondoren, deialdian esleitutako aurrekontu-kreditua agortu arte. Horrenbestez, aurkeztu diren hurrenkera zehatzaren arabera aztertuko eta tramitatuko dira eskaerak.

«2. Pizgarri Programa – Autokontsumo-instalazioak egitea, energia berriztagarriko iturriekin, ekonomiaren beste ekoizpen-sektore batzuetan, biltegiratzearekin edo gabe» programarekin loturik eta, zehazki, 7. osagaiari dagokionez («7. osagaia (Energia berriztagarrien hedatze eta integrazioa) – Autokontsumo berriztagarriko kategoria»), 2025eko urtarrilaren 14an, Energiaren Euskal Erakundeko zuzendari nagusiaren Ebazpena eman da, zeinaren bidez fondo galdurako laguntza ematen baitzaio honako egun honetan eskaera aurkeztu zuen eskatzaileari: 2023ko abenduaren 28a (ordua: 12:29:27). Laguntza hori eman izanak agortu egiten du «7. osagaia (Energia berriztagarrien hedatze eta integrazioa) – Autokontsumo berriztagarriko kategoria» osagaiari esleitutako kopurua, aipatutako pizgarri-programan, aurrekontu-zuzkiduren gehikuntzak barne hartuta.

«2. Pizgarri Programa – Autokontsumo-instalazioak egitea, energia berriztagarriko iturriekin, ekonomiaren beste ekoizpen-sektore batzuetan, biltegiratzearekin edo gabe» programarekin loturik eta, zehazki, 31. osagaiari dagokionez («31. osagaia (REPowerEU) - Autokontsumo berriztagarriko kategoria / Biltegiratze-kategoria»), 2025eko urtarrilaren 14an, Energiaren Euskal Erakundeko zuzendari nagusiaren Ebazpena eman da, zeinaren bidez fondo galdurako laguntza ematen baitzaio honako egun honetan eskaera aurkeztu zuen eskatzaileari: 2023ko abenduaren 27a (ordua: 17:51:57). Laguntza hori eman izanak agortu egiten du «31. osagaia (REPowerEU) - Autokontsumo berriztagarriko kategoria / Biltegiratze-kategoria» osagaiari esleitutako kopurua, aipatutako pizgarri-programan, aurrekontu-zuzkiduren gehikuntzak barne hartuta.

«5. Pizgarri Programa – Autokontsumoko instalazioetan biltegiratzea txertatzea, dagoeneko egoitza-sektorean, administrazio publikoetan eta hirugarren sektorean badauden energia berriztagarriko iturriekin» programarekin loturik eta, zehazki, 8. osagaiari dagokionez («8. osagaia (Azpiegitura elektrikoak, sare adimendunetan sustatzea eta malgutasunaren eta biltegiratzearen hedatzea) – Biltegiratze-kategoria»), 2025eko urtarrilaren 13an, Energiaren Euskal Erakundeko zuzendari nagusiaren Ebazpena eman da, zeinaren bidez fondo galdurako laguntza ematen baitzaio honako egun honetan eskaera aurkeztu zuen eskatzaileari: 2023ko ekainaren 7a (ordua: 13:16:37). Laguntza hori eman izanak agortu egiten du «8. osagaia (Azpiegitura elektrikoak, sare adimendunen sustapena eta malgutasuna eta biltegiratzea hedatzea) – Biltegiratze-kategoria» osagaiari esleitutako kopurua, aipatutako pizgarri-programan, aurrekontu-zuzkiduren gehikuntzak barne hartuta.

«5. Pizgarri Programa – Autokontsumoko instalazioetan biltegiratzea txertatzea, dagoeneko egoitza-sektorean, administrazio publikoetan eta hirugarren sektorean badauden energia berriztagarriko iturriekin» programarekin lotuta eta, zehazki, 31. osagaiari dagokionez («31. osagaia (REPowerEU) – Autokontsumo Berriztagarriko kategoria / Biltegiratze-kategoria»), 2025eko urtarrilaren 13an, Energiaren Euskal Erakundeko zuzendari nagusiaren Ebazpena eman da, zeinaren bidez fondo galdurako laguntza ematen baitzaio honako egun honetan eskaera aurkeztu zuen eskatzaileari: 2023ko ekainaren 7a (ordua: 12:46:06). Laguntza hori eman izanak agortu egiten du «31. Osagaia (REPowerEU) – Autokontsumo berriztagarriko kategoria / Biltegiratze-kategoria» osagaiari esleitutako kopurua, aipatutako pizgarri-programan, aurrekontu-zuzkiduren gehikuntzak barne hartuta.

Aurretik azaldutako guztiagatik, eta energia-iturri berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programaren pizgarrien kategoria eta programa jakin batzuetara bideratutako aurrekontu osoa agortu denez, Europar Batasuna – NextGenerationEUk finantzatutako Suspertze, Eraldatze eta Erresilientzia Planaren esparruan, hau

EBAZTEN DUT:

Lehenengoa.– Argitara ematea ezen, 2025eko urtarrilaren 14an, «2. Pizgarri Programa – Autokontsumo-instalazioak egitea, energia berriztagarriko iturriekin, ekonomiaren beste ekoizpen-sektore batzuetan, biltegiratzearekin edo gabe» programari bideratutako laguntzak emateko zegoen aurrekontua agortu dela, 7. osagaiari dagokionez («7. osagaia (Energia berriztagarrien hedatze eta integrazioa) – Autokontsumo berriztagarriko kategoria»), 2023ko abenduaren 28an (ordua: 12:29:27) aurkeztutako laguntza-eskabideari dagokion espedientean ebazpena eta laguntza eman ondoren..

Bigarrena.– Argitara ematea ezen, 2025eko urtarrilaren 14an, «2. Pizgarri Programa – Autokontsumo-instalazioak egitea, energia berriztagarriko iturriekin, ekonomiaren beste ekoizpen-sektore batzuetan, biltegiratzearekin edo gabe» programari bideratutako laguntzak emateko zegoen aurrekontua agortu dela, 31. osagaiari dagokionez («31. osagaia (REPowerEU) – Autokontsumo berriztagarriko kategoria / Biltegiratze-kategoria»), 2023ko abenduaren 27an (ordua: 17:51:57) aurkeztutako laguntza-eskabideari dagokion espedientean ebazpena eta laguntza eman ondoren.

Hirugarrena.– Argitara ematea ezen, 2025eko urtarrilaren 13an, «5. Pizgarri Programa – Autokontsumo-instalazioetan biltegiratzea txertatzea, egoitza-sektorean, administrazio publikoetan eta hirugarren sektorean dagoeneko badauden energia berriztagarriko iturriekin» programari bideratutako laguntzak emateko zegoen aurrekontua agortu dela, 8. osagaiari dagokionez («8. osagaia (Azpiegitura elektrikoak, sare adimendunen sustapena eta malgutasunaren eta biltegiratzearen hedatzea) – biltegiratze-kategoria»), 2023ko ekainaren 7an (ordua: 13:16:37) aurkeztutako laguntza-eskabideari dagokion espedientean ebazpena eta laguntza eman ondoren.

Laugarrena.– Argitara ematea ezen, 2025eko urtarrilaren 13an, «5. Pizgarri Programa – Autokontsumo-instalazioetan biltegiratzea txertatzea, egoitza-sektorean, administrazio publikoetan eta hirugarren sektorean dagoeneko badauden energia berriztagarriko iturriekin» programari bideratutako laguntzak emateko zegoen aurrekontua agortu dela, 31. osagaiari dagokionez («31. osagaia (REPower) Autokontsumo berriztagarriko kategoria / Biltegiratze-kategoria»), 2023ko ekainaren 7an (ordua: 12:46:06) aurkeztutako laguntza-eskabideari dagokion espedientean ebazpena eta laguntza eman ondoren.

Bosgarrena.– Ebazpen hau Euskal Herriko Agintaritzaren Aldizkarian argitara dadila agintzea.

Seigarrena.– Ebazpen honek administrazio-bidea agortzen du; hortaz, nahi izanez gero, berraztertzeko errekurtsoa aurkeztu ahal izango zaio Energiaren Euskal Erakundeko zuzendari nagusiari, hilabeteko epean, ebazpena EHAAn argitaratzen den egunaren biharamunetik hasita; bestela, administrazioarekiko auzi-errekurtsoa aurkeztu ahal izango da Bilboko Administrazioarekiko Auzietako Epaitegietan, bi hilabeteko epean, ebazpena EHAAn argitaratzen den egunaren biharamunetik hasita.

Bilbao, 2025eko urtarrilaren 15a.

Energiaren Euskal Erakundeko zuzendari nagusia,

MIKEL AMUNDARAIN LEIBAR.

Azterketa dokumentala