Euskal Herriko Agintaritzaren Aldizkaria

13. zk., 2025eko urtarrilaren 21a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HEZKUNTZA SAILA

330

AGINDUA, 2024ko abenduaren 19koa, Hezkuntzako sailburuarena, zeinaren bidez onartzen baita Bigarren Hezkuntzako Irakasleen Kidegoan integratu beharreko desagertzear dagoen Lanbide Heziketako Irakasle Teknikoen Kidegoko funtzionarioen behin betiko zerrenda, eta deklaratzen baita Matxalen Artetxe Madariaga andrea Bigarren Hezkuntzako Irakasleen Kidegoko integraziotik kanpo geratu dela.

Hezkuntzako sailburuaren 2023ko maiatzaren 3ko Aginduaren bidez, 2026ko urtarrilaren 19ra arte irekitako prozedura onartu zen, desagertu beharreko Lanbide Heziketako Irakasle Teknikoen Kidegoko irakasleek Bigarren Hezkuntzako irakasleen Kidegoan sartzea eskatu ahal izan zezaten.

Hezkuntza Saileko Langileak Kudeatzeko zuzendariaren 2024ko azaroaren 27ko Ebazpenaren bidez, Bigarren Hezkuntzako irakasleen Kidegoan sartzeko proposatutako langileen behin-behineko zerrenda eta prozeduratik kanpo utzitako langileen behin-behineko zerrenda argitaratu ziren, 2024ko martxoaren 1etik 2024ko irailaren 30era bitartean egindako eskaerak aztertu ondoren.

Ebazpen horren aurka aurkeztutako erreklamazioak berrikusi dira. Beraz, Hezkuntzako sailburuaren 2023ko maiatzaren 3ko Aginduaren lehenengo kapituluaren bigarren oinarrian xedatutakoarekin bat etorriz (agindu horren bidez, batetik, iraungi beharrekoa den Lanbide Heziketako Irakasle Teknikoen Kidegoko irakasleek Bigarren Hezkuntzako irakasleen Kidegoan integratzeko eska dezaten 2026ko urtarrilaren 19ra bitarte irekitako prozedura deitzen da, eta, bestetik, Hezkuntzako sailburuaren 2023ko martxoaren 30eko Agindua aldatzen duena, zeinaren bidez iraungi beharrekoa den Lanbide Heziketako Irakasle Teknikoen Kidegoko irakasleak Bigarren Hezkuntzako irakasleen Kidegoan integratzeko prozedurarako deialdia egiten da).

Matxalen Artetxe Madariagaren kasuan, Bigarren Hezkuntzako Irakasleen Kidegoko integraziotik kanpo geratzeko administrazio-prozedura hasi zen Sukaldaritza eta Pastelgintza espezialitatean, 2024ko urtarrilaren 16tik aurrerako ondorioekin, 2024ko apirilaren 24ko Aginduaren bidez emandakoa, eta 2024ko maiatzaren 20an argitaratua Euskal Herriko Agintaritzaren Aldizkarian. Interesdunari emandako 10 egun balioduneko alegazio-aldiaren ondoren, interesdunak ez du inolako alegaziorik aurkeztu. Horregatik guztiagatik,

XEDATZEN DUT:

Lehenengoa.– Bigarren Hezkuntzako Irakasleen Kidegoan sartzen diren Lanbide Heziketako Irakasle Teknikoen Kidegoko desagertzear dauden funtzionarioen behin betiko zerrenda onartzea. Zerrenda hauek osatzen dute zerrenda:

I. eranskina.– Bigarren Hezkuntzako Irakasleen Kidegoko espezialitateetan sartzeko proposatutako langileen behin betiko zerrenda, espezialitatearekin batera, eta horrek ondorioak izango dituen data.

II. eranskina.– prozeduratik baztertutako langileen behin betiko zerrenda, baztertzeko arrazoiak adierazita.

Bigarrena.– Aurreko eranskinak Euskal Autonomia Erkidegoko Hezkuntza Sailaren webgunean (http://www.euskadi.eus/eusko-jaurlaritza/hezkuntza-saila/) eta https://hezigunea.euskadi.eus helbidean erakusteko agintzea, agindu hau EHAAn argitaratzen den egunetik aurrera.

Hirugarrena.– Matxalen Artetxe Madariaga (***6664** NANarekin) Bigarren Hezkuntzako Irakasleen Kidegoko integraziotik kanpo geratu dela deklaratzea, Sukaldaritza eta Pastelgintza espezialitatean, 2024ko urtarrilaren 16tik aurrerako ondorioekin, honako baldintzak ez betetzeagatik: desagertzear dagoen Lanbide Heziketako Irakasle Teknikoen Kidegoko karrerako funtzionario ez izateagatik eta kidego horretan jardunean ez egoteagatik.

AZKEN XEDAPENETAKO LEHENENGOA.– Indarrean jartzea.

Agindu honek Euskal Herriko Agintaritzaren Aldizkarian argitaratu eta hurrengo egunetik aurrera izango ditu ondorioak.

AZKEN XEDAPENETAKO BIGARRENA.– Errekurtsoak.

Agindu honen aurka, aukerako berraztertzeko errekurtsoa aurkez dakioke Hezkuntzako sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera; bestela, administrazioarekiko auzi-errekurtsoa aurkez daiteke Administrazioarekiko Auzien Epaitegian, bi hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.

Vitoria-Gasteiz, 2024ko abenduaren 19a.

Hezkuntzako sailburua,

MARÍA BEGOÑA PEDROSA LOBATO.

(Ikus .PDF)

Azterketa dokumentala