Euskal Herriko Agintaritzaren Aldizkaria

252. zk., 2024ko abenduaren 30a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

BIZKAIKO FORU ALDUNDIA

5994

IRAGARKIA, Bizkaiko foru-errepideetako soinu-kalitatea hobetzeko 2024-2029 aldirako Ekintza Plana informazio publikoaren izapidean jartzeari eta behin betiko onartzeari buruzkoa.

917/2024 Foru agindua, abenduaren 10ekoa, Bizkaiko foru-errepideetan soinuaren kalitatea hobetzeko 2024-2029 aldirako Ekintza Plana jendaurreko informazioan jarri eta behin betiko onartzen duena.

213/2012 Dekretuak, urriaren 16koak, Euskal Autonomia Erkidegoko hots-kutsadurari buruzkoak, 18., 19. eta 30.1 artikuluetan ezarritakoa betez, aipatu Foru Aginduaren bitartez hau xedatu da:

Lehenengoa.– Bizkaiko foru-errepideetako soinu-kalitatea hobetzeko 2024-2029 epealdirako Ekintza Plana jendaurreko informazioan jartzen da, Azpiegituretarako eta Lurralde Garapenerako Sailaren Ingurumena Iraunarazteko Atalak egindako txosten-proposamenak hitzez hitz azaldutakoaren arabera. Hala, oso-osorik onartzen da ebazpen honetan eta testuari eranskin modura gehituko zaio. Beraz, 39/2015 Legeak, urriaren 1ekoak, Administrazio Publikoen Administrazio Prozedura Erkideari buruzkoak, 88.6 artikuluan xedatutakoaren babesean, arrazoitzeko erabiliko da.

Bigarrena.– Bizkaiko foru-errepideetako soinu-kalitatea hobetzeko 2024-2029 epealdirako Ekintza Plana behin betiko onesten da.

Hirugarrena.– foru agindu hau Euskal Herriko Agintaritzaren Aldizkarian nahiz Bizkaiko Aldizkari Ofizialean argitaratzea, eta berariaz adieraztea Bizkaiko foru-errepideetako soinu-kalitatea hobetzeko ekintza-plana (2024-2029 aldia) esteka honetan argitaratuta dagoela:

https://www.bizkaia.eus/eu/gaia-xehetasuna/-/edukia/dt/12354

Laugarrena.– foru agindu hau, Bizkaiko foru-errepideetako soinu-kalitatea hobetzeko 2024-2029 epealdirako Ekintza Planaren kopia digitalizatuarekin batera, Eusko Jaurlaritzako Ekonomiaren Garapen, Jasangarritasun eta Ingurumen Sailari jakinaraziko zaio, 213/2012 Dekretuak, urriaren 16koak, Euskal Autonomia Erkidegoko hots-kutsadurari buruzkoak, 16.2 artikuluan xedatutakoarekin bat. Halaber, Trantsizio Ekologikorako eta Erronka Demografikorako Ministerioaren bitartez Europar Batzordeari helaraziko zaio, ingurune-zarata ebaluatu eta kudeatzeari buruzko 2002/49/EB Zuzentarauak eskatutakoari erantzuteko.

Bosgarrena.– Bizkaiko foru-errepideetako soinu-kalitatea hobetzeko 2024-2029 epealdirako Ekintza Planarekiko alegazioak egin dituen udalari berariaz jakinaraziko zaie erantzuna. Horrez gain, jakinaraziko zaie, horren kontra administrazioarekiko auzi-errekurtsoa jar dezaketela, jakinarazpena jaso eta biharamunetik zenbatzen hasita bi (2) hilabeteren buruan Euskal Autonomia Erkidegoko Justizia Auzitegi Nagusiaren aurrean. Aukeran, administrazioarekiko auzi-bidera jo baino lehen, jakinarazpena jaso eta hurrengo egunetik zenbatzen hasita, hilabeteko (1) epean ebazpena eman duen organoaren aurrean berraztertzeko errekurtsoa jartzeko aukera dute; bidezkoa bada, egokitzat jotzen duten bestelako errekurtsorik jartzea gorabehera.

Hori guztia egin daiteke artikulu hauetan xedatutakoaren arabera: otsailaren 13ko 3/1987 Foru Arauaren, Bizkaiko Lurralde Historikoko Foru Erakundeen Hautespen, Antolaketa, Araubide eta Funtzionamenduari buruzkoaren, 69. artikulua; urriaren 1eko 39/2015 Legearen, Administrazio Publikoen Administrazio Prozedura Erkideari buruzkoaren, 114. eta 123. artikuluak; eta uztailaren 13ko 29/1998 Legearen, Administrazioarekiko Auzien Jurisdikzioa arautzen duenaren, 8.2, 25.1 eta 46.1 artikuluak.

Bilbao, 2024ko abenduaren 17a.

Azpiegituretarako eta Lurralde Garapenerako Sailaren foru diputatua,

CARLOS ALZAGA SAGASTASOLOA.

Azterketa dokumentala