Euskal Herriko Agintaritzaren Aldizkaria

251. zk., 2024ko abenduaren 27a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

XEDAPEN OROKORRAK

TURISMO, MERKATARITZA ETA KONTSUMO SAILA

5951

EBAZPENA, 2024ko abenduaren 12koa, Euskadiko Prezioen Batzordeko lehendakariarena, bidaiariak auto-taxien bidez eramateko hiri barruko garraioaren zerbitzu publikoa emateko Euskal Autonomia Erkidegoko udal batek aurkeztutako 2025. urterako tarifak onartzekoa.

Euskadiko Prezioen Batzordeak, 2024ko abenduaren 12an egindako bileran, erabaki bat hartu zuen, eta, jende guztia jakinaren gainean egoteko, segidan transkribatzen da haren xedapena.

ERABAKIA

Euskal Autonomia Erkidegoko udal batek eskaria aurkeztu du Turismo, Merkataritza eta Kontsumo Saileko Zerbitzu Zuzendaritzan, bidaiariak auto-taxien bidez eramateko hiri barruko garraioaren zerbitzu publikoaren 2025. urterako tarifak berrikusteko.

Hiri barruan bidaiariak auto-taxiz garraiatzeko tarifek prezioak kontrolatzeko arautegia bete behar dute, «autonomia-erkidegoen eremuan baimendutako prezioen» modalitatean, hala ezarrita baitago Zerga-arloko eta Jarduera Ekonomikoa Sustatu eta Liberalizatzeko ekainaren 7ko 7/1996 Errege Dekretuaren 16.4 artikuluan (ekainaren 8ko BOE, 139. zk.).

Euskadiko Prezioen Batzordeak du prezioen kontrolaren inguruko eskumena, Euskadiko Prezioen Batzordea arautzen duen otsailaren 2ko 35/2010 Dekretuarekin bat etorriz (otsailaren 16ko EHAA, 31. zk.) eta Baimendutako prezioak eta jakinarazitako prezioak berrikusteko prozedura ezartzen duen Ekonomia eta Ogasuneko sailburuaren 2010eko ekainaren 15eko Aginduari jarraituz (uztailaren 6ko EHAA, 128. zk.).

Aipatutako arauen helburua da nolabaiteko ekonomia-oreka lortzea, premiazkoa baita prezioak ezartzeko mekanismoak kontrolatzea bizitzaren kostua aintzat hartuta.

2025. urterako aurkeztu diren tarifak berrikusteko espedientea aztertu ondoren, tarifak nahikotzat jotzen dira, eta zerbitzua emateagatiko kostuen egituraren barruan sartzen diren kontzeptuetara egokiturik daudela uste da.

Hori guztia kontuan hartuta, Euskadiko Prezioen Batzordeak erabaki hauek hartu ditu:

Lehenengoa.– Euskal Autonomia Erkidegoko udal honek bidaiariak auto-taxien bidez eramateko hiri barruko garraioaren zerbitzu publikoa emateko aurkeztutako 2025. urterako tarifak onartzea, Balio Erantsiaren Gaineko Zerga barne dela:

Vitoria-Gasteizko Udala:

(Ikus .PDF)

Bigarrena.– Erabaki honek 2025eko urtarrilaren 1etik aurrera izango ditu ondorioak.

Ebazpen honek amaiera ematen dio administrazio-bideari, eta, beronen aurka, aukerako berraztertze-errekurtsoa aurkez daiteke, hilabeteko epean, ebazpena Euskal Herriko Agintaritzaren Aldizkarian argitaratu eta biharamunetik aurrera; edo, zuzenean, administrazioarekiko auzi-errekurtsoa aurkez daiteke EAEko Auzitegi Nagusiko Administrazioarekiko Auzien Salan, bi hilabeteko epean, ebazpena argitaratu eta biharamunetik aurrera.

Vitoria-Gasteiz, 2024ko abenduaren 12a.

Euskadiko Prezioen Batzordeko lehendakaria,

JAKES AGuIRREZABAL IRIBAR.

Azterketa dokumentala