Euskal Herriko Agintaritzaren Aldizkaria

244. zk., 2024ko abenduaren 17a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

ENERGIAREN EUSKAL ERAKUNDEA

5797

EBAZPENA, 2024ko abenduaren 3koa, Energiaren Euskal Erakundeko zuzendari nagusiarena, ekonomiaren hainbat sektoretan energia berriztagarri termikoen instalazioak ezartzeko pizgarri-programaren aurrekontu-zuzkidura berresleitzea erabakitzen duena, Europar Batasunak (NextGenerationEU) finantzatutako Suspertze, Eraldaketa eta Erresilientzia Planaren esparruan.

Lehenengoa.– 1124/2021 Errege Dekretuaren bidez (1124/2021 Errege Dekretua, abenduaren 21ekoa, autonomia-erkidegoei eta Ceutako eta Melillako hiriei laguntzak zuzenean ematea onartzen duena ekonomiaren hainbat sektoretan instalazio berriztagarri termikoak ezartzeari lotutako pizgarri-programak gauzatzeko Suspertze, Eraldatze eta Erresilientzia Planaren esparruan; 2021eko abenduaren 22ko BOE, 305. zenbakia), ekonomiaren hainbat sektoretan instalazio berriztagarri termikoak ezartzeari lotutako pizgarriak emateko oinarri arautzaileak ezarri ziren, betiere Europar Batasunak (NextGenerationEU) finantzatutako Suspertze, Eraldatze eta Erresilientzia Planaren esparruan.

EAEri dagokion aurrekontua, Errege Dekretu horren V. eranskinean ezarritako laguntzaren zenbateko osoari dagokionez, 8.941.671 euro da.

Bigarrena.– EAErako esleitutako aurrekontu osotik (8.941.671 euro) % 10 (894.167,10 euro) erreserbatu zen Eusko Jaurlaritzak burutu beharreko zuzeneko inbertsioak egiteko, 1124/2021 Errege Dekretuan adierazitakoari jarraikiz.

Hirugarrena.– EEE Energiaren Euskal Erakundeko zuzendari nagusiaren 2022ko martxoaren 8ko Ebazpenaren bidez (2022ko martxoaren 21eko EHAA Euskal Herriko Agintaritzaren Aldizkarian argitaratutakoa, 57. zenbakia) Europar Batasunak (NextGenerationEU) finantzatutako Suspertze, Eraldatze eta Erresilientzia Planaren esparruan ekonomiaren hainbat sektoretan energia termiko berriztagarrien instalazioak ezartzeko pizgarri-programa arautzen duten oinarriak onartu, deitu eta argitaratu ziren.

Laugarrena.– EEEko zuzendari nagusiaren 2022ko ekainaren 30eko Ebazpenaren bidez (2022ko uztailaren 15eko EHAA Euskal Herriko Agintaritzaren Aldizkarian argitaratutakoa, 137. zenbakia) aldatu zen 2022ko martxoaren 8ko Ebazpena, Europar Batasunak (NextGenerationEU) finantzatutako Suspertze, Eraldatze eta Erresilientzia Planaren esparruan ekonomiaren hainbat sektoretan energia termiko berriztagarrien instalazioak ezartzeko pizgarri-programa arautzen duten oinarriak onartu, deitu eta argitaratu zituena.

Bosgarrena.– EEEko zuzendari nagusiaren 2023ko urriaren 2ko Ebazpenaren bidez (2023ko urriaren 17ko EHAA Euskal Herriko Agintaritzaren Aldizkarian argitaratutakoa, 198. zenbakia) Europar Batasunak (NextGenerationEU) finantzatutako Suspertze, Eraldatze eta Erresilientzia Planaren esparruan ekonomiaren hainbat sektoretan energia termiko berriztagarrien instalazioak ezartzeko pizgarri-programaren aurrekontu-zuzkidura aldatu zen, 8.941.671,00 euroko zenbateko gehigarriarekin.

Seigarrena.– EEEko zuzendari nagusiaren 2023ko azaroaren 29ko Ebazpenaren bidez (2023ko abenduaren 12ko EHAAn argitaratutakoa, 235. zenbakia) Europar Batasunak (NextGenerationEU) finantzatutako Suspertze, Eraldatze eta Erresilientzia Planaren esparruan ekonomiaren hainbat sektoretan energia termiko berriztagarrien instalazioak ezartzeko pizgarri-programaren aurrekontu-zuzkidura aldatu zen, 4.911.153,00 euroko zenbateko gehigarriarekin.

Zazpigarrena.– EEEko zuzendari nagusiaren 2023ko abenduaren 28ko Ebazpenaren bidez (2023ko abenduaren 29ko EHAAn argitaratutakoa, 247. zenbakia) erabaki zen besteak beste Europar Batasunak (NextGenerationEU) finantzatutako Suspertze, Eraldatze eta Erresilientzia Planaren esparruan ekonomiaren hainbat sektoretan energia termiko berriztagarrien instalazioak ezartzeko pizgarri-programaren indarraldia luzatzea.

Zortzigarrena.– EEEko zuzendari nagusiaren 2024ko otsailaren 20ko Ebazpenaren bidez (2024ko martxoaren 8ko EHAA Euskal Herriko Agintaritzaren Aldizkarian argitaratutakoa, 50. zenbakia) onartu zen 2022ko martxoaren 8ko Ebazpenaren bigarren aldaketa (Ebazpena, 2022ko martxoaren 8koa, Europar Batasunak –NextGenerationEU– finantzatutako Suspertze, Eraldatze eta Erresilientzia Planaren esparruan ekonomiaren hainbat sektoretan energia termiko berriztagarrien instalazioak ezartzeko pizgarri-programa arautzen duten oinarriak onartu, deitu eta argitaratu zituena).

Bederatzigarrena.– EEEko zuzendari nagusiaren 2024ko uztailaren 9ko Ebazpenaren bidez (2024ko uztailaren 19ko EHAAn argitaratutakoa, 142. zenbakia) Europar Batasunak (NextGenerationEU) finantzatutako Suspertze, Eraldatze eta Erresilientzia Planaren esparruan ekonomiaren hainbat sektoretan energia termiko berriztagarrien instalazioak ezartzeko pizgarri-programaren aurrekontu-zuzkidura aldatu zen, 3.841.767,00 euroko zenbateko gehigarriarekin, zeharkako gastuak (115.253,00 euro) kendu ondoren.

Hamargarrena.– 1124/2021 Errege Dekretuaren 8. artikuluko 3. apartatuak autonomia-erkidego bakoitzaren eta Ceuta eta Melilla hirien eskura uzten du aurrekontuaren banaketa egitea definitutako jarduketa subentzionagarrien artean. Hasiera batean funtsen % 70 gutxienez 1. pizgarri-programara zuzkitua izan zedila eskatzen bazuen ere, mugaketa hori kendu egin zen 1. eta 2. pizgarri-programen deialdia itxi ondoren, egungo funtsen saldoa programen artean konpentsatzea ahalbidetuz gaur egun dauden eskaeren kopuru albait handiena konprometitzeko asmoz.

EEEk deitutako laguntzen programaren bilakaerak agerian uzten du 1. pizgarri-programako funts jakin batzuk (1.785.863,00 euro) 2. pizgarri-programara berresleitzeko premia, kontuan izanda 1. pizgarri-programara konprometitutako aurrekontua programaren aurrekontu-zuzkidura baino txikiagoa dela, eta 2. pizgarri-programa funts gehiagorekin zuzkitzeko premia aurreikusiz laguntza-eskaeren kopuru albait handienari erantzuteko asmoz.

Azaldutakoaren arabera, hau

EBAZTEN DA:

Lehenengoa.– «Europar Batasunak (NextGeneratioEU) finantzatutako Suspertze, Eraldaketa eta Erresilientzia Planaren esparruan ekonomiaren hainbat sektoretan energia berriztagarri termikoen instalazioak ezartzeko pizgarri-programaren» aurrekontu-zuzkiduraren berresleipena erabakitzea, plana osatzen duten pizgarri-programa guztien artean, banakapen honi jarraikiz:

(Ikus .PDF)

Bigarrena.– Ebazpen hau EHAA Euskal Herriko Agintaritzaren Aldizkarian argitaratzea.

Hirugarrena.– Ebazpen honek administrazio-bidea amaitzen du; hortaz, nahi izanez gero, berraztertze-errekurtsoa aurkeztu ahal izango zaio EEEko zuzendari nagusiari, EHAAn argitaratzen den egunaren biharamunetik hasita hilabeteko epean, edo administrazioarekiko auzi-errekurtsoa aurkeztu ahal izango da Bilboko Administrazioarekiko Auzietarako auzitegietan, EHAAn argitaratzen den egunaren biharamunetik hasita bi hilabeteko epean.

Bilbao, 2024ko abenduaren 3a.

Energiaren Euskal Erakundeko zuzendari nagusia,

MIKEL AMUNDARAIN LEIBAR.

Azterketa dokumentala