Euskal Herriko Agintaritzaren Aldizkaria

241. zk., 2024ko abenduaren 12a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

INDUSTRIA, TRANTSIZIO ENERGETIKO ETA JASANGARRITASUNAREN SAILA

5690

EBAZPENA, 2024ko irailaren 2koa, Ingurumen Jasangarritasunaren sailburuordearena, zeinaren bidez formulatzen baita biometanizazio-instalazio bat jartzeko proiektuaren ingurumen-inpaktuaren adierazpena, eta berrikusi eta aldatzen baita Garbiker MP AB SAri Bilboko udal-mugartean (Bizkaia) hondakin arriskugabeen zabortegi-jarduera gauzatzeko (Artigas zabortegia) emandako ingurumen-baimen bateratua.

AURREKARIAK

Orduko Ingurumeneko sailburuordearen 2008ko apirilaren 30eko hasierako Ebazpenaren bitartez, ingurumen-baimen bateratua eman zitzaion Bilboko Udalari (Artigas zabortegia) hondakin arriskugabeen zabortegi-jarduerarako, Bilboko udal-mugartean (Bizkaia).

Orduko Ingurumen sailburuordearen 2014ko maiatzaren 21eko Ebazpenaren bidez, Bilboko Udalak (Artigas zabortegia) Bilboko udal-mugartean (Bizkaia) sustatutako hondakin arriskugabeetarako zabortegi-jardueraren ingurumen-baimen bateratua aldatu eta eraginkor egin zen.

2015eko abenduaren 3an, orduko Ingurumen sailburuordearen ebazpena bidali zen, zeinaren bidez Bizkaiko Foru Aldundiari eskualdatzen baitzaio Bilboko Udalari emandako ingurumen-baimen bateratua, hondakin arriskugabeen zabortegi-jarduerarako, Bilboko udal-mugartean (Bizkaia).

2018ko uztailaren 23an, 2019ko ekainaren 25ean, 2021eko abuztuaren 18an, 2022ko apirilaren 8an eta 2022ko azaroaren 14an, hainbat aldaketa-ebazpen eman ziren Bizkaiko Foru Aldundiak (Artigas zabortegia) Bilboko udal-mugartean (Bizkaia) sustatutako hondakin arriskugabeetarako zabortegi-jardueraren gainean, ingurumen-baimen bateratua aldatuta, hala zegokionean.

2022ko azaroaren 14an, Garbiker MP AB SA enpresari eskualdatu zitzaion Bizkaiko Foru Aldundiari emandako ingurumen-baimen bateratua, hondakin arriskugabeen zabortegi-jarduerarako, Bilboko udal-mugartean (Bizkaia).

2020ko uztailaren 8an, Hondakinak zabortegietan utziz deuseztatzeko jarduera arautzen duen uztailaren 7ko 646/2020 Errege Dekretua argitaratu zen Estatuko Aldizkari Ofizialean.

2023ko urtarrilaren 13an, Bilboko udal-mugartean (Bizkaia) kokatutako hondakin arriskugabeen zabortegi-instalazioan biometizazio-instalazio bat jartzeko proiektuari buruzko ingurumen-baimen bateratuaren eta ingurumen-inpaktuaren ebaluazioaren funtsezko aldaketa eskatu zion Garbiker MP AB SAk (Artigas zabortegia) Eusko Jaurlaritzako Ekonomiaren Garapen, Jasangarritasun eta Ingurumen Sailari, abenduaren 16ko 1/2016 Legegintzako Errege Dekretuaren bidez onartutako Kutsaduraren Prebentzio eta Kontrol Integratuaren Legearen testu bateginean xedatutakoari jarraikiz.

Eskabidearekin batera, behean adierazitako agiriak aurkeztu zituen, 2023ko uztailaren 19an osatua:

– Eskabidea.

– Administrazio-datuak.

– Txosten teknikoa.

– Ekipamenduen zerrenda.

– Planoak.

– Ingurumen-inpaktuaren azterketa.

– Sektore-dokumentazioa: airea, urak, hondakinak, zarata, lurzoruak.

– Laburpen ez-teknikoa.

Aurkeztutako dokumentazioa egokia zela egiaztatu ondoren, Ingurumenaren Kalitatearen eta Ekonomia Zirkularraren zuzendariaren 2023ko urriaren 4ko iragarki bidez erabaki zen jendaurrean jartzea biometanizazio-instalazioa jartzeko proiektua, 30 egun baliodunez, Garbiker MP AB SAk (Artigas zabortegia) sustatutako proiektua eta ingurumen-inpaktuaren azterketa, egoki iritzitako alegazioak aurkezteko. Iragarkia 2023ko urriaren 19an argitaratu zen Euskal Herriko Agintaritzaren Aldizkarian eta Eusko Jaurlaritzaren iragarki-taula elektronikoan.

Jendaurrean jartzeko izapidea amaitu ondoren, alegaziorik ez dela aurkeztu egiaztatu zen.

Kutsaduraren Prebentzio eta Kontrol Integratuaren Legearen testu bateginaren 17. eta 18. artikuluetan eta Ingurumen-ebaluazioari buruzko abenduaren 9ko 21/2013 Legearen 37. artikuluan xedatutakoa aplikatuz, Eusko Jaurlaritzako Ingurumenaren Kalitatearen eta Ekonomia Zirkularraren Zuzendaritzak 2023ko urriaren 20an txostenak eskatu zizkien honako erakunde hauei: Bilboko Udalari, Kultura Ondarearen Zuzendaritzari, Larrialdiei Aurre Egiteko eta Meteorologiako Zuzendaritzari, Ingurumen Kalitatearen eta Ekonomia Zirkularraren Zuzendaritzari, Natura Ondarearen eta Klima Aldaketaren Zuzendaritzari, Uraren Euskal Agentziari, eta Osasun Sailari, horiek guztiak Eusko Jaurlaritzaren organismoak; eta Bizkaiko Foru Aldundiko Ingurumen Zuzendaritzari, Bilbao Bizkaia Ur Partzuergoari, Ingurumen Jarduketarako Sozietate Publikoari (Ihobe SA), Ekologistak Martxan Bizkaiari, eta Eguzkizaleak elkarteari.

2023ko azaroaren 3an, 2023ko azaroaren 8an, 2023ko azaroaren 20an, 2023ko azaroaren 27an, 2023ko azaroaren 30ean, 2023ko abenduaren 18an eta 2024ko otsailaren 5ean, honako hauen txostenak jaso ziren: Eusko Jaurlaritzako Osasun Sailarena, Ihobe Ingurumen Jarduketarako Sozietate Publikoarena, Eusko Jaurlaritzako Kultura Ondarearen Zuzendaritzarena, Eusko Jaurlaritzako Natura Ondare eta Klima Aldaketa Zuzendaritzarena, Bilbao Bizkaia Ur Partzuergoarena, eta Eusko Jaurlaritzako Larrialdiei Aurre Egiteko eta Meteorologiako Zuzendaritzarena. Emaitza espedientean ageri dena da.

Ingurumen-ebaluazioari buruzko abenduaren 9ko 21/2013 Legearen 38. artikuluan xedatuta dagoena aplikatzeko, Ingurumen Jasangarritasuneko Sailburuordetzak, 2023ko abenduaren 20an eta 2024ko otsailaren 6an, jendaurrean jartzeko izapidearen eta administrazio ukituei eta pertsona interesdunei kontsultatzeko izapidearen emaitza bidali zion sustatzaileari.

2024ko otsailaren 9an, sustatzaileak komunikatu zuen ez zuela beharrezkotzat jotzen ez hasierako proiektua ez ingurumen-inpaktuaren azterketa aldatzea.

2024ko abuztuaren 2an, Kutsaduraren Prebentzio eta Kontrol Integratuari buruzko Legearen testu bateginaren 20. artikuluan xedatutakoa betez, Garbiker MP AB SAren (Artigas zabortegia) esku utzi zen espedientea.

2024ko abuztuaren 27an, Garbiker MP AB SAk (Artigas zabortegia) alegazioak aurkeztu zituen, idazki baten bidez. Ebazpen honen eranskinean daude jasota, labur, organo honek haiei buruz egindako oharrekin batera.

ZUZENBIDEKO OINARRIAK

Abenduaren 16ko 1/2016 Legegintzako Errege Dekretuaren (Kutsaduraren prebentzio eta kontrol integratuari buruzko Legearen testu bategina onartzen duena) 1. artikuluan ebazten denaren arabera, lege horren xedea da atmosfera, ura eta lurzorua ez kutsatzea edo, hori ezinezkoa denean, gutxi eta kontrolpean kutsatzea. Horretarako, ingurumen osoak babes-maila handia izatea dela xede, kutsadura prebenitu eta kontrolatzeko sistema integratu bat ezarriko da.

Kutsaduraren Prebentzio eta Kontrol Integratuaren Legearen 9. artikuluak xedatzen duena betez, ingurumen-baimen bateratua behar da 1. eranskinean aipatzen diren jardueretako edozein egiten den instalazioak ustiatzeko. Hamaikagarren artikuluaren arabera, baimen honen oinarrizko helburua baldintzak ezartzea da, araua berau aplika daitekeen instalazio guztietan betetzen dela bermatzeko; horretarako, baimena ematen parte hartuko duten administrazio publikoen artean koordinatuta egongo den prozedura bat erabili nahi da, izapideak erraztu eta partikularrek ordaindu beharreko kargak gutxitzeko. Era berean, indarrean dagoen araudian jasotako ingurumeneko administrazio-baimen guztiak egintza administratibo bakar batean bildu nahi dira. Garbiker MP AB SAren (Artigas zabortegia) kasuan, baimen hauek ematen dira: hondakin arriskugabeak kudeatzeko baimena, hondakin arriskutsuak eta arriskugabeak sortzeko baimena, saneamendu-sarera isurtzeko baimena, emisio atmosferikoetarako baimena, eta, ingurumeneko beste zehaztapen batzuen artean, lurzoruaren eta lurpeko uren kutsadura prebenitu eta zuzentzeari dagozkionak. Gainera, egiaztatu da espedientean beste administrazio eta organismo eskudun batzuek ere parte hartu dutela, nahitaezko txostenak igorriz.

Kutsaduraren Prebentzio eta Kontrol Integratuaren Legearen testu bateginaren 1. eranskinean jasota dauden jarduerak garatzen dira instalazioan; horietaz gainera, baimen honek barnean hartzen ditu aipatutako legearen aplikazio-eremuan sartzea ekarri zuten instalazioaren kokapenean garatzen diren jarduera guztiak, baita, eranskin horietan jasota ez egonik, jarduera horrekin lotura teknikoa dutenak eta sor daitezkeen emisioen, isurien eta kutsaduraren gainean ondorioak izan ditzaketenak ere.

Hondakinak zabortegietan utziz ezabatzeko jarduera arautzen duen uztailaren 7ko 646/2020 Errege Dekretuaren xedapen iragankor bakarrak eta Hondakinak eta lurzoru kutsatuak arautu eta ekonomia zirkularra bultzatzeko apirilaren 8ko 7/2022 Legeak honako hau ezartzen dute:

«Errege-dekretu hau indarrean jartzen denean martxan diren zabortegien titularrek, Hondakinak zabortegietan utziz deuseztatzeko jarduera arautzen duen abenduaren 27ko 1481/2001 Errege Dekretuaren 15. artikuluaren arabera baimendutako zabortegiak barne, eta, hala badagokie, haien erakunde ustiatzaile guztiek baimena berrikusteko eskatuko diote erakunde autonomiko eskudunari gehienez 12 hilabeteko epean, errege-dekretu hau indarrean jartzen denetik hasita, 10., 11. eta 12. artikuluei jarraikiz.

Agintaritza eskudunek hogeita hamasei hileko epea izango dute, izapidetzeko eskumena duen administrazioaren erregistroan eskaera jaso denetik hasita, eskaera izapidetu, ebatzi eta ebazpena interesdunei jakinarazteko. Agintaritza eskudunek ez badute epe horretan ebazten baimen-eskaera, eskaera ezetsitzat joko da».

7/2022 Legeak, laugarren xedapen iragankorrean, baimenen eta komunikazioen araubide iragankorra jaso eta zehazten du «autonomia-erkidegoek lege honetan ezarritakora egokituko dituztela lehendik dauden instalazioen eta jardueren baimenak eta komunikazioak, edo legea indarrean jarri aurretik aurkeztutako eskaerak eta komunikazioak, legea indarrean jarri eta hiru urteko epean».

Horregatik, hondakinak kudeatzeko baimena eguneratu behar da, aipatutako araura egokituta, eta ingurumen-baimen bateratuak dagozkion baldintzak jaso behar ditu.

Bestalde, abenduaren 16ko 1/2016 Legegintzako Errege Dekretuaren 30.2 artikulua betez, Ingurumen Jasangarritasuneko Sailburuordetzak ingurumen-jarraipena egiten du, instalazioaren ingurumen-eragin guztien analisia barne. Hala, egiaztatu da egon litekeela ingurumen-kalteren bat, hots, kirats jarioa.

Abenduaren 16ko 1/2016 Legegintzako Errege Dekretuaren bidez onartutako testu bateginaren 3. artikuluaren arabera «teknika erabilgarri onena» da jardueren eta dagokien ustiapen moten garapen-fase aurreratuena, frogatu dezakeena zenbait teknikak zein baimenaren beste baldintza batzuek (emisioak eta isuriak saihesteko edo, hori ezin bada, murrizteko, eta emisioek eta isuriek ingurumenean eta pertsonen osasunean daukaten eragina txikitzeko xedez sortuek) emisioen eta isurien muga-balioen oinarria izateko duten gaitasun praktikoa.

Arau horren 7.1 artikuluak, emisioen eta isurien muga-balioei eta neurri tekniko baliokideei buruzkoak, ezartzen du ingurumen-baimen bateratuan gehieneko emisio- eta isuri-balioak zehazteko kontuan hartu beharko dela, besteak beste, teknika erabilgarri onenei buruzko ondorioen gaineko informazioa, 8.1 artikuluan ezarritakoa betez emana, inongo teknika edo teknologia jakinik erabiltzeko agindu gabe.

Aipatutako testu bateginaren 22.5 artikuluaren arabera, organo eskudunak, TEOei buruzko ondorioetan deskribatu ez den teknika erabilgarri onenen batean oinarritutako baimen-baldintzak jartzen dituenean, honako hau egiaztatu beharko du:

a) Teknika hori 3. eranskinean azaltzen diren irizpideak bereziki aintzat hartuta zehaztu dela.

b) 7. artikuluko betekizunak betetzen direla.

Artikulu horrek, halaber, aipatzen du ezen TEOei buruzko ondorioek ez badute zehazten teknika erabilgarri onenei dagokien emisioen eta isurien muga-baliorik, organo eskudunak ziurtatu beharko duela ezen lehenengo lerrokadan adierazitako teknikak bermatzen duen ingurumen-babesaren maila TEOei buruzko ondorioetan deskribatutako teknika erabilgarri onenek eskainitakoaren parekoa dela.

Orobat, 3. eranskinak (orokorki kontuan hartu beharreko alderdiak edo kasu berezi batean kontuan hartu beharrekoak, 3.12 artikuluan definitzen diren teknika erabilgarri onenak zehazten direnean, ekintza batek ekar ditzakeen kostuak eta onurak eta zuhurtasunaren eta prebentzioaren printzipioak kontuan harturik), besteak beste, hauek aipatzen ditu:

«4.– Eskala industrialean emaitza positiboak izan dituzten prozesu, instalazio edo funtzionamendu-metodo konparagarriak.

5.– Aurrerapen teknikoak eta ezagutza zientifikoen bilakaera.

6.– Kasuan kasuko emisioen izaera, ondorioak eta bolumena.

10.– Isurien eta emisioen inpaktu globala eta ingurumeneko arriskuak prebenitzeko edo ahalik eta gehien murrizteko premia».

Hori dela eta, Sailburuordetzaren aburuz, hauxe da Teknika Erabilgarri Onena: prebentzio, tratamendu eta kontroleko neurriak ezartzea, kiratsa murrizteko. Neurri horiek instalazioaren ingurumen-baimen bateratuan jaso behar dira.

Abenduaren 16ko 1/2016 Legegintzako Errege Dekretuak onartutako Kutsaduraren prebentzio eta kontrol integratuari buruzko Legearen testu bateginaren 10. artikuluan xedatutakoarekin bat etorriz, Garbiker MP AB SAko instalazioetan (Artigas zabortegia) proposatutako aldaketa, hau da, Bilboko Garbiker MP AB SAn (Artigas zabortegia) biometanizazio-instalazio bat jartzeko proiektua, funtsezko aldaketa da.

Euskadiko Ingurumen Administrazioaren abenduaren 9ko 10/2021 Legearen 76.1 artikuluan ezarritakoa betez, ingurumen-inpaktuaren ebaluazio arrunta egingo zaio ingurumen-ebaluazioaren eremuan dagoen baimendutako proiektuaren aldaketari.

Era berean, Euskadiko Ingurumen Administrazioaren abenduaren 9ko 10/2021 Legearen 43.4 artikuluaren arabera, ingurumen-baimen bateratuaren mendeko jarduera ingurumen-inpaktuaren ebaluazio arruntaren mende badago, ingurumen-inpaktuaren adierazpenaren berezko alderdiak jasoko ditu. Abenduaren 9ko 10/2021 Legearen 78. artikuluan adierazten denez, ingurumen-inpaktuaren adierazpenak prozeduraren mugarri nagusien laburpena jasoko du, eta zehaztuko du, ingurumen-efektuei begira, proiektua egitea bidezkoa den ala ez, eta, hala badagokio, zer baldintzatan gara daitekeen. Besteak beste, hartu beharreko babesteko, zuzentzeko eta konpentsatzeko neurriak eta jarraipena egiteko neurriak jasoko ditu.

Era berean, aipatutako abenduaren 9ko 10/2021 Legearen 23.a) artikuluan xedatutakoa aplikatuz, ingurumen-inpaktuaren adierazpena egiteko eskumena Euskal Autonomia Erkidegoko ingurumen-organoari dagokionean, eta jarduera ingurumen-baimen bateratuaren erregimenaren eraginpean dagoenean, ingurumen-baimen bateratuaren prozedura eta ingurumen-inpaktuaren ebaluazio arruntaren prozedura bateratu egingo dira. Gainera, ingurumen-inpaktuaren adierazpenaren edukia ingurumen-baimen bateratuaren parte izango da, eta egintza administratibo berean egingo dira bi adierazpen horiek.

Abenduaren 16ko 1/2016 Legegintzako Errege Dekretuaren bidez onartutako Kutsaduraren Prebentzio eta Kontrol Integratuari buruzko Legearen testu bateginean adierazitakoari jarraikiz, ingurumen-organoak neurriak hartu ditu ingurumen-inpaktua ebaluatzeko jarduerak ingurumen-baimen bateratuaren prozeduran txertatzeko. Alde horretatik, aipatutako prozedura horren izapideetan, proiektuak ingurumenean izan ditzakeen eragin guztiak batera bildurik hartu dira kontuan, ingurumen-inpaktuaren ebaluazioari buruzko araudiaren ikuspegitik, eta abenduaren 16ko 1/2016 Legegintzako Errege Dekretuaren bidez onartutako Kutsaduraren Prebentzio eta Kontrol Integratuaren Legearen testu bateginean jasotako ingurumen-preskripzioen ikuspegitik zehaztearren proiektuaren bideragarritasuna zenbaterainokoa den. Bateratze hori ikus daiteke, halaber, ingurumen-baimen bateratua emateko ebazpen-proposamenaren aurreko proiektuaren balioespen orokorrean. Ebazpen honetan ere sartuta dago ingurumen-inpaktua ebaluatzeko aipatutako prozesuaren emaitza. Horretarako, proiektuaren ingurumen-inpaktuaren adierazpena egiten du lehenengo apartatuan, aldeko irizpenarekin, eta aukeratutako kokapenean proiektua bideragarria dela adierazten du, ingurumen-ondorioei soilik erreparatuta; proiektua zer baldintzatan gauzatu behar den ere ezartzen du, eta baldintza horiek koherenteak dira abenduaren 16ko 1/2016 Legegintzako Errege Dekretuaren bidez onartutako Kutsaduraren Prebentzio eta Kontrol Integratuaren Legearen testu bategina aplikatuz proiektuari ezarriko zaizkion zuzenketa-neurriekin.

Kutsaduraren Prebentzio eta Kontrol Integratuaren Legearen testu bateginaren 29. artikuluan xedatuaren arabera, ingurumen-baimen bateratua emateko prozedurak lehentasuna izango du administrazio eskudunek jarduera gogaikarri, osasungaitz, kaltegarri eta arriskutsuak egiten dituzten herritarren jardueran esku hartzeko ezar dezaketen beste edozein bideren gainetik. Ondorio horietarako, ingurumen-baimen bateratua toki-agintarientzat loteslea izango da, baldin eta jarduerak egitea ukatzeko bada, edota zuzenketa-neurriak ezartzeko, baita 22. artikuluan jasotako ingurumen-alderdiei buruzko guztian ere.

Azkenik, instalazioan jatorria izan lezaketen substantzia kutsagarrien emisioen eta isurien muga-balioak zehazteko, bai eta instalazioaren beste ustiapen-baldintza batzuk ere, betiere ingurumena bere osoan ahalik eta gehien babesteko, ebazpen hau egitean kontuan izan dira teknika erabilgarri onenak, eta aplikatzekoa den sektoreko legeriak zehaztutako neurriak eta baldintzak. Bereziki, Hondakinak zabortegietan utziz deuseztatzeko jarduera arautzen duen uztailaren 7ko 646/2020 Errege Dekretua.

Honako hauek aztertu dira: Sailburuordetza honen 2024ko abuztuaren 2ko Ebazpen-proposamena; 10/2021 Legea, abenduaren 9koa, Euskadiko Ingurumen Administrazioarena; Kutsaduraren Prebentzio eta Kontrol Integratuaren Legearen testu bategina, abenduaren 16ko 1/2016 Legegintzako Errege Dekretuaren bidez onartua; 815/2013 Errege Dekretua, urriaren 18koa, Industriako Emisioen Erregelamendua onartu eta Kutsaduraren Prebentzio eta Kontrol Integratuaren uztailaren 1eko 16/2002 Legea garatzen duena; 21/2013 Legea, abenduaren 9koa, ingurumen-ebaluazioari buruzkoa; 646/2020 Errege Dekretua, uztailaren 7koa, Hondakinak zabortegietan utziz deuseztatzeko jarduera arautzen duena; 18/2024 Dekretua, ekainaren 23koa, lehendakariarena, Euskal Autonomia Erkidegoko Administrazio Orokorreko sailak sortu, ezabatu eta aldatzen dituena eta sail bakoitzaren egitekoak eta jardun-arloak finkatzen dituena; 68/2021 Dekretua, otsailaren 23koa, Ingurumen, Lurralde Plangintza eta Etxebizitza Sailaren egitura organikoa eta funtzionala ezartzen duena; eta 39/2015 Legea, urriaren 1ekoa, Administrazio Publikoen Administrazio Prozedura Erkidearena, eta aplikatu beharreko gainerako arauak. Ondorioz, honako hau

EBAZTEN DUT:

Lehenengoa.– Ingurumen-inpaktuaren adierazpen hau egitea, ingurumen-ondorioetarako bakarrik, Garbiker MP AB SAren (Artigas zabortegia) instalazioetan hondakin arriskugabeen zabortegi-jarduerarako biometanizazio-instalazio bat jartzeko proiekturako, ebazpen honen bigarren, hirugarren eta laugarren apartatuetan ezarritako baldintzekin.

Proiektuak ingurumen-inpaktuaren ebaluazio arruntaren prozedura bete behar du, sustatzaileak hala eskatu duelako, kontuan hartuta II E eranskineko ingurumen-inpaktuaren ebaluazio sinplifikatuaren prozedura bete behar duela eta, aldi berean, ingurumen-inpaktuaren ebaluazio arrunta egin behar zaion proiektu baten aldaketa dela.

Garbiker MP AB SAk (Artigas zabortegia) sustatutako biometanizazio-instalazioa jartzeko proiektuarekin lotutako jarduketek, eta, beraz, ebazpen honen xede direnek, barne hartzen dituzte instalazioak kokatzen diren lurzatiaren esparruan egiten direnak eta esparru horretatik kanpo egiten diren eta instalazio horren funtzionamendurako beharrezkoak diren –eta, beraz, horrekin hertsiki lotuta dauden– beste batzuk. Honako hauek dira jarduketa horiek:

1.– Kanpoko sarbidea.

2.– Energia elektrikoaren eta argiztapenaren hornikuntza.

3.– Edateko uraren hornikuntza.

4.– Hondakin-urak tratatzeko unitatea (HUA).

5.– Usainak kentzeko sistema.

6.– Konpostatzea.

Ebazpen honen xede den prozedurak kontuan hartu ditu instalazioari erantsitako azpiegitura horietatik eratorritako inpaktuak, eta aurreikusitako trazatuen egokitasuna aztertu da, lursailen okupazioa eta bertako ingurumen-balioak, baita azpiegitura horien gauzatzean aplikagarri diren zuzenketa-neurriak eta ezaugarri orokorrak ere.

Bigarrena.– Garbiker MP AB SAk (Artigas zabortegia) Bilboko udal-mugartean sustatutako biometanizazio-instalazioa jartzeko proiektua eraikitzeko eta gauzatzeko baldintza eta betekizun hauek ezartzea:

A) Proiektua gauzatzen hasteko epea.

Lau urteko epea jartzen da proiektua egikaritzen hasteko, ingurumen-inpaktuaren adierazpen hau Euskal Herriko Agintaritzaren Aldizkarian argitaratzen denetik aurrera. Epe hori igaro eta proiektua gauzatzen hasi ez bada, ingurumen-inpaktuaren adierazpen honek indarra galduko du, eta dagozkion ondoreak sortzeari utziko dio. Kasu horretan, sustatzaileak berriro hasi beharko du proiektuaren ingurumen-inpaktua ebaluatzeko izapidea, aipatu epea luzatzea adosten ez bada behintzat. Hori guztia, bat etorriz abenduaren 9ko 10/2021 Legearen 78.4 artikuluan eta abenduaren 9ko 21/2013 Legearen 43. artikuluan ezarritakoarekin. Horretarako, sustatzaileak Ingurumen Jasangarritasuneko Sailburuordetzari jakinarazi beharko dio, gutxienez hilabete lehenago, noizko aurreikusten den proiektua egikaritzen hastea.

B) Instalazioa egokitzeko eta muntatzeko baldintza orokorrak.

Proiektua bera eta babes- eta zuzenketa-neurriak indarrean dagoen araudiaren arabera egikarituko dira, hurrengo apartatuetan adierazitakoa kontuan hartuta, eta, aurrekoaren aurkakoa ez den orotan, sustatzaileak Ingurumen Jasangarritasuneko Sailburuordetzan aurkeztutako dokumentazioan aurreikusitakoa kontuan hartuta:

Neurri horiek eta kontrolerako izendatutako langileek ingurumen-inpaktuaren azterketan ezarritako kalitate-helburuak eta ingurumen-inpaktuaren adierazpen honetan ezarritakoak bermatu beharko dituzte.

Neurri horiek guztiak obra kontratatzeko baldintza-agirietan sartu beharko dira, eta baldintza horiek betetzen direla bermatuko duen aurrekontua ere izan beharko dute. Gainera, obretako jardunbide egokiak ere aplikatuko dira.

B.1.– Jarduketa-eremua mugatzea eta natura-ondarea babestea.

a) Obrak eta lurzorua okupatzea dakarten eragiketa osagarriak proiektuaren mugen barruan burutuko dira. Ahalik eta gehien murriztuko da obrako makinak eta ibilgailuak aipatutako mugetatik kanpo zirkulatzea.

Obrei ekin aurretik, obrek aldi baterako okupatuko duten lekuan (zangak egingo dituzten obretako makinak zirkulatzeko pistan eta materialak eta instalazio osagarriak pilatzeko lekuan) zuinketa egingo da eta balizak jarriko dira, eta ezin izango da obrarekin lotutako inolako jarduerarik egin muga horietatik kanpo.

b) Aipatutako esparrutik kanpo istripuz gertatutako erasanen kasuan, zuzenketa- eta lehengoratze-neurri egokiak aplikatuko dira.

c) Obrarako sarbideak, makina-parkea, obrako materialak aldi baterako biltegiratzeko gunea, hondeaketa-lurren eta hondakinen aldi baterako metaketak ingurumenean ahalik eta eragin txikiena izateko moduan proiektatuko dira. Obrak hasi aurretik, aurreko alderdiak xehetasunez adierazten dituen mugaketa egingo da kartografian.

d) Landaredi autoktonoa kentzea edo moztea saihestuko da zuzeneko okupazioa aurreikusi ez den eremuetan.

e) Obrak hasi aurretik, proiektuaren eremuan identifikatutako espezie inbaditzaileak kentzeko kanpaina bat egingo da; honako hauek, besteak beste: Cortaderia selloana, Buddelia davidii, Fallopia japonica eta Robinia pseudoacacia.

Kontrol-neurriak hartuko dira lurrak mugitu diren landaretzarik gabeko eremuetan landare-espezie inbaditzaileak sar ez daitezen. Gainera, lurren jatorria kontrolatu beharko da; bereziki, landare-estalkia lehengoratzeko lanetan erabilitako lurren kasuan. Ahal dela, ez da erabiliko espezie inbaditzaileekin kutsatuta egon litekeen lurrik.

B.2.– Ura eta lurzorua babesteko neurriak.

a) Eraikuntza-lanak egin bitartean ahalik eta material xehe gutxien bota behar da drainatze-sare naturalera. Horretarako, urak bideratzeko egiturak eta solido esekiei eusteko sistemak proiektatu eta, hala badagokio, egikarituko dira, kutsa litezkeen urak haietan biltzeko.

Gailu horien neurria zehazteko kalkulu hidraulikoak egingo dira, solidoei ongi eusten dietela bermatzeko, eta, botatzen badira, gune jakin batean botatzen direla bermatzeko, betiere uraren parametro fisiko-kimikoak indarrean dagoen araudiaren araberakoak direla ziurtatuta.

Hormigoi-upelak espresuki horretarako egokitutako guneetan garbituko dira, garbitu behar badira. Hormigoi-esnea ezingo da inolaz ere isuri ibilgura edo itsasadarrera. Hormigoizko hondakinak ebazpen honetako bigarren apartatuaren B.5 puntuan ezartzen diren baldintzen arabera kudeatu beharko dira.

b) Berariaz debekatuta egongo da makinak konpontzea edo makinei olioa aldatzea zeregin horretarako berariaz ezarritako eremuetatik kanpo. Obratako makinak gordetzeko eremua eta horien mantentze-lanak egiteko gunea drainatze-sare naturaletik isolatuta egongo dira. Zolata iragazgaitza eta efluenteak biltzeko sistema izango dute, olioa eta erregaiak direla-eta lurzorua eta ura kutsa ez daitezen. Erregaien zamalanak, olio-aldaketak eta lantegiko jarduerak ezin izango dira horretarako adierazitako guneetatik kanpo egin.

c) Obrak egiteko eremuetan, hidrokarburoak xurgatzeko material espezifikoa izango da, berehala erabiltzeko moduan, istripuz isurketa, jario edo ihesik badago: biribilkiak, material pikortatua, etab.

d) Ez da lur-mugimendurik, hondeaketarik edo zulaketarik egingo lurpeko urak kutsatuta daudela aurkitu den guneetan, deskontaminazio-lanak burutu eta obren jarduketen ondorioz lurpeko uretara kutsadura-transferentziarik ez dela gertatuko bermatzen den arte.

B.3.– Zaratak, dardarak eta horien eraginak gutxitzeko neurriak.

a) Egokitzapen-obrek iraun bitartean, beharrezkotzat jotzen diren obrako jardunbide egokiak aplikatu beharko dira, obrako makinen mantentze orokorrari eta zarata jatorrian murrizteari dagokienez.

b) Zaratari buruzko azaroaren 17ko 37/2003 Legea garatzen duen urriaren 19ko 1367/2007 Errege Dekretuaren 22. artikuluan aurreikusitakoaren arabera, zonakatze akustiko, kalitate-helburu eta emisio akustikoei dagokienez, obrak egitean erabiliko diren makinak egokitu egin beharko dira kanpoan erabiltzeko makinen soinu-emisioei buruz indarrean dagoen legerian ezarritako aginduetara, eta, bereziki, eta hala badagokio, Kanpoan erabiltzeko makinek ingurumenean sortzen dituzten soinu-emisioak arautzen dituen otsailaren 22ko 212/2002 Errege Dekretuan eta arau osagarrietan ezarritakora.

B.4.– Hauts-emisioak murrizteko neurriak.

a) Obrak dirauen artean, bideak eta ibilgailuak igarotzeko beste lekuak garbitzeko kontrol zorrotza egingo da, nola obrek ukitutako ingurunean, hala obra horietarako sarbideetan. Sistema bat eduki beharko da aldi baterako soildutako pistak eta gainazalak ureztatzeko.

b) Obrako aldeen irteeran, ibilgailuak garbitzeko gailuak ezarriko dira.

c) Hezetasun-baldintza egokietan garraiatuko da hondeaketa-materiala, hain zuzen, zama-estalkiak dituzten ibilgailuetan, lohi eta partikularik ez barreiatzeko. Garraiatu beharreko materiala oso fina bada, ahal dela, kamioi itxiak erabili beharko dira. Era berean, kamioiak kargatzeko konpartimentuak egoera onean egon beharko dira, garraiatzean hauts-ihesik egon ez dadin. Kamioiak poliki-poliki kargatu beharko dira; gomendatzen da materiala txikienetik handienera kargatzea, materialik finenak konpartimentuaren hondoan lodiagoek estalita gera daitezen. Ibilgailuak 25 km/h-tik beherako abiaduran joango dira obra-eremuen barruan.

d) Materialak eta ekarkinak aldi baterako pilatzeko guneak bizitoki diren eraikinetatik urruti kokatuko dira, hala badagokio. Materiala haizearen aurkako eremuan kargatu eta deskargatu behar da. Gomendatzen da pilaketak partzialki edo guztiz estaltzea, haize zakarrak daudenean hautsik ez barreiatzeko.

e) Materialaren zamalanak egiteko maniobrak ahalik eta gutxien izango dira, bai eta ibilgailuen joan-etorriak ere, obra-eremuetan.

f) Hautsa sor dezaketen lanak (adibidez: materialak moztea eta zulatzea) haizearen aurka egingo dira, eta ura botako da lanok egitearekin batera (gehiegi erabili gabe), emisioak ahalik eta gutxien izatea ziurtatzeko.

g) Eraikuntzan, ahal dela, material prefabrikatuak erabiliko dira. Zoladurari dagokionez, ahal dela, material erresistenteak eta bizi luzekoak erabiliko dira.

h) Obra-eremuan ez da materialik erretzen utzi behar.

i) Gomendatzen da obraren perimetro osoa haizetik babesteko defentsak eraikitzea.

B.5.– Hondakinak kudeatzeko neurriak.

a) Obrek iraun bitartean sortutako hondakinak, lanak prestatzeko operazioetatik sortzen direnak, enbalajeak, errefus-lehengaiak eta garbiketa-lanetako soberakinak Hondakinak eta lurzoru kutsatuak arautu eta ekonomia zirkularra bultzatzeko apirilaren 8ko 7/2022 Legean eta aplikagarri diren araudi zehatzetan ezarritakoaren arabera kudeatuko dira.

Hondakinak kudeatzeko hierarkia-printzipioei jarraituz, hondakinak sortzea prebenitu behar da, edo, hala badagokio, apirilaren 8ko 7/2022 Legearen 8. artikuluan ezarritako lehentasun-hurrenkerari jarraituz kudeatu behar dira, hau da: prebenitzea, berrerabiltzeko prestatzea, birziklatzea eta balorizatzeko beste modu batzuk, balorizazio energetikoa barne. Hondakinak deuseztatzeko, ezinbestekoa izango da aldez aurretik behar bezala justifikatzea teknikoki, ekonomikoki edo ingurumenaren aldetik ez dela bideragarria haiek balorizatzea.

Berariaz debekatuta dago sortzen diren tipologia ezberdineko hondakinak elkarrekin edo beste hondakin nahiz efluente batzuekin nahastea; hondakinak jatorritik bertatik bereiziko dira, eta horiek bildu eta biltegiratzeko bide egokiak jarriko dira, nahasketak ekiditeko.

b) Eraikitze- eta eraispen-jardueren ondorioz sortutako hondakinak eraikuntza- eta eraispen-hondakinen ekoizpena eta kudeaketa arautzeko otsailaren 1eko 105/2008 Errege Dekretuan eta eraikuntza- eta eraispen-hondakinen ekoizpena eta kudeaketa arautzeko ekainaren 26ko 112/2012 Dekretuan aurreikusitakoa betez kudeatuko dira.

Aipatutako 112/2012 Dekretuaren 4. artikuluaren arabera, proiektuaren sustatzaileak hondakinen eta eraikuntza- eta eraispen-materialen kudeaketa-azterlan bat gehitu beharko du oinarrizko proiektuetan eta obra gauzatzeko proiektuetan; azterlan horrek, I. eranskinean ezarritako gutxieneko edukia izan beharko du.

Bestalde, otsailaren 1eko 105/2008 Errege Dekretuan ezarritako eskakizunak betetzeaz gain, plan bat prestatuko du kontratistak, obrako eraikuntza- eta eraispen-lanetan sortzen diren hondakin eta materialekiko betebeharrak nola beteko dituen azaltzeko. Plan hori obraren kontratu-agiriei erantsiko zaie.

c) Zabortegira bidali beharreko hondakinak, hain zuzen ere Hondakinak zabortegietan utzita deuseztatzea arautzen duen uztailaren 7ko 646/2020 Errege Dekretuaren eta Hondakinak zabortegietan biltegiratuta eta betelanak eginda deuseztatzea arautzen duen otsailaren 24ko 49/2009 Dekretuaren arabera kudeatuko dira.

Jardueraren soberakinak betelanetarako erabiltzen badira, otsailaren 24ko 49/2009 Dekretuan xedatutako baldintzak bete beharko dituzte betegarri horiek.

EBA-A ebaluazioko balio adierazgarrietatik beherako eduki kutsatzaileak dituzten materialak soilik utzi ahal izango dira lursailak betetzeko edo egokitzeko, Lurzorua kutsatzea saihestu eta kutsatutakoa garbitzeko ekainaren 25eko 4/2015 Legearen III. eranskinean jasotakoari jarraikiz.

d) Hondakin arriskutsuak dituzten ontziek Hondakinak eta lurzoru kutsatuak arautu eta ekonomia zirkularra bultzatzeko 7/2022 Legearen 21.d) artikuluan ezarritako segurtasun-arauak beteko dituzte, eta itxita egon beharko dira kudeatzaileari eman arte, isurita edo lurrunduta gal ez daitezen.

Aipatutako ontziak era argian, irakurgarrian eta ezabaezinean etiketatuta egon beharko dira, indarrean dagoen araudiaren arabera.

e) Sortutako olio erabilia Industrian erabilitako olioaren kudeaketa arautzen duen ekainaren 2ko 679/2006 Errege Dekretuari jarraituz kudeatu beharko da.

Olio erabiliak aldi baterako biltegiratzea, hau da, baimendutako kudeatzaileak biltzen dituen arte, ontzi edo segurtasun-sistema batean gordetako deposituetan egingo da, horrela, depositu nagusiak haustura edo galeraren bat izanez gero, olioa sakabanatu ez dadin.

f) Hondakinak kudeatzeko araudia errazago bete ahal izateko, hainbat lanetan sortutako hondakinak kudeatzeko sistemak jarri beharko dira. Lan horien arduradunek kudeatuko dituzte sistema horiek, eta haien ardura izango da, halaber, langileek behar bezala erabiltzea hondakinak. Bereziki, inola ere ez da kontrolik gabeko efluenterik sortuko, erregai eta produktuak biltegiratzeagatik, makinen mantentze-lanak egiteagatik edo hondakinak erretzeagatik.

g) Aurrekoaren ildotik, gune espezifiko bat prestatuko da, eta bertan jarriko dira hondakin arriskutsuak (olio-latak, iragazkiak, olioak, pinturak eta abar) aldi baterako gordeko dituzten instalazio estaliak. Gainera, hondakin arriskugabeak eta inerteak biltzeko edukiontzi espezifikoak jarriko dira beste leku batean, aurrekoetatik bereizirik. Edukiontzi horiek itxita egongo dira kudeatzaileari eman arte, edukirik gal ez dadin isurita edo lurrunduta. Orobat, obrak egiten ari diren bitartean sortzen diren hondakinak biltzeko elementu estankoak (bidoiak eta abar) instalatu behar dira; hondakinak moten arabera bereizi behar dira, aipatutako garbigunean aldi baterako gorde aurretik.

h) Obretan sortutako hondakinen ingurumen-jarraipena jasoko duen txosten bat egin beharko da, eta indarreko legedian jasotako identifikazio-dokumentuak eta tratamendu-kontratuak txosten horretan sartu beharko dira.

i) Amiantoa duen hondakinik edo elementurik aurkitzen bada, otsailaren 1eko 108/1991 Errege Dekretuak ezarritakoa bete beharko da –amiantoak ingurumenean sortzen duen kutsadura prebenitu eta gutxitzekoa da errege-dekretu hori–, bai eta martxoaren 31ko 396/2006 Errege Dekretuak ezartzen duena ere –amiantoaren eraginpean egoteko arriskua duten lanei aplikatu behar zaizkien segurtasuneko eta osasuneko gutxieneko xedapenak ezartzen ditu errege-dekretu horrek–.

B.6.– Hondeaketa-lanetarako eta lurzoruaren kalitatea zabortegiaren erabilerarekin bateragarria dela bermatzeko hartuko diren neurriak.

Lurzorua kutsa dezakeen jarduera gisa jasota dago, Lurzorua kutsatzea saihestu eta kutsatutakoa garbitzeko ekainaren 25eko 4/2015 Legearen arabera (4/2015 Legearen I. eranskina eta ekainaren 25eko 4/2015 Legea garatzen duen abenduaren 26ko 209/2019 Dekretuaren eranskina). Horri dagokionez, hondeaketa-eragiketetan edo lur-mugimenduetan, edo istripu baten edo beste inguruabar baten ondorioz, kutsadura-zantzuak antzemanez gero, kontuan hartuko da Lurzorua kutsatzea saihestu eta kutsatutakoa garbitzeko ekainaren 25eko 4/2015 Legearen 22. artikuluan ezarritakoa.

Aurrekoa baztertu gabe, instalazioa ezarriko den lursailetik kanpora eramatea aurreikusten den induskatutako materialei dagokienez neurri hauek hartu beharko dira:

https://www.ihobe.eus/argitalpenak/kutsatutako-lurzoruetan-indusketa-selektiboak-egiteko-gida

a) Induskatu beharreko material guztiak hondakin gisa ezaugarritu beharko dira, bi helbururekin: balizko kutsaduraren ondorioak prebenitzea, eta material horiek behar bezala kudeatzeko bideak zehaztea. Materialak modu egokian bereiztea kontuan hartuko da, kutsadura desberdinei lotutako geruzak nahas ez daitezen.

b) Materialetarako aurreikusitako helmuga zabortegian uztea denean, honako dokumentu hauetan adierazitako karakterizazioa hartu beharko da kontuan: 646/2020 Errege Dekretua, uztailaren 7koa, Hondakinak zabortegietan utzita deuseztatzea arautzen duena; eta 49/2009 Dekretua, otsailaren 24koa, Hondakinak zabortegietan utzita eta betelanak eginda deuseztatzea arautzen duena. Oro har, laginketa gauzatzeko, gidaren 10.2.6 apartatuan (hondeatu behar diren lurzoruetan in situ egindako laginketa) biltzen diren hondeatu beharreko materialen ezaugarritze-lana diseinatzerakoan kontuan hartu behar diren oinarrizko irizpideak beteko dira.

c) Aipatutako ekainaren 25eko 4/2015 Legean xedatutako A-EBA ebaluazioko balioak eta TPHetarako 50 mg/kg-ko balioa baino balio txikiagoak lortzen dituzten lurrak lur garbitzat hartuko dira, eta, beraz, onartu egingo dira baimendutako betelan batean.

d) Substratu harritsu osasuntsua murrizketarik gabe kudeatu ahal izango da. Lurzoru naturalarekin pareka daitekeen substratu harritsu meteorizatua bada, apartatu honetan gainerako hondeaketa-materialetarako aurreikusitako neurri berak aplikatu ahal izango dira.

e) Aurreikusitako hondeaketa-prozesuan lurpeko ura dagoela detektatzen bada, berehala karakterizatu eta kudeatu edo isuri egin beharko da, eta, kasu horretan, tratamendu-kontratu egokia izan beharko da, edo, bestela, isurtzeko baimen egokia, eta kasu bakoitzean ezarritako eskakizunak bete beharko dira.

f) Hondeatze-lanen ondorioz sortutako hondakinak kudeatzeko ere, ebazpen honen bigarren apartatuaren B.5 puntuan jasotako neurriak aplikatu beharko dira.

g) Langile guztien laneko segurtasuna eta lan-osasuna bermatzeko, hondeaketa-lanetan zehar, erakundeak bete eta betearazi beharko ditu Lan Arriskuen Prebentzioari buruzko azaroaren 8ko 31/1995 Legearen xedapenak, bai eta indarrean dauden eta aplikagarriak diren bestelako xedapenak ere.

B.7.– Obraren garbiketa eta akabera.

Behin obra amaituta, garbiketa-kanpaina sakona egingo da, proiektuaren eraginpean egon den esparru osoan obra-hondakinik ez uzteko.

B.8.– Obrek dirauten bitarteko jardunbide egokien kontrola.

Ingurumen-aholkularitzak, Ebazpen honen B.10 apartatuan jasotzen denak, obren jardunbide egokien kontrola egingo du, eta bereziki kontuan hartuko ditu honako alderdi hauek: hondakinen kudeaketa, hondeaketa-soberakinena ere aintzat hartuz, hauts- eta zarata-ekoizpena, makinen joan-etorriak eta ebazpen honetan adierazitako bestelako alderdiak.

B.9.– Paisaia babestea eta eragindako lekuak lehengoratzea.

Obrak eragindako eremu guztietan egingo dira obraren paisaia-integraziorako lanak, bai eta aurkeztutako lehengoratze-proiektuan agertu ez arren obrak bukatzean kaltetuta daudenak ere, betiere lursailaren egonkortasuna kolokan jartzen ez bada.

Lurrak mugitzerakoan, espezie inbaditzaileez kutsatuta ez dagoen landare-lurra kendu, pilatu eta bereizita luzatuko da, obrek eragindako inguruen lehengoratze- eta landareztatze-lanak erraztearren.

Obra kontratatzeko baldintzen agirian eta aurrekontuetan, proposatutako landareztatze-jarduketak behar bezala beteko direla bermatzeko behar diren baldintza teknikoak eta aurrekontu-partidak jasoko dira.

Fallopia japonica, Buddleja davidii, Cortaderia selloana edo beste landare inbaditzaile batzuk ez zabaltzeko ekintzak gauzatuko dira. Ildo horretan, bereziki kontrolatu beharko da landare-estalkia lehengoratzeko zereginetan erabiliko diren lurren jatorria, eta aipatutako espezie horiekin kutsatuta egon daitezkeen lurrak erabiltzea ekidingo da. Gainera, landare-lurrak hilabetez baino gehiagoz pilatuko badira obran, hidroerein edo plastikozko geruza batekin estaliko dira, urak lurrik ez eramateko, lurraren ezaugarriei ez kalterik egiteko eta, ahal den heinean, espezie inbaditzaileak sartzea eragozteko.

B.10.– Ingurumen-aholkularitza.

Obrak amaitu arte eta obra horren bermeak dirauen artean, ingurumen gaietan, eta babes- eta zuzenketa-neurrietan aholkularitza gaitua eduki beharko du Obra Zuzendaritzak, ingurumen-inpaktuaren azterketako zehaztapenen arabera. Obra-zuzendaritzak baldintza-agiriak gai horiei buruz esleitzen dizkion funtzioen alorreko erabakiak hartu aurretik, aholkularitza hori ematen duten adituek txosten bat egin beharko dute.

B.11.– Lan-programaren diseinua.

Kontratistak jarduera-proposamen xehatu batzuk egin beharko ditu, ondorengo azpiapartatuetan adierazitako alderdiei buruz. Proposamen horiek ebazpen honetan kasu bakoitzerako ezartzen diren irizpideen arabera diseinatuko dira. Obra-zuzendaritzak espresuki onetsi beharko ditu eta lanak egiteko programan txertatuko dira. Hauek dira dokumentuak:

a) Kontratistaren instalazio-eremuen lokalizazioari eta ezaugarriei eta hondakinak aldi baterako biltegiratzeari buruzko xehetasunak, ingurumen-baimen bateratuan ezarritakoarekin bat etorriz.

b) Ur-eroanbideen sareen eta solido esekiak atxikitzeko gailuen xehetasunak eta kokapena, ingurumen-baimen bateratuan ezarritakoarekin bat etorriz.

c) Ibilgailuak garbitzeko gailuen xehetasunak eta kokapena, ingurumen-baimen bateratuan ezarritakoarekin bat etorriz.

d) Obretan sortutako eraikuntza- eta eraiste-hondakinak kudeatzeko plana, eraikuntza- eta eraiste-hondakinen ekoizpena eta kudeaketa arautzen dituen ekainaren 26ko 112/2012 Errege Dekretuan ezarritakoaren arabera.

B.12.– Obra-amaierako txostena.

Sustatzaileak obra-amaierako txostena bidali beharko dio Ingurumen Jasangarritasuneko Sailburuordetzari; obrak egin bitartean jazotako gorabeheren berri emango du bertan, eta ebazpen honetan nahiz ingurumen-inpaktuaren azterketan jasotako babes- eta zuzenketa-neurriak zenbateraino betetzen diren azalduko du, eta ingurumen-organoak hondeaketa-materialak behar bezala kudeatzeko ezarritako neurrien berri ere emango du.

Horrekin batera, eta hala badagokio, proiektua gauzatu bitartean sartutako aldaketak xehetasunez dokumentatu, eta ingurumen-inpaktuaren ikuspegitik duten justifikazioa azaldu beharko dira. Halaber, eraikuntza fasean baliatutako ingurumena zaintzeko programaren emaitzak eta hondeaketa-materialen helmuga zehatza dokumentatu behar dira, material horien zenbaketari eta ezaugarriei buruzko datuak gehituta.

B.13.– Ingurumena zaintzeko programa.

Ingurumena zaintzeko programa gauzatzeko, bete beharrekoa izango da sustatzaileak proiektuaren ingurumen-inpaktuaren ebaluazioan eta ingurumen-baimen bateratuan aurkeztutako dokumentazioan aurreikusitakoa, agiri teknikoetan eta ebazpen honetan agertzen diren kontrol-jarduketak barne.

Programa hori obra kontratatzeko baldintza-agirietan sartuta egon behar da, eta bete ahal izatea bermatuko duen aurrekontuaz hornituko da.

Hirugarrena.– Ingurumen-baimen bateratuak hondakin arriskugabeen zabortegi-jarduerarako emandako baldintzak berrikustea, Hondakinak zabortegietan utziz deuseztatzeko jarduera arautzen duen uztailaren 7ko 646/2020 Errege Dekretura egokitzeko, betiere ebazpen honen laugarren apartatuan aurreikusitako baldintzetan, eta, bereziki, baimenaren F.3.1 apartatuan (Zabortegiaren ustiaketarako baldintza orokorrak), F.4.6 apartatuan (Gasen karakterizazioa eta kudeaketa) eta F.4.7 apartatuan (Usainen kudeaketa-plana) jasotakoa kontuan hartuta. Izan ere, prebentziorako, desgasifikazioaren tratamendurako eta kiratsak kontrolatzeko neurri hauek sartu behar dira:

– Desgasifikazioari buruzko azterlan bat egitea, egungo bilketa-azpiegituraren nahikotasuna aztertzeko, eta, hala badagokio, konponbide tekniko gehigarriak proposatzeko, hala atzipenekoak nola tratamendukoak.

– Ezkerreko ibarbidean eta eskuineko ibarbidean dauden putzuak konektatzea eta desgasifikatzea.

– Kirats jarioei buruzko azterlan bat egitea, izpi infragorrien bisorea duten droneak hegaldarazita, konposatu organiko kirasdunen emisio iheskariak detektatzeko, eta horiek murrizteko proposamena egitea. Besteak beste, zabortegiko ontziko lixibiatuen hustuketa-hodietan sifoirik baden aztertuko da.

– Zabortegiko ontzian estali gabe dauden eremuak minimizatzea, aldi baterako zigilatzeen bidez, euri-urik iragazi ez dadin eta gasik aireratu ez dadin.

– Lixibiatua husteko sifoi bat eraikitzea, saneamendu-sarearekin konektatzeko.

– Lixibiatua saneamendu-sarera husteko kanalizazioak xurgatzea, arnasbideak gasen tratamendu-sistemara bideratzeko.

– Ustiapen-plana eguneratzea, emisioak ahalik eta gehien murrizteko. Horretarako, honako alderdi hauek sartu beharko dira, besteak beste: ikusgai dagoen zabortegiko ontziaren azalera minimizatzeko neurriak, ustiatzen ari diren eremuetan desgasifikazio-putzuak gaitzea eta tratatzea, hondakinak bereiztea, kiratsak minimizatzeko, etab.

Laugarrena.– Garbiker MP AB SAri (Artigas zabortegia) Bilboko udal-mugartean (Bizkaia) hondakin arriskugabeen zabortegi-jarduera egiteko emandako ingurumen-baimen bateratua aldatzea, barnean har dezan biometanizazio-instalazioa jartzea.

Horretarako, baimenaren titularrak ebazpen honetan jasotako baldintza eta eskakizun guztiak bete beharko ditu, eta ebazpen honek orain arte indarrean egon den baimena oso-osorik ordezkatuko du.

Bilboko instalazioetako hondakin arriskugabeetarako zabortegi-jarduerak ebazpen honetan ezarritako baldintzak bete beharko ditu.

Horiek horrela, ingurumen-baimen bateratua honela egongo da idatzita:

«Lehenengoa.– Ingurumen-baimen bateratua ematea Garbiker MP AB SAri (Artigas zabortegia) –helbidea: Kale Nagusia 44, 48011 Bilbo (Bizkaia), eta IFK: A-48212567–, Bilboko (Bizkaia) udalerriko Artigas parajean hondakin arriskugabeetarako zabortegirako, baimen honen bigarren apartatuan ezarritako baldintzekin.

Jarduera 5.5 kategorian sartuta dago: «Mota guztietako hondakinak hartzen dituzten zabortegiak, egunean 10 tona baino gehiago jasotzen dituztenak edo 25.000 tonatik gorako edukiera dutenak, hondakin geldoen zabortegiak izan ezik»; eta 5.4.a) kategorian: «Hondakin arriskugabeen balorizazioa, edo balorizazioaren eta deuseztapenaren nahasketa, egunean 100 tonatik gorako edukiera dutenak (digestio anaerobikoa), tratamendu biologikoaren bidez», abenduaren 16ko 1/2016 Legegintzako Errege Dekretuaren 1. eranskinaren arabera (1/2016 Legegintzako Errege Dekretua, Kutsaduraren Prebentzio eta Kontrol Integratuari buruzko Legearen testu bategina onartzen duena).

Garbiker MP AB SAk (Artigas zabortegia) sustatutako jarduerarekin hauek ustiatzen dira: hondakin arriskugabeen zabortegi bat, konposta egiteko instalazio bat, Garbiker MP AB SAren beste zabortegi batzuetako lixibiatuen instalazioan eta tratamenduan sortzen diren lixibiatuak kudeatzeko bi araztegi, eta bere araztegia duen biometanizazio-instalazio bat.

Artigasko hondakin arriskugabeen zabortegia Cadagua ibaiaren eskuinaldean dago, Bilboko Udalaren jabetzako lursailetan, eta Alonsotegiko udalerriarekin muga egiten du. Zabortegia ibarbide batean dago, eta kokapenaren zentroaren UTM koordenatuak hauek dira gutxi gorabehera:

– X = 502.500

– Y = 4.787.650

Zabortegira isurtzen duen arroak 3 km²-ko azalera du (eta 2,4 km-tik gorako ibilgua), eta horietatik zabortegiak 35 ha inguru okupatzen ditu. Zabortegia 40 eta 236 metroko koten artean dago.

Hasiera batean, zabortegiaren edukiera erabilgarria 2.600.000 m³ ingurukoa zela ezarri zen. Zabortegiaren alboak ibarbidearen mendi-magalen gainean ipinita daude eta aurrealdea lur trinkotuzko dike batek osatuko du, 5 m garai, 5 m zabal goreneko kotan eta 2H:1V maldako ezponda dituena.

Halaber, betelan-planaren diseinuan kontuan hartu dira aurrealdearen behin betiko zigilatzea, altueran handitzen den heinean, eta behin-behineko iragazgaizteak eta behin-behineko ur-bilketak («rain flaps») 6 hiletik gora hondakinik utziko ez den aldeetan.

Ustiapenaren aurreikuspena 7 fasetan oinarritzen da eskuineko ibarbidean, eta gaur arte (2024ko abuztua) lehen hiru ustiapen faseetako obrak egin dira, ingurumen-organoari aurrez bidalitako eraikuntza-proiektuetan oinarrituta.

Hiri-hondakinak uzteko ontzia hondakin arriskugabe mistoetarako zabortegi gisa sailkatuta dago (bai hondakin organiko edo biodegradagarri bai hondakin inorganiko kopuru handikoa) (B3 azpikategoria), Hondakinak hondakindegietan biltegiratuta eta betelanak eginda ezabatzea arautzen duen otsailaren 24ko 49/2009 Dekretuan eta Hondakinak zabortegietan utziz ezabatzeko jarduera arautzen duen uztailaren 7ko 646/2020 Errege Dekretuan xedatutakoari jarraituz.

Puntu hauek mugatzen dute hondakin-ontzia (UTM ETRS 89 koordenatuak):

X: 502002,27. Y: 4787951,99

X: 502136,60. Y: 4787824,12

X: 502365,49. Y: 4787686,57

X: 502655,63. Y: 4787441,56

X: 502701,84. Y: 4787431,88

X: 502796,41. Y: 4787374,93

X: 502810,38. Y: 4787326,57

X: 502889,90. Y: 4787259,95

X: 502768,47. Y: 4787288,96

X: 502701,84. Y: 4787314,75

X: 502670,68. Y: 4787340,54

X: 502600,83. Y: 4787338,39

X: 502440,71. Y: 4787421,14

X: 502585,78. Y: 4787276,07

X: 502655,63. Y: 4787118,10

X: 502548,17. Y: 4787120,25

X: 502455,76. Y: 4787149,26

X: 502420,30. Y: 4787141,74

X: 502370,86. Y: 4787189,02

X: 502310,69. Y: 4787228,78

X: 502301,01. Y: 4787252,43

X: 502248,36. Y: 4787279,29

X: 502215,05. Y: 4787268,54

X: 502188,18. Y: 4787312,60

X: 502186,03. Y: 4787388,90

X: 502145,20. Y: 4787403,94

X: 502104,36. Y: 4787464,36

X: 502103,29. Y: 4787485,61

X: 502083,94. Y: 4787529,67

X: 502049,56. Y: 4787538,27

X: 502034,51. Y: 4787516,78

X: 502013,02. Y: 4787516,78

X: 501988,30. Y: 4787556,54

X: 501960,36. Y: 4787670,45

X: 501931,35. Y: 4787685,49

X: 501919,53. Y: 4787704,83

X: 501932,42. Y: 4787832,71

X: 501923,83. Y: 4787860,65

X: 501891,59. Y: 4787888,59

X: 501869,02. Y: 4787931,58

X: 501873,32. Y: 4787955,22

X: 501892,66. Y: 4787982,08

X: 501921,68. Y: 4787985,31

Balorizagarriak diren edo zati balorizagarriak dituzten hondakinak (papera eta kartoia, zura, plastikoak, metal ferrikoak, metal ez ferrikoak) aurretratamendu batetik igaro beharko dira, non zati horiek bereizi egingo diren. Gai horiek xede horretarako ezarritako edukiontzietan utziko dira, ondoren balorizatzeko.

Ustiatzeko metodoa hondakin trinkotuak deskargatu, zabaldu, trinkotu eta estaltzea da. Ustiatzeko sistema ibarbidean ibaian gora atzeraematea da, gelaxkaren garaiera bereko ildo-bizkarrak eraikiz, 5 eta 10 m inguru artekoak, eta horien kontra hondakin trinkotuen gelaxkak jartzen dira. Segidako ildo-bizkarrek zabortegiaren aurrealdeko ezponda osatzen dute, orokorrean 2H:1V eta 3,5H:1V arteko isurialdea hartzen dutenak (balio etzanagoak garaiera handiagoko edo bermatzeko kalitate falta duten kasuetan, batik bat oinean). Ezpondetan isurialde partzialak jartzen dira, isurialde leunagoa ematen duten berma gutxi-asko periodikoen bidez. Bermak burutzeko beste arrazoi bat inguru-baldintzak dira, batik bat okupatu beharreko gehieneko kotak komunikabideak, sarbideak, zortasunak edo ingurumen-baldintzatzaileak errespetatzeko.

Estaldurarako erabiltzen diren material nagusiak hauek dira, gutxi gorabehera: zepa siderurgiko balorizatuak (% 25), hondakin geldo edo hondakin arriskugabe gisa kudeatzen diren buztin-lurrak - EHZ 170504 (% 25) eta EEH agregakin balorizatuak (% 50). Zabortegian material horien 70 t inguru erabiltzen dira egunean.

Zabortegiak edateko uraren udal-saretik hartzen du ura, eta batez beste 4.000 m³ inguru kontsumitzen ditu urtean.

Instalazioan, sortutako emisio atmosferiko nagusiak hamaika fokutatik datoz: horietatik bi ez dira sistematikoak (6. eta 7. fokuak), bi foku etenak dira (4. eta 11. fokuak), zabortegiko zuziari eta biometanizazio-instalazioko segurtasun-zuziari dagozkionak; eta gainerako fokuak sistematikoak dira. Foku sistematikoak zabortegiko biogasa aprobetxatzeko motorrak dira, baita biogasaren digestio-eremuan tenperatura mantentzeko erabiltzen den biogas-gasolioa galdara duala (8. fokua), konpostatze- eta biometanizazio-prozesuekin lotutako bioiragazkiak (5. eta 10. fokuak) eta digestio-prozesuan sortutako biogasa aberasteko instalazioa (9. fokua) ere. Orobat, emisio barreiatuak sortzen dira zabortegiko ontzian, hondakinak deskargatzean, zabortegian hondakinak manipulatzean eta kamioiak mugitzeko zonetan.

Zabortegiak bertako gasak biltzeko sistema aktiboa du, erauzteko putzu-sare batez osatua, xurgapen-sistemak sortutako depresioak jasaten dituena, eta lerro bakoitzaren amaierako balbulez banan-banan erregulatua. Biltzeko sistemak hotz bidez hezetasuna kentzeko, kondentsatuak erretiratzeko eta ondoren berotzeko sistema bat du. Bildutako gasa Bioartigas SA enpresaren balorizazio energetikoko instalaziora eramaten da, eta elektrizitatea sortzeko erabiltzen da. Gasa erretzeko zuzi bat ere badago.

Zabortegian, transformazio elektrikoko 4 zentro daude. Honako ezaugarri hauek dituzte:

– 1.600 kVA-ko transformadorea, zabortegiko araztegiari, ingurumen-gelari, zerbitzu orokorrei, baskulari eta aldagelei zerbitzu ematen diena.

– 1.600 kVA-ko transformadorea, biometanizazio-instalazioari zerbitzu ematen diona, HUA barne.

– 630 kVA-ko transformadorea, konposta egiteko instalazioari zerbitzu ematen diona.

– 2.000 kVA-ko transformadorea, 380 V eta 30.000 V artekoa, biogas-motorrek sare elektrikoari sortutako energia injektatzeko.

Biometanizazio-instalazioa eraiki ondoren instalazio guztietan instalatutako potentzia 3.593 kW-ekoa da; kontratatutako potentzia, berriz, 850 kW-ekoa da. Gaur egun, energia-iturri gisa energia elektrikoa erabiltzen da, konposta egiteko instalazioaren estalkietan jarritako instalazio fotovoltaikoak lagunduta. Konpainia elektrikoak hornitutako 5.065.731 Kwh kontsumitzen da urtean, eta ia dena (% 90-95) lixibiatuak tratatzeko instalazioan erabiltzen da; gainerako kontsumoa instalazioetako argietarako eta beste kontsumo txikietarako erabiltzen da.

Halaber, gasolioa erabiltzen da kamioi eta makinak hornitzeko.

Zabortegiak bertara doan gainazaleko jariatzea eta zigilatutako zonetan sortzen diren ur garbiak (barneko drainatze-sarea) bildu eta drainatzeko perimetro-sistema bat du. Ur hori Artigas errekara isurtzen da zuzenean.

Lixibiatuak biltzeko, badago drain zentral bat, ibarbidearen hondoan zehar doana. Lursail naturalaren gainean jarritako hormigoizko galeria bat da, eta kanpoaldetik alboko drain batez inguratuta dago, drainadura errazteko. Galeria lixibiatua putzuetara irteten den zonatik abiatzen da, eta ibarbidetik ibaian gora egiten du +90 kotako plataforma dagoen tokiraino. Bertan lurrazaleko tximinia bat dago, drainaren jarduna kontrolatu eta egiaztatzeko. Lurrazalean ezponden aurrealdeetatik sortzen diren lixibiatuen zenbait drainadura daude, eta drain zentraletik zabortegiaren oineko andel biltzailera iristen diren lixibiatuekin elkartzen diren harrizko drain eta hodien bidez eramaten dira lurrazaletik.

Lixibiatuak lixibiatuen tratamendurako instalazio batera eramaten dira, eta, instalazio horretan prozesu biologiko bat garatzen da, hainbat etapatan banatuta: nitrifikazioa eta desnitrifikazioa, arazketa biologikoko etapa gisa; eta araztutako uraren biomasa bereiztea, mintz bidezko ultrairagazketa bidez. Tratamenduan sartu aurretik, lixibiatu gordinak hiru putzutan biltzen dira (guztira 12.000 m³-ko edukiera), eta hortik erreaktore biologikoetara ponpatzen dira. Hozteko dorreetan sortzen den ura lixibiatu-putzura husten da, ondoren arazteko. Bestetik, kutsadura arrasta dezaketen euri-urak, gasolioa biltegiratzeko kubetatik eta kamioiak kargatzeko eremutik datozenak, instalazioko hidrokarburo-bereizgailura eramaten dira. Lixibiatuak tratatzeko instalazioko eta hidrokarburo-bereizgailuko efluenteak Cadaguako saneamendu-sare nagusira isurtzen dira.

Instalazioan sortutako hondakin arriskutsu nagusiak makina mugikorretatik eratorritako olio erabilia eta berun-azidozko bateria erabiliak dira.

Konpostatze-jarduera zabortegiaren eremuko zabalgune batean egiten da. Eremu hori zigilatuta dago, eta sortutako lixibiatuak eta biogasa bertan biltzen dira.

Konposta egiteko instalazioaren funtzioa da A eta B motako konposta lortzea gaikako bilketako hondakin organikotik (biohondakina) abiatuta, hura proportzio egokietan material egokitzailearekin nahasita (inausketa-hondarrak), deskonposizio aerobikoaren bidez eta ondoren piletan helduz.

Prozesuan urrats hauek daude:

a) Hondakinak jasotzeko eta nahasteko pabiloia.

Hondakinak jasotzeko pabiloia hiru eremutan banatzen da: inauste-eremua (600 m³-ko edukiera), hondakin organikoaren eremua (108 m³-ko eremua) eta nahasketa-eremua (50 tona produktu nahasi atera daitezke urtean). Inauste-eremuan hondakinen tamaina txikitzen da zuntz-izpigailu baten bidez, eta material hori egituratzaile gisa erabiltzen da gero. Pabiloi horretan hondakin organikoa prozesatzen da, eta, batetik, material konpostagarriak eta, bestetik, baztertu beharreko materialak bereizten dira. Baztertutako materialak edukiontzi txikietan biltzen dira, horiek erretiratu eta gero errefusa gisa kudeatzeko. Era berean, nahasketa-eremuan gehitzen dira materialak, konpostatu beharreko nahasketa lortzeko.

b) Konposta egiteko tunelak.

Hartzidurarako zortzi tunel daude guztira. Horiek aireztatzeko, ureztatzeko eta aireztatzeko sistema bat dute, nahasketaren tenperatura eta hezetasuna automatikoki kontrolatzen direla ziurtatzeko. Tunel bakoitzak 346 m³ inguruko edukiera du (173 tona inguru). Tunelek hartzitu beharreko hondakinen nahasketa ureztatzeko sistema bat dute, eta horrek hezetasun egokia ematen dio masari. Hondakinen pilaketa homogeneizatzeko, hondakinak tunel batetik bestera eramaten dira pala kargatzailea erabiliz. Prozesu hori lau astez errepikatzen da, eta guztira hiru tunel aldatzen dira, materia organikoa guztiz hartzitu dela eta kalitatezko konposta lortzeko baldintzak bete direla ziurtatu arte. Tunel bakoitzean, hondakin-masa lixibiatu birzirkulatu bidez ureztatzen da lehenengo bi asteetan, eta ur garbiarekin osatu daiteke beharrezkoa izanez gero. Hondakinak konpostatzeko prozesuaren 3. eta 4. asteetan ur garbia bakarrik erabiliko da ureztatzeko.

c) Heltze-pilak.

Hartzidura aerobikoaren ondoren, hondakinak heltze-eremura eramaten dira. Bertan, degradazio moteleko konposatu organikoak azkenekoz egonkortzeko, tenperatura murrizteko eta hondar-hezetasuna galtzeko. Zortzi gune (pila) daude. Pila horiek irauli egingo dira, iraultzeko makinaren bidez astero homogeneizatu eta aireztatzeko. Heltze-prozedurak lau asteko iraupena izango du, eta astero egiten dira iraulketak.

d) Finketa-pabiloia.

Zenbait aletegi daude, eta horiei esker argi eta garbi bereizten da lortutako zatiki bakoitza. Eremu horretan materiala bahetzen da, eta bi zatiki lortzen dira: zatiki lodia, konpostatu beharreko hondakinen nahasketan egituratzaile gisa birziklatu ahal izango dena; eta zatiki fina, 15 mm-etik beherakoa, azken produktu gisa jasoko dena.

e) Azken biltegiratzea.

Finketa-pabiloiaren kanpoaldean bost aletegi daude, eta horietako bakoitzak 172 m³-ko edukiera du (konpost-sorta baten baliokide da).

Jardunean dauden hartzidura aerobikoaren tuneletan xurgatutako airea eta airea tuneletan xurgatzeko sistema orokorrak hartutako airea aire hori tratatzeko sistemara eramaten da. Sistema horrek hauek hartzen ditu barne: «scrubber» bat (garbiketa azidoa), egokitzaile bat (hezetzea) eta, gero, bioiragazki bat; bertan, usainak sortzen dituzten osagaiak modu biologikoan ezabatzen dira atmosferara bota aurretik.

Hiri-hondakinen zatiki organikoa –gaika bildutako zatiki organikoa (GBZO)– balorizatzeko pabiloia, biometanoa ekoiztekoa (biometanizazio-instalazioa), dagoen lekuan, lehen, Bilboko HHSak (plastikoak) tratatzeko eta masa-bilketak transferitzeko instalazioa zegoen. Jarduera bi eremutan banatzen da: plataforma bat, batez beste 51 metroko kotatik gorakoa, iparraldean –GBZOren harrera-eremua (lehendik dagoen pabiloia), aurretratamendu eta deshidrataziorako eremua (pabiloi eraiki berria), biogasa aberasteko eremua, aparkalekua eta bulegoak hartzen ditu barne–; eta beheko beste plataforma bat, hegoaldean, 43 metroko kotan, digestio anaerobikoa, desulfurazioa, galdara, efluenteen tratamendua eta bioiragazkia barne hartzen dituena.

Pabiloiak edukiontzi marroitik datozen hiri-hondakinen zatiki organikoaren (HHZO) 50.000 t trata ditzake urtean. Biohondakinak tratatzeko prozesua digestio anaerobiko bidez egiten da, erregimen jarraitu mesofilo bidez (35 şC), «nahasketa osoa» motako erreaktorearekin.

Instalazioak hauek hartzen ditu barne:

– Aurretratamendua hezetasun bidez (poltsa-irekigailua, bereizgailu ferrikoak, bereizketa organikoko errotak, baheketa hezeak, ponpa birrintzaileak eta harea erauzteko multzoa, hidrozikloia).

– Aurretratamenduko tangak.

– Digestioa: digestoreen goialdean bi gasometro dituzten 2 digestore mesofilo.

– Biogasa «scrubber» bidez desulfuratzea.

– Biogasa aberastea: aurretratamendua hozkailuarekin, ikatz aktibozko iragazkiarekin, behe-presioko konpresorearekin, mintzen teknologia bidezko arazketarekin eta goi-presioko konpresorearekin, gas-sarera txertatzeko.

– Deshidratazioa: solido eta likidoen bi bereizketa seriatu (malutatu gabea eta malutatua).

– HUA efluenteen tratamendua: arazketa biologikoko prozesua osatzen duten etapa hauek ditu:

• Iragazketa.

• Desnitrifikazioa.

• Nitrifikazioa.

• Mintz bidezko ultrairagazketa.

Hona hemen instalazioen ezaugarriak eta jarduera-prozesua:

– GBZOa jasotzeko, hautatzeko eta tratatzeko eremua.

Kamioiak hartzeko eta jasotako hondakinak biltegiratzeko gune bat dago. Horretarako, lehendik dagoen pabiloia erabiliko da, eta bertan dauden bi hobiekin bat egingo da.

Hondakinak olagarro batekin jasotzen dira harrera-hobitik mendebaldean dagoen alboko tobera batera, eta, torloju amaigabeen sistema baten bidez, materiala poltsa-irekigailu batetik pasatzen da, hondakin-poltsak ireki ahal izateko. Hortik, fluxua bi lerrotan banatzen duen tobera batera igarotzen da, metal-bereizgailuetatik igaroz. Eta, hortik, hondakina bereizketa organikoko errotetara bideratzen da torloju amaigabeen bidez.

Bereizketa organikoko errotek zatiki organikoa eta ez-organikoa bereizten dituzte (bilgarri mota desberdinak batez ere). Ekipoek likidoa sartzeko sarrerak dituzte (prozesuko ura, digeritua edo beste batzuk) zatiki organikoa diluitzeko. Zatiki organikoa ekipoaren azpitik deskargatzen da zuzenean, eta ponpa birrintzaile eta peristaltiko batzuen bidez bideratzen da. Zatiki ez-organikoa (enbalajeak) garraiagailu batekin deskargatuko da edukiontzi batera, eta sistema zentrifugo batetik igaroko da, zatiki horrek izan dezakeen ura berreskuratzeko.

Zatiki organikoa korrontetik igarotzen da, hareak banatzeko multzo batetik. Bertan sartzen dira:

• Hondakinen baheketa fina, garbitzea eta prentsatzea.

• Hareak hidrozikloi bidez bereiztea eta sailkatzea.

• Koipeak eta olioak bereiztea eta erauztea.

Korronte nagusia bitan banatzen da:

• Erauzi eta trinkotu egiten den errefusaren korrontea, zabortegian kudeatzeko.

• Organiko diluituaren korronte nagusia.

Horren ondoren, hondakin organiko disolbatuaren korronte nagusia bi birika-andeletara ponpatzen da, aurretanga izenekoak. Andel horiek etengabeko agitazioa izango dute, esekidura digestoreetara ponpatu aurretik.

– Digestio anaerobikoko eta biogasa ekoizteko eremua.

Hondakinen esekidura likidoaren ezpurutasunak kendu ondoren, digestore anaerobikoak elikatzen dira, erregimen mesofiloko «nahasketa osoa» motakoak. Horiek hidrolisiaren eta metanogenesiaren funtzioak konbinatzen dituzte tanga bakar batean, eta bi digestore dituzte, 5.300 m³-ko bolumen garbikoa bakoitza. Digestore bakoitzak gasometro bat du bere kupulan, eta, beraz, gero birika bat dago biogasa aprobetxatzeko.

Digestorearen barruko agitazio-sistema 3 irabiagailu bertikalekin eta albo bateko irabiagailu batekin egiten da. Irabiagailu horiek guztiak esekidura organikoan murgilduta daude, eta mantentze-lanak egiteko aukera ematen dute, digestoreak hustu beharrik izan gabe. Digestiorako behar den tenperatura galdara baten bidez lortzen da, eta galdara horrek biogas-gasoliozko erregailu dual bat dauka.

Digestore bakoitzeko kupulan biogasa biltegiratzeko bi gasometroetako bakoitzaren bolumena 786 m³-koa da; beraz, biogasa biltegiratzeko gaitasuna 1.572 m³-koa da guztira.

Era berean, segurtasun-zuzi bat dago gelditu egiten denerako edo biogas-kontsumorik ez dagoenerako, eta biltegiratzeko ahalmena gainditzen denerako.

– Biogasaren desulfurazioa.

Galdaran edo biogasaren «upgrading»ean erabili aurretik, biogasean dagoen H₂S-a ezabatzeko «scrubber» bat dago. Horrela, araztutako biogasa lortzen da, eta galdararen eta «upgrading»aren funtzionamendua hobetzen da.

– Biogasa aberastea («upgrading»).

«Upgrading»-instalazioan biogasa tratatzen da gas-sistemaren kudeaketa teknikoko arauetan ezarritako parametroak betetzeko. Biogasa prozesu hauetan tratatzen da:

• Hozte-prozesua, hezetasuna kentzeko.

• Iragazketa-prozesua, partikulak ezabatzeko.

• Desulfurazio-prozesua, ikatz aktiboko iragazkien bidez.

• CH₄ kontzentrazioa eta CO₂-a ezabatzea, mintz-teknologiaren bidez.

• Presurizazioa eta injekzioa gas-sarean.

– Deshidratazioa.

Digestoreetatik datorren digeritu agortua egonkortzeko tratatuko da, eta horretarako bereizi egingo dira solido-likidoen malutatu gabeko fasea eta solido-likidoen fase malutatua.

Zatiki solidoa konpostatzera bidaltzen da, eta zatiki likidoa diluziorako erabiltzen da, instalazioaren beharretarako; soberakina, berriz, HUAra bideratzen da.

– Efluenteen tratamendua.

Hondakin solidoak eta likidoak bereiztetik lortutako zatiki likidoa eta bildutako uraren soberakina HUAn tratatzen dira. HUAk honako hauek ditu:

• Nitrifikazio-/desnitrifikazio-erreaktorea (mintz-erreaktorea edo MBR).

• Ultrairagazketa-sistema.

• Lohien birzirkulazio-sistema.

Era berean, usaina kentzeko sistema bat dago: gasak hasieran hezetze-prozesu batekin tratatzea, gasa egokitzeko (hezetasuna, tenperatura, pH-a, partikulak); eta tratamendu biologikoa, prestazio handiko bioiragazki misto organiko/ez-organikoa. Usaina kentzeko sistemak 33.000 Nm³ ordura arteko emaria tratatzen du.

Urtean 7.000.000 Nm³ inguru biogas ekoiztea balioesten da. Horietatik % 84,14 sarera bideratzen dira, eta gainerakoa galdararen autokontsumorako erabiltzen da, hark digeritua berotzen baitu, digestioaren erregimen mesofiloa mantentzeko.

Bestalde, digerituak digestoreen atxikipen hidraulikoko denbora gainditu ondoren, hura solido eta likidoak bereizteko ekipoetara ponpatzen da (malutatu gabeko bereizgailua eta bereizgailu malutatua), eta ekipo horien zati solidoa konposterako erabiltzen da. Konpostatze hori Garbiker MP AB SA enpresak zabortegian bertan (Bizkaiko Konpostegian) duen instalazioan egingo da. Konpost egiteko korrontea landare-egituratzaile batekin nahasten da, prozesuaren beharretara egokitutako C/N erlazioarekin. Urtean 12.000 tona konpost egonkortu ekoiztea aurreikusten da (materia lehorraren % 60).

Biometanizazio-instalazioak «Best Available Techniques (BAT) Reference Document for Waste Treatment» (2018ko urria) agirian eta Batzordearen 2018ko abuztuaren 10eko 2018/1147 (EB) Betearazpen Erabakian –erabaki horren bidez, hondakinen tratamendurako teknika erabilgarri onenei (TEO) buruzko ondorioak ezartzen ziren, Europako Parlamentuak eta Kontseiluak emandako 2010/75/EB Zuzentarauaren arabera– jasotako teknika hauek izango ditu: TEO1, TEO2, TEO4, TEO5, TEO8, TEO10, TEO12, TEO13, TEO14, TEO15, TEO16, TEO17, TEO18, TEO19, TEO20, TEO21, TEO33, TEO34, TEO35 eta TEO38».

«Bigarrena.– Honako baldintza eta eskakizun hauek ezartzea Garbiker MP AB SAk (Artigas zabortegia) Bilboko udal-mugartean (Bizkaia) sustatzen duen hondakin arriskugabeetarako zabortegi-jarduera ustiatzeko, lagatzeko, ixteko eta itxi ondoren mantentzeko, eta biometanizazio-instalazio batean hiri-hondakinak kudeatzeko:

A) Ingurumen-erantzukizuna.

Jardueraren operadoreak ingurumen-kalteak prebenitzeko, saihesteko eta konpontzeko neurriak hartu eta betearazi behar ditu, eta haien kostuak ordaindu behar ditu, zenbatekoa edozein dela ere, baita dolorik, errurik edo zabarkeriarik ez bada ere, Ingurumen-erantzukizunari buruzko urriaren 23ko 26/2007 Legearen 19.1 artikuluan adierazten den bezala.

Garbiker MP AB SAri (Artigas zabortegia) emandako baimena funtsean aldatu denez, eguneratu egin beharko da ingurumen-arriskuen azterketa, abenduaren 22ko 2090/2008 Errege Dekretuaren 34. artikuluan ezarritakoaren arabera.

B) Erantzukizun zibileko asegurua.

Erantzukizun zibileko aseguru bat eratu beharko da milioi bat (1.000.000) euroko zenbatekoaz, honako hauek estaliko dituena: hirugarren pertsonei edo horien ondasunei sortutako balizko kalteengatiko kalte-ordainak, eta baimen honek onartutako jardueraren ondorioz ingurumen aldatua konpondu eta lehengoratzeko kostuak.

Hondakinak zabortegietan utzita deuseztatzea arautzen duen uztailaren 7ko 646/2020 Errege Dekretuaren 11.d) artikuluan adierazitakoaren arabera, aseguru horrek honako kontingentzia hauek estali behar ditu gutxienez: heriotzagatik, lesioengatik edo pertsonen gaixotasunagatik eta gauzetan izandako kalteengatik zor diren kalte-ordainak, bai eta ingurumen eraldatua konpondu eta lehengoratzeko kostuak ere.

Garbiker MP AB SAk (Artigas zabortegia) erantzukizun zibileko asegurua eguneratu izanaren ziurtagiria igorri beharko du urtero ingurumen-organora, eta polizan edozein aldaketa gertatu bada, ingurumen-organoari jakinarazi beharko dio. Gainera, kontratatutako aseguru berriaren baldintza orokor, berezi eta berariazkoen kopia ere igorriko da.

C) Finantzen azterketa.

Sustatzaileak finantzen azterketa eguneratua aurkeztu beharko du urtero Hauek jaso beharko dira bertan: instalazioa ezarri eta ustiatzeko kostuak, A eta B puntuetan (ingurumen-erantzukizuneko asegurua eta erantzukizun zibileko asegurua) ezarritako bermetik eratorritako gastuak, 30 urteko epearen ondorengo itxiera eta mantentze-lanen zenbatetsitako kostuak, berotegi-efektuko gasen isurketari lotutako kostuak eta babes- eta zuzenketa-neurriak eta ingurumena zaintzeko programa exekutatzeari buruz baimen honetan ezarritako eskakizun guztiak.

Finantza-azterketa horretan, gastuak eta diru-sarrerak partidaka eta urteka xehatuko dira, aurreikusitako ustiapen-planari jarraikiz.

Diru-sarrerek banakapen bat izan beharko dute, hondakin tipologiaren arabera kobratutako prezioarekin, uztailaren 7ko 646/2020 Errege Dekretuaren 9. artikulua betetzen dela agerian uzteko.

Gainera, behin jarraibideak argitaratuta, azterketa hori egiteko, finantza-azterketak egiteko irizpideei buruzko jarraibide teknikoetan zehaztutako gidalerroak bete beharko dira, ingurumen-organoak zehaztutakoak.

D) Administrazioarekiko harremanen arduraduna.

Administrazioarekiko harremanez arduratuko den goi-mailako tituludunari buruz emandako datuetan aldaketarik balego, Garbiker MP AB SAk (Artigas zabortegia) aldaketa horien berri emango du Ingurumen Jasangarritasuneko Sailburuordetzan. Aldaketa oro Garbiker MP AB SAren (Artigas zabortegia) legezko ordezkari batek eta izendatutako pertsonak sinatutako dokumentu batean jasoko da, eta datu hauek bildu beharko ditu: izen-abizenak, NANa, harremanetarako helbidea eta prestakuntza teknikoa.

Zabortegiaren kudeaketa kualifikazio tekniko eta esperientzia profesional egokia duen pertsona fisiko baten esku egongo da.

E) Babes- eta zuzenketa-neurriak.

Babes- eta zuzenketa-neurri sustatzaileak Ingurumen Organo honetan aurkeztu dituen agirietan aurreikusi bezala gauzatuko dira, indarrean den araudiaren arabera eta ondorengo apartatuetan ezarritakoari jarraituz:

E.1.– Zabortegiko jardueran egin beharreko obretarako baldintza orokorrak (iragazgaiztea, ustiatzea, zigilatzea).

E.1.1.– Jarduketa-esparrua mugatzea.

a) Obrak eta lurzoruaren okupazioa ekartzen duten eragiketa osagarriak proiektuaren mugen barruan garatuko dira. Ahalik eta gehien murriztuko da obrako makinak eta ibilgailuak aipatutako mugetatik kanpo zirkulatzea.

b) Adierazitako esparru horretan ustekabeko kalteren bat sortuz gero, neurri zuzentzaile eta gunea eraberritzeko neurri egokiak hartuko dira, ebazpen honen E.1.9 apartatuan aipatutako ingurumen-aholkularitzak txostena egin ondoren.

c) Obrarako sarbideak, makina-parkea, obrako materialak aldi baterako biltegiratzeko gunea, hondeaketa-lurren eta hondakinen aldi baterako metaketak ingurumenean ahalik eta eragin txikiena izateko moduan proiektatuko dira. Obrak hasi aurretik, aurreko alderdiak xehetasunez adierazten dituen mugaketa egingo da kartografian. Muga hori obra-zuzendaritzak baimendu beharko du, eta, aldez aurretik, ebazpen honen E.1.9 apartatuan aipatzen den txostena egingo du Ingurumen Aholkularitzak.

E.1.2.– Natura-ondarea babesteko neurriak.

a) Landaredi autoktonoa kentzea saihestuko da zuzeneko okupazioa aurrez ikusten ez den eremuetan. Horretarako, behar bezala mugatu eta balizatu beharko dira mantendu eta gorde beharreko landaredi-eremuak.

b) Gainazal aldatuetan landare-berritzea burutuko da, ahal den neurrian jatorrizko morfologia errespetatuz.

c) Ezingo dira okupatu, ez aldi baterako, ez modu iraunkorrean, proiektuak ukitzen dituen eremutik igarotzen diren lurrazaleko uren bide-zortasunak. Horiek ahalik eta baldintza naturalenetan gelditu behar dira, beren eginkizuna oztopatzen duen betelan, itxitura edo bestelako okupaziorik gabe.

d) Proiektuaren eremuan identifikatutako espezie inbaditzaileak desagerrarazteko kanpaina bat egingo da.

Kontrol-neurriak hartuko dira lurrak mugitu diren landaretzarik gabeko eremuetan landare-espezie inbaditzaileak sar ez daitezen. Gainera, lurren jatorria kontrolatu beharko da; bereziki, landare-estalkia lehengoratzeko lanetan erabilitako lurren kasuan. Ahal dela, ez da erabiliko espezie inbaditzaileekin kutsatuta egon litekeen lurrik.

e) Ingurumen eta Lurralde Politikako sailburuaren 2016ko maiatzaren 6ko Aginduan zehaztutakoa kontuan hartu beharko da. Agindu horren bidez, hegazti-espezie mehatxatuen ugalketa, elikadura, sakabanatze eta kontzentrazioko lehentasunezko eremuak zedarritzen dira eta abifaunaren babes-eremuak –non goi-tentsioko aireko linea elektrikoetan ez elektrokutatzeko edo talka ez egiteko neurriak aplikatuko baitira– argitaratzen dira.

E.1.3.– Lurzorua eta urak babesteko neurriak.

a) Obrako makinak gordetzeko eremua eta haiek mantentzeko tokia drainatze-sare naturaletik bereiziko dira. Zola iragazgaitza eta efluenteak biltzeko sistema izango ditu, olioek eta erregaiek lurzorua eta ura kutsa ez ditzaten. Erregaien zamalanak, olio-aldaketak eta lantegiko jarduerak ezin izango dira horretarako adierazitako guneetatik kanpo egin.

b) Eraikuntza-lanak egin bitartean, ahalik eta material xehe gutxien bota behar da drainatze naturaleko sarera. Horretarako, urak bideratzeko egiturak eta solido esekiei eusteko sistemak proiektatu eta egikarituko dira, obrengatik kutsatutako urak haietan biltzeko.

E.1.4.– Hauts-emisioak murrizteko neurriak.

a) Obrak dirauen artean, bideak eta ibilgailuak igarotzeko beste lekuak garbitzeko kontrol zorrotza egingo da, nola obrek ukitutako ingurunean, hala obra horietarako sarbideetan. Sistema bat eduki beharko da aldi baterako soildutako pistak eta gainazalak ureztatzeko.

b) Obrako aldeen irteeran, ibilgailuak garbitzeko gailuak ezarriko dira. Instalazio horien ezaugarriak eta kokaleku zehatza ebazpen honen E.1.10. puntuak aipatzen duen agirian jaso beharko dira.

E.1.5.– Zarataren eta bibrazioen ondorioak gutxitzeko neurriak.

Eraikuntza fasean, proiektuan eta ebazpen honetan deskribatutako neurriak aplikatu beharko dira makinek bete behar dituzten baldintzei dagokienez, aire zabalean erabiltzeko makina jakin batzuen ingurunerako soinu-emisioak arautzen dituen otsailaren 22ko 212/2002 Errege Dekretuan ezarritakoa betez (errege-dekretu hori apirilaren 28ko 524/2006 Errege Dekretuak aldatu du), eta haien mantentze-lanei eta lan-ordutegiei dagokienez.

E.1.6.– Hondakinak kudeatzeko neurriak.

a) Apirilaren 8ko 7/2022 Legeak (Hondakinak eta Lurzoru Kutsatuak arautu eta Ekonomia Zirkularra bultzatzekoak) araututako moduan eta aplikatzekoak diren berariazko araudiek agindutako moduan kudeatuko dira obretan sortutako hondakinak, hondeaketakoak, lanlekuak prestatzeko eragiketen ondoriozkoak, bilgarriak, eta errefuseko nahiz garbiketa-kanpainetako materialak.

Hondakinak kudeatzeko hierarkia-printzipioei jarraituz, hondakinak sortzea prebenitu behar da, edo, hala badagokio, apirilaren 8ko 7/2022 Legearen 8. artikuluan ezarritako lehentasun-hurrenkerari jarraituz kudeatu behar dira, hau da: prebenitzea, berrerabiltzeko prestatzea, birziklatzea eta balorizatzeko beste modu batzuk, balorizazio energetikoa barne. Hondakinak deuseztatzeko, ezinbestekoa izango da aldez aurretik behar bezala justifikatzea teknikoki, ekonomikoki edo ingurumenaren aldetik ez dela bideragarria haiek balorizatzea.

b) Eraikitze- eta eraispen-jardueren ondorioz sortutako hondakinak, hala badagokie, 105/2008 Errege Dekretuan, otsailaren 1ekoan, eraikuntza- eta eraispen-hondakinen ekoizpena eta kudeaketa arautzekoan, eta 112/2012 Dekretuan, ekainaren 26koan, eraikuntza- eta eraispen-hondakinen ekoizpena eta kudeaketa arautzekoan, aurreikusitakoa betez kudeatuko dira.

c) Zabortegira bideratu behar diren berrerabili edo baliotu gabeko materialak zabortegietan hondakinak onartzeko irizpide eta prozeduren arabera kudeatu behar dira.

d) Lursailen egokitzapenerako edo betelanetarako baliatu beharreko hondakinak, berriz, Hondakinak zabortegietan utziz deuseztatzeko jarduera arautzen duen uztailaren 7ko 646/2020 Errege Dekretuan eta Hondakinak zabortegietan biltegiratuta eta betelanak eginda deuseztatzea arautzen duen otsailaren 24ko 49/2009 Dekretuan xedatutakoaren arabera kudeatuko dira.

e) Hondeaketa-soberakinen metakinetan betelanak egin nahi badira, otsailaren 24ko 49/2009 Dekretuaren 26. artikuluan ezarritakoa betez, betelan horren proiektua idatzi beharko da, eta horren edukia dekretu horren V. eranskinean zehaztutakora egokituko da. Eranskin horretan, betelanak instalatzeko proiektu teknikoek gutxienez ere zer eduki izan behar duten zehazten da. Proiektua ingurumen-organo honi aurkeztu beharko zaio, egin aurretik baimena eman dezan.

f) Industrian erabilitako olioaren kudeaketa arautzen duen ekainaren 2ko 679/2006 Errege Dekretuari jarraituz kudeatu beharko dira sortutako olio erabiliak.

Olio erabiliak kubeta edo segurtasun-sistema barruko gordailuetan gordeko dira aldi baterako, kudeatzaile baimenduak jaso arte, gordailu nagusia hausteagatik edo estankotasuna galtzeagatik olioak sakabanatzea saihesteko. Horretarako, kontratistak berak dituenak edo Garbiker MP AB SA enpresak Artigas zabortegiko instalazioetan dituenak erabiliko dira.

g) Hondakinak kudeatzeko araudia betetzea errazteko, lan guztietan sortutako hondakinak kudeatzeko sistemak jarri beharko dira. Lan horien arduradunek kudeatuko dituzte sistema horiek, eta haien ardura izango da, halaber, langileek behar bezala erabiltzea hondakinak. Bereziki, erregaiak eta produktuak biltegiratzearen, makinen mantentze-lanak egitearen edo hondakinak erretzearen ondorioz ez dira inolaz ere efluente kontrolatu gabeak sortuko.

Aurrekoaren ildotik, gune espezifiko bat prestatuko da, eta bertan jarriko dira hondakin arriskutsuak (olio-latak, iragazkiak, olioak, pinturak eta abar) aldi baterako gordeko dituzten instalazio estaliak. Gainera, hondakin arriskugabeak eta inerteak biltzeko edukiontzi espezifikoak jarriko dira beste leku batean, aurrekoetatik bereizirik. Edukiontzi horiek itxita egongo dira kudeatzaileari eman arte, edukirik gal ez dadin isurita edo lurrunduta.

Era berean, sortutako hondakinak biltzeko gailu estankoak (bidoiak eta abar) instalatuko dira obran zehar, eta izaeraren arabera bereiziko dira. Hori guztia, aipatutako garbigunean aldi baterako biltegiratu aurretik egingo da, eta horretarako, kontratistak dituenak edo Garbiker MP AB SAk Artigas zabortegiko instalazioetan dituenak erabiliko dira.

h) Obretan sortutako hondakinen ingurumen-jarraipena jasoko duen txosten bat egin beharko da, eta indarreko legedian jasotako identifikazio-dokumentuak eta tratamendu-kontratuak txosten horretan sartu beharko dira.

E.1.7.– Paisaian integratzea.

Eremu berri batean obrak abiatzean, landare-lurra erretiratu eta pilatu egingo da, edo zuzenean zabortegia zigilatzeko erabiliko da.

E.1.8.– Obraren garbiketa eta akabera.

Behin obra amaituta, garbiketa-kanpaina sakona egingo da, proiektuaren eraginpean egon den esparru osoan obra-hondakinik ez uzteko.

E.1.9.– Ingurumen-aholkularitza.

Obra amaitu arte eta horren berme-aldian zehar, Obra Zuzendaritzak ingurumenaren eta, oro har, babes- eta zuzenketa-neurrien inguruko aholkularitza kualifikatua izan beharko du. Obra-zuzendaritzak baldintza-agiriak gai horiei buruz esleitzen dizkion funtzioen alorreko erabakiak hartu aurretik, aholkularitza hori ematen duten adituek txosten bat egin beharko dute.

E.1.10.– Lan-programa diseinatzea.

Kontratistak jarduera-proposamen xehatu batzuk egin beharko ditu, ondorengo azpiapartatuetan adierazitako alderdiei buruz. Proposamen horiek, ebazpen honetan kasu bakoitzerako ezartzen diren irizpideen arabera diseinatuko dira eta obra-zuzendaritzak espresuki onetsi beharko ditu, aurreko apartatuan aipatutako ingurumen-aholkularitzak aurrez txostena eginda. Ondoren lanak burutzeko programan txertatuko dira. Hauek dira dokumentuak:

a) Kontratistaren instalazioen eta hondakinak aldi baterako biltegiratzeko eremuen kokapenari eta ezaugarriei buruzko xehetasunak, ebazpen honen E.1.1 apartatuan aurreikusitakoaren arabera.

b) Ebazpen honen E.1.2 apartatuari jarraikiz, landaredi-eremu interesgarri eta zuzeneko okupaziorik gabeak seinalatzea xehetasunezko kartografian.

c) Ebazpen honen E.1.3 apartatuari jarraikiz, solido esekiak atxikitzeko egituren xehetasunak eta kokapena.

d) Ebazpen honen E.1.4 apartatuari jarraikiz, ibilgailuak garbitzeko gailuen xehetasunak eta kokapena.

E.1.11.– Obrek dirauten bitarteko jardunbide egokien kontrola.

Obrak egin bitartean, jardunbide egokien kontrola egingo da, eta arreta berezia jarriko zaie eragindako eremuari eta ingurune urtarraren babesari, hondakinen kudeaketari (hondeaketako soberakinak barne), solido esekiei eusteko elementuen funtzionamenduari, sortzen den hautsari eta zaratari, eta ebazpen honetan adierazitako gainerako alderdiei.

E.1.12.– Obra-amaierako txostena.

Obra bukatu eta hilabeteko epean, Garbiker MP AB SAk (Artigas zabortegia) Obra Zuzendaritzak sinatutako obra-amaierako ziurtagiria bidali beharko dio Ingurumen Organoari. Honako agiriak jaso behar ditu:

– Obren garapenean zehar sortutako gorabeherak.

– Ebazpen honetan jasotako babes- eta zuzenketa-neurrien betetze-maila, eta hondeaketa-materialen kudeaketa zuzena gauzatzeko ingurumen-organoak eskatutako neurriena.

– Hala badagokio, obra gauzatu bitartean gehitu diren aldaketak. Xehetasunez dokumentatu beharko dira, segurtasunaren edo ingurumen-babesaren murrizketa ez dutela ekartzen egiaztatuz (dagokionean, kalkulu justifikagarriak). Planoak «as built» gehituko dira.

– Obrak egin bitartean garatutako ingurumena zaintzeko programaren emaitzen txostena, sortu diren hondeaketa-materialen helmuga zehatza eta kantitatea barne, eta horien kuantifikazioari eta ezaugarritzeari buruzko datuak barne.

– Eraikitze-kalitatearen berme-kontrolaren emaitzak jasotzen dituen txostena, bereziki, geosintetikoen instalazioarena edo in situ trinkotutako material mineralekin egindako hesi geologiko artifizialen instalazioarena.

E.2.– Ontzia egokitzeko eta zabortegiaren iragazgaizte-obrak gauzatzeko baldintza espezifikoak.

Ustiapen fase bakoitza gelaxkatan banatuta egongo da, eta edozein motatako hondakinak utzi aurretik iragazgaiztu beharko da.

E.2.1.– Iragazgaizte-obrak hasi aurretiko baldintzak.

Garbiker MP AB SAk (Artigas zabortegia) zabortegiak egiten, zigilatzen eta iragazgaizten espezializatuta dagoen obra-zuzendaritza bat izendatu beharko du, eraikitzailearen eta haren sustatzailearen independentea izango dena.

Halaber, zabortegia iragazgaizteko geosintetikoen instalazioaren kalitatea bermatzeko kontrolaz arduratuko den eta sustatzailearen eta eraikitzailearen mende ez dagoen enpresa izendatu beharko du. Enpresa horrek ebazpen honen E.2.2. apartatuan ezarritako baldintzak betetzen direla egiaztatzeko ardura izango du.

Obrak hasi aurretik, Garbiker MP AB SA enpresak (Artigas zabortegia) zuzendaritza teknikoaren nola iragazgaizterako geosintetikoen instalazioaren kalitatea bermatzeko kontrola egingo duen enpresa arduradunaren izendapenaren berri eman beharko dio ingurumen-organoari.

Zabortegiko gelaxka bakoitza iragazgaizteko obrak hasi baino behar beste denbora lehenago, proiektua aurkeztu beharko zaio ingurumen-organo honi. Bertan, exekuzio-baldintzak, iragazgaiztearen sekuentzia eta obrak egiteko epeak txertatuko dira, besteak beste.

Gainera, behin jarraibideak argitaratuta, iragazgaizte-obrak egiteko irizpideei buruzko jarraibide tekniko aplikagarrietan ezarritakoa bete beharko da. Ingurumen-organoak ezartzen ditu jarraibide horiek.

E.2.2.– Zabortegiko gelaxka bakoitza iragazgaizteko obrak egiteko baldintzak eta eskakizunak.

a) Hondakin-ontziaren iragazgaiztearen sekuentzia honako hau izango da (goitik behera):

– Lixibiatuen geruza iragazlea. Material pikordun baten geruzaz osatuta egon daiteke (lehentasunez, legar edo harearen tamainako bigarren mailako aleez), sastatzearen aurkako geotestilaren bidez azpiko geomintzaz bereizia, eta gainetik iragazki-geruzaren bidez, edo drainatzaile-geokonposatuaren bidez, edo segida honen bidez: sastatzearen aurkako geotestila - geosarea - iragazki-eginkizuna duen geotestila. Nolanahi ere, geruza drainatzaile horren igorgarritasuna drainatzearen luzeraren, drainatzearen isurialdearen eta hondakinen eroankortasun hidrauliko asearen arabera kalkulatuko da. Horrela, ezarritako geruzaren igorgarritasunak kalkulatutako igorgarritasunarekiko >=20ko segurtasun-faktorea izango du, eta geruza horren barruan lodiera aseak geruzaren lodiera edo 0,30 m ez du gaindituko; txikiena den neurria, hain zuzen ere. Baldintza hori betetzearen justifikazioa geruza drainatzaileen iragazkortasunean, hodietaraino duten isurialdean eta luzeran eta hondakinen masaren batez besteko iragazkortasunean oinarrituko da. Geruza drainatzaile horien oinarriak gutxienez % 2ko isurialdea izango du lixibiatuak biltzeko hodien aldera.

– 2 mm-ko lodiera duen dentsitate altuko polietilenozko (HDPE) geomintza.

– Hesi geologiko artifiziala. 0,60 metrokoko lodiera eta >=10^-9 m/s-ko iragazkortasuna duen geruza mineral trinkotuaz osatuta egongo da, 0,15 metroko 4 geruzen bidez eraikia. Aurrekoak bezalako babesa eskainiz gero, txandaka bentonitazko geokonposatua (esaterako, ezpondaren eremuetan) edo hondakin trinkotuak erabili ahal izango dira egungo zabortegiak okupatutako eremuetan.

– 0,50 metroko lodiera duen erregularizazio-geruza, Proctor Aldatua entseguaren gehieneko dentsitatearen % 95era trinkotutako hondakin hautatuaz osatua.

b) Aurreikusi beharrekoa da jada jarritako hondakin-masaren gainean kokatu beharreko zabortegiaren iragazgaizteak asentatzeak jasatea, horien degradazioren ondorioz eta gainean utzi beharreko hondakinen pisuaren ondorioz. Ondorioz, saiakuntzetan oinarrituta, utzitako hondakinen eta iragazgaiztean erabili beharreko materialen deformagarritasuna zehaztu beharko da, eta zabortegiaren oinarriaren iragazgaiztearen formaren diseinuak asentu horiei lotutako deformazio bat jasango duen kalkuluen bidez justifikatu beharko da, ontziaren erabilera-epea eta itxi ondorengo 30 urteak kontuan hartuta. Azkenik, asentatze/deformazioen kontrolerako plana diseinatuko da, egindako aurreikuspenak betetzen diren egiaztatzeko. Plan horrek erabili beharreko kontrol-metodoak, kontrol-lekuak, neurketen maiztasuna, neurketa-prozedurak eta egindako aurreikuspenak betetzearen egiaztapen-prozedura zehaztu beharko ditu.

c) Zabortegiaren egonkortasunari buruzko azterlan bat egingo da, balizko hausturak analizatzen dituena, bai hondakin-masaren bidez, bai iragazgaiztea osatzen duten geruzen bidez, bai hondakinen eta zimendu-lurraren bidez. Material desberdinetarako erabilitako parametro geoteknikoak ahal bada in situ egindako saiakuntzetatik eskuratuko dira. Irristaduraren aurrean, segurtasun-faktorea (FS) honelakoa izan behar da:

– Egoera normalean: FS >=1,50.

– Ezbehar egoeran (drainatze-sistemaren akatsa): FS >=1,30.

Analizatutako egoerak bat etorri behar du aurkeztutako zabortegi-diseinuarekin.

Nolanahi ere, aurretik egindako egonkortasunari buruzko azterlanen kopia bat eta dauden azterlan geologiko eta geoteknikoen kopia bat aurkeztuko da.

d) Hauen justifikazioa aurkeztu beharko da: hondakin-ontzi berrietako lixibiatuak drainatzeko geruzaren diseinu hidraulikoarena; lixibiatuak biltzeko hodi-sarearena; hodi horien diseinu mekanikoarena, jasango duten hondakin-kargaren aurrean; gelaxkaren barruan lixibiatuak ponpatzeko zuloarena; eta erauzketa-ponpak behar bezala betetzen duela lixibiatuen mailak geomintzarekiko 0,30 metroko maila ez gainditzeko eskakizuna (ponpa hori beharrezkoa ez bada, hori ere justifikatu egin beharko da). Justifikazio hori hauetan oinarrituko da: hodien ezaugarriak (barruko eta kanpoko diametroak, irekiduren –zirrikituak edo zulaketak– dimentsioa eta tartea, zimurtasuna, zapalketarekiko erresistentzia eta abar), jasango duen hondakin-karga, zuloaren dimentsioak, legarren porositatea, lixibiatuak erauzteko ponparen ezaugarriak, hodi eragilea euskarri duen ezpondaren geometria, ponpaketaren emaria, ponparen piztu/itzali kontsignaren mailak, ponpaketa-zikloen iraupena, goratzearen garaiera, karga-galerak eta abar. Lantokian atmosfera leherkorretatik eratorritako arriskuen eraginpean dauden langileen osasuna eta segurtasuna babesteari buruzko ekainaren 12ko 681/2003 Errege Dekretua betez diseinatu eta erabiliko da ponpaketa-ekipamendua, ponpaketa izatearen beharra justifikatzen bada.

e) Ontzia prestatzeko eta zabortegia iragazgaizteko lanak burutzen diren bitartean proiektuan funtsezko aldaketak ekar ditzakeen aldaketarik eginez gero, ingurumen-organo honi jakinaraziko zaio balorazioa egin dezan, eta hala badagokio, burutu aurretik onar dezan.

f) Era berean, alboko eta hondoko iragazgaizte-sistemak bete egin beharko du «Zabortegiak kokatzeko, diseinatzeko eta zaintzeko irizpideak ezartzeko gomendioak» jarraibidean zehaztutakoa, III.2 apartatua, xafla sintetiko iragazgaitzaileari, babesteko geotestilari, lixibiatuen drainatze-geruzari, geruza iragazleari eta drainatze- eta hustuketa-hodiei dagokienez.

E.2.3.– Sustatzailearen betebeharrak zabortegiaren gelaxka bakoitza eraikitzeko obrak amaitu ondoren.

Zabortegiko gelaxka bakoitza iragazgaizteko lanak amaitutakoan, obraren zuzendariak iragazgaizte hori ebazpen honetan eta horren oinarri den agiri teknikoan ezarritako baldintza eta betekizunetara egokituta egin dela egiaztatu beharko du. Obra-amaierako ziurtagiri baten bidez egiaztatuko da; bertan jaso beharko da iragazgaiztea eta aurretiazko azpiegiturak gauzatu izana (sarbideak, belar-sastrakak garbitu eta kentzea, landare-lurrak hartzea, perimetroko kanalak, iragazgaiztea, lixibiatuen drainatzeak, etab.), obraren zuzendariak izenpetuta eta honako dokumentu hauek erantsita:

– Eraikitzeko proiektua («as built»), dagokion elkargo ofizial profesionalak oniritzia emanda duela; plano sorta, eta obra fasean egindako aldaketek ebazpen honetan eta ebazpenaren oinarri diren agirietan ezarritako baldintza eta eskakizunei dagokienez segurtasun-murrizketarik ekartzen ez dutela adierazten duen justifikazioa. Halaber, obra bukatutakoan ikusi ezin diren elementuen eta horien ezaugarrien argazki-erreportajea egin beharko du, xehetasunen ikuspegiak eta planoan duten kokalekua azalduz, ikuspegi panoramiko orokor gisa.

– Iragazgaizte-segidaren geomintzaren gaineko gainazalaren plano topografiko bat, UTM-ETRS 89 koordenatuetan eta kota absolutuetan.

– Eraikuntza-kalitatea kontrolatzeko eta bermatzeko programaren emaitzak. Programa horrek barne hartuko ditu eginiko lanak deskribatzen dituen memoria eta emaitzak, eta ondorioak laburbiltzen dituzten taulak; horrez gainera, zenbait eranskin bilduko ditu, landa-laneko eta laborategiko emaitza analitiko guztiak jasoko dituztenak (azken horiei buruz txosten osoak jasoko dira), bai eta laginketa-puntuek plano takimetrikoan duten kokapena ere.

– Jarraibidean adierazitako betekizun guztiak betetzen direla egiaztatzen duen txostena, alboko eta hondoko iragazgaizte-sistemari dagokionez (xafla, geotestila, drainatze-geruza, geruza iragazlea eta drainatze- eta hustuketa-hodiak barne).

Agiri horiek Ingurumen Organoari aurkeztuko zaizkio.

F) Instalazioaren jardunerako baldintza orokorrak.

F.1.– Hondakinak kudeatzeko baldintza eta haien kontrol orokorrak.

a) Instalazioan inolaz ere ez dira onartuko ebazpen honetan zehaztu ez diren hondakinak, edo hondakin onargarrien artean adierazitakoak izanik ere, bestelako hondakin mota generikoren batekin kutsatuta daudenak.

Jasotako hondakinek ezingo dute izan 2008/98/EE Zuzentarauaren III. eranskina ordezten duen Batzordearen 2014ko abenduaren 18ko 1357/2014 Erregelamenduan ezarritako arrisku-ezaugarrietako bat ere.

Hondakinak beste autonomia-erkidego batetik lekualdatzeko, identifikazio-agiri bat aurkeztu beharko da, jarraipena eta kontrola egiteko, bat etorriz Hondakinak eta lurzoru kutsatuak arautu eta ekonomia zirkularra bultzatzeko apirilaren 8ko 7/2022 Legearen 31.2 artikuluarekin.

b) Baimenaren helburu diren hondakin arriskugabeak onartu aurretik, hondakin horiek onartzen dituztela frogatzen duen agiria igorriko zaio hondakinen titularrari. Agiri horretan onarpena zein baldintzetan egiten den zehaztuko dute. Agiri horren kopia bat Ingurumen Jasangarritasuneko Sailburuordetzara igorriko da.

Partida bakoitza jaso aurretik egiaztatu beharko da baldintza horiek betetzen direla.

c) Instalaziora balorizatzera edo tratatzera iristen diren hondakin arriskugabeen eta efluenteen kontrola egin beharko da, berma dadin hondakin horiek ebazpen honetako baldintzei jarraikiz onartuko direla fabrikan.

Kontrol horretan, Ingurumen Jasangarritasuneko Sailburuordetzak onartutako tratamendu-kontratuan ezartzen den egiaztapena egin beharko da. Agiri horretan, muga-parametroak eta onartzeko baldintzak ezarriko dira. Egiaztatze hori sarrera-kontroleko agiri batean erregistratuta geratuko da.

d) Atondutako lurzoruetan egingo dira zamalanetan ibilgailuak geratzeko guneak, eta beharrezkoak diren maldak nahiz gerta daitezkeen isuriak biltzeko sareak izango dituzte.

Instalazioan egiten diren hondakinen zamalanek eta manipulazioek, baita ekipamenduen estankotasunak ere, emisio lausoak edo kontrolik gabeak saihestu beharko dituzte, edo, saihestu ezin denean, ahalik eta gehien murriztu.

e) Hondakinak behar bezala egokitutako lursailean biltegiratuko dira, gerta daitezkeen ihes eta isurtzeen balizko eragina saiheste aldera, eta, halakorik gertatuz gero, horiek bildu eta karakterizatu egingo dira. Prozesatu beharreko hondakin arriskugabeak gehienez sei hilez biltegiratuko dira.

f) Hondakinak eta lurzoru kutsatuak arautu eta ekonomia zirkularra bultzatzeko apirilaren 8ko 7/2022 Legearen 64. artikuluaren arabera, Garbiker MP AB SAk (Artigas zabortegia) formatu elektronikoko artxibo kronologiko bat izan beharko du, non jasoko baitira, ordena kronologikoan, sortutako hondakinen kopurua, mota eta jatorria, bai eta berrerabiltzeko, birziklatzeko, beste balorizazio-eragiketa batzuk egiteko eta deuseztatzeko produktu, material edo substantzien eta horien ondoriozko hondakinen kopurua ere; eta, hala badagokio, eragiketa horien ondorioz sortutako hondakinaren helmuga, bilketaren maiztasuna, garraiobidea eta aurreikusitako tratamendu-metodoa ere inskribatuko dira, bai eta produktu, material eta substantzien helmuga ere. Artxibo kronologikoaren inskripzioak, aplikatzekoa denean, apirilaren 8ko 7/2022 Legearen II. eta III. eranskinen arabera baimendutako tratamendu-eragiketa bakoitzeko egingo dira. Baztertutako hondakinen kasuan, kantitatea, baztertu den hondakinaren enpresa ekoizlea, baztertzearen arrazoia, baztertu den hondakinaren azken helmuga eta beste gorabehera batzuk jakinaraziko dira. Aipatutako fitxategi kronologikoan, hondakinen ekoizpen- eta kudeaketa-lanen agiri bidezko egiaztapenean bildutako informazioa sartu behar da. Artxibo kronologikoa hondakinen ekoizpen- eta kudeaketa-lanetarako eskatutako egiaztatze dokumentaleko informazioa oinarri hartuta egingo da.

Era berean, bidalitako konpost-kantitatea erregistratuko da, bai eta zehaztapenetatik kanpoko produktuen kantitatea eta helmuga ere.

Bi dokumentuak (artxibo kronologikoa eta produktuaren erregistroa) bost urtez gorde beharko dira gutxienez eta urtero bidali beharko dira Ingurumen Jasangarritasuneko Sailburuordetzara, dagokion urteko ingurumena zaintzeko programaren barruan.

Hondakinak eta lurzoru kutsatuak arautu eta ekonomia zirkularra bultzatzeko apirilaren 8ko 7/2022 Legearen 65. artikuluan ezarritakoaren arabera, Garbiker MP AB SA enpresak (Artigas zabortegia), datuak jaso ondorengo urteko martxoaren 1a baino lehen eta dagokion ingurumena zaintzeko programaren barruan, artxibo kronologikoan jasotako informazioaren laburpen-memoria bat aurkeztu beharko du, gutxienez lege horren XV. eranskineko edukia barne hartu duena.

Aurreko apartatuetan adierazitako agiriak Ingurumen Jasangarritasuneko Sailburuordetzara bidaliko dira, Euskal Autonomia Erkidegoko Administrazio Orokorrak eskura jarritako kanal, sistema edo aplikazio informatikoak erabiliz.

g) Baimen honen xede den hondakin arriskugabeak kudeatzeko jarduera zabaldu edo eraldatzen bada, ingurumen-organoari jakinarazi behar zaio, eta, hala badagokio, ingurumen-organoak baimendu beharko du.

F.1.1.– Konposta egiteko instalaziorako baldintzak eta haien kontrola.

Honetan datza Garbiker MP AB SAren (Artigas zabortegia) instalazioetako hondakin arriskugabeak balorizatzeko jarduera:

– Hondakin organikoak biltzea, jasotzea, sailkatzea, biltegiratzea, birrintzea, nahastea, hartzitzea, heltzea, bahetzea, biltegiratzea eta bidaltzea, A eta B motako sailkatzeko moduko konposta lortzeko, ongarriei buruzko ekainaren 28ko 506/2013 Errege Dekretuaren arabera.

Hondakinak eta lurzoru kutsatuak arautu eta ekonomia zirkularra bultzatzeko apirilaren 8ko 7/2022 Legearen II. eranskineko R0301 kodea dagokio jarduera kudeatzeko eragiketari:

R0301: Konpostatzea.

Bahetutako konpostean, araudiak ezarritako parametro guztiak aztertzen eta kontrolatzen dira. Emaitza fisiko-kimikoak eta mikrobiologikoak 506/2013 Errege Dekretuan ezarritako balioekin bat badatoz, produktua bidali egingo da.

Garbiker MP AB SAn (Artigas zabortegia) sortutako konposta Ongarrien Erregistroan inskribatuta dago, eta ongarriei buruzko ekainaren 28ko 506/2013 Errege Dekretuan ezarritakoa bete beharko du. Inskripzio horrekin lotutako edozein aldaketaren berri eman beharko zaio Ingurumen Jasangarritasuneko Sailburuordetzari.

Era berean, 506/2013 Errege Dekretuaren 14. artikuluan (kalitatea kontrolatzeko barneko sistemak) xedatutakoa bete beharko da, batik bat bitarteko teknikoak eta giza baliabideak esleitzeari dagokionez, baita produktu mota bakoitzari dagokion maiztasunean kontrol analitikoak egiteari dagokionez ere.

Urtero 10.000 tona biohondakin eta 8.000 tona egituratzaile tratatzeko gaitasuna du instalazioak.

Instalazioan medeapen organiko bihurtzeko onar daitezkeen hondakinak hurrengo apartatuetan daude zehaztuta. Apartatu horietan, hondakin horiek behar bezala kudeatzeko zehaztapenak jasotzen dira.

Halaber, hau bete beharko dute:

a) Batzordearen 2014ko abenduaren 18ko Erabakiaren bidez argitaratutako hondakinen zerrendan jasota dauden hondakin arriskugabeak baino ezin dituzte kudeatu; taula honetan zehazten dira:

(Ikus .PDF)

F.1.2.– Beste zabortegi batzuetako lixibiatuak kudeatzeko baldintzak eta haien kontrola.

Garbiker MP AB SAren beste zabortegi batzuetatik datozen lixibiatuak eta TMB instalazioko eta konposta egiteko instalazioko efluenteak kudeatzeko jarduerak hauek hartzen ditu barne:

– Lixibiatuak biltzea, jasotzea, biltegiratzea eta tratatzea, gero saneamendu-sarera isurtzeko.

Amoroto, Jata, Igorre, Orkonera eta Gordexolako zabortegietatik edo TMB instalaziotik eta konposta egiteko instalaziotik datozen hondakin arriskugabeak baino ezin dituzte kudeatu, betiere Batzordearen 2014ko abenduaren 18ko Erabakiaren bidez argitaratutako hondakinen zerrendan jasota eta taula honetan zehaztuta badaude:

(Ikus .PDF)

Tratatzeko gehieneko ahalmena: 71.000 m³ urtean.

Hondakinak eta lurzoru kutsatuak arautu eta ekonomia zirkularra bultzatzeko apirilaren 8ko 7/2022 Legearen II. eranskineko D1502 eta D0801 kodeak dagozkio jarduera kudeatzeko eragiketari:

D1502: Tratamenduaren eremuan bertan biltegiratzea.

D0801: Tratamendu biologiko aerobioa.

F.1.3.– Biometanizazio-instalaziorako baldintzak eta haien kontrola.

Garbiker MP AB SAren (Artigas zabortegia) biometanizazio-instalazioak Europako Hondakinen Zerrendako hondakin arriskugabeak tratatu ahalko ditu. Zerrenda hori Batzordearen 2014ko abenduaren 18ko Erabakiaren bidez argitaratu zen (erabaki horren bidez aldatu egin zen 2000/532/EE Erabakia, Hondakinen zerrendari buruzkoa, Europako Parlamentuaren eta Batzordearen 2008/98/EE Zuzentarauan xedatutakoa betetzeko):

(Ikus .PDF)

Gehieneko tratamendu-gaitasuna: 50.000 tona urtean.

Gehieneko biltegiratze-gaitasuna: 590 m³.

Hondakinak eta lurzoru kutsatuak arautu eta ekonomia zirkularra bultzatzeko apirilaren 8ko 7/2022 Legearen II. eranskineko R0302 kodea dagokio jarduera kudeatzeko eragiketari:

R0302: Digestio anaerobikoa.

F.1 apartatuan zehaztutako biometanizazio-instalazioko hondakinak onartu, bildu, ikuskatu eta biltegiratzeko baldintzak eta kontrolak alde batera utzi gabe, Eusko Jaurlaritzako Nekazaritza eta Abeltzaintza Zuzendaritzaren baimenak ezartzen dituen baldintzak bete beharko ditu Garbiker MP AB SAk (Artigas zabortegia), honako xedapen hauetan ezarritako eskakizunak betetzeko: Europako Parlamentuaren eta Kontseiluaren 2009ko urriaren 21eko 1069/2009 Erregelamendua (EE), gizakiak jatekoak ez diren animalia-jatorriko azpiproduktuei eta produktu deribatuei aplikatzeko osasun-arauak ezartzen dituena; Europako Batzordearen 142/2011 Erregelamendua (EB), 2011ko otsailaren 25ekoa, aurrekoa aplikatzeko xedapenak ezartzen dituena.

F.2.– Hondakin-ontzian hondakinak jaso eta ikuskatzeko baldintzak eta kontrolak.

Zabortegian utzi ahalko dira, deuseztatzeko baino ez (D0502 kudeaketa-eragiketa), aldez aurretik tratamenduren bat jaso duten hondakinak, edo behar bezala justifikatuta dagoenean haien balorizazioa ez dela teknikoki, ekonomikoki edo ingurumenaren aldetik bideragarria, zabortegietan utzi daitezkeen hondakinen kopurua edo hondakinak uzteak gizakien osasunerako edo ingurumenerako dakartzan arriskuak murrizteko. Ondorioz, zabortegira iristen diren hondakin balorizagarriak bereizi eta dagokien banakako edukiontzietan gorde behar dira, harik eta balorizatzaile baimendu batera eraman arte. Horretarako, gaur egungo egoera kontuan izanda, 49/2009 Dekretuaren II. eranskinean zehaztutakoari jarraikiz, hondakin balorizagarriak hauek dira: papera eta kartoia, metalak, eraikuntzako eta eraispeneko hondakinak, beira, zura, plastikozko eta metalezko ontziak, 1.400 mm baino kanpo-diametro txikiagoa duten erabiltzen ez diren pneumatikoak, bizikletenak izan ezik, altzairua arku elektrikoko labeetan fabrikatzearen ondoriozko zepa beltzak eta toner- eta tinta-kartutxoak. Zerrenda handitu egingo da, hondakin berriak balorizatzeko kudeatzaile baimenduak sortu ahala. Era berean, 2025eko urtarrilaren 1etik aurrera ezin izango dira zabortegian sartu EHZ 20 03 01 eta 20 03 03 kodeak dituzten hondakinak.

Hiri-hondakinak utzi aurretik, tratamendu bat izango dute, teknika, ekonomia edo ingurumenaren aldetik baloriza daitezkeen zatikiak horietatik bereiztearren, hala nola papera eta kartoia, metal ferriko eta ez-ferrikoak, zura eta ontziak.

Tresnak eta altzariak uzteari berehala utziko zaio, horiek balorizatzeko instalazioak daudelako, eta berdin egingo da obra txikietako hondakin, utzitako ibilgailu eta abere hilekin.

B3 gisa sailkatutako zabortegia izanik (hondakin organiko edo biodegradagarriak nahiz hondakin ez-organikoak ditu funtsean), Hondakinak hondakindegietan onartzeko prozedurei eta irizpideei buruzko uztailaren 7ko 646/2020 Errege Dekretuaren (hondakinak hondakindegietan biltegiratuta ezabatzea arautzen duena) II. eranskinean ezarritakoaren arabera, ez da onartuko hondakin biodegradagarriak onartzen diren gelaxketan igeltsuzko material arriskugabeak uztea. Salbuespena izango dira kutsatu gabeko lurzoruak eta gai arriskutsurik ez duten bestelako material naturalak (EHZ 17 05 04), betiere jatorri naturaleko igeltsuzko edukia badute.

I.c) eranskinean identifikatutako 10. eta 17. epigrafeak zabortegiko eraikuntza-erabileretan baino ezin izango dira baliatu, ebazpen honen E.2 eta F apartatuetan ezarritakoari jarraikiz.

Hiri-hondakinak estaltzeko material gisa, hondakin balorizaezinak edo orain artekoak ez diren arriskuak ez dituztenak erabiliko dira ahal izanez gero. Ildo horretan, hiri-hondakinak egunero estaltzeko, hondakin hauen erabilera hobetsiko da: hondakin arriskugabeetarako zabortegietan onargarriak diren lurzoru kutsatuak, eraikuntza- eta eraispen-hondakinak balorizatzeko instalazioetan sortutako hondakinak, ibilgailu deskontaminatuen zatikatzaileetan sortutakoak, etab. Ahal izanez gero, ez dira erabiliko altzairugintzako zepak balorizatzean lortutako agregakinak edo lur eta arroka naturalak. Ibilgailuek deskarga-puntuetara arte utzitako hiri-hondakinen gainean zirkulatzea ahalbidetzen duten barruko bideen kasuan, bide horiek hartzen duten azalera minimizatuko da. Bide horiek ibilgailuak segurtasun-baldintzetan zirkulatzea ahalbidetzen duten materialekin egokituko dira, eta, ahal izanez gero, hondakinak balorizatzetik eratorritako agregakinak izango dira, hala nola altzairugintzako zepak edo eraikuntza- eta eraispen-hondakinak.

Zabortegian deuseztatu daitezen onartutako hondakinak, Batzordearen 2014ko abenduaren 18ko Erabakiaren bidez argitaratutako hondakinen zerrendaren arabera sailkatutakoak, Ebazpen honen I.a, I.b eta I.c eranskinean adierazitakoak dira.

I. eranskinean honako hondakin hauek bildu dira: batetik, aldez aurretik tratatu diren hondakinak, eta, bestetik, aldez aurreko tratamendurik jaso ez badute ere, teknikaren, ekonomiaren edo ingurumenaren ikuspegitik balorizaezinak direla egiaztatu dutenak.

I.b eranskinean zerrendatutako hondakinei dagokienez, ekoizleak edo kudeatzaileak aldez aurretik ingurumen-organo honi bidalitako dokumentu bidezko egiaztapenaren arabera kudeatuko dira. Gutxienez honako kasu hauetako bat betetzen duten hondakinak biltzen dituzte:

– Izendapen orokorreko hondakinak: beste ezein kategoriatan zehaztu gabekoak dira, eta «99» zenbakiz amaitutako kodea dute. Dokumentu bidezko egiaztapenak, dagokion lixibiatze-saiakuntzaz gain, uztailaren 7ko 646/2020 Errege Dekretuaren araberako oinarrizko ezaugarriak ere jasoko ditu.

– Arriskutsu gisa sailkatutako kode baliokidea duten hondakinak (ispilu-sarrera). Dokumentu bidezko egiaztapenak, lixibiatze-saiakuntzaz gain, horien oinarrizko ezaugarriak ere jasoko ditu, baita horien arriskugarritasunaren nolakotasunak –arriskugabe gisa sailkatzen dituztenak– ere.

– EAEn hondakinak kudeatzeko dagoen azpiegituran potentzialki balorizagarriak diren hondakinak. Dokumentu bidezko egiaztapenak, lixibiatze-saiakuntzaz gain, EHZ kode hori kudeatzeko baimena duen balorizatzaile edo berreskuratzaile baten ezaugarriak edo onarpen-dokumentu negatiboa ere jaso beharko ditu –edo, hala badagokio, erantzunik gabea–.

Ingurumen-organoak baliozkotu behar dituen I.b eranskinean jasotako hondakinak onartzeko dokumentu berria eta dokumentazio beharrezkoa aurkeztu eta hamar egun igarotzen badira hark berariazko adierazpenik egin gabe, Garbiker MP AM SAk (Artigas zabortegia) aukera izango du proposatutako hondakina onetsi eta kudeatzeko prozesuarekin jarraitzeko.

I.c eranskinean zerrendatutako hondakinei dagokienez, zabortegiaren barruan eraikuntza-erabilerarako soilik baliatu behar direnak dira, eta pisuan onartutako hondakin guztien % 40 baino ez dira onartuko hiri-hondakinen zabortegirako.

Ezaugarri hauek dituzten hondakinak ez dira inolaz ere onartuko:

1.– 50 gradu zentigradutik gorako tenperaturan dauden hondakinak.

2.– % 65etik gorako hezetasuna duten hondakinak.

Onartutako hondakinek arau hauetan zehaztutako irizpideak bete beharko dituzte: Kontseiluaren 2002ko abenduaren 19ko erabakia, hondakinak zabortegietan onartzeko irizpideak eta prozedurak ezartzen dituena, hondakinak isurtzeari buruzko 1999/31/EEE Zuzentarauaren 16. artikuluan eta II. eranskinean jasotakoari jarraikiz; 49/2009 Dekretua, otsailaren 24koa, hondakinak hondakindegietan biltegiratuta eta betelanak eginda ezabatzea arautzen duena, bereziki bigarren eranskinean jasotakoa; eta 646/2020 Errege Dekretua, uztailaren 7koa, hondakinak zabortegietan utziz ezabatzeko jarduera arautzen duena (II. eranskinaren 2. apartatuan ezarritakoa).

Nolanahi ere, hondakinak onartu ahal izateko, lixibiatze-saiakuntzak egin beharko dira, UNE-EN 12457-4 arauaren arabera «Hondakinak karakterizatzea. Lixibiatzea. Hondakin pikortsuak eta lohiak lixibiatzeko adostasun-saiakuntza. 4. zatia: 10 l/kg-ko likido/solido erlazioa duen etapa baten lotekako saiakuntza, 10 mm-tik beherako partikula-tamaina duten materialetarako (tamaina-txikitzea izan edo ez)».

Parametro jakin batzuetarako ezarritako mugak gainditzen badira, perkolazio-saiakuntzak onartzeko aukera izango da, Herbehereetako NEN 7343 arauaren arabera. Nolanahi ere, saiakuntzak Euskal Autonomia Erkidegoko ingurumen-organoak horretarako zehaztutako jarraibideak betez egin beharko dira.

Hondakinaren oinarrizko ezaugarriak deskribatzeko edo betetze-probak gauzatzeko laginen kopurua nahikoa izango da aztertu beharreko hondakin-masaren aldakortasuna behar bezala adierazteko.

Oinarrizko ezaugarriak deskribatzeko eta betetze-probetarako laginketa-diseinua eta lagin-hartzea UNE-EN ISO 17020 (hondakinen esparrua) arauaren arabera egiaztatutako erakundeek egingo dituzte. Hondakinen ekoizlearen edo edukitzailearekin independentea izan behar da erakunde egiaztatua, baita entitate ustiatzailearen independentea ere, eta derrigorrezkoa izango da sekula ez parte hartu izana hondakinak sortzeko prozesuen edo hondakinen xede den zabortegiaren diseinuan, fabrikazioan, horniduran, instalazioan, zuzendaritza fakultatiboan, laguntza teknikoan edo mantentze-lanetan. UNE EN ISO 17025 arauari jarraikiz egiaztatutako laborategiek egingo dituzte behar diren saiakuntzak.

Halaber, oinarrizko ezaugarria deskribatzeko laginak hartzea, betetze-probak eta in situ egiaztapen-probak uztailaren 7ko 646/2020 Errege Dekretuaren II. eranskineko 3.1 eta 3.2 apartatuetan adierazitakoaren arabera egingo dira.

Hondakinak onartzen ez badira, Garbiker MP AB SAk (Artigas zabortegia) berehala jakinaraziko dio hori ingurumen-organoari, eta hondakinak lekualdatzeko araudiari jarraikiz, egoera hori dagokion identifikazio-agirian jasoko du.

Garbiker MP AB SAk (Artigas zabortegia) ingurumen-organoari bidali beharko dizkio bai hondakinen tratamendu-kontratuak bai identifikazio-dokumentuak –behar bezala beteak–, Hondakinak hondakindegietan biltegiratuta eta betelanak eginda ezabatzea arautzen duen otsailaren 24ko 49/2009 Dekretuaren 23. artikuluak xedatutakoaren arabera. Agiri edo dokumentu horiek Ingurumen Jasangarritasuneko Sailburuordetzara bidaliko dira transakzio elektroniko bidez.

Garbiker MP AB SAk (Artigas zabortegia) utzitako hondakinen edo balorizatzeko gunera bidalitako hondakin baimenduen laburpena igorri beharko du urtero ingurumen-organora formatu elektronikoan, hauek adieraziz:

– Hondakinaren sailkapena, Batzordearen 2014ko abenduaren 18ko Ebazpenaren bidez argitaratutako hondakinen zerrendaren arabera.

– Hondakinaren izendapena.

– Hondakinaren kantitatea (tonatan).

– Hondakinaren jatorria (ekoizlea, udalerria eta lurralde historikoa).

– Helmugako hondakinen kudeatzailea, balorizatuz gero.

Igorpen hori dagokion urteko «Ingurumena zaintzako programa bidaltzeko» Ingurunet prozeduraren bidez egingo da.

Gainera, behin jarraibideak argitaratuta, hondakinak jasotzeko eta ikuskatzeko irizpideei buruzko jarraibide tekniko aplikagarrietan ezarritakoa bete beharko da. Ingurumen-organoak ezartzen ditu jarraibide horiek.

Garbiker MP AB SAk (Artigas zabortegia) datu-base digital bat edukiko du, formatu ustiagarrian, oinarrizko ezaugarrien deskribapenaren emaitzekin eta adostasun-proben emaitzekin, baita zabortegia itxi arteko in situ egiaztapeneko gertakarien erregistro bat ere. Ingurumena zaintzeko programarekin batera, datu-base horren kopia bat igorriko da urtero.

Onargarriak ez diren hondakinak biltegiratzeko gune bat izango da, hormigoizko zola eta urak biltzekoa dituena.

Zabortegiak perimetro-itxitura bat izan beharko du, ustiategiaz kanpoko langileak sartzea saihesteko.

Sarrerak itxita egongo dira zerbitzu-orduetatik kanpo. Instalazioan legez kanpoko hondakin-uzteak detektatu eta eragozteko neurrien programa barne hartu behar du sarrera-kontrolerako sistemak. Plastiko arinak eta material partikuladuna utziz gero, itxitura hori hondakinak ahalik eta gutxien sakabanatzeko elementuekin osatu beharko da.

Haize egunetan hondakin arinak (plastikoak, material arinak, paperak, etab.) barreiatu ez daitezen, hesi bat diseinatuko da. Behar besteko altuera eta erresistentzia izango du, hondakin horiek harrapatu eta horiei eutsi ahal izateko. Aldian-aldian, «hegan irtendakoak» biltzeko kanpainak egingo dira.

Instalazioak sarrera bakarra izango du eta etengabe zainduta egongo da, ganadua eta bestelako animaliak barrura sar daitezen eragozteko.

F.3.– Ustiaketarako baldintzak.

F.3.1.– Zabortegiaren ustiaketarako baldintza orokorrak.

Baimen hau emateko ingurumen-organo honetan aurkeztutako ustiapen-planaren eta haren eguneratzeen arabera ustiatuko da zabortegia.

Ustiapen-plana eguneratuta mantenduko da, eta, bertan, honako datu hauek zehaztuko dira une oro:

– Ustiategian hondakinak uzteko gelaxken mugaketa.

– Gelaxken gainazal iragazgaitzaren topografia.

– Zabortegiaren faseak gauzatzeko ordena eta kronograma.

– Lixibiatuen drainatzeen trazadura.

– Gas-tximinien kokapena.

– Gelaxken barrura sartzeko barne-bideak.

– Lurrazaleko urak husteko perimetro-arekak.

– Ontzian iragazgaiztu behar diren azalerak eta azken topografia lortu duten eremuetan behin betiko zigilatu behar diren azalerak.

– Gelaxken gauzatze faseak gauzatzeko kronograma eta gelaxken eraikuntza-xehetasunak.

Gauzatutako ustiapen-planeko jarduketa guztiekin batera, dagokion eraikitzeko proiektua (memoria, kalkulu justifikatzaileak dituzten eranskinak, planoak, baldintza teknikoen agiria, aurrekontua), eraikitzeko proiektuaren segurtasun- eta osasun-proiektua, geosintetikoen eta trinkotutako geruza mineralen eraikitze-kalitatearen berme-plana gehitu beharko dira.

Bi hilabeteko epean, ustiapen-plana aurkeztu eta eguneratu beharko da, emisioak ahalik eta gehien murrizteko. Horretarako, honako alderdi hauek sartu beharko dira, besteak beste: aire zabalean dagoen zabortegiko ontziaren azalera minimizatzeko neurriak (ebazpen honen F.3.3 apartatuan betetzen dela justifikatu beharko da), ustiatzen ari diren eremuetan desgasifikazio-putzuak gaitzea eta tratatzea, hondakinak bereiztea, kiratsak minimizatzeko, etab.

Ustiapen-planaren edozein aldaketa jakinarazi beharko da, eta egonkortasun-azterketaren berrikuspena barne hartuko du, bai eta hasierako proiektua aldatzen duen beste edozein alderdi ere.

Halaber, dagokion urteko ingurumena zaintzeko programan ustiapen-planaren betetze-mailaren bilakaera-maila adierazten duen txostena sartuko da.

Nolanahi ere, zabortegiaren fase bakoitzaren ustiapena amaitu ondoren, Garbiker MP AB SAk (Artigas zabortegia) amaiera jakinarazi beharko dio Ingurumen Organo honi, bai eta behin betiko zigilatzearen aurreikuspena ere. Zigilatze hori ebazpen honen F.3.3 eta G apartatuetan aurreikusitakoaren arabera egingo da.

F.3.2.– Egonkortasuna.

Hondakinak behar bezala utzi behar dira zabortegian, hondakin-masaren eta egitura elkartuen egonkortasuna bermatuko duen eran, bereziki, hondakin-irristatzeak saihesteko. Hesi artifizial bat instalatzen denean, egiaztatu egin beharko da substratu geologikoa, zabortegiaren morfologia kontuan hartuta, nahikoa egonkorra dela hesi iragazgaizlerako agian kaltegarriak diren jalkitzeak saihesteko.

Bermatu beharko da une oro betetzen dela hondakin-irristatzeei aurre egiteko segurtasun-faktorea, alegia, >= 1,5 dela egoera arruntean eta >= 1,3 istripu-egoeran. Horretarako, gutxienez kontaktu-azalerak eta «Zabortegiak kokatzeko, diseinatzeko eta zaintzeko irizpideak ezartzeko gomendioak» jarraibidean ezarritako irizpideak barne hartzen dituen analisia egingo da (III.3 apartatua).

Era berean, zabortegiaren ustiapen fasean lixibiatuen pilaketa handiak edo ontzian iragazgaiztasuna galdu izanaren zantzuak hautematen badira, segurtasun-faktoreak berriz aztertu beharko dira azterketa espezifikoen bidez.

Dagokion urteko ingurumena zaintzeko programan, txosten espezifiko bat sartuko da, proiektuko segurtasun-faktoreak betetzen direla berretsiz, edo, edozein kasutan, aldaketak egonez gero, berrikuspena aurkeztuz.

F.3.3.– Lixibiatuen sorrera minimizatzea.

Zabortegia ustiatzeko garaian, gelaxka bakoitzean euri-uren eragina zuzenean pairatzen duen gehieneko hondakin-gainazala (isuriaren aurrealdean) ezingo da inola ere 4.000 m² baino handiagoa izan. Era berean, azalera irekia (behin betiko zigilatu gabeko gainazalak eta aldi baterako zigilatu gabeko azalerak, pistak, bideak eta lur-pilaketak, hodiak, geosintetikoak eta zigilatu gabeko azaleren drainatze-materialak barne) ez da inola ere 10.000 m² baino handiagoa izango. Hondakinak uzteko eremuaren gainerakoa aldi baterako edo behin betiko zigilatuta egongo da.

Lurrazaleko urak biltzeko eta husteko gailuak diseinatzean, ur horiek zabortegiko ontzian edo hondakinekin kontaktuan egoteagatik kutsatzea eragin dezaketen zabortegiko beste instalazio batzuetan sartzea saihestuko da.

Zabortegiak zabortegiaren azken gainazalaren perimetroan areka bat du 500 urteko errepikatze-denborari dagozkion uhaldiek zabortegiari eragin ez diezaioten. Ustiapenean zehar, iragazgaiztutako gelaxkak inguratuko dituzten eta dagozkien uhaldiak hustea ahalbidetuko duten aldi baterako perimetro-kanalak ezarriko dira, gutxienez 50 urteko errepikatze-denborari begira. Zabortegiaren azken zigilatzearen gainazalaren gainean arekak eraikiko dira, zigilatzearen gainean sortzen diren ur garbiak perimetro-kanaletara husteko. Areka horiek gutxienez 50 urteko errepikatze-denborari dagozkion uhaldiak husteko diseinatuko dira. Husteko ahalmenaz gain, perimetro-eroanbideak diseinatzean eta mantentzean kontuan hartuko dira aurreikus daitezkeen asentuak eta hondeaketak.

Zabortegiko gelaxka baten zigilatzea ez da 90 egun baino gehiagoko epean abiatuko, aurreikusitako azken kotetara iristen den unetik kontatzen hasita. Zigilatze hori aldi baterako zigilatzea izango da, gainazal horretan proiektuak ondorengo faseetan hondakinak uztea aurreikusten duenean, edo behin betiko zigilatzea izango da, aipatutako gainazalean akaberako zigilatzea ezarri behar denean. Kanpoko arrazoiak direla-eta (meteorologikoak, materialaren erabilgarritasuna eta abar) azken zigilatzea epe horren barruan hastea ezinezkoa bada, aldi baterako zigilatzea ezarriko da, trinkotutako lur garbiez edo geomintz batez osatua, iragazketa murriztuko duena eta perimetro-kanaletara zuzenduko diren ur garbiez osatutako gainazaleko jariatze-osatzea ahalbidetuko duena. Nolanahi ere, behin betiko zigilatzea 9 hilabete baino lehen abiatuko da eta 12 hilabete baino lehen bukatuko da, hondakinak aurreikusitako gelaxkaren azken kotetara iristen diren unetik kontatzen hasita.

Zigilatzeari ekiteko eta amaitzeko epea luzatu egin ahal izango da, baldin eta aldez aurretik zabortegiaren titularrak behar bezala justifikatutako eskaera bat aurkezten badu (adibidez, azterlan batek frogatzea aurreikusitako jailkitzeek, aldi baterako zigilatzearen gainean dauden mugarri topografikoetan erregistratutako datuetatik abiatuta kalkulatuta, zigilu-materialek onartzen dituztenak baino deformazio handiagoak eragiten dituztela). Behin betiko zigilatzeko obrak amaitzeko epea luzatzeko aukera egongo da, baldin eta aldez aurretik horri buruzko justifikazioren bat aurkezten bada (adibidez, kondizio meteorologiko desegokiak, material egokirik ez izatea, etab.).

F.4.– Airearen kalitatea babesteko baldintzak.

F.4.1.– Baldintza orokorrak.

Garbiker MP AB SAren (Artigas zabortegia) hondakin arriskugabeen zabortegia ustiatzean atmosferara egingo diren emisioek ez dituzte ebazpen honetan ezarritako emisioen muga-balioak gaindituko.

Atmosferara jariatzen den gai kutsatzaile oro bildu eta ihesbide egokienean zehar kanpora bideratuko da, behar denean, gai kutsatzaileen ezaugarrien arabera diseinatutako gasak arazteko sistema batetik igaro ondoren. Arau orokor honetatik salbuetsi ahalko dira emisio konfinatu gabeak, baldin eta teknikoki edota ekonomikoki atzeman ezin badira edo ingurunean oso eragin txikia dutela frogatua badago.

Neurri egokiak hartuko dira istripuz gertatutako emisioen probabilitatea txikitzeko, eta haien efluenteek giza osasunerako nahiz segurtasun publikorako arriskurik ez izateko. Gas-efluenteak tratatzeko instalazioak behar bezala ustiatu eta mantenduko dira; alegia, efluenteen tenperatura- eta konposizio-aldaketei eraginkortasunez aurre egiteko moduan. Era berean, instalazio horiek martxan ez dauden edo erabilgarri ez dauden aldien iraupena ahalik eta gehien murriztuko da.

Instalazioaren titularrek bete beharko dituzte abenduaren 27ko 278/2011 Dekretuak (atmosfera kutsa dezaketen instalazioak arautzen dituena) 5. artikuluan jasotako eskakizunak.

Atmosferaren arloko eskumenak dituen sailak argitaratutako jarraibide tekniko guztiak bete beharko dituzte honako elementu hauek: sekzioa, neurketarako gunea, laginketarako guneak, neurketarako guneak, irisgarritasuna eta fokuen segurtasuna eta zerbitzuak.

F.4.2.– Fokuak identifikatzea. Katalogazioa.

Hondakin arriskugabeen zabortegi gisa erabiltzen den eta hiri-hondakinak tratatzen dituen Garbiker MP AB SAren (Artigas zabortegia) biometanizazio-instalazioak –09040102 kodeko (Hondakin biodegradagarrien zabortegia) eta 09100600 kodeko (Biometanizazio-instalazioa) jarduera, 100/2011 Errege Dekretuaren arabera (urtarrilaren 28koa, atmosfera kutsa dezaketen jardueren katalogoa eguneratzen duenaren eta bera ezartzeko oinarrizko xedapenak finkatzen dituena)– honako foku konfinatu hauek ditu:

(Ikus .PDF)

Jarduerak putzu bertikalak desgasifikatzeko sistema bat eta zuzi bat ditu.

Era berean, biogasaren erregai-zuzi bat dago biometanizazio-instalazioko gas-sistemaren segurtasun-elementu gisa, haizagailua ustekabean gelditzen den egoeretan sistemaren presioa handitu ez dadin, edo biogasa kontsumitzen ez bada eta biltegiratze-ahalmena gainditzen bada.

Jardueran sortutako emisio barreiatuak zuzienak, kamioien ontzi-aldaketakoak eta zabortegiko hondakinak maneiatzekoak dira.

F.4.3.– Emisioen muga-balioak.

Instalazioa ustiatzean, atmosferara egiten diren emisioetan, ez dira gaindituko gehieneko emisio-balio hauek:

(Ikus .PDF)

Emisioen muga-balioak egoera hauei buruzkoak dira: 273 K-eko tenperatura, 101,3 kPa-ko presioa eta gas lehorra.

5. eta 10. fokuen kasuan, laginketa-aldiko batezbestekoak emisioen muga-balioak gainditzen ez baditu, emisioen muga-balioak betetzen direla ulertuko da.

Ondorio horietarako, laginketa-aldiko batezbestekoa honela kalkulatuko da: gutxienez 30 minutuko ondoz ondoko hiru neurketaren batezbestekoa, neurketa bakoitzari baimen honetan zehaztutako metodoari dagokion konfiantza-tartea kenduta, edo, horrelakorik ez badago, 278/2011 Dekretuaren 9. artikuluko 3. apartatuan zehaztutakoa. Beraz, neurtutako emaitza bakar baten % 95eko konfiantza-tarteen balioek ez dituzte gaindituko emisioen muga-balioak ehuneko hauetan:

– PS (UNE-EN 13284-1): UNE-EN 13284-1 arauan ezarritako konfiantza-tartea.

– KOG (UNE-EN 12619): emisioen muga-balioaren % 30.

– Usain-pilaketa (UNE-EN 13725): UNE-EN 13725 arauan ezarritako konfiantza-tartea.

1., 2., 3. eta 8. fokuen kasuan, emisioen muga-balioak betetzen diren ebaluatzeko, abenduaren 28ko 278/2011 Dekretuaren 9. artikuluak arautzen duena beteko da.

Ikusten bada emisioen muga-balioren bat ez dela betetzen, behar diren zuzenketa-neurriak hartu beharko dira luzamendurik gabe, eta, berehala, ez-betetzearen, zuzenketa-neurrien eta haien epeen berri eman beharko zaio ingurumenaren arloko eskumenak dituen sailari.

F.4.4.– Zuziaren jardunerako baldintzak.

Kogenerazio Instalazioko biogas-soberakina ezabatzeko zuzian eta biometanizazio-instalazioko zuzian, 1000-1200 şC arteko tenperaturara iritsiko da eta gutxienez 0,3 segundotan zehar (iraupen-denbora), dagokion turbulentzia mantenduz.

Segurtasuna dela eta, instalazioaren jabetzaren mugan metano gasaren kontzentrazioa ez da % 5 baino handiagoa izango, ezta % 1,25 baino handiagoa ere instalazioaren espazio itxietan, kontrol-sistemen edo gasa berreskuratzeko osagaien kasuan izan ezik.

Jarduerak sortutako kiratsek ondorio gogaikarriak sortzen baditu, neurri zuzentzaile gehigarriak hartuko dira usain horiek murrizteko.

F.4.5.– Gasak bildu eta kanporatzeko sistemak.

Fokuetako tximiniek izango duten goreneko kota ez da izango bigarren apartatuko F.4.2 azpiapartatuan ezarritakotik beherakoa. Atmosferaren arloko eskumenak dituen sailak argitaratutako jarraibide tekniko guztiak bete beharko dituzte honako elementu hauek: sekzioa, neurketarako gunea, laginketarako guneak, neurketarako guneak, irisgarritasuna eta fokuen segurtasuna eta zerbitzuak.

Zehazki, laginak hartzeko aurreikusita dauden zuloen kokapenari eta ezaugarriei dagokienez, Ingurumen Jasangarritasuneko Sailburuordetzaren jarraibide teknikoak bete beharko dira.

Zabortegian sortutako gasak erauzketa bertikal eta horizontaleko sare batek bilduko ditu ustiapeneko fase bakoitzean, eta erregulazio- eta neurketa-estazioraino (ERM) eramango dira.

Zabortegia ustiatzean sortutako gasen erauzketa dentsitate handiko polietilenozko drainatze-tximinien bidez egingo da, legarrezko inguratzailearekin artekatua. Horien eragin-erradioa 25 metrokoa denez, zabortegiaren azalera osoa hartuko du, eta horietan apenas sartuko da airerik. Hala, emisio lausorik ez da hedatuko zabortegian zigilatu gabe dauden eremuetatik.

Biltzeko sistemak 125 mm-ko diametroko HDPEzko hodi artekatua izango du, termozigilatua, eta polietilenozko hodiaren eta zundaketa-hormaren arteko zuloa legarrez beteko da. Hodiak fase edo terraza baten hondakin-masa gainditu ondoren, tarte horizontalari ekingo zaio, HDPEzko PN10 ukondo batez osatutakoa, sare bertikala horizontalarekin lotzen duena. Sare horizontala ere HDPEzko PN10 hodi artekatu batez osatua egongo da, fase bakoitzeko hondakinak estaltzeko geruzan 50 x 50eko legarrezko zanga batean sartua.

Zabortegia altueran bete ahala, putzu bakoitza biltzeko kanpai metaliko baten bidez ixten da. Kanpaiak erregistratu eta ikuskatzeko estalki bat du goialdean, erdian laginak hartzeko irekidura bat, eta azpipresioa doitu eta gasaren kalitatea neurtzeko erregulazio-balbula bat dituena.

Bildu eta erregulazio eta neurketarako estazioraino (ERM) eramandako gasa, aldi berean, desgasifikazio-instalazioraino (Bioartigas kogenerazio-instalazioa) eramaten da.

Emisio barreiatuak murrizteko, jarduera hauek gauzatuko dira:

– Ahal den heinean, ez da sortuko ez partikula solidoen ez hautsaren emisiorik, nola ibilgailuak sartu eta ateratzean hala hondakinak deskargatu eta zabaltzeko lanetan.

– Azalera zati bat (hondakin-uztearena) irekita egongo da, ahalik eta azalera txikiena, 4.000 m² ingurukoa; gainerakoa estaldura-lurrekin edo polietilenozko xaflarekin estaliko da.

– Ibilgailuen gehieneko abiadura mugatuko da: 20 km/h.

– Garraiorako edukiontzi itxiak, big-bagak edo emisio lausoak saihesteko beste edozein bitarteko erabiliko dira, betiere hondakinen ezaugarriek emisio horiek eragin baditzakete.

F.4.6.– Gasen karakterizazioa eta kudeaketa.

Putzuetako eta harguneetako gasen konposizioari dagokionez, irizpide orokor hauek aplikatuko dira:

– Putzuetako metano-kontzentrazioa % 40 (bolumenari dagokionez) baino handiagoa denean, erauzitako gasa zabortegiko gasa energetikoki aprobetxatzeko instalazio batera bideratuko da.

– Putzuetako metano-kontzentrazioa % 25 eta % 40 bitartekoa baldin bada, ultrairagazketaren edo antzeko teknika baten bidez mintza bereizteko sistema ezarriko da, errefusean metano-kontzentrazioa areagotzeko (iragazi gabeko zatikia). Horrela, zabortegiko gasa energetikoki aprobetxatzeko instalazio batera eraman daiteke zatiki hori; beste frakzioa, aldiz, zuzira eramango da erre dadin.

– Putzuetako metano-kontzentrazioa % 25 eta % 15 bitartekoa baldin bada, erauzitako gasa zuzenean bidaliko da zuzi batera, erretzeko.

– Putzuetako metano-kontzentrazioa % 5 eta % 15 bitartekoa baldin bada, erauzitako gasa zuzira bidaliko da erretzeko, baina, aldez aurretik, beste erregairen batekin aberastu beharko da, erretzeko modukoa izan dadin.

– Putzuetako metano-kontzentrazioa % 5etik beherakoa denean, emisioak egitea baimenduko da, erauzketa bortxatuaren beharrik izan gabe (erauzketa pasiboa).

Metanoaren kontzentrazio-portzentajeak orientagarriak dira, eta beste kudeaketa bat proposatu ahal izango da, aurkeztutako proposamena behar bezala justifikatuz instalazioaren inguruabar zehatzetara, organo honek argitaratutako jarraibide teknikoetan ezarritako irizpideetan oinarrituta.

Bi hilabeteko epean, desgasifikazio-azterketa bat egingo da. Azterketa horrek gaur egungo bilketa-azpiegitura nahikoa den aztertuko du (gasak erauzteko eta emisioak kuantifikatzeko sistemaren nahikotasuna eta eraginkortasuna). Txosten horrek egungo erauzte-sistemaren egokitasuna justifikatu beharko du; bestela, gasak biltzeko edo tratatzeko sistema berri bat instalatzeko proposatu beharko du, instalatzeko epea 6 hilabete izanik.

Horren ondoren, bost urtez behin desgasifikazio-sistemaren egokitasuna egiaztatu beharko da, eta txosten espezifiko bat entregatuko da dagokion urteko ingurumena zaintzeko programaren barruan.

Halaber, ingurumen-organoak ezarritako airearen kalitatea babesteari eta desgasifikazio-sistemei buruzko jarraibide teknikoetan finkatutakoa bete beharko da.

F.4.7.– Usainekin lotutako baldintzak.

Instalazioaren titularrak kiratsak eragindako eragozpenak minimizatu beharko ditu. Hala badagokio, eskumena duen organoak egoki iritzitako prozesuen emisioak biltzeko eta arazteko eskatu ahal izango dio instalazioaren titularrari.

Kiratsa saihesteko edo, hori ezinezkoa denean, kiratsa ahalik eta gehien murrizteko, Garbiker MP AB SAk (Artigas zabortegia) usainak kudeatzeko plana ezarri, aplikatu eta berrikusi beharko du. Plan horrek bertan dauden instalazio guztiak hartu beharko ditu barne (hondakin arriskugabeen zabortegia, konposta egiteko instalazioa, lixibiatuak tratatzeko sistema eta biometanizazio-instalazioa), ingurumena kudeatzeko sistemaren zati gisa, eta honako elementu hauek guztiak jasoko ditu:

– Jarduketa eta epe egokituak jasoko dituen protokolo bat.

– Kiratsaren monitorizazioa egiteko protokolo bat.

– Kiratsarekin lotutako gorabeherei erantzuteko protokoloa.

– Kiratsari aurrea hartzeko eta usainak murrizteko programa bat, Kiratsaren iturria edo iturriak zehazteko, Kiratsarekiko esposizioa neurtzeko edo balioesteko, iturrien ekarpenak karakterizatzeko eta prebentzio- edo murrizketa-neurriak aplikatzeko.

Kiratsak eragindako inpaktua murrizteko neurriak ezartzen diren bakoitzean beste azterketa olfatometriko bat egin beharko da, horien eraginkortasuna egiaztatzeko, eta azterketa hori dagokion urteko IZParekin batera aurkeztu beharko da. Era berean, organo eskudunak azterketa olfatometriko gehigarriak eskatu ahal izango ditu kiratsa gutxitzeko sistemen eraginkortasuna egiaztatzeko.

Orobat, kiratsa kudeatzeko plana 2 hileko epean eguneratu beharko da, eta neurri hauek jasoko ditu:

– Gaur egun erabiltzen den ezkerreko ibarbidean dauden putzuak konektatzea eta desgasifikatzea.

– Kirats jarioei buruzko azterlan bat egitea, izpi infragorrien bisorea duten droneak hegaldarazita, konposatu organiko kirasdunen emisio iheskariak detektatzeko, eta horiek murrizteko proposamena egitea. Besteak beste, zabortegiko ontziko lixibiatuen hustuketa-hodietan sifoirik baden aztertuko da.

– Zabortegiko ontzian estali gabe dauden eremuak minimizatzea, aldi baterako zigilatzeen bidez, euri-urik iragazi ez dadin eta gasik aireratu ez dadin.

– Lixibiatua husteko sifoi bat eraikitzea, saneamendu-sarearekin konektatzeko.

– Lixibiatua saneamendu-sarera husteko kanalizazioak xurgatzea, arnasbideak gasen tratamendu-sistemara bideratzeko.

F.5.– Saneamendu-sarera isurtzeko baldintzak.

F.5.1.– Isurketen sailkapena, jatorria, ingurune hartzailea eta kokalekua.

Isurketa sortzen duen jarduera mota nagusia: hondakin arriskugabeen zabortegia.

Jarduera taldea: 0-Zerbitzuak.

ESJN: 92150. Zaborrak eta hondakinak errausteko eta ezabatzeko zerbitzua.

(Ikus .PDF)

Lixibiatu gordinak hiru putzutan biltzen dira (12.000 m³-ko edukiera guztira), eta horietatik lixibiatuak tratatzeko instalazio batera ponpatzen dira (prozesu biologiko bat du, hainbat fasetan banatua). Hozteko dorreetan sortzen den ura lixibiatu-putzura husten da, ondoren arazteko. Kutsatuta egon daitezkeen euri-urak instalazioko hidrokarburo-bereizgailura eramaten dira.

F.5.2.– Gehienez isur daitezkeen emariak eta bolumenak.

a) 1. isuria - Lixibiatu araztuak eta hozte-urak:

– Artigasetik datozen lixibiatuak: 349.294 m³ urtean.

– Artigas zabortegiaren eskuineko ibarrean edo ontzi berrian sortutako lixibiatuak: 29.930 m³ urtean.

– Bizkaiko Konpostegiko instalazioetako lixibiatuak: 3.650 m³ urtean.

– Garbikerren beste instalazio batzuetan (Amoroto, Gordexola, Igorre, Jata, Orkonera) sortutako lixibiatuak, andel edo upetan jasoko direnak: 44.530 m³ urtean.

(Ikus .PDF)

b) 2. isuria: ur beltzak:

(Ikus .PDF)

Urtero, lixibiatuak tratatzeko instalazioaren barruko balantze hidriko bat aurkeztu beharko da urtebetean zehar, orduko datuak erabiliz, eta kontuan hartuz sarrerak (zabortegiak sortutako emariak, beste batzuk), tratatzeko ahalmena, irteerak (kolektorera isurtzea eta lurrunketa), eta putzu eta andelen barruan biltegiratzearen aldakuntza. Halaber, konposatu nitrogenatuen masa-balantze bat egingo da.

F.5.3.– Isurketen muga-balioak.

Saneamendu-sarera egiten den isurketaren parametroak honako hauek izango dira, bakoitzerako zehazten diren gehieneko muga-balioekin:

(Ikus .PDF)

Azken karga kutsatzailea.

(Ikus .PDF)

Ezingo dira diluzio-teknikak erabili isurketen muga-balioak lortzeko.

F.5.4.– Arazteko eta husteko instalazioak.

Arazketa-instalazioek edo hondakin-urak zuzentzeko neurriek elementu hauek hartuko dituzte barne funtsean:

Artigas zabortegiko lixibiatuak MBR tratamendu biologikoko instalazio batetik igarotzen dira. Instalazio horrek elementu hauek ditu:

– 4.000 m³-ko 3 tanga lixibiatuak biltzeko eta emariak homogeneizatzeko.

– Nitrifikazio-desnitrifikazioko MBR tratamendu biologikoa, azido fosforikoa eta metanola dosifikatuta, eta likore mistoa ultrairagazketako mintzekin bereizita.

– Biologikoko lohi soberakinak kolektorera ponpatzen dira modu ijeztu eta jarraituan, lixibiatuak saneamendu-kolektorera isurtzen diren bakoitzean. Horrela, isuria behar bezala karakterizatu daiteke eta solido pilaketak saihesten dira saneamendu-sarean.

Hozteko dorreetako urak ere instalazio horretara joaten dira. Kutsadura sor dezaketen euri-urak, gasolioa biltegiratzeko kubetatik eta kamioiak kargatzeko eremutik datozenak, hidrokarburo-bereizgailu batera joaten dira.

Tratamenduaren irteeran, laginak hartzeko txorrota bat eta emari-neurgailu elektromagnetiko bat daude instalatuta, aldiuneko emari totalizatuarekin. Efluentearen (N-NH3) kalitatea etengabe kontrolatzeko ekipo bat ere badago.

Lixibiatua biltegiratzeko tangek gainezka egiten duten puntuan emari-neurgailu bat (radar-transduktorea) dago instalatuta. Emari-neurgailu horrek etengabe neurtzen du maila, eta aldiuneko emaria eta emari totalizatua kalkulatzen ditu.

Artigas zabortegiko ontzi berriko lixibiatuak, Konpostegiko isurketak eta Garbikerren gainerako zabortegietako (Amoroto, Gordexola, Igorre, Jata, Orkonera) kanpoko lixibiatuak tratamendu biologikoko MBR instalazio batetik igarotzen dira. Instalazio horrek elementu hauek ditu:

– Ponpaketa-kutxatila edo -putzua, zisternetan datozen kanpoko zabortegietako lixibiatuak jasotzeko 33 m³ inguruko bolumen erabilgarria duena.

– 1.638 m³-ko biltegiratze- eta homogeneizazio-putzua; grabitatez jasotzen ditu eskuineko ibarreko lixibiatuak eta ponpaketa bidez Konpostegiko isuriak eta kanpoko lixibiatuak.

– Desnitrifikazio (122 m³) eta nitrifikazioko (711 m³) MBR tratamendu biologikoa, azido fosforikoa, metanola eta apar-kontrakoa dosifikatuz, likore mistoa ultrairagazpen-mintzen bidez bereiziz eta 45 m³-ko aparrentzako andela erabiliz.

– Hozte-dorrearen bidez biologiako lohi aktiboa hozteko unitatea.

– Instalazioaren proiektuaren arabera, ez da instalaziotik atera beharreko biologiaren soberako lohia deshidratatzeko unitate espezifikotzat hartzen; aitzitik, lohi hori kamioi edo upel bidez ateratzea proiektatzen da, baina ekipamendu-pabiloian gune bat aurreikusten da, zentrifugazioaren bidez instalazioa handitzeko.

Tratamenduaren irteeran, laginak hartzeko txorrota bat eta emari-neurgailu elektromagnetiko bat daude instalatuta, aldiuneko emari totalizatuarekin.

Efluentearen (N-NH₃) kalitatea etenik gabe kontrolatzeko ekipo bat dago araztutako efluenteak eta, plubiometria handia izanez gero, araztu gabe isuri daitezkeenak elkartzen diren isurketa-puntuan.

Era berean, ekipo bat dago datu hauek denbora errealean eta jarraituan biltegiratzeko eta telekomunikatzeko: MBRko efluentearen eta lixibiatuen putzuko soberakinaren berehalako emari totalizatuaren datuak, MBRn tratatutako efluentearen N-NH₃ maila eta neurketa, eta araztutako efluenteak eta, plubiometria handia izanez gero, araztu gabe isuri daitezkeenak elkartzen diren isurketa-puntuaren datuak. Aipatutako seinaleak Partzuergoaren SCADAn ikusiko dira, eta, hari esker, isuriak saneamendu-sarearen kudeaketan integratuta geldituko dira.

Emari-neurgailuak urtean behin kalibratuko ditu enpresa akreditatu batek.

Biometanizazio-instalazioko solido-likidoen bereizgailutik eratorritako zatiki likidoa eta instalazioan jasotako uren soberakina (ukipeneko euri-urak, purgak, kondentsatuak) tratamendu-instalazio batetik igarotzen dira. Instalazio horrek elementu hauek ditu:

– Nitrifikazio-/desnitrifikazio-erreaktorea (MBR erreaktoreak).

– Ultrairagazketa-sistema.

Hartutako zuzenketa-neurriak nahikoak ez direla ikusiz gero, Garbiker MP AB SAk (Artigas zabortegia) behar beste aldaketa egingo ditu arazketa-instalazioetan isurketak baimenean ezarritako baldintzak bete ditzan (bereziki, kolorea eta beste parametro batzuk, hala nola oxigeno-eskari kimiko erregogorrak, murrizteko tratamendu osagarriak eskatzeko aukera). Aldaketak Administrazioari jakinaraziko dizkio lehenik; behar izanez gero, baimena aldatzeko ere eskatuko du.

Garbikerrek MBR tratamendu biologikoko instalazioaren kontingentzia-protokolo bat izango du. Artigasko lixibiatuak tratatzeko instalazioan, erreaktore biologikoak inhibituz gero horiek berreskuratu ahal izateko protokoloak egongo dira, besteak beste.

Lixibiatu-putzuetan ondoko mailak ezarri eta markatuko dira:

– Ezohiko gehieneko maila (EGM). Zuloaren gainezkatze-mailatik behera 20 cm-ra kokatutako mailari dagokio.

– Ohiko gehieneko maila (OGM). Lixibiatuek ohiko ustiapen-baldintzetan hartu dezaketen gehieneko maila da. Kasu horretan, zuloen gehieneko ahalmenaren % 80ari dagokio (ezohiko gehieneko mailaren azpitik); hala, 200 m³-ko soberakin-ahalmena izango da ezohiko egoerei aurre egin ahal izateko (eurite biziak, araztegian geldiuneak, etab.).

Ohiko gehieneko maila gaindituz gero, berehala jakinaraziko zaio ingurumen-organoari zer arrazoik eragin duten eta zer neurri hartu diren ezohiko gehieneko maila ez gainditzeko.

Kontrol-kutxatila bat jarriko da hondakin-ur mota baimendu bakoitzarentzako; kutxatila horiek isurketen lagin adierazgarriak lortzeko behar diren ezaugarriak izango dituzte. Egokitzat jotzen denean ikuskatu ahal izateko, zuzeneko sarbidea duten leku batean kokatuko dira kutxatilak.

Honako kontrol-gailu hauek edukiko dira gutxienez:

– Emari-neurgailua hondakin-ontziaren eta lixibiatuak tratatzeko instalazioaren artean.

– Piezometroak.

– Estazio meteorologikoa.

– Emari-neurgailua edo ordu-kontagailu bidez, etab. neurtzeko sistema, zabortegi zaharreko lixibiatuak jasotzeko sarean eta emari-neurgailua gelaxka berrien lixibiatuetarako.

Emari-neurgailuek, pH-neurgailuek eta plubiometroak erregistratutako datuak 10 minutuero gordeko ditu formatu elektronikoan.

F.6.– Instalazioan sortutako hondakinak egoki kudeatzen direla bermatzeko baldintzak.

Instalazioetan sortutako hondakin guztiak kudeatuko dira Hondakinak eta lurzoru kutsatuak arautu eta ekonomia zirkularra bultzatzeko apirilaren 8ko 7/2022 Legean eta aplikatzekoak diren araudi espezifikoetan ezarritakoaren arabera, eta, beharrezkoa bada, karakterizatu egin beharko dira euren izaera eta helmuga egokiena zehazteko.

Berariaz debekatuta dago sortzen diren tipologia ezberdineko hondakinak elkarrekin edo beste hondakin nahiz efluente batzuekin nahastea; hondakinak jatorritik bertatik bereiziko dira, eta horiek bildu eta biltegiratzeko bide egokiak jarriko dira, nahasketak ekiditeko.

Hondakinak kudeatzeko hierarkia-printzipioei jarraituz, hondakinak sortzea prebenitu behar da, edo, hala badagokio, apirilaren 8ko 7/2022 Legearen 8. artikuluan ezarritako lehentasun-hurrenkerari jarraituz kudeatu behar dira, hau da: prebenitzea, berrerabiltzeko prestatzea, birziklatzea eta balorizatzeko beste modu batzuk, balorizazio energetikoa barne. Hondakinak deuseztatzeko, ezinbestekoa izango da aldez aurretik behar bezala justifikatzea teknikoki, ekonomikoki edo ingurumenaren aldetik ez dela bideragarria haiek balorizatzea.

Era berean, Euskal Autonomia Erkidegoan instalazio baimendurik badago hondakin zehatz batzuk tratatzeko, hondakin horiek instalazio haietara bidaliko dira lehentasunez, autosufizientzia- eta gertutasun-printzipioei jarraituz.

Hondakinen azken erabilera zabortegi baimenduan ezabatzea dela aurreikusten bada, orduan, hondakin horiek ezaugarrituko dira, Kontseiluaren 2002ko abenduaren 19ko 2003/33/EE Erabakiak –Hondakinak zabortegietan hartzeko irizpideak eta prozedurak ezartzen dituenak– xedatutakoari jarraikiz, eta Hondakinak hondakindegietan utziz ezabatzeko jarduera arautzen duen uztailaren 7ko 646/2020 Errege Dekretuak ezarritako jarraibideen arabera; era berean, Hondakinak hondakindegietan biltegiratuta eta betelanak eginda ezabatzea arautzen duen otsailaren 24ko 49/2009 Dekretuak ezarritako jarraibideak ere bete beharko dira.

Instalazioan sortutako hondakinen kantitateak –ebazpen honetan jasotakoak– orientagarriak dira soilik; kantitate horiek kalkulatzeko, kontuan hartu dira jardueraren ekoizpen-gorabeherak eta ekoizpenaren eta sortutako hondakinen arteko erlazioa. Azken datu horiek jardueraren adierazleetan ageri dira. Hargatik eragotzi gabe abenduaren 16ko 1/2016 Legegintzako Errege Dekretuak onartutako Kutsaduraren Prebentzio eta Kontrol Integratuaren Legearen testu bateginaren 10. artikuluan (4.d) apartatua) ezarritakoa, instalazioko aldaketak kalifikatzeko, kasu honetan soilik eskatu beharko da baimena egokitzea: baldin eta sortutako hondakinen kantitatea handitzeak aurretik ezarri diren biltegiratze- eta ontziratze-baldintzak aldatu beharra badakar.

Hondakinak biltegiratzeko guneak edo guneek lurzoru estankoa izan behar dute. Egoera fisiko likidoan edo oretsuan daudelako edo oso bustita daudelako isurketak edo lixibiatuak sor ditzaketen hondakinentzat, horiek biltzeko kubeta edo sistema egokiak jarriko dira, ezbeharrez gerta daitezkeen isurketak kanpora irten ez daitezen. Hautsezko hondakinen kasuan, hondakinak euri-urarekin bustitzea edo haizeak herrestan eramatea eragotziko da, eta, beharrezkoa izanez gero, estali egingo dira.

Hondakinak lehen aldiz atera aurretik, kudeatzaile baimenduari ematen zaizkion sortutako hondakinak behar bezala identifikatu eta sailkatzen direla justifikatu beharko da, bereziki hondakin arriskutsuen izaerari eta arrisku-ezaugarriei dagokienez, betiere honako zerrenda honetan ezarritako irizpideekin bat etorriz: Europako Hondakin Zerrenda, Batzordearen 2014ko abenduaren 18ko Erabakiz argitaratua, zeinaren bidez aldatzen baita hondakinen zerrendari buruzko 2000/532/EE Erabakia; eta Batzordearen 2014ko abenduaren 18ko 1357/2014/EB Erregelamendua, zeinaren bidez ordezten baita Europako Parlamentuaren eta Kontseiluaren 2008/98/EE Zuzentarauaren III. eranskina (hondakinei buruzko zuzentarau horrek zuzentarau jakin batzuk indargabetu zituen). Hori egiaztatu ondoren, eguneratu egingo dira baimen honetan jasota eta hura izapidetzean indarrean zeuden identifikazioa eta sailkapena.

Hondakinak desagertu edo galtzen badira, edo ihesen bat gertatzen bada, berehala jakinaraziko da gertatutakoa Ingurumen Jasangarritasuneko Sailburuordetzan eta Bilboko Udalean.

Sortutako hondakinak beste autonomia-erkidego batzuetara lekualdatzeko, Estatuaren lurraldearen barruan hondakinak lekualdatzea arautzen duen ekainaren 2ko 553/2020 Errege Dekretua eta Euskal Autonomia Erkidegoan gerora egiten den arau horren garapena bete beharko dira.

Hori hala izanik, hondakinak beste autonomia-erkidego batera lekualdatzeko, identifikazio-agiri bat aurkeztu beharko da, jarraipena eta kontrola egiteko, bat etorriz Hondakinak eta lurzoru kutsatuak arautu eta ekonomia zirkularra bultzatzeko apirilaren 8ko 7/2022 Legearen 31.2 artikuluarekin.

Nahitaezko aurretiko jakinarazpen-kasuetan, apirilaren 8ko 7/2022 Legearen 31. artikuluan ezarritako eta ekainaren 2ko 553/2020 Errege Dekretuaren 9. artikuluan garatutako kausetako bat gertatzen denean, hala organo honek nola helmugako autonomia-erkidegoko organo eskudunak hondakinak garraiatzearen aurka egin ahalko dute; arrazoitutako erabakia garraio-jakinarazpena aurkeztu eta gehienez ere hamar eguneko epean jakinarazi beharko diote operadoreari.

Baldin eta hondakinak Espainiatik kanpora esportatzen badira, Europako Parlamentuaren eta Kontseiluaren 2006ko ekainaren 14ko 1013/2006 Erregelamenduan (hondakinen lekualdaketei buruzkoa) ezarritakoa bete beharko da.

F.6.1.– Hondakin arriskutsuak.

Sustatzaileak hondakin arriskutsu hauek aitortu ditu:

1. hondakina: «Erabilitako olioa»

Identifikazioa: A48212567/4800025239/1/1

Helburu-eragiketaren kodea: E13

Osagai arriskutsuak: C51

Arrisku-ezaugarria(k): HP5/6

EHZ: 13 02 05

Urtebetean sortutako kantitatea: 1.000 kg

Mantentze-lan orokorrak azpiprozesuan sortzen dira, makinen olioak birjartzeko lanetan. Itxitura hermetikoa duten 200 litroko metalezko bidoietan biltzen da eta hondakin arriskutsuen biltegian biltegiratzen da.

2. hondakina: «Fluoreszenteak eta lanpara ultramoreak»

Identifikazioa: A48212567/4800025239/1/2

Helburu-eragiketaren kodea: E13

Osagai arriskutsuak: C16

Arrisku-ezaugarria(k): HP6/14

EHZ: 20 01 21

Urtebetean sortutako kantitatea: 10 kg

Mantentze-lan orokorrak azpiprozesuan sortzen dira, lanpara fluoreszenteak birjartzeko lanetan. Kartoizko kutxan biltzen da eta hondakin arriskutsuen biltegian biltegiratzen da.

3. hondakina: «Berun azidozko bateria erabiliak»

Identifikazioa: A48212567/4800025239/1/3

Helburu-eragiketaren kodea: E13

Osagai arriskutsuak: C18/23

Arrisku-ezaugarria(k): HP6/8

EHZ: 16 06 01

Urtebetean sortutako kantitatea: 300 kg

Mantentze-lan orokorretako azpiprozesuan sortzen dira, bateriak berritzeko lanetan. Plastikozko itzultzeko kutxetan biltzen da eta hondakin arriskutsuen biltegian biltegiratzen da.

4. hondakina: «Metalezko ontzi hutsak»

Identifikazioa: A48212567/4800025239/1/4

Helburu-eragiketaren kodea: E13

Osagai arriskutsuak: C41/51

Arrisku-ezaugarria(k): HP5

EHZ: 15 01 10

Urtebetean sortutako kantitatea: 15 kg

Ontziak biltzeko azpiprozesuan sortzen dira. Big-bag poltsetan biltzen da eta hondakin arriskutsuen biltegian biltegiratzen da.

5. hondakina: «Plastikozko ontzi hutsak»

Identifikazioa: A48212567/4800025239/1/5

Helburu-eragiketaren kodea: E13

Osagai arriskutsuak: C41/51

Arrisku-ezaugarria(k): HP5

EHZ: 15 01 10

Urtebetean sortutako kantitatea: 30 kg

Ontziak biltzeko azpiprozesuan sortzen dira. Big-bag poltsetan biltzen da eta hondakin arriskutsuen biltegian biltegiratzen da.

6. hondakina: «Olio-iragazkiak»

Identifikazioa: A48212567/4800025239/1/6

Helburu-eragiketaren kodea: E13

Osagai arriskutsuak: C51

Arrisku-ezaugarria(k): HP5

EHZ: 16 01 07

Urtebetean sortutako kantitatea: 50 kg

Mantentze-lan orokorren azpiprozesuan sortzen dira. Itxitura hermetikoa duten 200 litroko metalezko bidoietan biltzen da eta hondakin arriskutsuen biltegian biltegiratzen da.

7. hondakina: «Erregai-iragazkiak (aire-iragazkiak)»

Identifikazioa: A48212567/4800025239/1/7

Helburu-eragiketaren kodea: E13

Osagai arriskutsuak: C51

Arrisku-ezaugarria(k): HP5

EHZ: 16 01 21

Urtebetean sortutako kantitatea: 15 kg

Mantentze-lan orokorren azpiprozesuan sortzen dira. Itxitura hermetikoa duten 200 litroko metalezko bidoietan biltzen da eta hondakin arriskutsuen biltegian biltegiratzen da.

8. hondakina: «Presiozko ontziak (espraiak, aerosolak)»

Identifikazioa: A48212567/4800025239/1/8

Helburu-eragiketaren kodea: E13

Osagai arriskutsuak: C41

Arrisku-ezaugarria(k): HP3

EHZ: 16 05 04

Urtebetean sortutako kantitatea: 5 kg

Ontziak biltzeko azpiprozesuan sortzen dira. Big-bag poltsetan biltzen da eta hondakin arriskutsuen biltegian biltegiratzen da.

9. hondakina: «Pilak»

Identifikazioa: A48212567/4800025239/1/9

Helburu-eragiketaren kodea: E13

Osagai arriskutsuak: C16

Arrisku-ezaugarria(k): HP14

EHZ: 16 06 03

Urtebetean sortutako kantitatea: 2 kg

Mantentze-lan orokorren azpiprozesuan sortzen dira. Kartoizko kutxan biltzen da eta hondakin arriskutsuen biltegian biltegiratzen da.

10. hondakina: «Laborategiko hondakinak»

Identifikazioa: A48212567/4800025239/1/10

Helburu-eragiketaren kodea: D15

Osagai arriskutsuak: C23/24/41

Arrisku-ezaugarria(k): HP6/8

EHZ: 16 05 06

Urtebetean sortutako kantitatea: 50 kg

Instalazioko laborategian sortzen dira. Itxitura hermetikoa duten 60 litroko plastikozko bidoietan biltzen dira eta hondakin arriskutsuen biltegian biltegiratzen dira.

11. hondakina: «Gai arriskutsuekin kutsatutako materialak (trapuak, eskularruak eta xurgatzaileak)»

Identifikazioa: A48212567/4800025239/1/11

Helburu-eragiketaren kodea: D15

Osagai arriskutsuak: C41/51

Arrisku-ezaugarria(k): HP5/14

EHZ: 15 02 02

Urtebetean sortutako kantitatea: 50 kg

Materialak eta xurgatzaileak biltzeko azpiprozesuan sortzen dira. Itxitura hermetikoa duten 200 litroko metalezko bidoietan biltzen dira eta hondakin arriskutsuen biltegian biltegiratzen dira.

12. hondakina: «Ikatz aktibozko iragazki agortuak»

Identifikazioa: A48212567/4800025239/1/12

Helburu-eragiketaren kodea: E13

Osagai arriskutsuak: CXX

Arrisku-ezaugarria(k): HP5

EHZ: 06 13 02

Urtebetean sortutako kantitatea: 2.000 kg

Biogasaren iragazte- eta arazte-prozesuan sortzen dira. Betetzen direnean beste ontzi batzuekin ordezten diren edukiontzietan biltzen dira eta hondakin arriskutsuen biltegian biltegiratzen dira.

13. hondakina: «Erreaktibo kimikoen ontziak»

Identifikazioa: A48212567/4800025239/1/13

Helburu-eragiketaren kodea: D15

Osagai arriskutsuak: CXX

Arrisku-ezaugarria(k): HP5

EHZ: 15 01 10

Urtebetean sortutako kantitatea: 1.000 kg

Instalazioko laborategian sortzen dira. Hondakin horretarako identifikatutako gune batean biltzen dira, hondakin arriskutsuen biltegian.

14. hondakina: «Olioak eta koipeak»

Identifikazioa: A48212567/4800025239/1/14

Helburu-eragiketaren kodea: E13

Osagai arriskutsuak: CXX

Arrisku-ezaugarria(k): HP5

EHZ: 13 02 06

Urtebetean sortutako kantitatea: 1.000 kg

Makinen olioak birjartzeko eragiketetan sortzen dira. Hondakin horretarako identifikatutako HDEP edukiontzi batean jasotzen da eta hondakin arriskutsuen biltegian biltegiratzen da.

15. hondakina: «Tonerra»

Identifikazioa: A48212567/4800025239/1/15

Helburu-eragiketaren kodea: E13

Osagai arriskutsuak: CXX

Arrisku-ezaugarria(k): HP4

EHZ: 08 03 17

Urtebetean sortutako kantitatea: 20 kg

Bulegoetan sortzen dira, inprimatzeko ekipoetan. Hondakin horretarako identifikatutako HDEP edukiontzi batean jasotzen da eta hondakin arriskutsuen biltegian biltegiratzen da.

16. hondakina: «Koipeztatzeko koipea»

Identifikazioa: A48212567/4800025239/1/16

Helburu-eragiketaren kodea: D9

Osagai arriskutsuak: CXX

Arrisku-ezaugarria(k): HP5/14

EHZ: 20 01 26

Urtebetean sortutako kantitatea: 50 kg

Makinen garbiketaren azpiprozesuan sortzen dira. Itxitura hermetikoa duten eta hondakin horretarako identifikatuta dauden 200 litroko metalezko bidoietan biltzen dira eta hondakin arriskutsuen biltegian biltegiratzen dira.

a) Hondakin arriskutsu bakoitzari dagozkion izendapena eta kodea hondakin bakoitzaren egoera eta ezaugarrien arabera ezartzen dira, baimena izapidetzean jasotako informazioa oinarri hartuta. Kode batzuek aldaketaren bat izan badezakete ere, beste batzuk, oinarrizkoak direlako, aldatu gabe utzi behar dira ekoizpen-jardueran zehar. Horiek definitzen dituzte mota eta hondakinaren osagai arriskutsuak. Kudeaketa-bideetan hierarkizazioa egokia dela egiaztatzeko eta Hondakinak Kudeatzeko Europako Estrategian bai Hondakinak Prebenitzeko eta Kudeatzeko Euskadiko 2030 Planean ezarritakoa betetzen dela bermatzeko, organo honek onartu egin beharko du hondakin bakoitzaren tratamendu-kontratuetan jasotako informazioa, dagokion kudeatzaile baimenduak horretarako eskaera egin ostean. Egiaztatzeak garrantzi berezia izango du, batez ere, berreskuratzea edo balorizatzea kudeatzeko eragiketa-kodearen arabera kudeatu diren hondakinen tratamendu-kontratuetan uzte- edo ezabatze-kodeak balioztatzea eskatzen bada.

b) Hondakin arriskutsuak biltzeko sistemak bereiziak izango dira, duten tipologia dela-eta isurketaren baten ondorioz nahasiz gero arriskutsuago bihurtu badaitezke edo kudeaketa zaildu badezakete.

c) Hondakin arriskutsuak ontziratzeko, indarrean dagoen araudian ezarritako segurtasun-arauak bete beharko dira. Hondakin arriskutsuak dauzkaten ontziek eta ontzikiek etiketa argia, irakurgarria eta ezabagaitza eduki beharko dute, eta itxita egon beharko dute kudeatzaileari eman arte, edukiak isurita edo lurrunduta gal ez daitezen.

d) Hondakin arriskutsuak ezingo dira 6 hilabetetik gora eduki biltegian.

e) Hondakinak kudeatzaile baimenduaren instalazioetara eraman aurretik, nahitaezko baldintza izango da agiri baten bidez egiaztatzea kudeatzaile baimendu horrek hondakinak onartu dituela. Agiri horretan hondakinak onartzeko baldintzak ezarriko dira, eta egiaztatu egingo da tratatu beharreko hondakinaren ezaugarriak administrazio-baimenarekin bat datozela. Agiri hori Ingurumen Organoari bidaliko zaio hondakina lehenengoz atera aurretik eta, behar izanez gero, hondakinen kudeatzaile berri batengana eraman aurretik. Beharrezkoa bada, karakterizazio zehatza egingo da, proposatutako tratamendua egokia den aztertzeko. Hala badagokio, arrazoitu egin beharko da proposatutako kudeaketa modua ebazpen honetako hondakin-kudeaketari buruzko printzipio hierarkikoei egokitzen zaiela.

f) Hondakin arriskutsuak lekuz aldatu aurretik eta, kasua bada, horretarako egin beharreko jakinarazpena aurretiaz eginda dagoela, araudian zehaztutako moduan, identifikazio-agiria bete beharko da; agiri horren ale bat garraiolariari emango zaio, eta zamarekin batera eraman beharko du jatorritik helmugaraino. Garbiker MP AB SAk (Artigas zabortegia) artxiboan erregistratu eta gutxienez hiru urtez gorde beharko ditu tratamendu-kontratuak eta identifikazio-agiriak edo dokumentu ofizial baliokideak.

g) Egiaztatu egin beharko da ezen baimendutako kudeatzailearen instalazioetara hondakin arriskutsuak eramateko garraioak honako betekizunak konplitzen dituela: halako salgaiak garraiatzeari buruzko indarreko legerian eskatutakoak.

h) Garbiker MP AB SAk (Artigas zabortegia) ekainaren 2ko 679/2006 Errege Dekretuari, Industrian erabilitako olioaren kudeaketa arautzen duenari, jarraituz kudeatu beharko du sortutako olio erabilia.

i) Ekipo elektriko eta elektronikoen hondakinak –besteak beste, lanpara fluoreszenteenak– kudeatuko dira Gailu Elektriko eta Elektronikoen Hondakinei buruzko otsailaren 20ko 110/2015 Errege Dekretuan xedatutakoaren arabera. Pilen eta metagailuen hondakinek, halaber, Pilei eta metagailuei eta haien hondakinen ingurumen-kudeaketari buruzko otsailaren 1eko 106/2008 Errege Dekretuan xedatutakoa bete beharko dute. Kudeatzaile baimenduaren tratamendu-kontratua izateko, garraioaren aurretiko jakinarazpena egiteko eta identifikazio-agiria betetzeko betebeharretik salbu egongo dira kudeaketa-sistema integratuko kudeaketa-azpiegituretara eramaten diren hondakinak, bai eta toki-entitateei ematen zaizkienak ere, gaika bildutako udal-hondakinekin eta haien parekoak direnekin batera kudeatu ditzaten, baldin eta dagokion toki-entitateak eman izana egiaztatzen badu. Toki-entitateei egindako entregak justifikatzeko agiriak hiru urtez gorde beharko dira gutxienez.

j) Garbiker MP AB SAk (Artigas zabortegia), PCB eduki dezaketen gailuak dituen heinean, haiek egoki kudeatu daitezen, xedapen hauetan ezarritako eskakizunak bete behar ditu nahitaez: 1378/1999 Errege Dekretua, abuztuaren 27koa, Poliklorobifeniloak, poliklorotrifeniloak eta horiek dituzten gailuak ezabatzeko eta kudeatzeko neurriak ezartzen dituena, eta 228/2006 Errege Dekretua, otsailaren 24koa, errege-dekretu hori aldatzen duena.

k) Europako Parlamentuaren eta Kontseiluaren 2009ko irailaren 16ko 1005/2009 (EE) Erregelamenduan ozono-geruza agortzen duten substantzia batzuk zehazten eta arautzen dira. Garbiker MP AB SA (Artigas zabortegia) enpresak era horretako substantziarik badu, substantzia horiek bildu eta suntsitu egingo dira aldeek erabakitako bide teknikoak erabiliz edota ingurumen ikuspuntutik onar daitekeen suntsiketarako beste edozein bide erabiliz; hondakin horiek birziklatu edo birsortu egingo dira bestela, tresnak aztertu eta mantentzeko lanen aurretik nahiz desmuntatu eta suntsitu baino lehen.

l) Garbiker MP AB SAk (Artigas zabortegia) urtero adierazi beharko dio Ingurumen Sailburuordetzari ekitaldi bakoitzean sortu dituen hondakin arriskutsu guztien jatorria, kopurua, helmuga eta aldi baterako biltegiratuta dauden hondakinen zerrenda. Datu horiekin batera, ingurumena zaintzeko programa bidaliko du, dagokion urtekoa.

m) Hondakinak eta lurzoru kutsatuak arautu eta ekonomia zirkularra bultzatzeko apirilaren 8ko 7/2022 Legearen 65. artikuluan ezarritakoaren arabera, Garbiker MP AB SA (Artigas zabortegia) enpresak, datuak jaso ondorengo urteko martxoaren 1a baino lehen eta dagokion ingurumena zaintzeko programaren barruan, artxibo kronologikoan jasotako informazioaren laburpen-memoria bat aurkeztu beharko du, zeinak lege honen XV. eranskinean agertzen den gutxieneko edukia barne hartu beharko baitu.

n) Hondakinak eta lurzoru kutsatuak arautu eta ekonomia zirkularra bultzatzeko apirilaren 8ko 7/2022 Legearen 64. artikuluaren arabera, Garbiker MP AB SAk (Artigas zabortegia) formatu elektronikoko artxibo kronologiko bat izan beharko du, non jasoko baitira, ordena kronologikoan, sortutako hondakinen kopurua, mota eta jatorria, bai eta berrerabiltzeko, birziklatzeko, beste balorizazio-eragiketa batzuk egiteko eta deuseztatzeko produktu, material edo substantzien eta horien ondoriozko hondakinen kopurua ere; eta, hala badagokio, eragiketa horien ondorioz sortutako hondakinaren helmuga, bilketaren maiztasuna, garraiobidea eta aurreikusitako tratamendu-metodoa ere inskribatuko dira, bai eta produktu, material eta substantzien helmuga ere. Artxibo kronologikoaren inskripzioak, aplikatzekoa denean, apirilaren 8ko 7/2022 Legearen II. eta III. eranskinen arabera baimendutako tratamendu-eragiketa bakoitzeko egingo dira. Artxibo kronologikoa hondakinen ekoizpen- eta kudeaketa-lanetarako eskatutako egiaztatze dokumentaleko informazioa oinarri hartuta egingo da. Artxibo kronologiko hori bost urtez gorde beharko da gutxienez eta urtero bidali beharko da Ingurumen Jasangarritasuneko Sailburuordetzara, dagokion urteko ingurumena zaintzeko programaren barruan.

o) Baldin eta Garbiker MP AB SA (Artigas zabortegia) Ontziei eta ontzien hondakinei buruzko Legearen (apirilaren 24ko 11/1997 Legea) lehen xedapen gehigarriari atxiki zaion hornitzaile batengandik eskuratutako merkataritzarako edo industriarako ontzi baten azken jabea bada, Garbiker MP AB SA (Artigas zabortegia) ontzi-hondakin edo ontzi erabili horren ingurumen-kudeaketa zuzena egitearen arduraduna da, eta, beraz, hondakin hori kudeatzeko baimena duen kudeatzaile bati entregatu beharko dio.

p) Apartatu honetako e) eta f) (kudeatzaileak EAEn daudenean), m) eta n) apartatuetan adierazitako agiriak Ingurumen Jasangarritasuneko Sailburuordetzara bidaliko dira transakzio elektroniko bidez, Euskal Autonomia Erkidegoko Administrazio Orokorrak eskainitako kanal, sistema edo aplikazio informatikoak erabiliz.

q) Amiantoa duten hondakinak antzemanez gero, Garbiker MP AB SAk (Artigas zabortegia) bete egin beharko ditu Amiantoak ingurumenean sortzen duen kutsadura saihestu eta gutxitzeari buruzko 108/1991 Errege Dekretuan (3. artikulua) ezarritako eskakizunak. Horrez gain, amiantoarekin lan egiterakoan segurtasun- eta osasun-arloan bete behar diren gutxieneko baldintzak ezarri zituen 396/2006 Errege Dekretuan ezarritako aginduen arabera egingo dira amiantoa duten hondakinak kudeatzeko manipulazio-eragiketak.

F.6.2.– Hondakin arriskugabeak.

Sustatzaileak hondakin arriskugabe hauek aitortu ditu:

(Ikus .PDF)

Aukeraketa- eta aurretratamendu-prozesuan hondakin hauek sor litezke:

(Ikus .PDF)

a) Erabilitako ontziak eta ontzi-hondakinak gaika behar bezala bereizi eta eragile ekonomiko bati emango zaizkio (hornitzaileari), erabilitako ontziak berriro erabili ahal izateko; ontzi-hondakinak, berriz, berreskuratzaile, birziklatzaile edo balorizatzaile baimendu bati eman beharko zaizkio.

b) Hondakin horiek ezabatzeko direnean ezin dira urtebete baino gehiagoz biltegiratuta eduki. Hondakinen azken helburua balorizazioa denean, 2 urtez gorde ahal izango dira.

c) Oro har, ebakuatu aurretik hondakin guztiek izan beharko dute kudeatzaile baimendu batek emandako tratamendu-kontratua, onarpen horretarako kondizioak zehaztuta. Hala badagokio, arrazoitu egin beharko da proposatutako kudeaketa modua ebazpen honetako hondakin-kudeaketari buruzko printzipio hierarkikoei egokitzen zaiela. Garbiker MP AB SAk (Artigas zabortegia) tratamendu-kontratuak edo agiri ofizial baliokideak erregistratu eta artxibategian gorde beharko ditu, nahitaezkoak badira, hiru urtez gutxienez.

d) Hondakina zabortegian biltegiratuz gero, jarraipen- eta kontrol-agiria bete beharko da hondakin arriskugabea lekualdatu aurretik, bat etorriz Hondakinak hondakindegian biltegiratuta eta betelanak eginda ezabatzea arautzen duen otsailaren 24ko 49/2009 Dekretuan ezarritakoarekin.

e) Balorizatzeko edo ezabatzeko helburuarekin, hondakinak beste autonomia-erkidego batera lekualdatzeko, identifikazio-agiri bat aurkeztu beharko da, jarraipena eta kontrola egiteko, bat etorriz Hondakinak eta lurzoru kutsatuak arautu eta ekonomia zirkularra bultzatzeko apirilaren 8ko 7/2022 Legearen 31.2 artikuluarekin.

f) Baldin eta Garbiker MP AB SA (Artigas zabortegia) Ontziei eta ontzien hondakinei buruzko Legearen (apirilaren 24ko 11/1997 Legea) lehen xedapen gehigarriari atxiki zaion hornitzaile batengandik eskuratutako merkataritzarako edo industriarako ontzi baten azken jabea bada, Garbiker MP AB SA (Artigas zabortegia) ontzi-hondakin edo ontzi erabili horren ingurumen-kudeaketa zuzena egitearen arduraduna da, eta, beraz, hondakin hori kudeatzeko baimena duen kudeatzaile bati entregatu beharko dio.

g) Hondakinak eta lurzoru kutsatuak arautu eta ekonomia zirkularra bultzatzeko apirilaren 8ko 7/2022 Legearen 65. artikuluan ezarritakoaren arabera, Garbiker MP AB SA (Artigas zabortegia) enpresak, datuak jaso ondorengo urteko martxoaren 1a baino lehen eta dagokion ingurumena zaintzeko programaren barruan, artxibo kronologikoan jasotako informazioaren laburpen-memoria bat aurkeztu beharko du, zeinak lege honen XV. eranskinean agertzen den gutxieneko edukia barne hartu beharko baitu.

h) Hondakinak eta lurzoru kutsatuak arautu eta ekonomia zirkularra bultzatzeko apirilaren 8ko 7/2022 Legearen 64. artikuluaren arabera, Garbiker MP AB SAk (Artigas zabortegia) formatu elektronikoko artxibo kronologiko bat izan beharko du, non jasoko baitira, ordena kronologikoan, sortutako hondakinen kopurua, mota eta jatorria, bai eta berrerabiltzeko, birziklatzeko, beste balorizazio-eragiketa batzuk egiteko eta deuseztatzeko produktu, material edo substantzien eta horien ondoriozko hondakinen kopurua ere; eta, hala badagokio, eragiketa horien ondorioz sortutako hondakinaren helmuga, bilketaren maiztasuna, garraiobidea eta aurreikusitako tratamendu-metodoa ere inskribatuko dira, bai eta produktu, material eta substantzien helmuga ere. Artxibo kronologikoaren inskripzioak, aplikatzekoa denean, apirilaren 8ko 7/2022 Legearen II. eta III. eranskinen arabera baimendutako tratamendu-eragiketa bakoitzeko egingo dira. Artxibo kronologikoa hondakinen ekoizpen- eta kudeaketa-lanetarako eskatutako egiaztatze dokumentaleko informazioa oinarri hartuta egingo da. Artxibo kronologiko hori bost urtez gorde beharko da gutxienez eta urtero bidali beharko da Ingurumen Jasangarritasuneko Sailburuordetzara, dagokion urteko ingurumena zaintzeko programaren barruan.

i) Erregistro bat egingo da, hondakinei buruzko datu hauek jasoko dituena: kantitatea, izaera, identifikazio-kodea, jatorria, tratatzeko metodoak eta tokiak, hondakinen sorrera- eta lagapen-datak, biltzeko maiztasuna eta garraiatzeko modua. Urtean behin, kontrol-erregistro horren kopia bat eta ingurumena zaintzeko programa, dagokion urtekoa, bidali beharko dira Ingurumen Jasangarritasuneko Sailburuordetzara.

j) Apartatu honetako c), d) (kudeatzaileak EAEn daudenean) eta e) letretan adierazitako agiriak Ingurumen Jasangarritasuneko Sailburuordetzara bidaliko dira transakzio elektroniko bidez, Euskal Autonomia Erkidegoko Administrazio Orokorrak eskainitako kanal, sistema edo aplikazio informatikoak erabiliz.

F.7.– Lurzorua babesteko baldintzak.

Urtarrilaren 14ko 9/2005 Errege Dekretuan, ekainaren 25eko 4/2015 Legean eta abenduaren 26ko 209/2019 Dekretuan (Lurzorua kutsatzea saihestu eta kutsatutakoa garbitzeko ekainaren 25eko 4/2015 Legea garatzen duena) ezarritako betebeharrak betetzeko aurkeztutako lurzoruaren egoerari buruzko hasierako txostenaren arabera, eta hor jasotako gomendioei jarraikiz, Garbiker MP AB SAk (Artigas zabortegia) lurzorua babesteko behar diren neurriak hartu beharko ditu, baita ingurumen-organoak beharrezkotzat jotzen dituen edo eskatzen dituen guztiak ere.

Ekainaren 25eko 4/2015 Legearen 16. artikuluko 2. apartatuari jarraikiz, lurzoruaren egoeraren txostenak aurkeztu beharko dira, gutxienez, 5 urtez behin, lege hori indarrean jartzen denetik aurrera.

Era berean, aurreko lerrokadan aipatutako araudian (abenduaren 16ko 1/2016 Legegintzako Errege Dekretua eta urriaren 18ko 815/2013 Errege Dekretua), lurzorua babesteko betebeharrak ezartzen dira, eta, hain zuzen ere, horiek betetze aldera, sustatzaileak hauek aurkeztu beharko ditu:

– Oinarrizko txostena, abenduaren 26ko 209/2019 Dekretuaren 20. artikuluan aipatutako epeak eta maiztasunak beteta.

– Lurzoruen eta lurpeko uren kontrol- eta jarraipen-agiriak, urriaren 18ko 815/2013 Errege Dekretuaren 10.2 artikuluan ezarritako epeen arabera.

Nolanahi ere, sustatzaileak lurzoruen dokumentu bakar bat bidaliko du, ikerketa-lanak egiten eta lurzoruaren kalitatea lehengoratzen diharduen entitate ezagun batek egina, eta aipatutako txostenak bilduko ditu hor (lurzoruaren egoerari buruzko aldizkako txostena, oinarrizko txostena eta lurzoruen eta lurpeko uren kontrol- eta jarraipen-agiriak). Emandako agiriak aldatu edo agiri berriak eman behar diren bakoitzean, lurzoruen agiri bakar berri bat helaraziko da.

Sustatzaileak baldintza hauek bete beharko ditu instalazioetan egindako aldaketek eragindako lur-mugimenduei dagokienez:

1.– Instalazioa baimenduta dagoen lurzatiaren barruan lurrak mugitzea dakarren aldaketa bat aurreikusiz gero:

a) Ekainaren 25eko 4/2015 Legearen 25.1.c) artikuluan jasotzen denari jarraikiz, induskatu beharreko materialak (lurrak, eraiste-hondakinak eta abar) karakterizatu egin beharko ditu jardueraren sustatzaileak, ekintza kutsatzaileen ondorioz erasan zaien ala ez egiaztatzearren, eta, karakterizazio horren emaitzen arabera, horiek kudeatzeko modu egokiena zehaztearren.

b) Jarduketa horretan aurreikusten bada induskatu beharreko materialen bolumena 500 m³-tik gorakoa dela (zolatak barne), edo jarduketa egin bitartean gainditze hori antzematen bada, nahitaezkoa izango da indusketa selektiborako plan bat aurkeztea, lurzoruaren kalitatea ikertzeko eta lehengoratzeko egiaztatuta dagoen entitate batek egina. Indusketa-planak abenduaren 26ko 209/2019 Dekretuaren IV. eranskinean adierazitako edukia jaso beharko du, eta ingurumen-organoak onartu beharko du hura gauzatu aurretik.

c) Induskatu beharreko bolumena 500 m³-tik beherakoa bada, aldaketaren jakinarazpenak honako informazio hau jaso beharko du:

• Jarduketa sustatzen duen pertsona fisiko edo juridikoaren eta jarduketa burutuko duen kontratistaren identifikazioa.

• Jarduerak ukituko duen lekuaren kokapen-datuak, Lurzoruaren Kalitatearen Administrazio Erregistroaren erreferentzia barne hartuta.

• Jardueraren xede den eremuaren mugaketa eta azalera. Jakinarazpenean, lurzatia eta jarduera-eremua zehatz-mehatz non dauden jakitea ahalbidetzen duten planoak erantsiko dira.

• Jardueraren deskribapen xehatua.

• Induskatuko diren materialen bolumena, zolatak barne.

• Ingurumen-jarraipenerako lanen eta azken txostena egitearen arduradunaren identifikazioa; artikulu honetan aipatutako kasuetan, entitate egiaztatua izan beharko du.

• Jarduera hasteko aurreikusitako datak.

d) Aurreko kasuetako edozeinetan, obra egin ondoren, azken txostena bidali beharko du. Bertan, lurren karakterizazioaren emaitzak adierazi beharko dira; horrez gain, induskatutako materialen berrerabilera edo kudeaketa egokia egiaztatzeko txosten bat ere bidali beharko da. Indusketaren bolumena 100 m³-tik gorakoa bada, entitate egiaztatu batek egingo ditu ingurumen-jarraipenerako lanak eta txostena.

e) Arau orokor gisa, kutsatutako lurzoruetan indusketa selektiboak egiteko gidan jasotako irizpideak beteko dira. Esteka honetan eskura daiteke gida:

https://www.ihobe.eus/argitalpenak/kutsatutako-lurzoruetan-indusketa-selektiboak-egiteko-gida

f) Soberakinetarako aurreikusitako helmuga zabortegian uztea denean, karakterizazioa dekretu hauetan ezarritakoaren arabera egin beharko da: 646/2020 Errege Dekretua, uztailaren 7koa, Hondakinak zabortegietan utziz deuseztatzeko jarduera arautzen duena, eta 49/2009 Dekretua, otsailaren 24koa, Hondakinak zabortegietan biltegiratuta eta betelanak eginda deuseztatzea arautzen duena. Oro har, laginketa egiteko, oinarrizko irizpide batzuk bete beharko dira; hain zuzen ere, abenduaren 26ko 209/2019 Dekretuaren IV. eranskinean eta gidaren 10.6 apartatuan («Induskatu behar diren lurzoruetan in situ egindako laginketa») adierazitako oinarrizko irizpideak, induskatu beharreko materialen karakterizatze-kanpaina diseinatzerakoan kontuan hartu beharrekoak.

g) Soberako materialak instalazio berean berrerabili ahal izateko, balio hau izan beharko dute material horiek: Lurzorua kutsatzea saihestu eta kutsatutakoa garbitzeko ekainaren 25eko 4/2015 Legean ezarritako B-EBA (industria-erabilera) balioaren azpitikoa. Horrez gain, lur horien hidrokarburo-edukia ezin izango da arriskutsua izan. Horretarako, entitate egiaztatu batek egin beharko ditu laginketa eta analisia, honen arabera: 199/2006 Dekretua, urriaren 10ekoa, Lurzoruaren kalitatea ikertu eta berreskuratzeko entitateak egiaztatzeko sistema ezartzen duena, eta entitate horiek lurzoruaren kalitatearen gainean egindako ikerketen edukia eta norainokoa zehazten dituena.

h) Ekainaren 25eko 4/2015 Legean xedatutako A-EBA ebaluazioko balio-adierazleak eta TPHetarako 50 mg/kg baino balio txikiagoak lortzen dituzten lurrak lur garbitzat hartuko dira, eta beraz, onartu egingo dira baimendutako edozein betelanetarako.

i) Substratu harritsu osasuntsua murrizketarik gabe kudeatu ahalko da. Lurzoru naturalaren parekoa den substratu harritsu meteorizatuaren kasuan, aurreko puntuetan ezarritako irizpidea beteko da.

2.– Aurreikusten bada lur-mugimendua dakarren aldaketa egitea instalazioa baimenduta dagoen lurzatitik kanpo (lurzoru berria okupatuz) eta okupatu nahi den lurzoru berriak lehenago izan badu ekainaren 25eko 4/2015 Legearen 1. eranskinean aipatutako jardueraren bat, sustatzaileak lurzoru gaiei buruzko adierazpen bat lortu beharko du, egin nahi diren aldaketak egiten hasi aurretik.

Era berean, ekainaren 25eko 4/2015 Legearen 22.2 artikuluaren arabera, lurraren kutsadura-aztarnak aurkitzen badira, horren berri eman beharko zaie dagokion udalari eta Ingurumen Jasangarritasuneko Sailburuordetzari, sailburuordetza horrek ezar ditzan hartu beharreko neurriak, betiere aipatutako 4/2015 Legearen 23.1e) artikuluarekin bat etorriz.

F.8.– Zaratari buruzko baldintzak.

a) Beharrezkoak diren neurri guztiak ezarriko dira honako indize akustiko hauek gaindi ez daitezen:

1.– Jarduera maila hauei egokitu behar zaie: etxebizitzen barrualdean entzungo den L_{Aeq,60 segundo} zarata-indizeak ezin izango du inoiz ere 40 dB(A) gainditu, 07:00ak eta 23:00ak bitartean, leihoak eta ateak itxita, ezta L_Amax indizeak 45 dB(A) ere.

2.– Maila hauei egokitu behar zaie jarduera: etxebizitzen barrualdean entzungo den L_{Aeq, 60 segundo} zarata-indizeak ezin izango du inoiz ere gainditu 30 dB(A) 23:00ak eta 07:00ak bitartean, leihoak eta ateak itxita, ezta L_Amax indizeak 35 dB(A) ere.

b) Zamalanetako jarduerak eta materialak kamioietan garraiatzeko jarduerak egitean sortzen den zarata ezingo da izan sentikortasun akustiko handieneko eremuetako ingurumen-maila baino askoz handiagoa.

c) Ebazpen hau eragin duen biometanizazio-instalazioari loturiko eragiketen ondoriozko zarata-iturriei dagokienez, Garbiker MP AB SAk (Artigas zabortegia) behar diren neurriak hartuko ditu instalazio horrek ez dezan kanpoko ingurumenera transmititu Euskal Autonomia Erkidegoko hots-kutsadurari buruzko urriaren 16ko 213/2012 Dekretuaren I. eranskineko F taulan muga-balio gisa ezarritako zarata-mailak baino handiagoak, betiere Zaratari buruzko azaroaren 17ko 37/2003 Legea garatzen duen abenduaren 16ko 1513/2005 Errege Dekretuaren –giro-zarataren ebaluazioari eta kudeaketari dagokienez– II. eranskinean ezarritako prozeduren arabera ebaluatuta.

(Ikus .PDF)

Kanpoaldeko gehieneko balioek lurretik 2 metroko garaiera eta leihodun fatxaden kanpoaldeko eraikuntzaren garaiera guztiak dituzte erreferentziatzat.

Ezarritako zarata-immisioaren muga-balioak errespetatzen direla ulertuko da baldin eta, Zaratari buruzko azaroaren 17ko 37/2003 Legea garatzen duen abenduaren 16ko 1513/2005 Errege Dekretuaren II. eranskinean ezarritako prozeduren arabera (giro-zarataren ebaluazioari dagokionez), baldintza hauek betetzen badituzte ebaluatutako adierazle akustikoen balioek, urtebeteko epean:

– Urteko batez besteko balioek ez dituzte gainditzen aipatutako I. eranskineko F taulak ezarritako balioak.

– Eguneroko balioek ez dituzte 3 dB-etan gainditzen aipatutako I. eranskineko F taulak ezarritako balioak.

– L_{keq, T} indizean neurtutako balioek ez dituzte 5 dB-etan gainditzen aipatutako I. eranskineko F taulan adierazitako balioak.

F.9.– Paisaiari buruzko baldintzak.

Paisaia babesteko ezarritako neurriak (instalatutako landare-pantailak, perimetro-itxitura) zein hondakin arriskugabeen zabortegiaren paisaia-integrazioa, elementuak ezkutatzea eta landaredia naturala berreskuratzea hobetu dezaketen neurriak modu egokian mantentzen direla bermatu beharko da.

Hondakinak ontzitik kanpora sakabanatzea eragozteko, baldintza meteorologikoak txarrak direnean, esaterako, beharrezko diren neurriak ezarriko dira une bakoitzean. Halaber, bertan utzitako hondakinek usaina baldin badute, eragozpen hori murrizteko neurri eraginkorrak ezarriko dira.

Ezohiko arrazoiak direla-eta hondakin-ontzitik kanpora hondakinak sakabanatuko balira, Garbiker MP AB SAk (Artigas zabortegia) berehala bildu beharko ditu.

G) Zabortegia zigilatzeko obrak burutzeko baldintzak eta eskakizunak.

G.1.– Zigilatze-obrak hasi aurretiko baldintzak.

Garbiker MP AB SAk (Artigas zabortegia) zabortegiak eraikitzen eta zigilatzen espezializatuta dagoen obra-zuzendaritza bat izendatu beharko du, eta eraikitzailearekiko eta haren sustatzailearekiko independentea izango da.

Horrez gainera, enpresa bat izendatu behar du, loturarik ez duena sustatzailearekin eta eraikitzailearekin, zabortegia zigilatzeko geosintetikoen instalazioari dagokion kalitate-bermea kontrola dezan. Enpresa horrek ebazpen honen G.2 apartatuan ezarritako baldintzak betetzen direla egiaztatzeko ardura izango du.

Obrak hasi aurretik, Garbiker MP AB SAk (Artigas zabortegia) ingurumen-organoari jakinarazi behar dio zer enpresa izendatu den zuzendaritza teknikoa gauzatzeko eta zer enpresak egingo duen zigilatze-lanetarako geosintetikoen instalazioaren kalitatea bermatzeko kontrola.

Zabortegiko gelaxka bakoitzaren zigilatze-lanak hasi baino behar beste denbora lehenago, proiektua aurkeztu beharko zaio ingurumen-organo honi. Bertan, exekuzio-baldintzak, zigilatze-sekuentzia eta obrak egiteko epeak txertatuko dira, besteak beste. Aipatutako proiektuak, gainera, zabortegiaren egonkortasun globalari buruzko azterlan eguneratu bat jaso beharko du, zigilatzea osatzen duten geruzak barne hartuta, bermatze aldera irristatzearen aurreko segurtasun-faktorea >= 1,5 izango dela beti egoera normalean eta >= 1,3, berriz, ezbehar egoeran. Egonkortasunaren azterketa eguneratuak, gutxienez, «Zabortegiak kokatzeko, diseinatzeko eta zaintzeko irizpideak ezartzeko gomendioak» jarraibidearen III.3 apartatuan identifikatutako kontaktu-azalerak jaso beharko ditu.

Gainera, behin jarraibideak argitaratuta, zigilatze-obrak egiteko irizpideei buruzko jarraibide tekniko aplikagarrietan ezarritakoa bete beharko da. Ingurumen-organoak ezartzen ditu jarraibide horiek.

Zabortegiko gainerako faseen zigilatzeari dagokionez, ingurumena zaintzeko programan behar bezala adierazi behar da nola gauzatuko diren, eta epe zehatzik eman ezinez gero, arrazoia justifikatu beharko da.

G.2.– Zabortegia zigilatzeko obrak egiteko baldintzak eta eskakizunak.

a) Geruza-sekuentzia hau izango du, goitik behera, zabortegiaren akaberako zigilatzeak:

– Gainazala belarkien bidez estaltzea. Zabortegiaren zigilatzearen gainean zuhaixkak edo zuhaitzak landatzea, helduak direla haien tamaina eta sustraiak, sakontasuna, mota, kokapena edo ezarritako babesak direla-eta, drainatze-geruzaren, geomintzaren edo zigilatzearen hesi geologiko artifizialaren segurtasunari edo funtzionaltasunari ez eragiteko baldintzapean egongo da; eta irristaduraren aurrean, landaketak ez du segurtasun-faktorea 1,5etik behera murriztu beharko.

– Gutxieneko 0,15 metroko lodiera duen landare-lurzoruzko geruza.

– Gutxieneko 0,60 metroko lodiera duen estaldura-lurzoruzko geruza.

– Iragazketaren ur garbien geruza iragazlea. Ale-formako material natural baten geruzaz osatuta egon daiteke (legarrak edo hareak), azpitik sastatzearen aurkako geotestilaren bidez geomintzaz bereizia, eta gainetik iragazki-geruzaren bidez, edo drainatzaile-geokonposatuaren bidez. Nolanahi ere, geruza drainatzaile horren igorgarritasuna drainatze-luzeraren, drainatzearen isurialdearen eta gaineko lurzoruaren estaldura-geruzaren eroankortasun hidrauliko asearen arabera kalkulatuko da. Horrela, ezarritako geruzaren igorgarritasunak kalkulatutako igorgarritasunarekiko >=6ko segurtasun-faktorea (FS) izan dezan eta geruza horren barruan lodiera aseak geruzaren lodiera edo 0,30 m gainditu ez ditzan; txikiena den neurria, hain zuzen ere.

– 1,5 edo 2 mm-ko lodiera duen dentsitate altuko polietilenozko geomintza (HDPE).

– Hesi geologiko artifiziala. 0,60 metroko lodiera eta >=10^-9 m/s-ko iragazkortasuna duen geruza mineral trinkotuaz osatuta egongo da, 0,15 metroko 4 geruzaz eraikia. Xede horretarako, ezaugarri horiek dituzten hondakin trinkotuak edo antzeko babesa bermatzen duen bentonitazko geokonposatua erabil daitezke.

– 0,50 metroko lodiera duen erregularizazio-geruza, Proctor Aldatua entseguaren gehieneko dentsitatearen % 95era trinkotutako hondakin hautatuaz osatua.

– Gasak drainatzeko geruza, sortutako gas-jarioa husteko diseinatua, zabortegiaren barruan presioak sor ez daitezen, gasak atmosferara ihes egitea edo hondakin-masaren edo zabortegia zigilatzean egonkortasun mekanikoko problemak sortzea saihesteko.

Bestelako zigilatze-segidak proposa daitezke, modu egokian justifikatuz instalazioaren gorabehera zehatzei emandako soluzioa.

Ezpondaren eremuetan instalatu aurretik, zigilatzea osatzen duten geruzen egonkortasunaren azterketa egin beharko da, irristaduraren aurrean geruzek >=1,5-ko segurtasun-faktorea dutela bermatu ahal izateko.

Behin betiko zigilatzearen azaleraren azken morfologia hauen arabera definituko da: utzi beharreko hondakin-masa itxi ondorengo 30 urteetan sortuko diren asentuen balioespena, eta zigilatze-segidan erabilitako materialek asentu horien ondorioz jasango dituzten deformazioei eutsiko dietela justifikatzeko kalkuluak. Modu berean, asentatzearen ondoren behin betiko zigilatzearen azalerak ur isuri garbiak biltzeko areketarantz gutxienez % 2ko isurialdea duela justifikatu beharko da, eta areka horiek diseinuko emari-ahalmenari eusteko aukera eskainiko dutela.

Gas-tximinien diseinuak eta horiek zabortegiaren zigilatzearekin lotzeak kontuan hartu beharko du utzi beharreko hondakin-masaren asentuen eragina, lotura horietan hausturak saihesteko.

Putzuetatik erauzitako zabortegiko gasa gasak balorizazio-instalazioraino eramateko hodi-sarearen trazadura diseinatzerakoan, kontuan hartu beharko da horrek ez duela oztopatu behar mantentze-lanak egiteko perimetro-bidetik zabortegi barrura ibilgailuz sartzea.

Bi sare paralelo ezarri dira zabortegitik ateratako gasa eroateko: batetik, CH₄ ugariko gasak eroango dira, eta bestetik, CH₄ urriko gasak.

b) Zabortegiaren gainaldearen birmoldaketa amaitu ondoren, haren azaleraren plano takimetriko bat altxatuko da UTM ETRS 89 koordenatuetan, malda egokien gainean egiteko zigilatze-sekuentzia eta zabortegiak hartuko duen eremua eta zigilatuko den eremua zehazteko. Gutxienez metro bateko zabalerako zerrenda gehigarria hartuko du hark, birmoldaketaren ostean zabortegiak hartuko duen azalerarekiko. Plano takimetriko horren gainean, zigilatzeko lanetan zehar ager daitezkeen lixibiatuen iturburuak kokatuko dira, horietako bakoitzean hauek zehaztuz: emaria, pH-a, tenperatura, eroankortasun elektrikoa eta neurketaren eguna.

c) Zigilatze-lanetan zehar sortzen den eta aldaketa nabarmenak eragiten dituen zigilatze-proiektuaren aldaketa oro Ingurumen Organoari jakinarazi behar zaio, gauzatu aurretik aztertu, eta, hala badagokio, onar dezan.

d) Era berean, zigilatze-sistemak bete egin beharko du «Zabortegiak kokatzeko, diseinatzeko eta zaintzeko irizpideak ezartzeko gomendioak» jarraibidean zehaztutakoa, III.2 apartatuan, erregularizazio-geruzari, gasak biltzeko geruzari, iragazgaizte-geruzari, infiltrazio-urak iragazteko eta drainatzeko geruzari eta estaldura-geruzari dagokienez.

e) Zabortegia zigilatu ondoren, zigilatze-lanen zuzendariak lanak ebazpen honetan ezarritako baldintza eta betebeharren eta ebazpenaren oinarri den agiri teknikoen arabera bete dela egiaztatu beharko du. Egiaztapena egiteko, zabortegia zigilatzeko obra-amaierako ziurtagiria bidali beharko du, obra-zuzendariak sinatuta, honako agiri hauekin batera:

– Dagokion eraikitzeko proiektua («as built»), dagokion elkargo ofizial profesionalak oniritzia emanda duela; plano sorta, eta obra fasean egindako aldaketek ebazpen honetan eta ebazpenaren oinarri diren agirietan ezarritako baldintza eta eskakizunei dagokienez segurtasun-murrizketarik ekartzen ez dutela adierazten duen justifikazioa. Halaber, obra bukatutakoan ikusi ezin diren elementuen eta horien ezaugarrien argazki-erreportajea egin beharko du, xehetasun-ikuspegiekin eta ikuspegi panoramikoekin, eta planoan duten kokalekua adierazita.

– Plano topografiko bat, zigilatze-sekuentziaren landare-lurrezko geruzaren gainazalarena, UTM ETRS 89 koordenatuetan eta kota absolutuetan emana.

– Eraikuntza-kalitatea kontrolatzeko eta bermatzeko programaren emaitzak. Programa horrek barne hartuko ditu eginiko lanak deskribatzen dituen memoria eta emaitzak eta ondorioak laburbiltzen dituzten taulak; horrez gainera, zenbait eranskin bilduko ditu, landa-laneko eta laborategiko emaitza analitiko guztiak jasoko dituztenak (azken horiei buruz txosten osoak jasoko dira), bai eta laginketa-puntuek plano takimetrikoan duten kokapena ere.

– Instrukzioan zigilatzeko estalkiei buruz adierazitako betekizun guztiak betetzen direla egiaztatzen duen txostena.

f) Ingurumen Organoari aurkeztu behar zaio aurreko apartatuan adierazitako obra amaierako ziurtagiria eta hari erantsitako dokumentazioa, onarpena eman diezaion. Aurkeztutako agiriak egokiak direla ikusi eta egiaztapen-bisita egin ondoren, ingurumen-organoak hondakin-uztearen jarduera etetea, zigilatzearen bukaera eta itxi ondorengo aldia abiatzea onartuko du.

H) Hondakin arriskugabeen zabortegia itxi ondorengo baldintzak.

a) Garbiker MP AB SA (Artigas zabortegia) enpresa izango da zabortegia itxi ondorengo mantentze-lanen, zaintzaren eta kontrolaren arduraduna, eta eginkizun horiez arduratuko den pertsonaren izena jakinaraziko dio ingurumen-organoari.

b) Posta-helbidea, telefonoa, faxa, helbide elektronikoa edo edozein komunikabide eta kontaktu, edo itxi ondorengo kontrolaz arduratuko den pertsona aldatzen badira, zabortegiaren titularrak jakinarazi egin beharko du.

c) Itxi ondorengo kontrola eta zaintza-aldia 30 urtekoa izango da, zabortegiaren jarduera eten eta zigilatzea bukatu dela onartzen den egunetik hasita. Ingurumen-organoak hala irizten badio, data hori aldatu ahal izango da, itxi ondorengo kontroletan lortutako emaitzen arabera. Itxi ondorengo aldia amaitzea eta horri dagokionez ezarritako betebeharrak amaitzea ingurumen-organoak itxi ondorengo aldia amaitzeari buruz emaniko ebazpenaren bidez erabakiko da, sustatzaileak hala eskatuta, eta aldez aurretik apartatu honetan ezarritako baldintzak bete direla egiaztatuta.

d) Garbiker MP AB SAk (Artigas zabortegia) itxi ondorengo zainketak betetzeaz arduratuko den enpresa izendatuko du. Enpresa hori ez baldin bada zabortegiaren titularra, enpresa hori gutxienez urtebeterako izendatuko du titularrak. Izendapen horren berri eman beharko zaio ingurumen-organoari, izendapena egin eta 15 eguneko epean, eta zabortegiaren titularraren ordezkariaren onarpen-sinadura, itxi osteko zainketaz arduratuko den enpresako ordezkariaren onarpen-sinadura eta titularrak emandako agirien zerrenda xehatua barne izango ditu. Zerrendak aipatutako zabortegiari dagozkion administrazio-eskakizun guztiak eta zigilatzean eta ordura arteko itxi osteko zainketan zehar sortutako agiri tekniko guztiak jaso beharko ditu.

e) Garbiker MP AB SAk (Artigas zabortegia) itxi ondorengo fasean zehar kontrol-prozeduretan agerian jarritako ingurumenerako ondorio negatibo nabarmen oro jakinaraziko die ingurumen-organoari eta Bilboko Udalari, eta hartu beharreko zuzenketa-neurrien izaerari eta egutegiari buruz agintaritza eskudunak hartutako erabakia ere bete beharko du. Gainera, ondorio negatiboek uretan eragina dutenean, Uraren Euskal Agentziari jakinarazi beharko zaio.

f) Obrak edo jarduerak egin nahi baldin badira zabortegian hura itxi ondoren, ingurumen-organoaren baimena izan beharko da haiek egin aurretik. Nolanahi ere, Ingurumen Organoaren aurrean egiaztatu beharko da jarduera horiek ez dutela eraginik zigilatzearen osotasunean, perimetro-kanalen funtzionamenduan, egonkortasunean edo itxi ondorengo kontrol-sistemaren elementuetan; organo horren aurrean egiaztatu beharko da, halaber, jarduera horiek ez dutela arrisku onartezinik eragingo garatu nahi den erabilerarako edo jarduerarako, edo, hala eraginez gero, horiek birjartzeko nahikoa zuzenketa-neurri aurreikusi direla ziurtatu beharko da.

Horretarako, zigilatzearen gainean sortzen den zuhaitz- edo zuhaixka-landaredia kenduko da.

Ereiteen mantentze-lanak egin beharko dira, hala nola ebakitzeak, ongarritzeak eta ureztatzeak.

Zigilatzearen gainean landare-espezie inbaditzaileak haztea zaindu beharko da; hala badagokio, horiek ugaltzea kontrolatzeko eta errotik kentzeko neurriak hartu beharko dira.

Zigilatzearen gainazalean izandako asentuak, hondakin-irristatzeak edo higadurak konponduko dira.

Inolaz ere ez da baimenduko zabortegia itxi ondorengo fasean zehar zabortegiaren zigilatzeari bizitegi-erabilera ematea. Halaber, ez da baimenduko inolako jarduketarik zigilatze-sekuentziako ur garbien drainatze-geruzaren gainazaletik 50 cm baino gutxiagora hurbil dadin.

g) Itxi ondorengo fase horretan lixibiatuen pilaketa handiak edo ontzian iragazgaiztasuna galdu izanaren zantzuak hautematen badira, segurtasun-faktoreak berriz aztertuko dira azterketa espezifikoen bidez.

h) Zabortegiko ontzian ezohiko mugimenduak daudela edo pitzadurak maiztasun handiz agertzen direla ikusten bada, sustatzaileak ingurumen-organoari jakinarazi beharko dio, eta horien jarraipen xehatua egin beharko da, bai eta horien jatorria edo ondorioak zehazten dituen azterketa/analisiren bat egin ere, hala nola egonkortasun-azterketa espezifiko bat.

i) Zigilatze-sekuentziaren amaierako geruza (lurrak estaltzeko geruza eta landare-lurra) babes-geruza da; beraz, zanga, zimenduak, eta antzerakoak egiten diren obretan ezingo da geruza hori zeharkatu, ezta aldi baterako ere; hortaz, ekipamenduak diseinatu eta gauzatzean zigilatzearen amaierako kotak kontuan izan beharko dira, zeharkatu ezin den beheko muga gisa. Hondeatzeko palak erabiltzea edo makina astunekin bestelako eragiketak egitea eskatzen duten jarduerak egitea saihestu behar da, babes-geruza hautsi edo mehetu baitezakete, edo deformazioak transmititu eta zigilatze-geruza arriskuan jarri.

j) Baldintza egokietan mantenduko dira zabortegiko eremu guztiak, zabortegiko partzelakoak, bai instalazio lagungarriek hartzen dituztenak, bai haietara joateko bideak. Horixe bera egingo da zerbitzu-sareak egiteko eta lixibiatuak ebakuatzeko eremuekin, bai eta, berritze-planean ageri ez arren, zigilatze-lanak amaitu ondoren kaltetuak suertatzen diren eremuekin ere. Besteak beste, gainazaleko urak biltzeko kanalizazioak, lixibiatuen drainatzeak eta eroanbideak eta itxi ondorengo zaintza-planean zehaztutako kontrol-puntuak, bai eta instalatutako elementu osagarriak ere, tartean, lixibiatuen emari-neurgailua edo dagozkion kontrol-kutxatilak. Aipatutako elementuren bat narriatu dela antzemanez gero, ahalik eta azkarren konpondu beharko da. Halaber, ingurumen-organoak ezarritako aldizkakotasunarekin egiaztatuko da gasak erauzteko sistemaren eraginkortasuna eta emisio iheskarien kuantifikazioa.

k) Lixibiatuak drainatzeko hodiak aldizka garbitu beharko dira, jalkinen pilaketak kentzeko, instalazioaren eraginkortasunean eragin baitezakete. Horien erregistro bat edukiko da, ingurumen-organoari igorriko zaizkion aldizkako txostenetan sartuko dena.

l) Aldizka drainatze-elementuen begizko ikuskapenak egingo dira, bai eta 24 orduko epean prezipitazio handiak gertatu ondoren ere, higadura-seinaleak, asentuak, pitzadurak, jalkinak eta drainatzea blokeatzeko arriskua dakarten elementuak identifikatzeko.

I) Ingurumena zaintzeko programa.

UNE-EN ISO 17020 arauaren arabera egiaztatutako entitateek diseinatuko dituzte ustiapen eta mantentze faseetan zaintza- eta kontrol-lanetarako laginketa eta lagin-hartzea. Entitate egiaztatuak entitate ustiatzailearen independentea izan behar du, eta ezinbestekoa izango da lehendik ez parte hartu izana zabortegiaren diseinuan, fabrikazioan, horniduran, instalazioan, zuzendaritza fakultatiboan, laguntza teknikoan edo mantentze-lanetan.

Halaber, zaintzarako eta kontrolerako zehaztapen analitikoak UNE-EN ISO 17025 arauaren arabera egiaztatutako laborategiek egingo dituzte.

Ingurumena zaintzeko programa sustatzaileak aurkeztutako agirietan eta apartatu hauetan ezarritakoaren arabera gauzatu beharko da:

I.1.– Airearen kalitate-kontrola.

I.1.1.– Atmosferara eginiko emisioak kontrolatzea.

a) Garbiker MP AB SAk (Artigas zabortegia) emisioak kontrolatu beharko ditu, informazio honen arabera:

(Ikus .PDF)

b) Puntu honetako a) letran aipatutako neurketa guztiak Administrazioaren II. mailako ingurumen-lankidetzako erakunde (ILE) batek egin beharko ditu, urriaren 16ko 212/2012 Dekretuan jasotzen den bezala; eta aldizkako neurketa horiei buruzko txostenek, berriz, Ingurumeneko sailburuaren 2012ko uztailaren 11ko Aginduan eskatzen diren baldintza guztiak bete beharko dituzte, batik bat honako hauei dagozkienak: neurketaren helburua eta plana, neurketen adierazgarritasuna, neurketa kopurua eta neurketa bakoitzaren banako iraupena eta erreferentzia-metodoak hautatzeko irizpidea.

c) Halaber, a) letran azaldutako emisio-foku bat kontrolatu behar den urtean, foku horrek funtzionatzen badu urtean hamabi aldiz baino gutxiagoko batez besteko maiztasunarekin, eta emisio bakoitzak ordubete baino gehiago irauten duela, edo, bestela, edozein maiztasunarekin, baldin eta emisioaren iraupen globala plantaren funtzionamendu-denboraren ehuneko bostetik gora bada, urte horretan ez da beharrezkoa izango foku hori kontrolatzerik, eta hurrengo urtean kontrolatu beharko da, baldin eta kontroletik salbuesteko baldintzek irauten ez badute. Inguruabar hori dagokion urteko ingurumena zaintzeko programan justifikatu beharko da.

d) Biogasa biltzeko putzuetan zabortegiko gasa neurtuko da, baita lixibiatuen irteeran, gainazal azpiko uren irteeran, leku itxietan (segurtasun-etxola, araztegia, etab.), zabortegiaren gainazalean eta ustiapen-eremuaren perimetroan ere.

Neurtu beharreko parametroak, gutxienez, honako hauek izango dira: CO, CO₂, O₂, H₂S, H₂ eta CH₄, presio atmosferikoa eta airearen tenperatura. Onetsitako entitate batek egingo ditu neurketak (UNE-EN ISO 17020 zabortegien eremua), hilean behin ustiapenean zehar eta sei hilean behin itxi ondorengo ustiapen-fasean.

e) Dagokion urteko ingurumena zaintzeko programan, zuzien funtzionamenduari buruzko txostena aurkeztu beharko da, gutxienez jasoko dituena funtzionamendu-denbora, CH₄-aren batez besteko kontzentrazioa eta aldiko gorabeherak.

f) Biometanizazio-instalazioan honako hau monitorizatu beharko da:

– Digestorearen elikaduraren alkalinotasuna eta pH-a.

– Digestorearen funtzionamendu-tenperatura.

– Digestorearen elikaduraren karga hidrauliko eta organikoaren proportzioa.

– Amoniakoaren kontzentrazioa digestorean eta digerituan.

– Biogasaren kantitatea, osaera eta presioa.

– Digestoreko likido- eta apar-mailak.

Era berean, astero aztertuko da gantz-azido lurrunkorren kontzentrazioa digestorean eta digerituan.

g) Kontrol horien emaitzak dagokion urteko ingurumena zaintzeko programarekin batera igorriko dira.

I.1.2.– Txostenak eta kontrolen erregistroak.

I.1.1 puntuan eskatutako parametro guztien neurketen txostenak bidali beharko dira. Kanpoko kontrolen txostenetan, jarraibide teknikoetan ezarritako gutxieneko edukia jaso beharko da. Neurketa berriak egin beharko dira, baldin eta parametroen neurketarik ez badago edo egindako neurketak ebazpen honetan ezarritako kontrol-maiztasunaren aurretik egindakoak badira. Emisio atmosferikoen ondorengo kontrolak egindako azken neurketarekiko adierazitako maiztasunarekin egingo dira.

Erregistro bat egingo da eguneratutako dokumentazioarekin, honako hauetan ezarritakoari jarraikiz, betiere: Atmosfera kutsa dezaketen jardueren katalogoa eguneratzen duen eta hura ezartzeko oinarrizko xedapenak finkatzen dituen urtarrilaren 28ko 100/2011 Errege Dekretuaren 8. artikulua eta Atmosfera kutsa dezaketen jardueretarako instalazioak arautzen dituen abenduaren 27ko 278/2011 Dekretuaren III. eranskina.

Erregistro hori eguneratuta eta ingurumen-ikuskatzaileen eskura egongo da.

I.1.3.– Atmosferara eginiko immisioak kontrolatzea.

Urtean immisioko laginketa-datuak biltzeko kanpaina bat egingo da gutxienez, bai langileen lan-eremuetan edo lan-ingurunean, bai instalazioaren ingurunean.

Laginketa-kanpaina horiek ahalik eta egoera okerrenean egingo dira (klimari eta eraginkortasunari dagokienez). Lan-ingurunearen gaineko eragina baloratuko da, eragiketa eta lan guztietan, sarbideetan, hondakinak uzteko eremuan, etab., laginketa eginez.

Sustatzaileak aurkeztu dituen agirien arabera, ustiapen, itxiera eta itxi ondorengo faseetan barrena ondorengo analisiak egingo dira urtero:

(Ikus .PDF)

Kontrol horien emaitzak dagokion urteko ingurumena zaintzeko programarekin batera igorriko dira.

I.1.4.– Usainen kudeaketa-planaren kontrola.

Biometanizazio-instalazioa ezarri eta sei hilabeteko epean, instalazioko kirats-emisioak zehaztu beharko dira. Ikerketa olfatometriko hori egiteko, irizpide hauek jarraitu beharko dira:

– Iturri konfinatuak eta lausoak identifikatu beharko dira, eta horien usain-jarioak karakterizatu beharko dira.

– Usain-iturri bakoitzean, usainaren kontzentrazioa, usain-jarioaren abiadura eta usainaren emaria zehaztu beharko dira.

– Laginketa, usainaren kontzentrazioa, hedatzeko abiadura eta usain-jarioaren zehaztapena arau honen arabera egingo da: UNE-EN 13725:2004 «Airearen kalitatea. Usainaren kontzentrazioa olfatometria dinamikoaren bitartez zehaztea».

– Usain-jario bakoitzean hiru lagin hartuko dira gutxienez.

– UNE-EN 13725:2004 arauaren araberako ziurtagiria duten entitateek zehaztuko dituzte instalazioko usain-emisioak.

– Usain-emisioen eragin negatiboa ebaluatzeko, aipatutako ikerketa olfatometrikoa osatzeko usainen hedapenaren modelizazioa ere egin beharko da.

– Azterlan hori egitean eta horren emaitzak eta ondorioak aurkeztean, Ingurumen Jasangarritasuneko Sailburuordetzak argitaratu duen «Dispertsio-ereduak egiteko jardunbide egokien Gidan» ezarritakoari jarraitu beharko zaio.

I.2.– Isuritako uraren kalitatea kontrolatzea.

a) Sustatzaileak aurkeztu dituen agirien arabera, ustiapen, zabortegia ustiatzeko fasean ondorengo analisiak egingo dira:

(Ikus .PDF)

Zabortegiaren testuinguru hidrogeologikoa ebaluatu beharko da, egitura akuiferoak eta horien alboko hedadura identifikatzeko, akuiferoetako fluxuaren norabidea eta abiadura zehazteko, eta kutsatzaileak sakabanatzeko mekanismoak eta horien magnitudea jakiteko. Informazio hori eremuko eredu hidrogeologiko kontzeptuala egiteko oinarria izango da.

Tokian tokiko eraketa hidrologiko espezifikoak eta ereduan identifikatutako lurpeko uren kalitatea kontuan hartuta, lurpeko uren kalitatea zaintzeko sarearen proposamen justifikatua egingo da, baita esku-hartzearen mailarena ere.

Behaketak kontrol-grafikoen bidez ebaluatu beharko dira, ibaian behera kokatutako piezometro bakoitzerako ezarritako kontrol-arau eta -mailekin. Lurpeko uren kalitatearen aldaketa lokalen arabera zehaztu beharko dira kontrol-mailak.

Esku-hartze maila jakin batera iristean, beharrezkoa da laginak berriro hartu eta egiaztapen bat egitea. Maila jakin hori berretsi ondoren, ezarritako larrialdi-planari jarraitu beharko zaio, eta ingurumen-organoari horren berri eman lehenbailehen.

b) Zabortegiaren zati bakoitza itxi ondorengo fasean zehar, analisi hauek egingo dira:

(Ikus .PDF)

c) Kanpoko kontrol bakoitza, bai laginak hartzea, bai ondorengo analisia, «erakunde laguntzaile» batek egin eta egiaztatuko du, eta goian aipatutako parametroak hartuko dira kontuan. Sustatzaileak, isurgune bakoitzeko, lagin hartu berri baten analisia aurkeztu beharko du gutxienez; lagina 24 orduko ur-emariarekiko proportzionala izan beharko da, edo, bestela, lagin puntual adierazgarria.

Isurien kontrolen emaitzak Ingurumen Sailburuordetzari igorriko zaizkio, ebazpen honen bigarren apartatuko I.10 azpiapartatuan ezarritako epeetan eta baldintzetan.

d) Laginketak beti egingo dira kutsatzaile gehien sortzen den aldietan.

e) Kontrol bakoitza baimendutako parametro bakoitzari egingo zaio, eta baimenean jarritako betekizun guztiak betetzen dituela ulertuko da baldin eta F.5.3 apartatuko parametro guztientzat ezarritako mugak betetzen badituzte.

f) Lurpeko urei dagokienez, sustatzaileak ingurumen-ondorio negatiboak eta nabarmenak gertatu direla pentsatuko du lurpeko uraren laginaren analisiak uraren kalitatean aldaketa nabarmena jazo dela frogatzen duenean, eta ebazpen honen J.4.u) apartatuaren arabera jokatu beharko du. Gainera, ondorio negatiboek uretan eragina dutenean, Uraren Euskal Agentziari jakinarazi beharko zaio.

I.3.– Datu meteorologikoak biltzea.

Zabortegia ustiatu, zigilatu eta itxi ondorengo aldian, parametro meteorologikoen kontrol bat egingo da zabortegi barruko estazio meteorologikoan, eta 10 minutuero gordeko dira. Zehazki, parametro hauek aztertuko dira:

– Haizearen abiadura eta norabidea.

– Airearen tenperatura.

– Hezetasun erlatiboa.

– Presio barometrikoa.

– Prezipitazioa.

– Eguzki-irradiazio orokorra.

Lurrunketa lisimetrotan lortuko da. Lisimetroen kokapena eta ezaugarriak zehazteko, dagokion diseinua aurkeztu beharko da, edo komunitate zientifikoak onartutako kalkulu-metodoak aplikatu beharko dira, gutxienez egunean behin kalkulatu ahal izateko.

I.4.– Zabortegiaren balantze hidrikoa.

Urtero, kanpoko entitate batek zabortegiaren balantze hidrikoa egin beharko du, eta horretarako, erregistratutako lixibiatu isurien datuak, erregistratutako datu meteorologikoak eta zabortegiaren azaleran izandako aldaketen plano topografikoak (zigilatutako eremuak, isurketa eremuak, etab.) erabiliko dira.

Itxi ondorengo aldiko lehen balantzeak zabortegiaren portaera hidrodinamikoaren analisia barne izango du, erregistratutako emariaren eta eroankortasun elektrikoaren datuetatik eta itxi aurreko eta ondorengo balantze hidrikoaren alderaketatik abiatuta.

Aipatutako balantzea dagokion urteko ingurumena zaintzeko programari atxikiko zaio.

Balantze hidrikoa egiteko, ingurumen-organoak ezarritako jarraibide teknikoei jarraitu beharko zaie.

I.5.– Hondakin-ontziaren topografia kontrolatzea.

Zabortegiaren ustiapen fasean, ontziaren morfologia kontrolatuko da urteko jasotze topografikoaren bidez, eta sei hilean behin zehaztuko da utzitako hondakinek hartzen duten azalera, utzitako hondakinen pisua eta bolumena, haien izaera eta gainerako edukiera (bolumena eta urteak).

Halaber, ustiapen fasean eta itxi ondoren, hiru hilean behin zehaztuko da zabortegiaren portaera mekanikoa, neurketa-sekzioen sare baten kontrol topografikoaren bidez. Sare horrek ustiapen fasearen arabera behar adina sekzio izango ditu. Orobat, hilero kontrolatuko zer maiztasunekin agertzen diren pitzadurak eta higadura-arrastoak. Era berean, inklinometroak instalatzea baloratuko da berariazko proposamen baten bidez.

Zabortegiko ontzian ezohiko mugimenduak daudela edo pitzadurak maiztasun handiz agertzen direla ikusten bada, ingurumen-organoari jakinarazi beharko zaio, eta horien jarraipen xehatua egin beharko da, bai eta horien jatorria edo ondorioak zehazten dituen azterketa/analisiren bat egin ere, hala nola egonkortasun-azterketa espezifiko bat.

Kontrol topografiko horren emaitzek honako hauek jasoko dituzte: neurtzeko bitartekoak eta materialak, gertatutako gorabeherak, aldi bateko bilakaeraren grafikoak, erregistratutako datuak euskarri elektronikoan (kalkulu-orria), eta horien interpretazioa.

Zabortegiko ezpondan kokatutako inklinometroetan egindako kontrolen emaitzak barne hartzen ditu.

Urtero, zabortegiaren betetze-lanen plano topografiko eguneratu bat egin beharko da, zabortegiaren mugak, zabortegiaren eremu zigilatua, eta azken urtean hondakinak utzi diren zabortegiaren eremua zehaztuta dituena, eta eremu bakoitzean azalerak eta zabortegiaren gainazalean aldaketak egin diren datak adierazita.

Apartatu honetan adierazitako informazio guztia dagokion urteko ingurumena zaintzeko programan erantsiko da, kontrol-elementuen nahikotasunaren balorazioa barne, eta, behar izanez gero, kontrol-puntu berrien mota eta egoera proposatuko da.

I.6.– Tresneriaren kontrola.

Urtean behin, tresneriaren kontrolean espezializatutako enpresa batek txosten bat egingo du zuzenketa-neurrien funtzionamenduari eta prozesuen eta inguruneko kalitatea kontrolatzeko sistemen funtzionamenduari buruz.

Aipatutako txostena dagokion urteko ingurumena zaintzeko programari atxikiko zaio.

I.7.– Jardueraren adierazleak kontrolatzea.

Sustatzaileak jardueraren funtzionamenduari buruzko parametro adierazle hauen jarraipena egingo du urtero, ingurumenean duten eraginari dagokionez:

(Ikus .PDF)

Adierazle horiek urtero kalkulatu eta kontrolatuko dira, eta dagokion urteko ingurumena zaintzeko programarekin batera aurkeztu beharko dira.

I.8.– Zarata kontrolatzea.

1.– Hiru urtez behin, indize akustiko hauen ebaluazioak egin beharko dira: L_d, L_e, L_n, Laeq,_Aeq, T_i eta L_{Aeq,60 segundo}.

2.– Neurketa bidezko ebaluazio guztiak Administrazioaren II. mailako ingurumen-lankidetzako erakunde (ILE) batek egin beharko ditu, urriaren 16ko 212/2012 Dekretuan ezarritakoari jarraikiz. Erakunde horrek UNE-EN ISO/IEC 17025 arauaren araberako egiaztagiria eduki beharko du akustikaren arloan espazio- eta denbora-laginketa egiteko. Nolanahi ere, ingurumen-organoak ebaluazio horiek egiten dituzten erakundeek gaitasun tekniko egokia dutela zainduko du.

3.– Ebaluazio-metodoak eta -prozedurak eta ebaluazio horiei buruzko txostenak Ingurumen Jasangarritasuneko Sailburuordetzak emandako jarraibide teknikoetan eta abenduaren 16ko 1513/2005 Errege Dekretuaren (Zaratari buruzko azaroaren 17ko 37/2003 Legea garatzen duena) II. eranskinean ezarritakora egokituko dira.

I.9.– Ingurumeneko finantza-bermea kontrolatzea, ingurumena zaintzeko programaren (IZP) barruan.

IZParekin batera, honako dokumentu hauek bidali beharko dira, programa aurkezteko prozedura telematikoan gaitutako dokumentu-ereduak erabilita:

– Ingurumen Arriskuen Azterketa (IAA) eta erantzukizunpeko adierazpena.

– Finantza-bermea eratu behar izanez gero, indarrean dagoen aseguru-polizaren kopia edo eratutako finantza-berme motaren ziurtagiria aurkeztu beharko da.

– Ingurumeneko finantza-bermea eratzetik salbuetsita egonez gero eta 300.000 eta 2.000.000 euro bitarteko zenbatekoarekin konpon daitezkeen kalteen erantzule diren operadoreak izanez gero (Ingurumen Erantzukizunari buruzko urriaren 23ko 26/2007 Legearen 28.b artikulua), erakunde independenteek emandako ziurtagiriaren kopia aurkeztuta egiaztatu beharko da, etengabe eta era jarraituan atxikita daudela Europar Batasunaren ingurumen-kudeaketako eta ikuskaritzako sistemari (EMAS) edo indarrean dagoen UNE-EN-ISO 14001 ingurumen-kudeaketarako sistemari.

– Operadoreak ingurumen-arriskuen azterketa (IAA) eguneratuko du egoki irizten badu, eta, betiere, funtsezko aldaketak gertatzen direnean jardueran, instalazioan edo oinarrizko baimenean. Finantza-bermearen zenbatekoa urtero eguneratuko da, KPIaren arabera. IAAren eguneraketak IZPko dokumentazioaren barruan aurkeztuko dira.

I.10.– Emaitzak kontrolatzea eta igortzea.

Ingurumena zaintzeko programa osatzen duten txostenen eta azterketen emaitzak behar bezala erregistratu behar dira, eta Ingurumen Jasangarritasuneko Sailburuordetzara bidali, Ekonomiaren Garapen, Jasangarritasun eta Ingurumen Sailaren webguneko bidalketa-prozedura telematikoari jarraikiz:

https://www.euskadi.eus/baimena/ibb-ippc/web01-a2inguru/eu/

Era horretan, aipatutako programak zehaztutako aldian egiten diren kontrol guztiak, ibilgura isuritako urei dagozkienak izan ezik, ingurumena zaintzeko programarekin batera bakarrik aurkeztuko dira, eta erreferentziako urtea amaitu ondoren.

Ezarritako baldintzak urratzen diren kasuetan bakarrik bidali beharko da berehalako jakinarazpena Ingurumen Jasangarritasuneko Sailburuordetzara, gertatutakoaren berri izan ondoren; horretarako helbide elektronikoa: ippc@euskadi.eus eta inspeccionambiental@euskadi.eus

Horrez gain, urtean behin baino gehiagotan egiten diren kontrolak kontrola egiten den urteari dagokion programaren barruan baino ez dira bidaliko.

Emaitza horiek urtero bidaliko dira, martxoaren 31 baino lehen, eta txosten bat aurkeztu beharko da zaintza-programaren emaitzekin batera. Txosten horretan jasoko dira babes- eta zuzenketa-neurrien eta prozeduren kontrolerako eta ingurumenaren kalitaterako sistemen funtzionamendua eta emaitzen analisia, epe horretan izandako gorabehera nagusiak bereziki aipatuta, haien balizko kausa eta konponbideak azalduz; halaber, laginak nola hartu diren zehaztuko da, aldez aurretik hala egin ez bada.

Gainera, txosten horretan baimenaren baldintzak betetzen direla eta hondakinek zabortegietan duten portaeraren ezagutza hobetzen dela frogatuko da, datu erantsietan oinarrituta.

Halaber, zabortegian hondakinak uzteagatik urte horretan kobratuko diren prezioak jasoko ditu txostenak, hondakin mota edo taldeka xehatuta. Urtero hauek aurkeztuko dira:

a) Bukatutako urteari dagokion balantze ekonomikoa, kontzeptuak xehatuz, bereziki aurreikusi gabeak.

b) C apartatuan aipatutako finantza-azterketaren eguneratzea. Bertan, diru-sarrerak, aurreikusitako obren gastuak, ustiaketa-gastuak, hala badagokio bermeen zenbatekoaren eguneratzea eta abar jaso beharko dira. Horrela, justifikatuta egon behar da diru-sarrerek zabortegiaren instalazioa, ustiapena, zigilatzea eta itxi ondorengo mantentze-lanetatik sortutako gastuak estaliko dituztela.

c) Emaitza ekonomikoen arabera, zabortegiaren instalazioa, ustiapena, zigilatzea eta itxi ondorengo mantentze-lanetatik sortutako gastuak finantzatzeko helburua zer neurritan bete den adieraziko da, eta negatiboa izanez gero, hartu behar diren neurriak.

Horri dagokionez, Hondakinak zabortegietan utziz deuseztatzeko jarduera arautzen duen uztailaren 7ko 646/2020 Errege Dekretuak 9. artikuluan adierazten duen bezala, Garbiker MP AB SAk (Artigas zabortegia) justifikatu egin beharko du zabortegian hondakinak deuseztatzeagatik kobratzen den prezioak gutxienez honako hauek estaliko dituela:

a) Ezarpena eta ustiapenak eragiten dituzten kostuak.

b) Aseguru edo finantza-berme baliokidea sinatzearen ondoriozko gastuak.

c) Itxieraren, mantentze-lanen eta itxi ondorengo kontrolaren kostuak, gutxienez 30 urtez.

d) Eratutako fidantzen kostuak.

e) Berotegi-efektuko gasen emisioarekin lotutako kostuak.

Puntu honetan adierazitako informazioa urtero bidaltzeaz gain, hiru urtean behin, 2024ko ingurumena zaintzeko programatik hasita, ingurumena zaintzeko programen emaitzak batera ebaluatuko dira, aurreko hiru urteetan metatutako emaitzak aztertuta. Lehen txostenak ingurumen-alderdi guztietarako esku-hartze mailak ezarri beharko ditu, «Zabortegiak kokatzeko, diseinatzeko eta zaintzeko irizpideak ezartzeko gomendioak» jarraibidearen IV. apartatuan bildutako irizpideak kontuan hartuta.

Hiru urteko txostenek, gutxienez, lixibiatuak (bolumenak eta konposizio kimikoa), lurpeko urak (konposizio kimikoa), lurrazaleko urak eta atmosferarako emisioak eta immisioak zaintzeko sareen analisia jaso beharko dute.

Txosten horretan, ez-betetzeak eta esku-hartze mailak zehaztuko dira, aztertutako alderdi bakoitzerako. Ingurumen-alderdi bakoitzerako ez-betetzeen eta esku-hartze mailen definizioa aipatutako jarraibidearen IV. apartatuan adierazitakoa izango da.

Halaber, hurrengo urtean egin beharreko obren eta hondakinek bete beharreko eremuen aurreikuspena gehituko da, gutxi gorabeherako kotak, aurreko urtean utzitako hondakinen bolumenaren kalkulua, soberakin-gaitasuna eta urte horretan utzitako hondakinen batez besteko dentsitatea adieraziz.

I.11.– Ingurumena zaintzeko programari buruzko agiri bategina.

Sustatzaileak ingurumena zaintzeko programaren agiri bategina prestatu beharko du. Bertan, aurkeztutako dokumentazioan proposatutako betebeharrak eta ebazpen honetan jasotakoak bildu beharko ditu. Programa horrek honako hauek zehaztu beharko ditu: kontrolatu beharreko parametroak, parametro bakoitzerako erreferentzia-mailak, analisi edo neurketen maiztasuna, laginketak eta analisiak egiteko teknikak, eta laginak hartzeko puntuen kokapen xehatua. Halaber, dagokion aurrekontua ere barne hartu beharko du.

Era berean, ingurumena zaintzeko programak jardueraren adierazleak zehaztu eta adierazle horiek aztertzeko sistematika barruan izan beharko du, horien arabera enpresan bertan ingurumen-hobekuntza ziurtatzeko ezarritako neurrien eta mekanismoen eraginkortasuna egiaztatu ahal izateko (ingurumen-adierazleak).

J) Prebentzio-neurriak eta ohiz kanpoko egoeretan funtzionatzeko baldintzak.

J.1.– Instalazioa gelditzeko eta abiarazteko lanak eta mantentze-lanetarako programatutako lanak.

Programatutako urteko mantentze-lanei dagokienez, sortuko diren emisioen eta hondakinen estimazioa egin beharko du enpresak, eta, dagokionean, haiek kudeatzeko eta tratatzekoa ere bai.

Instalazioa gelditzean nahiz abiaraztean, mantentze-eragiketetan eta ohiz kanpoko egoeretan sortutako hondakinak kudeatzeko, F.6 apartatuan («Instalazioan ekoitzitako hondakinak egoki kudeatzen direla bermatzeko baldintzak») ezarritakoari lotu beharko zaio, baina ez da beharrezkoa izango hondakin horiek baimendutako hondakinen zerrendan jasota egotea.

J.2.– Jarduera etetea, itxi ondorengo aldia bukatutakoan.

Jarduerari lege hauek aplikatu behar zaizkio: 4/2015 Legea, ekainaren 25ekoa, lurzorua kutsatzea saihestu eta kutsatutakoa garbitzekoa (90.002 epigrafea, «Hondakinak tratatzeko jarduerak»), eta 9/2005 Errege Dekretua, urtarrilaren 14koa, kutsadura sor dezaketen jardueren zerrenda eta lurzoru kutsatuen adierazpenerako irizpide eta estandarrak ezartzekoa. Horrenbestez, Garbiker MP AB SAk (Artigas zabortegia) jarduera bertan behera uztearen berri eman beharko dio ingurumen-organoari, bi hilabeteko epea agortu baino lehen; jakinarazpen horrekin batera, jarduera-proposamen bat ere aurkeztu beharko da, erakunde horrek ezar dezan noraino iristen diren bere betebeharrak eta lurzoruaren kalitatea deklaratzeko prozedura hasteko epea noiz hasiko den beranduenez, ekainaren 25eko 4/2015 Legearen 31.3 artikuluan xedatutakoari jarraikiz.

Jarduera bertan behera utzi baino lehen, Garbiker MP AB SAk (Artigas zabortegia) instalazioetan sortutako hondakin guztiak kudeatu beharko ditu, ebazpen honen F.6. apartatuan ezarritakoarekin bat etorriz.

J.3.– Jarduera aldi baterako etetea.

Jarduera aldi baterako etetea eskatuz gero, Industriako Emisioen Erregelamendua onartzen duen urriaren 18ko 815/2013 Errege Dekretuaren 13. artikuluan arautu bezala, Garbiker MP AB SAk (Artigas zabortegia), aldi baterako etetearen eskabidearekin batera, dokumentu bat bidali beharko du instalazioa jardunik gabe egonda ere aplikagarriak zaizkion ingurumen-baimen bateratuko kontrolak eta baldintzak nola beteko dituen adierazteko.

Era berean, instalazioa berriz abiarazi baino lehen, ziurtatu beharko da instalazioek egokiro funtzionatzen dutela, ingurumenean eragina izan dezakeen isurketarik edo emisiorik gerta ez dadin.

J.4.– Prebentzio-neurriak eta ezohiko funtzionamendurako jarduketak.

Sustatzaileak aurkeztutako agirietan egindako proposamenean, prebentzio-neurriak eta ezohiko egoeretarako funtzionamendurako baldintzak zehaztea ezertan eragotzi gabe, apartatu hauetan aipatzen diren baldintzak bete beharko dira:

a) Prebentzioko mantentze-lanen eskuliburua eduki beharko da instalazioen egoera bermatzeko, batez ere istripuz isuri edo ihesak daudenean kutsadura ekiditeko eskuragarri dauden segurtasun-neurriei dagokienez. Ihesak daudenean lurzorua babesteko hartu beharreko neurriak zehaztuko dira, eta zehatz adieraziko da honako hauei dagokien guztia: eraikuntzako materialak (iragazgaiztasuna), biltegiratzeko neurri bereziak (substantzia arriskutsuak), gerta litezkeen ihesei antzemateko neurriak edo gehiegizko betetzeaz ohartarazteko alarma-sistemak, lantegiko kolektore-sarea zaindu eta garbitzekoak (sistematikoki garbitu beharra, maiztasuna, garbiketa mota) eta lurzoru gaineko jarioak biltzeko sistemak. Berariaz, urtero egin behar dira zuzi-erregailuaren mantentze-lanak.

b) Aurreko lerrokadan adierazitako eskuliburuak ikuskaritza eta kontrolerako programa bat jaso beharko du, hauek bilduko dituena: estankotasun-probak, mailen eta adierazleen egoera, balbulak, presioa arintzeko sistema, hormen egoera eta lodieren neurketa, tangen barnealdearen begizko ikuskapenak (hormena eta estaldurena) eta kubetetako detekzio-sistemen aldizkako kontrol sistematikoa, lurzorua kutsa dezakeen edozein egoerari aurrea hartzeko.

c) Era berean, atmosfera eta ingurune urtarra kutsatzea, eta atmosferarako emisioak eta uretarako isurketak prebenitzeko eta zuzentzeko neurriak jaso beharko dira (arazketa, minimizazioa, etab.), baita zaintze- eta kontrolatze-ekipoen egoera ona bermatzeko neurriak ere.

d) Era berean, ustiapenari buruzko eskuliburu bat eduki behar da, eta, bertan, aldizka egindako mantentze-lanak jasoko dira, baita hautemandako gertaerak ere.

e) Besteak beste, laborategiko hondakinak eta erreaktiboak maneiatzeak lurzorua eta ura kutsa dezaketenez, isuriak, jarioak edo ihesak gertatzeko arriskua izan dezaketen lursailen gainazal guztiak irazgaiztuko dira.

f) Prozesurako behar diren lehengaiak, erregaiak eta produktuak biltegiratu egingo dira, horiek ingurunean ez sakabanatzeko moduan.

g) Lehen aipatutako prebentziozko mantentze-lanen eskuliburuan, zuziaren instalazioa eta zaintza- eta kontrol-ekipoak egoera onean daudela eta ustiapen-baldintzak betetzen direla bermatzeko neurriak jasoko dira.

h) Larrialdi-egoeran berehala eta eraginkortasunez jarduteko beharrezkoak diren material guztien behar besteko kantitatea eduki beharko da: berriro ontziratzeko erreserbako edukiontziak, beharrezkoa izanez gero; gertatzen diren jarioei aurre egiteko produktu xurgatzaile selektiboak; segurtasuneko edukiontziak, kaltetutako ingurunea isolatzeko hesiak eta seinaleztapen-elementuak, eta norbera babesteko ekipo egokiak.

i) Kubeten hustuketa kontrolatzeko balio duen protokolo edo prozedura dokumentatu bat edukiko da. Horri jarraituz, tratamendu-instalazioaren eraginkortasunari eragin diezaioketen produktu-isuriak instalaziora joatea saihestu beharko da.

j) Bereizgailuan metatutako lohiak, olioak eta koipeak aldian-aldian kendu behar ditu kudeatzaile baimendu batek. Isurketaren kantitateari eragiteko moduko mailetan metatzea saihestuko du.

k) Hidrokarburo-bereizgailuaren mantentze-lanei dagokienez, ondo garbituko dira eta aldiro bertan metatutako lohiak eta flotagarriak kenduko dira, Baimendutako Kudeatzaileak jasotzeko.

l) Depositu edo putzuen hondoetan pilatutako solidoak ez dira ibai-ibilgura hustuko garbiketa egiten den bitartean; behar bezala kudeatuko dira edo zabortegira eramango dira.

m) Arazte-prozesuan pilatutako hondakin solidoak eta lohiak aldizka aterako dira instalazioa behar bezala ibil dadin. Hala dagokionean, hondoan hustubiderik ez duten depositu iragazgaitzetan bilduko dira.

n) Inoiz ez dira pilatuko euri-uren jariatzearen ondorioz ibilgu publikoko urak kutsatzeko arriskua egon daitekeen guneetan.

o) Baldin eta instalazioetan lohien tratamendua badago, horietatik jaregindako ura berriro bideratuko da arazte-instalazioko sarrerara, tratamendua jaso dezan.

p) Larrialdi-egoeretan babes zibileko legeriari helduko zaio, eta bertan ezarritako betekizun guzti-guztiak bete beharko dira.

q) Titularrak behar diren bitartekoak izango ditu arazketa-instalazioak zuzen ustiatzeko eta ustekabeko isuriak prebenitzeko hartu diren segurtasun-neurriak abian izateko. Kasu honetan, baldintza hauek azpimarratu behar dira:

Estazioan biribilki erako edo gai pikortatuzko, edo antzeko berariazko gai xurgatzailea egongo da, ustekabeko jario edo ihesetan berehala aplikatu ahal izateko.

Ebazpen honen F.6 apartatuan ezarritako jardunez gain, gasolioa biltegiratu eta manipulatzeko instalazioak behar bezala isolatuko dira, ezbeharrez gerta daitezkeen haustura edota gainezkaldiengatik isuriak atxikitzeko.

Araztegia ustiatzeko protokolo edo eskuliburu bat izan beharko da nahitaez, eta hartan ezarriko dira ekipamendu elektromekanikoak, zundak, mintzak, dosifikatzeko eta kontrolatzeko gailuak eta abar berraztertu eta mantentzeko lanak. Halaber, araztegia mantentzeko protokoloa edo eskuliburua edukiko da, enpresa espezializatu batek egina, eta hartan ezarriko dira ekipamendu elektromekanikoak mantentzeko lanak, arbastu-garbiketak, gehiegizko solido eta lohien purgaketak eta abar, erreaktore biologikoan kontzentratutako lohien aldian behingo jarraipena barne, horiek egoki purgatu eta erretiratzeko.

Era berean, nahitaez kontratu bat sinatzea eskatzen da araztegiaren mantentze-lanetarako, eta prozesuaren, errendimenduaren eta arazketaren, ekipo elektromekaniko eta sentsoreen funtzionamendu egokia ikuskatzeko.

r) Hezetasuna kentzeko sistema bat egongo da, biogasaren hezetasun-maila ihintz-puntutik nahikoa urrun dagoela ziurtatzeko.

s) Bereziki haizetsuak izango diren egunen iragarpena izanez gero (haizearen abiadura >60 km/h), haizeak arrastaka eraman ditzakeen materialak aldez aurretik jaso beharko dira (plastikozko poltsak, eta abar).

t) Zabortegiaren perimetro-itxitura baldintza onetan mantenduko da.

u) Gorabeheraren bat izanez gero, agintariei jakinaraztea.

Ingurunearen edo jardueraren kontrolaren gainean kalteak eragin ditzakeen gorabehera edo ezohiko gertaeraren baten aurrean (besteak beste, istripuzko isuria, muga-balioak gainditzea, edo zabortegiaren zigilatzearen edo itxi ondorengo sistemaren elementuren baten funtzionamenduari edo osotasunari eragin diezaiokeen beste edozein), sustatzaileak gorabehera edo ezohiko gertaera horren berri eman beharko dio (nolanahi ere, zuzenketa- edo euste-neurri aproposak hartu ondoren) Ingurumen Jasangarritasuneko Sailburuordetzari, helbide elektroniko hauen bidez: ippc@euskadi.eus eta inspeccionambiental@euskadi.eus Jakinarazpenean, alderdi hauek adierazi beharko dira gutxienez:

– Gorabehera mota.

– Jatorriak eta kausak (unean zehaztu daitezkeenak).

– Berehala aplikatutako zuzenketa- edo euste-neurriak.

– Sortutako ondorioak.

– Epe laburrera aurreikusitako jardunak, halakorik balego.

Gorabehera edo anomalia larriren bat edo istripuz isurketa edo emisioren bat gertatuz gero, SOS Deiak eta Bilboko Udala jakinaren gainean jarri behar dira. Ondoren, gehienez ere 48 orduko epean, istripuaren ondorioz sortutako egoera zehaztasunez jasotzen duen txosten bat bidali beharko zaio Ingurumen Jasangarritasuneko Sailburuordetzari. Txosten horretan, datu hauek agertuko dira gutxienez:

– Gorabehera mota.

– Gertakaria non, zergatik eta zein ordutan gertatu den.

– Gorabeheraren iraupena.

– Istripuz isurketarik gertatuz gero, emaria eta isuritako gaiak eta ingurune hartzailean antzeman daitekeen eragina zehaztu beharko dira, haren analisia barne hartuta.

– Mugak gaindituz gero, emisioei buruzko datuak.

– Eragindako kalteen balioespena.

– Hartutako zuzenketa-neurriak.

– Ezohiko gertaera berriro ez gertatzeko prebentzio-neurriak.

– Prebentzio-neurriak eraginkortasunez aplikatzeko aurreikusitako epeak.

Baimenaren baldintzak urratzen dituen isurketa gertatzen bada eta, gainera, pertsonen osasunerako arriskutsua bada edo sistema naturalen orekari modu larrian kalte egin badiezaioke, titularrak berehala etengo du isuri hori, eta, horrez gain, gertaeraren berri eman beharko die Euskal Autonomia Erkidegoko Administrazioko Uraren Euskal Agentziari eta babes zibilaren eta ingurumenaren arloan ardurak dituzten erakundeei, baita SOS Deiak (112) larrialdi-zerbitzuei ere, behar diren neurriak har ditzaten.

v) Aurreko apartatuan ezarritakoaz gain, gerta daitezkeen gorabeherak edo arazoak saiheste aldera, jardueraren titularrak berehala jakinarazi beharko dio Ingurumen Jasangarritasuneko Sailburuordetzari instalazioko edozein etenaldi programatu izango dela, prozesu etengabe batekoa bada, baita aurreikusitako mantentze prebentiboak ere, ahalik eta denbora-tarte handienarekin.

K) Instalazioan aldaketak egitea.

Babes- eta zuzenketa-neurriak eta ingurumena zaintzeko programa aldatzeko aukera egongo da, bai eta neurtu behar diren parametroak, neurketen maiztasuna eta parametroen mugak ere, hala komeni bada araudi berriak indarrean jartzen direlako edo inplikatutako sistemen egitura eta funtzionamenduari buruzko ezagutza esanguratsu berrietara egokitzeko beharragatik. Era berean, babes- eta zuzenketa-neurriak eta ingurumena zaintzeko programa aldatzeko aukera egongo da, jardueraren sustatzaileak hala eskatuta edo ofizioz, ingurumena zaintzeko programan lortutako emaitzetan oinarrituta.

Instalazioetan egiten diren aldaketa guztien berri eman behar da, osorik beteta helbide elektroniko honetan ageri den formularioa:

https://www.euskadi.eus/contenidos/serv_proc_comunicacion/p_comu_20194158899329/procedures/proc_20194158899905/eu_def/adjuntos/Formulario_MNS.docx

Organo honen onespena ere eskatu beharko da, abenduaren 16ko 1/2016 Legegintzako Errege Dekretuaren bidez onartutako Kutsaduraren Prebentzio eta Kontrol Integratuaren Legearen testu bateginaren 10. artikuluan xedatutakoa betetzeko.

Industriako Isurketen Erregelamendua onartu eta Kutsaduraren Prebentzio eta Kontrol Integratuaren uztailaren 1eko 16/2002 Legea garatzen duen urriaren 18ko 815/2013 Errege Dekretuaren 14.1 artikuluak ezartzen ditu aldaketa funtsezkotzat jotzeko irizpideak.

Nolanahi ere, bat etorriz aipatutako urriaren 18ko 815/2013 Errege Dekretuaren 14.2 artikuluan zehaztutakoarekin, irizpide horiek orientagarriak dira, eta ingurumen-organoak kalifikatuko du eskatutako aldaketa, funtsezkotzat edo ez-funtsezkotzat jota, bat etorriz Kutsaduraren Prebentzio eta Kontrol Integratuaren Legearen testu bategina onartzen duen abenduaren 16ko 1/2016 Legegintzako Errege Dekretuaren 10. artikuluan ezarritako irizpideekin.

Era berean, proiektua aldatzen den kasuetan, aplikatzekoa izango da Ingurumen-ebaluazioari buruzko abenduaren 9ko 21/2013 Legearen 7.1.c eta 7.2.c artikuluetan xedatutakoa.

Baldin eta aldaketak lurzoru berria okupatzea aurreikusten badu eta aipatutako lurzoruak lurzorua kutsa dezaketen jarduerak edo instalazioak baditu edo izan baditu, aldaketa gauzatu aurretik, hartu beharreko kokalekuaren lurzoruaren kalitatearen arloko deklarazioa eduki beharko da, Lurzorua kutsatzea saihestu eta kutsatutakoa garbitzeko ekainaren 25eko 4/2015 Legean ezarritakoarekin bat etorriz.

L) E-PRTR komunikazioa.

Urtean behin, martxoaren 31 baino lehenago, Garbiker MP AB SAk (Artigas zabortegia), aurreko urtean atmosferara egindako emisioei eta uretara egindako isuriei eta sortutako hondakin mota guztiei buruzko datuen ingurumen-adierazpena igorriko dio Ingurumen Sailburuordetzari, E-PRTR-Euskadi Kutsatzaileen Emisio eta Transferentzia Inbentarioa egiteko eta eguneratuta edukitzeko, 508/2007 Errege Dekretuarekin eta Ingurumena Zaintzeko Programarekin bat etorriz.

Informazio hori bidaltzeko, Euskal Autonomia Erkidegoko Administrazio Orokorrak eskura jarritako kanal, sistema edo aplikazio informatikoak erabiliko dira.

Ingurumen-adierazpena publikoa izango da, bat etorriz uztailaren 18ko 27/2006 Legearen xedapenekin. Lege horren bidez, informazioa eskuragarri izateko, herritarren partaidetzarako eta ingurumen-gaietan justizia eskura izateko eskubideak arautzen dira (2003/4/EE eta 2003/2005/EE zuzentarauak jasotzen ditu). Horrez gain, une oro bermatu beharko da Datu Pertsonalak Babesteko eta Eskubide Digitalak Bermatzeko abenduaren 5eko 3/2018 Lege Organikoan ezarritakoa betetzen dela.

M) Ingurumen-baimen bateratuaren berrikuspena ofizioz egingo da kasu hauetan:

a) Instalazioak sortutako kutsadura dela eta, komeni da mugako emisio-balioak berrikustea, edo beste batzuk ezartzea.

b) Isuriak nabarmen murritz daitezkeenean gehiegizko kosturik izan gabe, erabil daitezkeen teknikarik onenetan egindako aldaketa handien ondorioz.

c) Prozesuaren edo jardueraren funtzionamendu-segurtasuna dela-eta, beharrezkoa denean beste teknika batzuk erabiltzea.

d) Arroko organismoak, urei buruzko legedian xedatutakoaren arabera, uste badu ingurumen-baimen bateratua berrikustea edo aldatzea justifikatzen duten inguruabarrak daudela, Estatuko Administrazio Orokorrak kudeaturiko arroetako jabari publiko hidraulikora egindako isuriei dagokienez. Kasu horretan, arroko organismoak, txosten lotesle bidez, organo eskudunera joko du ingurumen-baimen bateratua eman dezan, gehienez ere hogei eguneko epean hasteko aldaketa-prozesua.

e) Instalazioari aplikagarri zaion sektoreko legediak hala eskatzen badu, edo abenduaren 16ko 1/2016 Legegintzako Errege Dekretuak onartutako Kutsaduraren Prebentzio eta Kontrol Integratuaren Legearen testu bateginaren 22.3 artikuluari jarraikiz, ingurumen-kalitateko arau berriak edo berrikusiak betetzea beharrezkoa bada.

f) Aplikatu beharreko araudi berria indarrean jartzen bada.

g) Ingurunearen egitura eta funtzionamenduari buruzko ezagutza esanguratsu berrietara egokitzeko beharra ikusten bada, bereziki inplikatutako sistemen hauskortasuna areagotzen dela antzematen bada.

h) Ingurumena zaintzeko programan jasotako emaitzen edo bestelako oharren arabera, ingurumen-inpakturako ezarritako neurri babesle, zuzentzaile edo konpentsatzekoak akastunak direla egiaztatzen bada.

i) Abenduaren 16ko 1/2016 Legegintzako Errege Dekretuaren bidez onartutako Kutsaduraren Prebentzio eta Kontrol Integratuaren Legearen testu bateginaren 26. artikuluko 1., 2. eta 3. apartatuetan ezarritakoaren araberako analisia eginda, aldatu egin behar dela ondorioztatzen bada.

Ingurumen-baimen bateratua berrikusteak ez dakar kalte-ordaina jasotzeko eskubidea, hala ezarrita baitago abenduaren 16ko 1/2016 Legegintzako Errege Dekretuak onartutako Kutsaduraren Prebentzio eta Kontrol Integratuari buruzko Legearen testu bateginaren 26.5 artikuluan.

N) Baimen honek balioa galduko du kausa hauek gertatzen direnean:

– Garbiker MP AB SAren (Artigas zabortegia) nortasun juridikoa azkentzea, indarreko arauek aurreikusitako kasuetan».

Bosgarrena.– Biometanizazio-instalaziorako baimenaren eraginkortasuna eta baimendutako hondakin-kudeaketaren hasiera, aurretiazko egiaztapenaren mende geratuko dira. Ikuskatze-bisita egingo dute ingurumen-organo honi atxikitako zerbitzu teknikoek, instalazioak aurkeztutako proiektuaren eta ebazpen honetan xedatutakoaren arabera eta Hondakinak eta lurzoru kutsatuak arautu eta ekonomia zirkularra bultzatzeko apirilaren 8ko 7/2022 Legearen 33.7 artikuluan xedatutakoari jarraikiz eraiki eta hornitu direla egiaztatzeko.

Seigarrena.– Ebazpen hau jakinarazi eta bi hilabeteko gehieneko epean alderdi hauei erantzuteko eskatzea Garbiker MP AB SAri (Artigas zabortegia):

– Gasak erauzteko eta emisio iheskorrak kuantifikatzeko sistemaren nahikotasuna eta eraginkortasuna zehazten dituen azterlana aurkeztea, eta ezarri beharreko bilketa- edo tratamendu-sistema proposatzea, ebazpen honen F.4.6 puntuan adierazitakoaren arabera.

– Gaur egun ustiatzen ari diren ezkerreko ibarbidean dauden putzuak desgasifikatzeko sistemara konektatu izanaren justifikazioa.

– Usainak minimizatzeko ekintzak, ebazpen honen F.4.7 azpiapartatuan adierazten den bezala.

– Ustiapen-plana eguneratzea, ebazpen honen F.3.1 puntuan adierazten den bezala.

Zazpigarrena.– Ebazpen hau jakinarazi eta sei hilabeteko gehieneko epean alderdi hauei erantzuteko eskatzea Garbiker MP AB SAri (Artigas zabortegia):

– Esku-hartze maila eta kontrol-piezometroen behin betiko kokapena zehazteko proposamen justifikatua, tokian tokiko formazio hidrologiko espezifikoak eta lurpeko uren kalitatea kontuan hartuta, ebazpen honen I.2 puntuan adierazten den bezala.

– Gehieneko maila freatiko onargarriaren eta berau kontrolatzeko hautatutako puntuaren proposamen justifikatua, ebazpen honen I.2 azpiapartatuan adierazten den bezala.

– Instalazioan sortutako hondakinak kudeatzeko bidea eguneratzea, Hondakinak eta lurzoru kutsatuak arautu eta ekonomia zirkularra bultzatzeko apirilaren 8ko 7/2022 Legearen arabera eta 12tik 16ra bitarteko hondakinen arrisku-ezaugarrien arabera.

– Ingurumena zaintzeko programaren agiri bategina.

Zortzigarrena.– Ebazpen hau jakinarazi eta urtebeteko gehieneko epean alderdi hauei erantzuteko eskatzea Garbiker MP AB SAri (Artigas zabortegia):

– Lixibiatua husteko sifoi bat eraiki izanaren justifikazioa, saneamendu-sarearekin konektatzeko.

– Lixibiatua saneamendu-sarera husteko kanalizazioak xurgatzeko gailua instalatu izanaren justifikazioa, arnasbideak gasen tratamendu-sistemara bideratzeko.

Bederatzigarrena.– Garbiker MP AB SAri (Artigas zabortegia) errekerimendua egitea, biometanizazio-instalazio berria eraikitzeko lanak amaitu ondoren, instalazioak hasteko gaituta daudenean eta jarduera hasi aurretik, hauek bidaltzeko:

– Instalazioaren oinarrizko txosten eguneratua.

– Instalazioko lurzoruaren egoerari buruzko aurretiazko txosten eguneratua.

– Erantzukizun zibileko aseguru eguneratua.

– Ingurumen-arriskuen azterketa eguneratua.

– Teknikari eskudun batek sinatutako ziurtagiria, egiaztatuko duena instalazioak onartutako proiektura egokitzen direla eta bete direla ingurumen-baimen bateratuan ezarritako baldintzak.

– «As built» proiektua.

– Biometanizazio-instalazioa kontrolatzeko eta monitorizatzeko gailuak ezarri izanaren justifikazioa, ebazpen honen F.4.5 puntuan adierazitakoari jarraikiz.

– Justifikatzea biometanizazio-instalazioari konektatzea aurreikusten den azpiegitura elektrikoa bat datorrela goi-tentsioko linea elektrikoei buruzko 1432/2008 Errege Dekretuaren 6. eta 7. artikuluetako aginduetara, baita ekoparkearen barruan dauden instalazio elektrikoei talken eta elektrokuzioaren aurkako elementuak ezarri zaizkiela ere.

– Organismo horrek Larrialdiei Aurre Egiteko eta Meteorologiako Zuzendaritzan izapideak egitearen esparruan eskatutako betekizunak aurkeztu izanaren justifikazioa (autobabeserako plana, inskripzioa, drainatze-obren diseinua...).

Hamargarrena.– Abenduaren 16ko 1/2016 Legegintzako Errege Dekretuaren bidez onartutako Kutsaduraren Prebentzio eta Kontrol Integratuaren Legearen testu bateginaren 5.d) artikuluan xedatutakoari jarraikiz, hondakin arriskugabeetarako zabortegi-jarduerari dagokionez, zeina ebazpen honen xede baita, gerta litekeen titulartasun-aldaketa ororen berri eman beharko dio Garbiker MP AB SAk (Artigas zabortegia) Ingurumen Jasangarritasuneko Sailburuordetzari, azken horrek onar dezan.

Hamaikagarrena.– Ingurumen-baimen bateratu honetan ezarritako baldintzak ez betetzea arau-hauste astun edo oso astun gisa tipifikatuta dago Kutsaduraren prebentzio eta kontrol integratuari buruzko Legearen testu bateginaren 31. artikuluari jarraituz (abenduaren 16ko 1/2016 Legegintzako Errege Dekretuak onartua), eta aipatutako legearen 32. artikuluan jasotako zigorrak ezartzea ekar dezake.

Hamabigarrena.– Ebazpen honen edukia jakinaraztea Garbiker MP AB SA enpresari (Artigas zabortegia), Bilboko Udalari, ingurumen-baimen bateratua emateko prozeduran parte hartu duten erakundeei eta gainerako interesdunei.

Hamahirugarrena.– Ebazpen hau Euskal Herriko Agintaritzaren Aldizkarian argitaratzeko agindua ematea.

Hamalaugarrena.– Ebazpen honek ez dio amaiera ematen administrazio-bideari, eta, beronen aurka, gora jotzeko errekurtsoa aurkez dakioke Industria, Trantsizio Energetiko eta Jasangarritasuneko sailburuari, hilabeteko epean, ebazpen hau jakinarazi eta hurrengo egunetik hasita, Administrazio Publikoen Administrazio Prozedura Erkidearen urriaren 1eko 39/2015 Legearen 121. artikuluan eta hurrengoetan xedatutakoari jarraikiz.

Vitoria-Gasteiz, 2024ko irailaren 2a.

Ingurumen Jasangarritasunaren sailburuordea,

AITOR ALDASORO ITURBE.

I. ERANSKINA

HONDAKIN ONARGARRIAK. HONDAKIN ARRISKUGABEEN ZABORTEGIA (B3 AZPIKATEGORIA)

a) Teknikoki, ekonomikoki edo ingurumenaren aldetik bideragarria ez den balorizazioa duten hondakinak (D0502 kudeaketa-eragiketa).

(Ikus .PDF)

b) Kudeatzeko organo honen aldez aurreko baimena beharko duten hondakinak (D0502 kudeaketa-eragiketa).

(Ikus .PDF)

c) Zabortegian bertan eraikuntza-erabileretan(1) erabiltzeko hondakinak* (R0509 kudeaketa-eragiketa).

(Ikus .PDF)

II. ERANSKINA

GARBIKER MP AB SA (ARTIGAS ZABORTEGIA) ENPRESAK ENTZUNALDIAREN IZAPIDEAN AURKEZTUTAKO ALEGAZIOEN AZTERKETA

2024ko abuztuaren 27an, Garbiker MP AB SAk (Artigas zabortegia) entzunaldi-izapidean bidalitako ebazpen-proposamenari buruzko alegazio-idazkia aurkeztu zion ingurumen-organoari. Dokumentuan gai hauek jasotzen dira:

1.– Hondakin arriskugabeen zabortegiari buruzko oharrak.

Hirugarren apartatua, hondakin arriskugabeen zabortegi-jarduerari buruzko baldintzak berrikusteari buruzkoa.

Ebazpen-proposamenaren zirriborroaren hirugarren apartatuan, txertatu beharreko neurriak deskribatzen dira. Honako hauek dira lehenengo biak: «Desgasifikazioari buruzko azterlan bat egitea, egungo bilketa-azpiegituraren askitasuna aztertzeko, eta, hala badagokio, konponbide tekniko gehigarriak proposatzeko, hala atzipenekoak nola tratamendukoak» eta «Ezkerreko ibarbidean eta eskuineko ibarbidean dauden putzuak konektatzea eta desgasifikatzea».

«Artigas zabortegiaren desgasifikazioa hobetzeko plana» aurkeztu dela adierazi da, eta gaur egun proiektu hori kontratatzeko pleguak prestatzen ari direla (laster lizitatuko da). Era berean, ezkerreko ibarbidean eta eskuineko ibarbidean dauden putzuak konektatzea eta desgasifikatzea aurreikusten da proiektuan. Beraz, bi puntu horiek aldatzeko eskatzen dizuegu, eraikuntza-proiektuaren aurkezpenari erreferentzia eginez.

Erantzuna:

Organo honi entregatutako «Artigas zabortegiaren desgasifikazioa hobetzeko plana» dokumentuaren irismenari dagokionez (sustatzaileak alegatu du behar bezala betetzen duela ezarritako eskakizuna), ez ditu jasotzen entzunaldiaren izapidearen xede den eta sustatzaileari entregatu zaion zirriborroan ezarritako alderdiak. Dokumentu hori instalazioari egiten zaion jarraipenean bildutako informazioa kontuan hartuta egin da, eta hobekuntza-plana egiteko unean eskuragarri dagoenaren osagarri da.

Bertan jasotako neurri teknikoek –hala nola gasen ihes-azalera minimizatzea edo lixibiatuak husteko sifoi bat ezartzea– desgasifikazio-premiei eragiten dieten aldagaiak aldatzen dituzte, eta, beraz, eguneratu egin behar dira.

Laugarren apartatua, jardueraren deskribapenari buruzkoa.

Lehenengo apartatuan, sustatzailearen jarduera zertan datzan deskribatzen duen lerrokadan, eskatzen da lixibiatuak kudeatzeko bi araztegi daudela aipatu dadila, eta lixibiatuen arazketa berrirako kolektorera isuriak egiteko baimena erantsi dadila (baimena Bilbao Bizkaia Ur Partzuergoak eman zuen, 2024ko uztailaren 9an).

Erantzuna:

Alegazioa onartu da, eta lerrokada horren idazkera aldatu da, bi araztegiak aipatuz. Horrela, lixibiatuen araztegi berriaren baldintzak eta alderdiak gaineratu dira Ebazpenaren F.5 apartatuan, Bilbao Bizkaia Ur Partzuergoaren isurketa-baimenean jasotzen direnak.

Laugarren apartatua, jardueraren deskribapenari buruzkoa.

Lehenengo apartatuan eskatzen da jardueraren deskribapena instalazioaren errealitatera egokitu dadila, honako alderdi hauetan: ustiapen faseak, hondakinak estaltzeko erabilitako materialak, sareko ur-kontsumoa eta konpostatze-prozesuaren fintze fasearen deskribapena.

Erantzuna:

Alegazioa onartu da eta apartatu hau aldatu da sustatzaileak adierazitako alderdietan.

Laugarren apartatua, konposta egiteko instalaziorako baldintzei buruzkoa.

F.1.1 apartatuan, konposta egiteko instalazioan kudeatzeko onartzen diren hondakinen zerrendan, EHZ 20 02 01 kodearen deskribapena aldatu dadila eskatzen da, biometanizazio-instalazioan hondakin onargarrien taulan erabiltzen denarekin bateratzeko.

Erantzuna:

Alegazioa onartu da eta EHZ 20 02 01 kodearen deskribapena aldatu da.

Laugarren apartatua, hondakin-ontzian hondakinak jaso eta ikuskatzeko baldintzei eta kontrolei buruzkoa.

F.2 apartatuan eskatzen da EHZ 20 03 03 kodea duten hondakinak sartzen jarrai dadila, hainbat udalerritako bideak garbitzetik eratorritako hondakinak baitira, baita hondartzetako hondakinak ere; izan ere, uste dute hondakin horien helmugarik egokiena zabortegia dela, eta ez Zabalgarbi edo TMB. Era berean, eta EHZ 20 03 01 kodeko hondakinak sartzeari dagokionez, eskatzen da behar bezala zehaztu dadila, 2025eko urtarrilaren 1etik aurrera, hondakin horiek salbuespenezko kasuetan bakarrik sartu ahal izango direla, hala nola iraupen luzeko matxuretan (Zabalgarbiko eta TMBko instalazioetan), Zabalgarbiko ezohiko geldialdi teknikoetan (Zabalgarbiko edo TMBko langileen grebak, adibidez) eta larrialdiko beste kasu batzuetan.

Erantzuna:

Alegazioa ez da onargarria. Izan ere, idazkerak berak argi eta garbi islatzen du hondakinok balorizazio-instalazioetan tratatu daitezkeela. Beraz, lehentasunezkoak dira zabortegian ezabatzeari dagokionez, Europar Batasuneko araudian jasotako hondakin-eragiketen hierarkiaren arabera.

Balorizazio-instalazio bat unean-unean erabilgarri ez egoteak ez du justifikatzen hondakin bat ezabatzeko baimen orokorra ematea; izan ere, aipatutako instalazioen bizitza operatiboan bertan agerian geratu da hondakinak aldi baterako biltegiratzeko aukera, prozesuak berriro martxan jarri arte.

Laugarren apartatua, hondakin-ontzian hondakinak jaso eta ikuskatzeko baldintzei eta kontrolei buruzkoa.

F.2 apartatuan eskatzen da langa kanadar bat izateari buruzko erreferentzia ezabatu dadila, ganadua eta beste animalia batzuk esparruan sar ez daitezen, eta hondakinak jasotzeko ordutegitik kanpo segurtasun-zaintzaileak daudela adieraz dadila; beraz, animaliak ez sartzea bermatzen da.

Erantzuna:

Alegazioa onartu da, eta F.2 apartatuan zehazten da instalazioetarako sarrera aldiro zainduta dagoela.

Laugarren apartatua, ahalik eta lixibiatu gutxien sortzeari buruzkoa.

F.3.3 apartatuan eskatzen da 10.000 m²-ko gehieneko azalera irekian behin betiko eta aldi baterako zigilatu gabe dauden azalerak bakarrik sar daitezela, eta ez daitezela sartu zabortegiaren barruko sarbideak (pistak, bideak), sute-guneak itzaltzeko lur-pilaketak, eta zabortegia iragazgaizteko edo zigilatzeko obrak egiteko beharrezkoak diren material-bilketak.

Erantzuna:

Ezin dira azalera irekiaren barrutik kanpo utzi zabortegiaren barruan aurrealderaino dauden barne-sarbideak (pistak, bideak), ezta lurrak eta materialak «pilatzeko» azalerak ere; gainazal-estaldurarik ez duten azalerak izanik, gas-emisioak gertatu daitezke, eta euri-urak iragazi, eta, beraz, lixibiatuak sor daitezke.

Laugarren apartatua, airearen kalitatea babesteko baldintzei buruzkoa.

F.4.3 apartatuan proposamen bat egin da fokuen emisioen muga-balioen taulan 1., 2. eta 3. fokuetan aztertu beharreko substantziak zein diren argi gera dadin.

Erantzuna:

Alegazioa onartu da eta fokuen taula aldatu da, aztertu beharreko substantziak eta emisioen muga-balioak barne.

Laugarren apartatua, airearen kalitatea babesteko baldintzei buruzkoa.

F.4.6 apartatuan eskatzen da bi hilabeteko epean desgasifikazio-azterketa bat aurkezteari buruzko aipamena ezabatu dadila; izan ere, eta dagoeneko adierazi den bezala, zabortegiaren desgasifikazioa hobetzeko plana eginda dago, eta proiektuaren kontratazioa laster lizitatuko da.

Erantzuna:

Organo honi entregatutako «Artigas zabortegiaren desgasifikazioa hobetzeko plana» dokumentuaren irismenari dagokionez (sustatzaileak alegatu du behar bezala betetzen duela ezarritako eskakizuna), ez ditu jasotzen entzunaldiaren izapidearen xede den eta sustatzaileari entregatu zaion zirriborroan ezarritako alderdiak. Dokumentu hori instalazioari egiten zaion jarraipenean bildutako informazioa kontuan hartuta egin da, eta hobekuntza-plana egiteko unean eskuragarri dagoenaren osagarri da.

Bertan jasotako neurri teknikoek –hala nola gasen ihes-azalera minimizatzea edo lixibiatuak husteko sifoi bat ezartzea– desgasifikazio-premiei eragiten dieten aldagaiak aldatzen dituzte, eta, beraz, eguneratu egin behar dira.

Seigarren apartatua, bi hilabeteko epean eskatu beharreko alderdiei buruzkoa.

Seigarren apartatuan eskatzen da gasak erauzteko sistemaren nahikotasunaren eta ezkerreko ibarbideko eta eskuineko ibarbideko putzuen konexioaren azterketa aurkezteari buruzko erreferentzia kendu dadila, eta, horren ordez, zabortegia desgasifikatzeko proiektua sei hilabeteko epean entregatu dadila.

Erantzuna:

Organo honi entregatutako «Artigas zabortegiaren desgasifikazioa hobetzeko plana» dokumentuaren irismenari dagokionez (sustatzaileak alegatu du behar bezala betetzen duela ezarritako eskakizuna), ez ditu jasotzen entzunaldiaren izapidearen xede den eta sustatzaileari entregatu zaion zirriborroan ezarritako alderdiak. Dokumentu hori instalazioari egiten zaion jarraipenean bildutako informazioa kontuan hartuta egin da, eta hobekuntza-plana egiteko unean eskuragarri dagoenaren osagarri da.

Bertan jasotako neurri teknikoek –hala nola gasen ihes-azalera minimizatzea edo lixibiatuak husteko sifoi bat ezartzea– desgasifikazio-premiei eragiten dieten aldagaiak aldatzen dituzte, eta, beraz, eguneratu egin behar dira.

2.– Biometanizazio-instalazioari buruzko oharrak.

Laugarren apartatua, fokuen identifikazioari buruzkoa.

Zortzigarren fokuari dagokionez, adierazi da zabortegian ez dagoela gas naturalaren hornidurarik. Beraz, foku horri lotutako galdarak biogas-gasoliozko erregailu bat izan behar du, eta ez biogas-gas naturalekoa. Ondorioz, foku horren izena aldatzeko eskatzen da apartatu hauetan: lehenengoa, F.4.2, F.4.3 eta I.1.1.

Erantzuna:

Alegazioa onartu da eta adierazitako apartatuetan fokuaren izena aldatu da.

Laugarren apartatua, transformazio-zentroak eta instalatutako potentzia deskribatzeari buruzkoa.

Lehenengo apartatuan eskatzen da instalazioaren transformazio elektrikoko zentroak eta instalazio guztietan instalatutako potentzia eguneratu daitezela.

Erantzuna:

Alegazioa onartu da eta apartatu horretan adierazitakoa eguneratu da.

Laugarren apartatua, biometanizazio-instalazioaren identifikazioari buruzkoa.

Lehenengo apartatuan eskatzen da biometanizazio-instalazioaren jardueraren deskribapena ezarriko den instalazioaren errealitatera egokitu dadila.

Erantzuna:

Alegazioa onartu da eta lehenengo apartatuaren deskribapena aldatu da.

Laugarren apartatua, biometanizazio-instalazioan tratatu beharreko hondakinak biltegiratzeko gehieneko ahalmenari buruzkoa.

F.1.3 apartatuan eskatzen da biltegiratu beharreko gehieneko edukiera 590 m³-ra alda dadila, hobien tamaina aldatu egin delako.

Erantzuna:

Alegazioa onartu da eta sustatzaileak emandako datua gehitu da.

Laugarren apartatua, fokuen identifikazioari buruzkoa.

Fokuak identifikatzeko F.4.2 apartatuan proposatzen da ohar bat gehitu dadila 6. eta 7. fokuetan hiru segurtasun-balbula (presioa) daudela adierazteko.

Erantzuna:

Alegazioa onartu da eta sustatzaileak F4.2 apartatuan adierazitakoa zehaztu da.

Laugarren apartatua, isurien sailkapen-taulari buruzkoa.

F.5.1 apartatuan eskatzen da biometanizazio-instalazioko efluentearen deskribapena alda dadila.

Erantzuna:

Alegazioa onartu da eta biometanizazio-instalazioko efluentearen deskribapena aldatu da. F.5.1 apartatuko taulan adierazten dena.

Laugarren apartatua, biometanizazio-prozesuan sortutako hondakin arriskugabeei buruzkoa.

F.6.2 apartatuan eskatzen da biometanizazio-prozesuan sortutako hondakinen deskribapena eta kantitateak alda daitezela.

Erantzuna:

Alegazioa onartu da, eta biometanizazio-prozesuan sortutako hondakinen kantitateak eta deskribapena aldatu dira.

Laugarren apartatua, biometanizazio-instalazioko monitorizazio-parametroei buruzkoa.

I.1.1 apartatuan eskatzen da digestorean eta digerituan gantz-azido lurrunkorren kontzentrazioa monitorizatzeko beharra kendu dadila, amoniakoaren monitorizazioa mantenduz. Eskaeraren arabera, gantz-azido lurrunkorrak etengabe neurtzeko sistemek zehaztapen txikia dute eta etengabe kalibratu behar dira. Gainera, gantz-azido lurrunkorrak gehitzeak biometanizazio-erreakzioa eragozten du. Horrenbestez, ez dute beharrezkotzat jotzen gantz-azido lurrunkorren etengabeko monitorizazioa egitea.

Erantzuna:

Alegazioa onartu da eta gantz-azido lurrunkorren monitorizazioa aldatu da. Beraz, aurrerantzean parametro horiek astero kontrolatuko dira.

Azterketa dokumentala