Euskal Herriko Agintaritzaren Aldizkaria

239. zk., 2024ko abenduaren 10a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

EUSKAL TRENBIDE SAREA

5648

EBAZPENA, 2024ko azaroaren 26koa, Euskal Trenbide Sareko zuzendari nagusiarena, «Zumaiako kotxetegi berriak seinaleztatzeko proiektua» onartzen duena.

Proiektuaren xedea zenbait azpisistema eta instalaziotan oinarritutako seinaleztapen-sistema definitzea eta balioestea da: objektuen kontrolagailua, teleagintea Amarako aginte-postuaren CTCtik, blokeoak, tokiko eragiketa-postua, mantentze-lanetarako laguntza-sistema (MLS), seinaleak, trena detektatzeko sistema eta orratz-eragingailuak, Euroloop, landa-elementuen kableak, konexio-kutxak, energia- eta erdi-tentsioko instalazioak eta obra zibileko lan osagarriak, pleguan, aurrekontuetan eta planoetan garatzen denaren arabera.

Egikaritze Materialaren Aurrekontua zazpiehun eta hogeita hemezortzi mila laurehun eta hogeita hemeretzi euro eta berrogeita bi zentimokoa (738.439,42) da.

Kontrata bidezko Egikaritze Aurrekontua, % 6ko Mozkin Industriala eta % 13ko Gastu Orokorrak gehituta, 878.742,91 eurokoa da.

«Zumaiako kotxetegi berriak seinaleztatzeko proiektuaren» obren lizitaziorako oinarrizko aurrekontua, dagokion % 21eko BEZa gehitu ondoren, milioi bat eta hirurogeita hiru mila berrehun eta hirurogeita hemezortzi euro eta laurogeita hamabi zentimokoa (1.063.278,92) da.

Lanak egiteko aurreikusitako epea, guztira, zortzi (8) hilabetekoa izango da.

Euskal Trenbide Sarearen (ETS) zerbitzu teknikoek egiaztatu dute proiektuak bere xedeari erantzuten diola, Trenbide Sektorearen Erregelamenduaren 11. artikuluan (2387/2004 ED, abenduaren 30ekoa), Sektore Publikoko Kontratuen azaroaren 8ko 9/2017 Legearen 233. artikuluan eta Administrazio Publikoen Kontratuen Legearen Erregelamendu Orokorraren (1098/2001 ED, urriaren 12koa) 126-132. artikuluetan adierazitako dokumentuak barne hartzen dituela, eta kontrata bidez egikaritzeko behar diren beharrezko alderdiak jasotzen dituela. Horrenbestez, aldeko txostena egiten dute.

Organo horrek eskumena du Eusko Jaurlaritzako Garraio Azpiegituren Zuzendaritzaren eskumenekoak diren trenbide-azpiegituren eraikuntza-proiektu jakin batzuk onartzeko, organo horrek eskuordetuta, Garraio Azpiegituren zuzendariaren 2020ko martxoaren 16ko Ebazpenaren bidez.

Aipatutako xedapenak, horiekin bat datozenak eta aplikazio orokorrekoak ikusita, hau

EBAZTEN DUT:

«Zumaiako kotxetegi berriak seinaleztatzeko proiektua» onartzea. Proiektu horren bidez, Zumaiako kotxetegi berrietarako seinaleztapen-sistema zehaztu eta balioztatu nahi da. Seinaleztapen-sistema horren lizitaziorako oinarrizko aurrekontua, BEZa barne, milioi bat eta hirurogeita hiru mila berrehun eta hirurogeita hemezortzi euro eta laurogeita hamabi zentimokoa (1.063.278,92) da, eta obrak egiteko zortzi (8) hilabeteko epea aurreikusten da.

Ebazpen hau ez da behin betikoa administrazio-bidean, eta, beraren aurka, interesdunek gora jotzeko errekurtsoa aurkez diezaiokete Azpiegitura eta Garraioetako sailburuordeari, hilabeteko epean, ebazpena jakinarazi edo argitaratu eta hurrengo egunetik aurrera. Idazkia organo honi edo Azpiegitura eta Garraioetako sailburuordeari bidali beharko zaio.

Administrazio publikoek administrazioarekiko auzi-errekurtsoa jarri ahal izango dute, 2 hilabeteko epean, Euskal Autonomia Erkidegoko Auzitegi Nagusiko Administrazioarekiko Auzietako Salan, hargatik eragotzi gabe aldez aurretik errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan zehaztutako moduan eta epean.

Jendaurrean jartzen da, guztiek horren berri izan dezaten.

Bilbao, 2024ko azaroaren 26a.

Euskal Trenbide Sareko zuzendari nagusia,

ANTONIO LÓPEZ PALENZUELA.

Azterketa dokumentala