RSS
231. zk., 2024ko azaroaren 27a, asteazkena
- Bestelako formatuak:
- PDF (154 KB - 6 orri.)
- EPUB (294 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
ETXEBIZITZA ETA HIRI AGENDA SAILA
5440
EBAZPENA, 2024ko azaroaren 11koa, Etxebizitza, Lurzoru eta Arkitekturako zuzendariarena, «Nerbioi ibaiaren goiko arroa saneatzeko kolektoreen proiektua. 1. aldaketa. Basaurbe tartea. 8. eta 9. tarteak» izeneko proiektuak eragindako ondasun eta eskubideen desjabetze-espedienteari hasiera ematea eta zerrenda jendaurrean jartzea erabakitzen duena.
«Nerbioi ibaiaren goiko arroa saneatzeko kolektoreen proiektua. 1. aldaketa. Basaurbe tartea. 8. eta 9. tarteak» proiektuari dagokion espedientea aztertu da.
AURREKARIAK
1.– Nekazaritza, Arrantza, Elikadura eta Ingurumen Ministerioko Uraren zuzendari nagusiak, 2018ko maiatzaren 11n, teknikoki onartu zuen proiektu hau: «Nerbioi ibaiaren goi-arroaren saneamendurako kolektoreen proiektua, Laudio, Orozko, Aiara eta Amurrioko udalerrietan (Araba eta Bizkaia)».
Proiektu primitiboak, besteak beste, Basaurben egingo den HUAren mendeko azpiegiturak biltzen zituen. Proiektu horrek AP-68 autobidearen azpiko bidegurutzea barne hartzen zuen, bai eta bi zati egitea ere, hormigoi armatuzko hodien bidez, BI-2522 errepidearen eta Altube ibaiaren azpitik gurutzatzen zirenak.
2.– Bizkaiko Foru Aldundiko Azpiegitura eta Lurralde Garapen Sailak txosten bat egin zuen 2021eko uztailaren 13an, eta, horren bidez, arestian aipatutako errepideen azpitik gurutzatzeko proiektatutako irtenbideari buruzko informazio negatiboa eman zuen. Alegatu zuenez, inken eraso- eta irteera-putzuak jabari publikoko eremuan zeuden, bi errepideetako plataformetatik oso gertu, eta plataformen egonkortasunari, elementu funtzionalei eta AP-68 errepidea zeharkatzen duen aireko linea duen dorre bati eragin ziezaieketen.
Hori dela eta, Bizkaiko Foru Aldundiko Azpiegitura eta Lurralde Garapen Sailak erabaki zuen errepide horiek gurutzatzeko proposamenak ez zirela bideragarriak, eta errepideei buruzko indarreko araudira egokitzen ziren beste aukera batzuk aztertzeko eskatu zuen.
3.– Txosten horren ondorioz, 2021eko azaroaren 29an, Uraren Zuzendaritza Nagusiak ebatzi zuen honen idazketa baimentzea: Nerbioi ibaiaren goi-arroaren saneamendurako kolektoreen proiektuaren 1. aldaketa, Laudio, Orozko, Aiara eta Amurrioko udalerrietan (Araba eta Bizkaia). 2. lotea.
4.– 2024ko martxoaren 15ean, Uraren Zuzendaritza Nagusiak, Ingurumeneko Estatu Idazkaritzaren eskumenen eskuordetzaz, TED/533/2021 Agindua (2021eko maiatzaren 31ko BOE) eta ondorengo aldaketak, ebazpena eman du teknikoki onartzeko Nerbioi ibaiaren goi-arroaren saneamendurako kolektoreen proiektua, Laudio, Orozko, Aiara eta Amurrioko udal-mugarteetan (Araba eta Bizkaia). 2. lotea. 1. aldaketa.
5.– Aipatutako espedienteak erasandako ondasun eta eskubideen zerrenda jasotzen du, banakatuta eta zehaztuta, identifikatzeko beharrezkoak diren datuekin, eta jendaurreko informazioaren izapidea egin da.
6.– Proiektuan aurreikusitako azpiegiturak eraikitzeko, beharrezkoa eta premiazkoa da proiektuak eragindako lurrak okupatzea, eta, horrela, hiriko hondakin-uren tratamenduari buruzko 91/271/EEE Zuzentarauan ezarritako epeak betetzea.
ZUZENBIDEKO OINARRIAK
Lehenengoa.– Uztailaren 5eko 10/2001 Legeak, Plan Hidrologiko Nazionalari buruzkoak, Nerbioi Garaiko saneamendua eta arazketa barne hartzen ditu II. eranskinean (Inbertsioen zerrenda).
Bigarrena.– Lege beraren 36.5 artikuluak interes orokorrekotzat jotzen ditu II. eranskinean jasotako obra guztiak, Uren Legearen testu bategina onartzen duen uztailaren 20ko 1/2001 Legegintzako Errege Dekretuaren 44.2 eta 119. artikuluetan eta Nahitaezko Desjabetzeari buruzko 1954ko abenduaren 16ko 10. artikuluan aurreikusitako ondorioekin.
Hirugarrena.– Uraren Legeak 130. artikuluan xedatzen duenez, interes orokorreko obra hidraulikoen proiektuak onartzeak berekin dakar onura publikoaren deklarazioa eta ondasunak okupatu eta eskubideak eskuratu beharra, nahitaezko desjabetzeari eta aldi baterako okupazioari begira, dagokion legerian xedatutakoaren arabera.
Laugarrena.– Nahitaezko Desjabetzeari buruzko Legearen 17. artikuluan eta hurrengoetan xedatutakoaren arabera, nahitaezkoa da desjabetze-prozeduraren eraginpeko ondasun eta eskubideen zerrenda jendaurrean jartzea.
Bosgarrena.– Euskal Autonomia Erkidegoko Lurralde Antolamenduari buruzko maiatzaren 31ko 4/1990 Legearen 26.1.f artikuluaren eta indarrean dagoen Nahitaezko Desjabetzeari buruzko Legearen 52. artikuluaren arabera, salbuespen gisa eta Euskal Autonomia Erkidegoko Gobernu Kontseiluaren erabaki bidez, obra edo helburu jakin bat egiteak eragiten duen desjabetzeak eragindako ondasun eta eskubideen okupazioa presazkotzat jo ahal izango da.
Aipatutako lege-aginduak, horiekin bat datozenak eta aplikatzekoak diren gainerakoak ikusita, hau
EBAZTEN DUT:
1.– «Nerbioi ibaiaren goiko arroa saneatzeko kolektoreen proiektua. 1. aldaketa. Basaurbe tartea. 8. eta 9. tarteak» izeneko proiektuak barne hartutako eraginpeko ondasun eta eskubideak okupatzeko nahitaezko desjabetzearen espedientea hastea, obrak onura publikokoak direla aitortzea eta desjabetzeko edo zortasunak ezartzeko dagozkion lursail eta eraikinak okupatu beharra inplizituki ulertuta, Plan Hidrologiko Nazionalari buruzko uztailaren 5eko 10/2001 Legean eta Uren Legearen testu bategina onartzen duen uztailaren 20ko 1/2001 Legegintzako Errege Dekretuan xedatutakoaren arabera.
2.– Aipatutako espedientearen eraginpeko ondasun eta eskubideen zerrenda jendaurrean jartzea, hamabost egun balioduneko epean, legean adierazitako azken argitalpenetik zenbatzen hasita, Eusko Jaurlaritzako Etxebizitza eta Hiri Agenda Saileko Etxebizitza, Lurzoru eta Arkitektura Zuzendaritzan (Donostia kalea 1, Vitoria-Gasteiz) ager daitezen, Administrazio Publikoen Administrazio Prozedura Erkidearen urriaren 1eko 39/2015 Legearen 16. artikuluan ezarritako edozein bide erabiliz, eta egokitzat jotzen dituzten alegazioak aurkez ditzaten, zerrenda horretako akatsak zuzendu ahal izateko, hori guztia Nahitaezko Desjabetzeari buruzko 1954ko abenduaren 16ko Legearen 17. artikuluan eta hurrengoetan eta haren Erregelamenduarekin bat datozenetan xedatutakoaren arabera eta Eusko Legebiltzarren Lurzoruari eta Hirigintzari buruzko ekainaren 30eko 2/2006 Legeko 178. artikuluan ezarritakoa betez.
Aipatu epean zehar, honekin batera doan ondasun eta eskubideen zerrenda Laudioko eta Orozkoko udaletxeetako iragarki-oholetan egongo da, aipatu diren ondorioetarako.
3.– Euskal Autonomia Erkidegoko Gobernu Kontseiluari eskatzea Etxebizitza eta Hiri Agenda Sailak lehenbailehen okupatu behar dituela «Nerbioi ibaiaren goiko arroa saneatzeko kolektoreen proiektua. 1. aldaketa. Basaurbe tartea. 8. eta 9. tarteak» proiektuak ukitzen dituen ondasun eta eskubideak, nahitaezko desjabetzea egiteko.
Vitoria-Gasteiz, 2024ko azaroaren 11.
Etxebizitza, Lurzoru eta Arkitekturaren zuzendaria,
PABLO GARCIA ASTRAIN.