RSS
207. zk., 2024ko urriaren 23a, asteazkena
- Bestelako formatuak:
- PDF (117 KB - 1 orri.)
- EPUB (102 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
URAREN EUSKAL AGENTZIA
4871
IRAGARKIA, zeinaren bidez jendaurrean jartzen baita proiektu hau: «Ur-emaria neurtzeko Aprikanoko estazioa eraikitzeko proiektua».
Uraren Euskal Agentziako zuzendari nagusiak 2024ko irailaren 30eko Ebazpenaren bidez hasieran onartu zen «Ur-emaria neurtzeko Aprikanoko estazioa eraikitzeko proiektua».
Proiektuaren xedea da ur-emaria neurtzeko estazio bat egitea Baia ibaian, Subijanako eremuan ibaia iragazten denetik ibaian gora, Aprikanoko herrigunetik gora (Kuartangoko udal-mugartea). Estazio berria egingo den eremua Baia ibaiaren infiltraziotik ibaian gora dagoen zati bati dagokio, Subijana aldean. Parametro hidrologikoak neurtuko dituen estazioa eraiki behar da, gune horri buruz gaur egun ez dagoelako informaziorik eta, bereziki, gune horretan dauden baliabide hidraulikoak ezagutu nahi direlako.
Zehazki, aurreikusitako jarduketen bidez, profil triangeluarreko zabortegi bat eraikiko da, Crump aldatu motakoa; eta ezkerraldean edukiera-etxola bat egingo da, 4,30 x 3,00 metrokoa oinplanoan, neurketa-ekipoak jartzeko.
Proiektuaren ingurumen-inpaktuaren ebaluazio sinplifikatua egin behar da, Ingurumen Ebaluazioari buruzko abenduaren 9ko 21/2013 Legearen 7.2 b) artikuluan eta Euskadiko Ingurumen Administrazioari buruzko abenduaren 9ko 10/2021 Legearen II.E eranskinaren 3. puntuan aurreikusitakoaren arabera. Horretarako, ezarritako prozedurak jarraitu dira, eta 2023ko martxoaren 7an ingurumen-inpaktuaren txostena egin zen, Ingurumenaren Kalitatearen eta Ekonomia Zirkularraren zuzendariaren ebazpenaren bidez.
Administrazio Publikoen Administrazio Prozedura Erkidearen urriaren 1eko 39/2015 Legearen 83. artikuluarekin bat etorriz, proiektua jendaurrean jartzen da hogei (20) egun balioduneko epean, iragarki hau argitaratu eta hurrengo egunetik aurrera, egoki iritzitako alegazioak aurkez daitezen.
Obren proiektua interesdunen eskura egongo da Uraren Euskal Agentziaren webgunean, obra hidraulikoaren atalean: www.uragentzia.euskadi.eus
Vitoria-Gasteiz, 2024ko irailaren 30a.
Uraren Euskal Agentziako zuzendari nagusia,
ANTONIO AIZ SALAZAR.