Euskal Herriko Agintaritzaren Aldizkaria

197. zk., 2024ko urriaren 9a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Izendapenak, egoerak eta gorabeherak

EUSKAL TRENBIDE SAREA

4640

IRAGARKIA, Red Ferroviaria Vasca-Euskal Trenbide Sarea erakunde publikoaren Administrazio Kontseiluaren 2024ko urriaren 1eko Erabakiari buruzkoa, zeinaren bidez zuzendari nagusia kargutik kentzen baita.

Javier Ortega Burguera jaunak, Red Ferroviaria Vasca-Euskal Trenbide Sarea zuzenbide pribatuko ente publikoaren Administrazio Kontseiluko idazkariak,

AZALTZEN DU:

Red Ferroviaria Vasca-Euskal Trenbide Sareari buruzko maiatzaren 21eko 6/2004 Legearen 10.j) artikuluan ezarritakoaren arabera, ente publikoaren Administrazio Kontseiluari dagokio erakundearen zuzendaritza nagusia beteko duen pertsona izendatzea eta kargutik kentzea, Lehendakaritzaren proposamenez.

Euskal Autonomia Erkidegoko kargu publikoen katalogo eguneratua onartzen duen martxoaren 22ko 49/2016 Dekretuaren arabera, ente publikoko zuzendari nagusiaren kargua kargu publikoen katalogoan sartzen da.

Era berean, kargu publikodunen betebeharrei eta eskubideei buruzko azaroaren 15eko 156/2016 Dekretuaren arabera, dagokion erakundeak iragarkia argitaratuko du Euskal Herriko Agintaritzaren Aldizkarian, kargu publikoaren titularraren identifikazioa eta zerbitzuaren hasiera- edo amaiera-data adierazita.

Horregatik guztiagatik, hau

ZIURTATZEN DU:

Administrazio Kontseiluak, 2024ko urriaren 1ean egindako bileran, Ernesto Martínez de Cabredo Arrieta jauna ente publikoko zuzendari nagusiaren kargutik kentzea erabaki du, egun horretatik aurrerako ondorioekin.

Bilbao, 2024ko urriaren 2a.

Administrazio Kontseiluko idazkaria,

JAVIER ORTEGA BURGUERA.

Azterketa dokumentala