Euskal Herriko Agintaritzaren Aldizkaria

148. zk., 2024ko uztailaren 30a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

ENERGIAREN EUSKAL ERAKUNDEA

3704

EBAZPENA, 2024ko uztailaren 15ekoa, Energiaren Euskal Erakundeko zuzendari nagusiarena, energia-iturri berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programaren aurrekontu-zuzkidura laugarrenez aldatzea eta ondoriozko aurrekontu-zuzkidura iragartzea erabakitzen duena, betiere Energiaren Euskal Erakundeko zuzendari nagusiaren 2021eko irailaren 22ko ebazpen bidez ezarritako Europar Batasunak (NextGenerationEU) finantzatutako Suspertze, Eraldatze eta Erresilientzia Planaren esparruan.

I.– 2021eko ekainaren 30eko 155. zenbakiko BOEn argitaratutako Suspertze, Eraldatze eta Erresilientzia Planaren esparruan energia-iturri berriztagarrien bidezko autokontsumoari eta biltegiratzeari eta bizitegi-sektorean sistema tekniko berriztagarriak ezartzeari lotutako pizgarri-programak egikaritzeko autonomia-erkidegoei eta Ceutako eta Melillako hiriei laguntzak zuzenean ematea onartzen duen ekainaren 29ko 477/2021 Errege Dekretuak ezarri zituen energia-iturri berriztagarrien bidezko autokontsumoari eta biltegiratzeari eta bizitegi-sektorean sistema tekniko berriztagarriak ezartzeari lotutako pizgarriak emateko oinarri arautzaileak, Suspertze, Eraldatze eta Erresilientzia Planaren esparruan. 477/2021 Errege Dekretuaren bidez erabaki zen aurreikusitako laguntzak zuzenean ematea banaketa-irizpideei jarraikiz, baita dagozkion funtsen ondoriozko banaketa jarduketa subentzionagarriak finantzatzeko ere, 660 milioi euroko zenbatekoaz, eta Euskal Autonomia Erkidegoaren kasurako 37.173.437 euroko zenbatekoaz zehazki.

II.– 2021eko urriaren 1eko 197. zenbakiko EHAAn argitaratutako Energiaren Euskal Erakundeko zuzendari nagusiaren 2021eko irailaren 22ko ebazpenak energia berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programa arautzen duten oinarriak onartu, deitu eta argitaratu zituen, Suspertze, Eraldatze eta Erresilientzia Planaren esparruan.

III.– Ondoren, energia-iturri berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programaren oinarrien edukia aldatu zuen, Suspertze, Eraldatze eta Erresilientzia Planaren esparruan, honako hauen bidez:

– Energia berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programa arautzen duten oinarriak onartzen, deitzen eta argitaratzen dituen Energiaren Euskal Erakundeko zuzendari nagusiaren 2021eko irailaren 22ko ebazpena, betiere Suspertze, Eraldatze eta Erresilientzia Planaren esparruan (2022ko maiatzaren 3ko 84. zenbakiko EHAA).

– Energia berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programa arautzen duten oinarriak onartzen, deitzen eta argitaratzen dituen Energiaren Euskal Erakundeko zuzendari nagusiaren 2021eko irailaren 22ko ebazpena bigarrenez aldatzen duen Energiaren Euskal Erakundeko zuzendari nagusiaren 2022ko ekainaren 29ko ebazpena, betiere Suspertze, Eraldatze eta Erresilientzia Planaren esparruan (2022ko uztailaren 15eko 137. zenbakiko EHAA).

IV.– Energiaren Euskal Erakundeko zuzendari nagusiaren 2022ko uztailaren 8ko ebazpen bidez aldatu zen energia-iturri berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programaren aurrekontu-zuzkidura eta iragarri zen ondoriozko aurrekontu-zuzkidura (2022ko uztailaren 26ko 143. zenbakiko EHAA), betiere Energiaren Euskal Erakundeko zuzendari nagusiaren 2021eko irailaren 22ko ebazpen bidez ezarritako Suspertze, Eraldatze eta Erresilientzia Planaren esparruan.

Bereizitako bi jatorri zituen ebazpen horretan jasotako diru-kopuruaren igoerak:

a) Alde batetik 37.173.436,99 euroko zenbateko gehigarria, 2022ko ekainaren 10eko Energia Dibertsifikatzeko eta Aurrezteko Institutuko presidentearen ebazpen bidez gauzatutakoa, ebazpen horretan Euskal Autonomia Erkidegoari 37.173.436,99 euroko zenbateko gehigarria ematea erabaki zelarik energia-iturri berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programarako, Berreskuratze, Eraldatze eta Erresilientzia Planaren esparruan.

b) Beste alde batetik, SEEP Funtsetatik datozen baliabideekiko 20.000.000 euroko zenbateko gehigarri eta osagarria, EEEren baliabide propioetatik ateratakoa.

V.– Energiaren Euskal Erakundeko zuzendari nagusiaren 2023ko apirilaren 5eko ebazpen bidez pizgarri-programa bakoitzari dagokion zenbatekoa berresleitu zen, 2021eko irailaren 22ko ebazpen bidez Berreskuratze, Eraldatze eta Erresilientzia Planaren esparruan ezarritako energia berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programaren aurrekontu handituari buruzkoa.

VI.– Energiaren Euskal Erakundeko zuzendari nagusiaren 2023ko urriaren 11ko ebazpen bidez aldatu zen energia-iturri berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programaren aurrekontu-zuzkidura eta iragarri zen ondoriozko aurrekontu-zuzkidura, betiere Energiaren Euskal Erakundeko zuzendari nagusiaren 2021eko irailaren 22ko ebazpen bidez ezarritako Suspertze, Eraldatze eta Erresilientzia Planaren esparruan (2023ko urriaren 25eko 204. zenbakiko EHAA), 12.242.486,40 euroko zenbateko gehigarriarekin (378.633,60 euroko dagozkion zeharkako gastuak kendu ondoren), Berreskuratze eta Erresilientzia Mekanismoaren kargura emandako funtsetatik datorrena.

VII.– Energiaren Euskal Erakundeko zuzendari nagusiaren 2023ko azaroaren 30eko ebazpen bidez aldatu zen energia-iturri berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programaren aurrekontu-zuzkidura eta iragarri zen ondoriozko aurrekontu-zuzkidura, betiere Energiaren Euskal Erakundeko zuzendari nagusiaren 2021eko irailaren 22ko ebazpen bidez ezarritako Suspertze, Eraldatze eta Erresilientzia Planaren esparruan (2023ko abenduaren 12ko 235. zenbakiko EHAA), 27.738.773,55 euroko zenbateko gehigarriarekin (1.459.935,45 euroko dagozkion zeharkako gastuak kendu ondoren), Berreskuratze eta Erresilientzia Mekanismoaren kargura emandako funtsetatik datorrena.

Pizgarri-programa honetara Suspertze eta Erresilientzia Mekanismoaren kontura bideratutako igoera horren ondoriozko diru-kopurua (106.765.574,23 euro) honako zenbateko honen arabera banatuta geratzen da pizgarri-programa bakoitzerako:

(Ikus .PDF)

VIII.– 477/2021 Errege Dekretuan ezarritakoari jarraikiz eta horretarako aldez aurretik egindako eskaerarekin, Energia Dibertsifikatzeko eta Aurrezteko Institutuko presidentearen 2024ko ekainaren 27ko ebazpen bidez, Euskal Autonomia Erkidegoari 4.127.323,00 euroko zenbateko gehigarria ematea adostu zen, Berreskuratze eta Erresilientzia Mekanismoaren kargura, energia-iturri berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programarako.

Hori guztia dela-eta, honako hau

EBATZI DUT:

Lehenengoa.– Suspertze, Eraldatze eta Erresilientzia Planaren esparruaren barruan energia berriztagarrien bidezko autokontsumoari eta biltegiratzeari eta bizitegi-sektorean sistema termiko berriztagarriak ezartzeari lotutako pizgarri-programa arautzen duten oinarriak onartzen, deitzen eta argitaratzen dituen Energiaren Euskal Erakundeko zuzendari nagusiaren 2021eko irailaren 22ko ebazpena (2021eko urriaren 1eko 197. EHAA) aldatzea, betiere Berreskuratze, Eraldatze eta Erresilientzia Planaren esparruan.

Laugarren aldaketa honek laguntzen programa honi bideratutako diru-kopurua Berreskuratze eta Erresilientzia Mekanismoaren kargura igotzea dakar, honako hauei jarraikiz:

a) 4.127.323,00 euroko igoera, Suspertze eta Erresilientzia Mekanismoaren kontura emandako funtsetatik datorrena, 477/2021 Errege Dekretuaren 10.3 artikuluan bildutakoa aplikatuz eta Energia Dibertsifikatzeko eta Aurrezteko Institutuko presidentearen 2024ko ekainaren 27ko ebazpenean aurreikusitakoari jarraikiz.

Honako xehetasun honi jarraikiz pizgarri-programa hau finantzatuta dagoen Berreskuratze eta Erresilientzia Mekanismoaren osagaien artean banatuko da igoera hori:

(Ikus .PDF)

b) Pizgarri-programa hau finantzatuta dagoen Suspertze eta Erresilientzia Mekanismoaren osagai bakoitzaren honako zenbateko hauen arabera banatuta geratzen da pizgarri-programa honetara bideratutako igoera horren ondoriozko diru-kopurua (110.892.897,23 euro):

(Ikus .PDF)

Bigarrena.– Programa hau finantzatuta dagoen Berreskuratze eta Erresilientzia Mekanismoaren osagai bakoitzaren igoera laguntza-programa hau osatzen duten pizgarri-programen artean banatuko da pizgarri-programa bakoitzean ikusten diren premien arabera eta, edozein kasutan ere, Energia Dibertsifikatzeko eta Aurrezteko Institutuak autonomia-erkidego guztien artean onartzen duen azken banaketaren arabera betez eta Energia Dibertsifikatzeko eta Aurrezteko Institutuko presidentearen 2024ko ekainaren 27ko ebazpenean aurreikusitako baldintzen menpe, honako hauek kontuan izanda:

(i) 7. osagaiko igoera 4. pizgarri-programara edota 6. pizgarri-programara bideratu ahalko da.

(ii) 31. osagaiaren hazkundea honako honetara bideratu ahalko da:

– Sorkuntza kategoriari dagokionez, 1. pizgarri-programara, 2. pizgarri-programara edota 4. pizgarri-programara, kasu guztietan ere sorkuntza kategorian.

– Biltegiratze kategoriari dagokionez, 1. pizgarri-programara, 2. pizgarri-programara, 3. pizgarri-programara, 4. pizgarri-programara edota 5. pizgarri-programara, kasu guztietan ere biltegiratze kategoriarako.

Edozein kasutan ere, laguntza-programa hau osatzen duten pizgarri-programen arteko osagai bakoitzeko igoeraren azken banaketa EEEko zuzendari nagusiaren dagokion ebazpenaren bidez onartuko da, ondoren Euskal Herriko Agintaritzaren Aldizkarian argitaratzeko.

Hirugarrena.– Berreskuratze eta Erresilientzia Mekanismoaren kargurako diru-kopuruaren laugarren igoeraren eta 2022ko uztailaren 8ko EEEko zuzendari nagusiaren ebazpen bidez (2022ko uztailaren 26ko 143. EHAA) EEEren aurrekontuan esleitutako funts propioekin pizgarri-programara bideratutako 20.000.000 euroko gehieneko zenbateko osagarriaren arteko osagarritasun-erregimenari dagokionez, ebazpen horren bigarren erabakian ezarritakoa bete beharko da.

Laugarrena.– Ebazpen hau Euskal Herriko Agintaritzaren Aldizkarian osorik argitaratzea.

Bosgarrena.– Ebazpen hau Euskal Herriko Agintaritzaren Aldizkarian argitaratu eta hurrengo egunean jarriko da indarrean.

Bilbao, 2024ko uztailaren 15a.

Energiaren Euskal Erakundeko zuzendari nagusia,

IÑIGO ANSOLA KAREAGA.

Azterketa dokumentala