Euskal Herriko Agintaritzaren Aldizkaria

147. zk., 2024ko uztailaren 29a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

INDUSTRIA, TRANTSIZIO ENERGETIKO ETA JASANGARRITASUN SAILA

3686

EBAZPENA, 2024ko uztailaren 9koa, Proiektu Estrategikoen eta Industria Administrazioaren zuzendariarena. Honen bidez, aurretiko administrazio-baimena eta eraikitzeko administrazio-baimena ematen da Artziniega (Araba), eta Gordexola eta Güeñes (Bizkaia) udalerrietan dagoen energia elektrikoa garraiatzeko Aiara 2 – La Jara TZ euskarriko 220 kV-ko linea berrindartzeko proiektuari dagokion instalaziorako.

Espedienteak: 01ATY 202200084 eta 48ATY 202200130.

AURREKARIAK

1.– 2022ko azaroaren 7an, Red Eléctrica de España, SAUk aurretiko administrazio-baimena eta eraikitzeko administrazio-baimena eskatu zituen, Artziniega (Araba), eta Gordexola eta Güeñes (Bizkaia) udalerrietan dagoen energia elektrikoa garraiatzeko Aiara 2 – La Jara TZ euskarriko 220 kV-ko linea berrindartzeko proiektuari dagokion instalaziorako.

2.– Proiektua, berriz, jendaurrean jarri da, martxoaren 31ko 48/2020 Dekretuak aurreikusitakoa betez; dekretu horren bidez, arautzen dira energia elektrikoa ekoizteko, garraiatzeko eta banatzeko instalazioen administrazio-baimenaren prozedurak.

3.– Horretarako, jendaurrean jartzeko izapidearen barruan, 2024ko otsailaren 27an, proiektuari dagokion dokumentazioa bidali zitzaien Artziniegako Udalari, Arabako Lurralde Historikoan, eta, 2024ko otsailaren 28an Gordexola eta Güeñeseko udalei, Bizkaiako Lurralde Historikoan. Iragarkiak argitaratu ziren: 2024ko otsailaren 23an Bizkaiako Lurralde Historikoan; 2024ko otsailaren 28an Arabako Lurralde Historikoaren Aldizkari Ofizialean, eta Bizkaiako Aldizkari Ofizialean eta 2024ko martxoaren 4ko Euskal Herriko Agintaritzaren Aldizkarian.

4.– Jendaurreko informazioaren izapidearekin batera, kontsultak egin zitzaizkien honako administrazio publiko eta pertsona interesdun hauei:

– Artziniegako Udala.

– Gordexolako Udala.

– Güeñeseko Udala.

– Bizkaiako Foru Aldundia - Ustiapeneko Atal Teknikoa.

– Uraren Euskal Agentzia (Ura).

– AESA - Aire Segurtasuneko Estatu Agentzia.

– i-DE Redes Eléctricas Inteligentes, SAU.

– Telefónica de España, SAU.

5.– 2024ko martxoaren 12an, Telefónica de España SAUren txostena jaso zen, eta txostenak ez zion eragozpenik jarriproiektuari.

2024ko martxoaren 19an, Bizkaiko Foru Aldundiko Ustiapen Atal Teknikoaren erantzuna jaso zen, eta hortik ez zen ondorioztatu baimenaren aurkako ezer edo eragozpenik zegoenik.

Halaber, 2024ko ekainaren 26an, 48/2020 Dekretuak kontsultei erantzuteko ematen duen epetik kanpo, Bizkaiako Foru Aldundiaren txostena eta baldintzak jaso ziren, eta horren berri eman zitzaion eskatzaileari. 2024ko uztailaren 4an, eskatzaileak espresuki onartu zituen ezarritako baldintzak.

6.– Halaber, 2023ko azaroaren 28an, Energia Politikako eta Meatzeetako Zuzendaritza Nagusiaren aurretiazko txostena eskatu zen, Sektore Elektrikoari buruzko 24/2013 Legearen 35.2 artikulua eta energia elektrikoko instalazioak garraiatzeko, banatzeko, merkaturatzeko eta hornitzeko jarduerak eta instalazioak baimentzeko prozedurak arautzen dituen 1955/2000 Errege Dekretuaren 114. artikuluari jarraiki.

2023ko abenduaren 7an, Energia Politikako eta Meatzeetako Zuzendaritza Nagusiak igorritako aldeko txostena jaso zen.

ZUZENBIDE OINARRIAK

1.– Proiektu Estrategikoen eta Industria Administrazioaren Zuzendaritza da espediente hau izapidetzeko eta ebazteko organo eskuduna, Ekonomiaren Garapen, Iraunkortasun eta Ingurumen Sailaren egitura organikoa eta funtzionala ezartzen duen otsailaren 23ko 68/2021 Dekretuaren 23. artikuluan xedatutakoaren arabera.

2.– Espediente hau izapidetzerakoan, energia elektrikoa ekoizteko, bete egin dira garraiatzeko eta banatzeko instalazioen administrazio-baimenaren prozedurak arautzen dituen martxoaren 31ko 48/2020 Dekretuak ezarritako xedapenak.

Aipatutako lege-xedapenak ikusita, eta oinarri hartuta zein diren oro har aplikagarri diren gainerako guztiak,

EBAZTEN DUT:

1.– Aurretiko administrazio-baimena eta eraikitzeko baimena ematea Red Eléctrica de España, S.A.U. enpresari, Artziniega (Araba), eta Gordexola eta Güeñes (Bizkaia) udalerrietan dagoen energia elektrikoa garraiatzeko Aiara 2 – La Jara TZ euskarriko 220 kV-ko linea berrindartzeko proiektuari dagokion instalaziorako.

Ebazpen hau ematen da 48/2020 Dekretuan xedatutakoaren arabera eta ondorengo baldintza orokorrak kontuan hartuz:

Onartutako proiektuari jarraiki egin beharko dira obrak, kasu bakoitzean eskatu eta baimenduko diren aldaketekin.

Martxan jartzeko epea hiru urtekoa izango da, ebazpen hau ematen den egunetik aurrera zenbatzen hasita.

Lanak amaitzean, instalazioen titularrak Arabako Lurralde Ordezkaritzari jakinarazi beharko dio lanen amaiera, behin betiko onarpena eman eta abian jartzeko akta egiteko.

Obrak egiteko beharrezkoak diren udal- eta probintzia-eskumeneko eta bestelako baimenak edo lizentziak edozein direla ere, eta haiek aparte utzi gabe ematen da ebazpen hau, eta eskatzaileak nahitaez eskuratu beharko ditu baimen horiek guztiak. Era berean, hirugarrenen eskubideak kaltetu gabe emango da, jabetza-eskubidea salbu utzita.

Ebazpen honek ez du administrazio-bidea amaitzen, eta, beronen aurka, gora jotzeko errekurtsoa jarri ahal izangozaio Industria sailburuordeari, hilabeteko epearen barruan, ebazpen hau jakinarazi eta hurrengo egunetik aurrera zenbatzen hasita, eta hori guztia, Herri Administrazioen Administrazio Prozedura Erkiadeari buruzko urriaren 1eko 39/2015 Legearen 121. eta hurrengo artikuluen arabera.

Vitoria-Gasteiz, 2024ko uztailaren 9a.

Proiektu Estrategikoen eta Industria Administrazioaren zuzendaria,

ZIGOR URQUIAGA URQUIZA.

Azterketa dokumentala