Euskal Herriko Agintaritzaren Aldizkaria

147. zk., 2024ko uztailaren 29a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

LEHENDAKARITZA

3683

EBAZPENA, 2024ko uztailaren 1ekoa, Emakunde-Emakumearen Euskal Erakundearen zuzendariarena, zeinaren bidez 2024. urtean dirulaguntzak ematen zaizkie emakumeen aurkako indarkeria-portaerei buruzko sentsibilizazio- eta prebentzio-jarduerak bultzatzen eta sustatzen dituzten erakunde, elkarte eta fundazioei.

Emakunde-Emakumearen Euskal Erakundearen zuzendariaren 2023ko abenduaren 7ko Ebazpenaren bidez, 2024. urtean dirulaguntzak emateko deialdia egin zen, hain zuzen ere dirulaguntzak emateko emakumeen aurkako indarkeria-portaerei buruzko sentsibilizazio- eta prebentzio-jarduerak bultzatzen eta sustatzen dituzten erakunde, elkarte eta fundazioei.

2023ko abenduaren 7ko Ebazpenaren 10. artikuluan ezartzen denez, eskabideak Emakunde-Emakumearen Euskal Erakundearen zuzendariak ebatziko ditu, Hautaketa Batzordeak proposatutakoaren arabera, eta ebazpena argitara emango da Eusko Jaurlaritzaren egoitza elektronikoaren iragarki-taulan eta Euskal Herriko Agintaritzaren Aldizkarian.

Ebazpen horretako 13. artikuluan xedatuarekin bat etorriz, dirulaguntza onartu ostean, emandako zenbatekoaren % 75 ordainduko da; bigarren ordainketa (gainerako % 25a), berriz, sortutako gastu guztiak 2025eko martxoaren 1era bitartean justifikatu ondoren.

Adierazitakoagatik, eta Hautaketa Batzordeak proposatutakoa kontuan hartuta, hau

EBAZTEN DUT:

Lehenengoa.– Dirulaguntzak ematea I. eranskinean zerrendatuta dauden erakunde, elkarte eta fundazioei: orotara, hirurehun mila (300.000,00) euro. Bakoitzari emandako zenbateko zehatza ere adierazten da eranskinean.

Bigarrena.– Ordezko izendatzea II. eranskinean aipatzen diren entitateak, kasuan-kasuan gehienez ere jaso dezaketen zenbatekoarekin.

Hirugarrena.– Laguntzak ukatzea III. eranskinean agertzen diren entitateei, han adierazten diren arrazoiengatik.

Laugarrena.– Agintzea ebazpen hau Eusko Jaurlaritzaren egoitza elektronikoaren iragarki-taulan eta Euskal Herriko Agintaritzaren Aldizkarian argitaratu dadila.

Bosgarrena.– Ebazpen honek amaiera ematen dio administrazio-bideari, eta, beronen aurka, interesdunek berraztertzeko errekurtsoa aurkez diezaiokete Emakunde-Emakumearen Euskal Erakundearen zuzendariari, hilabeteko epean, ebazpena jakinarazi eta hurrengo egunetik aurrera; bestela, administrazioarekiko auzi-errekurtsoa aurkez dezakete zuzenean, dagokion administrazioarekiko auzien epaitegian, hilabete biko epean, ebazpena jaso eta hurrengo egunetik aurrera.

Vitoria-Gasteiz, 2024ko uztailaren 1a.

Emakunde-Emakumearen Euskal Erakundearen zuzendaria,

MIREN ELGARRESTA LARRABIDE.

(Ikus .PDF)

Azterketa dokumentala