Euskal Herriko Agintaritzaren Aldizkaria

116. zk., 2024ko ekainaren 14a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

GOBERNANTZA PUBLIKO ETA AUTOGOBERNU SAILA

2885

70/2024 EBAZPENA, ekainaren 11koa, Jaurlaritzaren Idazkaritzako eta Legebiltzarrarekiko Harremanetarako zuzendariarena, Lezo-Gaintxurizketako (Gipuzkoa) terminal intermodal eta logistikoari buruzko informazio-azterlana definitzeko azterketak egiteko, Trenbide-espazioak Mugatzeko eta Erabiltzeko Proiektua egiteko, eta Trenbide-zerbitzuko Eremua Antolatzeko Plan Berezia zehazteko Red Ferroviaria Vasca-Euskal Trenbide Sareari egindako kudeaketa-gomendioa laugarren aldiz aldatzea baimentzen duen Erabakia argitaratzea xedatzen duena.

Gobernu Kontseiluak, ekainaren 4an egindako bilkuran, Lezo-Gaintxurizketako (Gipuzkoa) terminal intermodal eta logistikoari buruzko informazio-azterlana definitzeko azterketak egiteko, Trenbide-espazioak Mugatzeko eta Erabiltzeko Proiektua egiteko, eta Trenbide-zerbitzuko Eremua Antolatzeko Plan Berezia zehazteko Red Ferroviaria Vasca-Euskal Trenbide Sareari egindako kudeaketa-gomendioa laugarren aldiz aldatzea baimentzen duen Erabakia onartu zuen, eta behar bezalako publikotasuna emateko, honako hau

EBAZTEN DUT:

Artikulu bakarra.– Euskal Herriko Agintaritzaren Aldizkarian argitaratzea Lezo-Gaintxurizketako (Gipuzkoa) terminal intermodal eta logistikoari buruzko informazio-azterlana definitzeko azterketak egiteko, Trenbide-espazioak Mugatzeko eta Erabiltzeko Proiektua egiteko, eta Trenbide-zerbitzuko Eremua Antolatzeko Plan Berezia zehazteko Red Ferroviaria Vasca-Euskal Trenbide Sareari egindako kudeaketa-gomendioa laugarren aldiz aldatzea baimentzen duen Erabakiaren testua. Ebazpen honen eranskinean dago jasota.

Vitoria-Gasteiz, 2024ko ekainaren 11.

Jaurlaritzaren Idazkaritzako eta Legebiltzarrarekiko Harremanetarako zuzendaria,

MARÍA BEGOÑA OTALORA ARIÑO.

ERANSKINA, EKAINAREN 11KO 70/2024 EBAZPENARENA, JAURLARITZAREN IDAZKARITZAKO ETA LEGEBILTZARRAREKIKO HARREMANETARAKO ZUZENDARIARENA

ERABAKIA, ZEINAREN BIDEZ RED FERROVIARIA VASCA-EUSKAL TRENBIDE SAREARI EMANDAKO KUDEAKETA-GOMENDIO HONEN LAUGARREN ALDAKETA BAIMENTZEN BAITA: LEZO-GAINTXURIZKETAKO (GIPUZKOA) TERMINAL INTERMODAL ETA LOGISTIKOAREN INFORMAZIO-AZTERLANA, TRENBIDE-EREMUAK MUGATZEKO ETA ERABILTZEKO PROIEKTUA ETA TRENBIDE-ZERBITZUAREN GUNEA ANTOLATZEKO PLAN BEREZIA DEFINITZEKO AZTERLANAK EGITEA

Eusko Jaurlaritzako Ekonomiaren Garapen eta Azpiegitura Sailak eta Garraio, Mugikortasun eta Hiri Agendako Ministerioak lankidetza-protokolo bat sinatu zuten 2020ko urtarrilaren 22an, Lezo-Gaintxurizketako (Gipuzkoa) terminal intermodal eta logistikoa garatzeko behar den lankidetza bideratzeko, eta terminal intermodal eta logistikoa garatzeko behar diren informazio-azterlana eta eraikuntza-proiektuak egiteko. Terminal hori jasota dago Estatuko eta autonomia-erkidegoko plangintzan, bai eta Europar Batasunaren 1315/2013 (EB) Erregelamenduan ere. Protokolo hori 2022ko urtarrilaren 22an luzatu da. Protokolo horren arabera, Ekonomiaren Garapen eta Azpiegitura Sailak, betiere Garraio, Mugikortasun eta Hiri Agendako Ministerioarekin koordinatuta, aipatutako terminal intermodal eta logistiko horren informazio-azterlana eta eraikuntza-proiektuak definitzeko behar diren proiektuak eta azterlanak garatuko ditu, zeinek Interes Orokorreko Trenbide Sarera konektatzea ere ahalbidetuko baitute.

Gaur egun, Euskal Autonomia Erkidegoaren Administrazioko sailak sortu, ezabatu eta aldatzen dituen, eta horien egitekoak eta jardun-arloak finkatzen dituen lehendakariaren irailaren 6ko 18/2020 Dekretuaren 11. artikuluak Lurralde Plangintza, Etxebizitza eta Garraio Sailaren esku uzten ditu trenbideen gaineko egitekoak.

Lurralde Plangintza, Etxebizitza eta Garraio Sailaren egitura organikoa eta funtzionala ezartzen duen urtarrilaren 19ko 11/2021 Dekretuaren 16.2.a) eta e) artikuluek Garraio Azpiegituren Zuzendaritzari esleitzen dizkiote honako hauek, hurrenez hurren: batetik, Euskal Autonomia Erkidegoko Administrazioaren eskumenekoak diren garraio-azpiegiturak garatu eta mantentzeko inbertsioak planifikatu eta programatzea, eta, bestetik, Euskal Autonomia Erkidegoaren eta gainerako lurralde-administrazioen arteko lankidetzarako eta koordinazio ekonomiko, tekniko eta administratiborako tresnak proposatu eta prestatzea garraio-azpiegituren arloan.

Maiatzaren 21eko 6/2004 Legearen bidez, Red Ferroviaria Vasca-Euskal Trenbide Sarea zuzenbide pribatuko ente publikoa sortu zen, eta Eusko Jaurlaritzako Lurralde Plangintza, Etxebizitza eta Garraio Sailari atxikita dago. Red Ferroviaria Vasca-Euskal Trenbide Sarea ente publikoaren eskumena zabaltzen da Euskal Autonomia Erkidegoaren eskumenekoak diren eta kudeaketa-gomendioan ematen zaizkion trenbide-azpiegitura guztietara (egungoak edo etorkizunean eraikiko direnak).

Gainera, Red Ferroviaria Vasca-Euskal Trenbide Sarearen maiatzaren 21eko 6/2004 Legearen 5.4 artikuluaren arabera erakundearen helburuetan sartzen da, halaber, Jaurlaritzak agintzen dion eta, zuzenean edo zeharka, trenbide-garraioko azpiegiturak eraiki, zaindu eta administratzearekin zerikusia duen beste edozein eginkizun, eta, bereziki, hauek: azterlan eta proiektuak idaztearekin zerikusia duten eginkizunak, eta trenbide-garraioko politikari, telekomunikazio-zerbitzuei eta gune publikoen erabilerari loturik dauden azpiegituren kudeaketarekin zerikusia dutenak, edozein dela ere kudeaketa horretarako erabiltzen den negozio juridikoa, betiere zuzenbidean onartzen direnetakoa bada.

Aurretik xedatutakoa kontuan hartuta, Gobernu Kontseiluak 2020ko otsailaren 18an egindako bileran kudeaketa-gomendio hau eman zion Red Ferroviaria Vasca-Euskal Trenbide Sareari: Lezo-Gaintxurizketako (Gipuzkoa) terminal intermodal eta logistikoaren informazio-azterlana, trenbide-eremuak mugatzeko eta erabiltzeko proiektua –eta azken hori garatzen duen dokumentua– eta trenbide-zerbitzuen gunea antolatzeko plan berezia definitzeko azterlanak egitea. Hasieran esleitutako kredituak birbanatzeko eta jarduketen aurrekontu zenbatetsia moldatzeko, 2021eko maiatzaren 25ean, 2022ko uztailaren 26an eta 2023ko abuztuaren 29an erreferentziako gomendioa aldatzeko baimena eman da. Aurrekontua seiehun eta hogeita hamalau mila bostehun eta hirurogeita hamazortzi euro eta hogeita zortzi zentimokoa (634.578,28) izango da, BEZa barne. Hona hemen urteko zenbatekoak:

– 2020: 24.321,00 euro.

– 2021: 86.136,90 euro.

– 2022: 9.120,38 euro.

– 2023: 515.000,00 euro.

2024ko urtarrilaren 18an, 2020ko urtarrilaren 22an sinatutako protokoloa aldatzeko gehigarria sinatu zen. Eranskin horretan protokoloaren indarraldia aldatu zen, eta 84 hilabetekoa izango da, sinatzen den egunetik zenbatzen hasita.

Euskal Trenbide Sareak lanen exekuzio-mailari dagokionez planteatu dituen jarraibideen arabera, ezinbestekoa da hasieran aurreikusitako aurrekontu-banaketa moldatzea, eta hasieran zenbatetsitako aurrekontua egokitzea.

Ondorioz, Lurralde Plangintza, Etxebizitza eta Garraioetako sailburuak proposatuta, gaia eztabaidatu ondoren, Gobernu Kontseiluak erabaki hau hartu du:

ERABAKIA

Lehenengoa.– Red Ferroviaria Vasca-Euskal Trenbide Sareari 2020ko otsailaren 18an emandako eta 2021eko maiatzaren 25ean, 2022ko uztailaren 26an eta 2023ko abuztuaren 29an aldatutako kudeaketa-gomendioaren 6. puntua aldatzea –lanen balorazioa eta ordainketa–. Kudeaketa-gomendioa lan hauek egiteko eman zitzaion: Lezo-Gaintxurizketako (Gipuzkoa) terminal intermodal eta logistikoaren informazio-azterlana, trenbide-eremuak mugatzeko eta erabiltzeko proiektua –eta azken hori garatzen duen dokumentua– eta trenbide-zerbitzuaren gunea antolatzeko plan berezia definitzeko beharrezkoak diren azterlanak egitea.

Bigarrena.– Kudeaketa-gomendio hori burutzeko baldintza zehatzak erabaki honen eranskinean daude jasota.

Hirugarrena.– Kudeaketa-gomendio hau Euskal Herriko Agintaritzaren Aldizkarian argitaratzea.

ERANSKINA

6.– Lanen balorazioa eta ordainketa.

Seiehun eta hirurogeita lau mila bederatziehun eta hirurogeita hemeretzi euro eta berrogeita hamalau zentimokoa da (664.979,54), BEZa barne, gomendioan emandako lanen balorazioa, urteko ordainketa hauen arabera:

– 2020: 24.321,00 euro.

– 2021: 86.136,90 euro.

– 2022: 9.120,38 euro.

– 2023: 30.401,26 euro.

– 2024: 515.000,00 euro.

Enkargu honen ondorioz egiten diren lanak hilero ordainduko dira, egindako lanak justifikatu ondoren betiere. Horretarako, kasuan kasuko faktura aurkeztu beharko zaio Administrazioari.

Azterketa dokumentala