RSS
108. zk., 2024ko ekainaren 4a, asteartea
- Bestelako formatuak:
- PDF (93 KB - 1 orri.)
- EPUB (102 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Pribatuen iragarkiak
LKS, S. COOP. ETA INDABA CONSULTORES, S.L.U.
2717
IRAGARKIA, LKS, Koop. (sozietate xurgatzailea) eta Indaba Consultores, S.L.U. (sozietate xurgatua) sozietateek xurgapen bidez bat egiteari buruzkoa.
Aplikatu beharreko legerian ezarritakoarekin bat etorriz, jakinarazten da 2024ko maiatzaren 10ean, LKS, Koop. sozietatearen Ohiko Batzar Orokorrak eta Indaba Consultores, S.L.U.ren bazkide bakarrak, legeak eta estatutuak eskatzen dituzten gehiengoekin, sozietate horien bat-egitea onartu dutela, LKS, Koop. sozietateak Indaba Consultores, S.L.U. xurgatuta, eta 2023ko abenduaren 31n itxitako fusio-balantzeak onartuta. Balantze horiek kontu-auditoreek egiaztatu zituzten, eta bat datoz Gipuzkoako Merkataritza Erregistroan 2024ko apirilaren 3an eta Euskadiko Kooperatiben Erregistroan 2024ko apirilaren 15ean gordailututako bat-egite proiektuarekin. Xurgatutako sozietatea likidatu gabe desegingo da eta haren ondare guztia sozietate xurgatzaileari oso-osorik eskualdatuko zaio.
Euskadiko Kooperatiben Legearen 84. artikuluan ezarritakoarekin bat etorriz, LKS, Koop.eko bazkide guztiek kooperatibatik bereizteko eskubidea dutela adierazten da, baldin eta aurkako botoa eman badute, edo, batzarrera joan ez arren, beren desadostasuna adierazten badute administratzaileei zuzendutako idazki baten bidez, berrogei eguneko epean, bat-egiteko erabakiaren azken iragarpenetik zenbatzen hasita.
Jasota geratzen da, halaber, sozietate xurgatzailearen hartzekodunek aurka egiteko duten eskubidea. Eskubide hori hilabeteko epean egikaritu beharko da, bat-egiteko erabakiaren azken iragarpenaren egunetik zenbatzen hasita, hala badagokio, aplikatzekoa den legerian aurreikusitakoaren arabera.
Era berean, eta egiturazko aldaketei buruzko ekainaren 28ko 5/2023 Errege Lege Dekretuaren 10. artikuluan ezarritakoarekin bat etorriz, berariaz adierazten da bat-egitean parte hartzen duten sozietateetako bazkideek eta hartzekodunek eskubidea dutela hartutako erabakien eta bat-egitearen balantzeen testu osoa lortzeko.
Arrasate, 2024ko maiatzaren 20a.
LKS, Koop.eko Errektore Kontseiluko lehendakaria,
NEREA ALBERDI ARRIZABALAGA.
Indaba Consultores, S.L.U.ren administratzaile bakarra,
JESÚS DORRONSORO UGARTEMENDIA.