Euskal Herriko Agintaritzaren Aldizkaria

105. zk., 2024ko maiatzaren 30a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

EKONOMIAREN GARAPEN, JASANGARRITASUN ETA INGURUMEN SAILA

2619

EBAZPENA, 2024ko maiatzaren 13koa, Elikagaien Kalitate eta Industriako zuzendariarena, zeinaren bidez argitara ematen baitira elikagaien industriaren eremuko sektore estrategiko eta bultzatzaileak, Lehiatu Inbertsioa 2024 deialdiari eta gerokoei begira.

Nekazaritza eta Elikadura Politikako Batzordeak 2023ko urriaren 5eko bileran erabaki zuen, nekazaritzako produktuak, elikagaiak eta arrantzako eta akuikulturako produktuak eraldatzeko, garatzeko eta merkaturatzeko laguntzen deialdiari begira (Lehiatu Berria programa, gaur egun Lehiatu Inbertsioa dena), estrategikotzat hartzea elikagaien industriaren eremuko sektoreak: behi-aziendaren esnekien eraldaketa, eta nekazaritza ekologikotik datozen produktuak eraldatzeko eta merkaturatzeko elikagaien industria-sektorea, azken horrentzako baldintza izanik proiektua produktu ekologiko eraldatuak lortzeko bakarrik izatea eta lehengaia Euskal Autonomia Erkidegoan kokatutako ustiategien % 70ekoa izatea gutxienez.

Berriki, 2024ko apirilaren 18an, Nekazaritza, Elikadura eta Landa Garapen Politikako Batzordeak estrategikotzat jotako sektoreak eguneratu ditu, foru-aldundiek eta Eusko Jaurlaritzak aplika ditzaketen laguntza-programetan kontuan har daitezen.

Hori dela-eta, honako hau

EBAZTEN DUT:

Argitara ematea Nekazaritza, Elikadura eta Landa Garapen Politikako Batzordeak 2024ko apirilaren 18ko bileran estrategikotzat jo dituen sektoreak. Ondorioz, sektore horiek kontuan izango dira foru-aldundiek eta Eusko Jaurlaritzak aplika ditzaketen laguntza-programetan. Honako hauek dira:

• Esnetarako behiak.

• Haragitarako behiak.

• Ereiteko patata.

Horrez gain, nekazaritza ekologikotik ateratzen diren proiektuen eraldatzea eta merkaturatzea ere sektore estrategikotzat hartuko da, baldin eta proiektua produktu ekologikoak lortzeko bakarrik bada eta lehengaia Euskal Autonomia Erkidegoan kokatutako ustiategien % 70ekoa bada gutxienez.

Eraldatzeko eta merkaturatzeko prozesuetan, soilik izango da estrategikoa lehengaien gutxienez % 70 EAEko ustiategietatik badator.

Foru-aldundien laguntza-programetan, aldundiek ezarriko dituzte sektoreak estrategikotzat jotzeko aplikatu behar diren irizpideak.

Lehiatu Inbertsioa programari dagokionez, 2024ko eta geroko urteetako deialdietan honela aplikatuko dira:

• Esnetarako behiak: behi-aziendatik datozen esnekiak eraldatzea eta merkaturatzea.

• Haragitarako behiak: behi-haragitik datozen haragi-produktuak eraldatzea eta merkaturatzea.

• Ereiteko patata: eraldatzea eta merkaturatzea.

• Nekazaritza ekologikotik datozen produktuak, baldin eta proiektua produktu ekologikoak lortzeko bakarrik bada: eraldatzea eta merkaturatzea.

Eraldatzeko eta merkaturatzeko prozesuetan, soilik izango da estrategikoa lehengaien gutxienez % 70 EAEko ustiategietatik badator.

Vitoria-Gasteiz, 2024ko maiatzaren 13a.

Elikagaien Kalitate eta Industriako zuzendaria,

RAÚL PÉREZ IRACHETA.

Azterketa dokumentala