Euskal Herriko Agintaritzaren Aldizkaria

51. zk., 2024ko martxoaren 11, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

SEGURTASUN SAILA

1257

IRAGARKIA, zeinaren bidez epatzen baitira Vitoria-Gasteizko Administrazioarekiko Auzien 1 zenbakiko Epaitegian izapidetzen ari den 423/2023 prozedura laburtuan interesa dutenak.

Segurtasun Saileko Giza Baliabideen zuzendariak erabaki du Vitoria-Gasteizko Administrazioarekiko Auzien 1 zenbakiko Epaitegira bidaltzea honako prozedura honi buruzko administrazio-espedientea:

423/2023 prozedura laburtua. Prozedura horretan, 21010 eta J41H5 ZP dituzten karrerako funtzionarioek Administrazio eta Zerbitzuen sailburuordearen 2023ko irailaren 21eko Ebazpenen aurkako errekurtsoak aurkeztu dituzte. Ebazpen horien bidez, ezetsi egin ziren merezimendu-lehiaketa sistema duten lanpostuei dagozkien merezimendu orokorrak baloratzeaz arduratzen den Batzordearen 2023ko ekainaren 1eko Erabakiaren aurkako gora jotzeko errekurtsoak, 2022ko abenduaren 5eko ebazpenez deitutako prozeduretan (C248/C249/C250).

Horregatik, Administrazioarekiko auzien jurisdikzioa arautzen duen uztailaren 13ko 29/1998 Legeak 49.1 artikuluan xedatutakoaren arabera, prozeduran interesa duten pertsonak epatzen dira, bederatzi eguneko epearen barruan, iragarki hau Estatuko Aldizkari Ofizialean argitaratu eta hurrengo egunetik aurrera, Vitoria-Gasteizko Administrazioarekiko Auzien 1 zenbakiko Epaitegian bertaratu ahal izateko, egoki baderitzote, beren legezko interesen alde egiteko.

Vitoria-Gasteiz, 2024ko otsailaren 19a.

Giza Baliabideen zuzendaria,

IZASKUN URIEN AZPITARTE.

Azterketa dokumentala