RSS
39. zk., 2024ko otsailaren 22a, osteguna
- Bestelako formatuak:
- PDF (117 KB - 1 orri.)
- EPUB (103 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
URAREN EUSKAL AGENTZIA
951
IRAGARKIA, zeinaren bidez jendaurrean jartzen baita proiektu hau: Ollerietako ur-emaria neurtzeko estazio bat eraikitzeko proiektua.
Uraren Euskal Agentziaren zuzendari nagusiaren 2024ko otsailaren 9ko Ebazpenaren bidez, hasieran onartu zen Ollerietako ur-emaria neurtzeko estazio bat eraikitzeko proiektua.
Proiektu honen xedea da ur-emaria neurtzeko estazio bat egitea Undabe ibaiaren beheko tartean, Legutioko udalerrian, Elosuko kontzejuan, Ollerieta auzoan. Estazio berria Undabe ibaian beherako eremuan egingo da, Urrunagako urtegiaren bokaletik gertu. Estazioan parametro hidrologikoak neurtuko dira eta eraikuntza justifikatuta dago gaur egun eremu horri buruzko informaziorik ez dagoelako eta, bereziki, Urrunagako urtegira isuri aurretik, Undabe ibaiaren ibilguaren emari zirkulatzaileari buruzko datuak ezagutzeko interesagatik. Hain zuzen ere, aurreikusitako jarduketen bidez, profil triangeluarreko zabortegi bat eraikiko da, Crump aldatu motakoa, bai eta ur-emaria neurtzeko etxola bat ezkerraldean ere, 3,50 x 3,00 metroko oinplanokoa, non neurketa-ekipoak jarriko diren.
Proiektuari ingurumen-inpaktuaren ebaluazio sinplifikatua egiten zaio, Ingurumen-ebaluazioari buruzko abenduaren 9ko 21/2013 Legearen 7.2.b) artikuluan aurreikusitakoaren arabera, bai eta Euskal Autonomia Erkidegoko Ingurumen Administrazioaren abenduaren 9ko 10/2021 Legearen II.E eranskinaren 3. puntuan ezarritakoaren arabera ere. Horretarako, ezarritako prozedurak jarraitu dira, eta 2023ko maiatzaren 16an ingurumen-inpaktuaren txostena egin zen, Ingurumenaren Kalitatearen eta Ekonomia Zirkularraren zuzendariaren ebazpen bidez.
Administrazio Publikoen Administrazio Prozedura Erkidearen urriaren 1eko 39/2015 Legearen 83. artikuluarekin bat etorriz, proiektua jendaurrean jartzen da hogei (20) egun balioduneko epean, iragarki hau argitaratu eta hurrengo egunetik aurrera, egoki iritzitako alegazioak aurkez daitezen.
Obren proiektua interesdunen eskura egongo da Uraren Euskal Agentziaren webgunean Obra hidraulikoaren sekzioan (www.uragentzia.euskadi.eus)
Vitoria-Gasteiz, 2024ko otsailaren 12a.
Uraren Euskal Agentziako zuzendari nagusia,
ANTONIO AIZ SALAZAR.