24. zk., 2024ko otsailaren 1a, osteguna
- Bestelako formatuak:
- PDF (172 KB - 3 orri.)
- EPUB (165 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
EUSKAL HERRIKO UNIBERTSITATEA
557
EBAZPENA, 2024ko urtarrilaren 15ekoa, Universidad del País Vasco / Euskal Herriko Unibertsitateko Graduondoko eta Etengabeko Prestakuntzaren arloko errektoreordearena, non argitaratzea agintzen baita Bartzelonako Unibertsitate Autonomoan; Madrilgo Unibertsitate Autonomoan; Madrilgo Unibertsitate Konplutentsean; Kantabriako Unibertsitatean; Granadako Unibertsitatean; Santiagoko Unibertsitatean; Zaragozako Unibertsitatean; Euskal Herriko Unibertsitatean eta Valentziako Unibertsitatean (Estudi General) irakatsitako Historia Garaikideari buruzko Unibertsitate Masterraren ikasketa plana.
Unibertsitateen Kontseiluak ikasketa planaren egiaztapena lortu duelarik, Unibasq Euskal Unibertsitate Sistemaren Kalitate Agentziaren aldeko txostena jaso ondoren, Euskal Autonomia Erkidegoaren baimena (2023ko abuztuaren 11ko Euskal Herriko Agintaritzaren Aldizkaria) eta tituluaren ofizialtasuna 2023ko urriaren 17ko Ministro Kontseiluaren Erabakiaz ezarri dela aintzat hartuta (2023ko urriaren 30eko Estatuko Aldizkari Ofizialean argitaratua).
Errektorego honek, Unibertsitate Sistemari buruzko martxoaren 22ko 2/2023 Lege Organikoaren 8. artikuluan eta 822/2021 Errege Dekretuaren 27.4 artikuluan xedatutakoarekin bat etorriz, honako hau
EBATZI DU:
Agintzea Historia Garaikideari buruzko Unibertsitate Masterraren titulua lortzera bideratutako baterako ikasketa plana argitara dadin, Bartzelonako Unibertsitate Autonomoan, Madrilgo Unibertsitate Autonomoan, Madrilgo Unibertsitate Konplutentsean, Kantabriako Unibertsitatean, Granadako Unibertsitatean, Santiagoko Unibertsitatean, Zaragozako Unibertsitatean, Euskal Herriko Unibertsitatean eta Valentziako Unibertsitatean (Estudi General) irakatsiko dena, erabaki honen eranskinean jasotako baldintzetan.
Leioa, 2024ko urtarrilaren 15a.
Errektorea,
EVA FERREIRA GARCÍA.
Eskuordetzaz (2021eko urtarrilaren 28ko Ebazpena, 2021-02-12ko EHAA)
Graduondokoaren eta Etengabeko Prestakuntzaren arloko errektoreordea,
MONTSERRAT MARITXALAR ANGLADA.