Euskal Herriko Agintaritzaren Aldizkaria

20. zk., 2024ko urtarrilaren 26a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

EUSKAL HERRIKO UNIBERTSITATEA

422

EBAZPENA, 2024ko urtarrilaren 18koa, Universidad del País Vasco / Euskal Herriko Unibertsitateko Irakasle-ikertzaileen arloko errektoreordearena, irakasle agregatuen plazak betetzeko lehiaketari buruzko 2023ko abenduaren 14ko Ebazpena zuzentzeko dena.

AURREKARIAK

Lehenengoa.– 2023ko abenduaren 14ko ebazpenaren bidez (2023ko abenduaren 29ko EHAA), deialdi publikoa egin zen UPV/EHUko irakasle agregatuen plazak betetzeko; horien artean, 60. zenbakiduna zelarik, erakundearen barruko kudeaketan AGC8L1-D01591-12 kodearekin identifikatzen dena, Pintura jakintza arlokoa.

Bigarrena.– Deialdiaren oinarrien I. eranskinean, errakuntza antzeman da profila osatzen duten ikasgaietako batean. Izan ere, «Pintura, Teknologiak eta Diziplinartekotasuna» eta «Pintura praktikara bideratutako Artearen Kritika, Estetika eta Teoria» irakasgaien ordez, «Pintura, Teknologiak eta Diziplinartekotasuna» eta «Paisaia eta adierazkortasun pintura» jarri behar dira.

ZUZENBIDEKO OINARRIAK

Lehenengoa.– Irakasle-ikertzaileen arloko errektoreordeak eskumena du, eskuordetzaz, ebazpen hau emateko, Universidad del País Vasco / Euskal Herriko Unibertsitateko errektoreak 2021eko urtarrilaren 28an gobernu taldearen egitura eta funtzionamendu arloak zehazteko, eta eskumenak eskuordetzeko emandako ebazpenak (2021eko otsailaren 12ko EHAA) eskumenak eskuordetuta.

Bigarrena.– 39/2015 Legeak, urriaren 1ekoak, Administrazio Publikoen Administrazio Prozedura Erkidearenak, honako hau ezartzen du 109.2 artikuluan:

«Administrazio publikoek edozein unetan zuzendu ditzakete, ofizioz edo interesdunek eskaturik, beren egintzetako oker materialak, egitezkoak edo aritmetikoak.»

Horregatik guztiagatik, honako hau

EBATZI DUT:

Lehenengoa.– Zuzentzea, 2023ko abenduaren 14ko ebazpenaren bidez onartutako deialdiaren oinarrien I. eranskinean barne ondorioetarako AGC8L1-D01591-12 kodeaz deskribatutako lanpostuaren profila osatzen duten irakasgaiak honela zuzentzea:

hau dioen lekuan:

Plaza zenbakia: 60. Kodea: AGC8L1 - D01591-12. Kategoria: Irakasle agregatuak. Jakintza arloa: Pintura. Saila: Pintura. Ikastegia: Arte Ederren Fakultatea. Hizkuntza eskakizuna: Elebiduna. Arduraldia: Osoa. Irakatsi beharreko irakasgaiak: «Pintura, Teknologiak eta Diziplinartekotasuna» eta «Pintura praktikara bideratutako Artearen Kritika, Estetika eta Teoria».

beste hau jarri behar da:

Plaza zenbakia: 60. Kodea: AGC8L1 - D01591-12. Kategoria: Irakasle agregatuak. Jakintza arloa: Pintura. Saila: Pintura. Ikastegia: Arte Ederren Fakultatea. Hizkuntza eskakizuna: Elebiduna. Arduraldia: Osoa. Irakatsi beharreko irakasgaiak: «Pintura, Teknologiak eta Diziplinartekotasuna» eta «Paisaia eta adierazkortasun pintura».

Bigarrena.– Jakinaraz dakion honako erabaki hau dagokion sailari eta argitara dadin Unibertsitatearen webgunean (Irakasleen atala - tramitean diren Deialdiak). Har beza kontuan hala dagokion Irakasle-ikertzaileen Zerbitzuko atalak.

Errekurtsoak:

Ebazpen honen kontra aukerako berraztertze errekurtsoa jar dakioke UPV/EHUko Irakasle ikertzaileen arloko errektoreordeari hilabeteko epean, edo, bestela, administrazioarekiko auzi errekurtsoa jar daiteke zuzenean Bilboko administrazioarekiko auzietako dagokion epaitegian bi hilabeteko epean, ebazpen hau argitaratu eta biharamunean zenbatzen hasita.

Leioa, 2024ko urtarrilaren 18a.

Irakasle-ikertzaileen arloko errektoreordea,

FEDERICO RECART BARAÑANO.

Azterketa dokumentala