Euskal Herriko Agintaritzaren Aldizkaria

19. zk., 2024ko urtarrilaren 25a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

EKONOMIAREN GARAPEN, JASANGARRITASUN ETA INGURUMEN SAILA

397

EBAZPENA, 2023ko azaroaren 23koa, Ingurumen Jasangarritasunaren sailburuordearena, zeinaren bidez berrikusi eta aldatzen baita Elmubas Ibérica SLri emandako ingurumen-baimen integratua, Azpeitiko udalerrian (Gipuzkoa) lagun egiteko animalientzako pentsua fabrika dezan eman zitzaiona.

EGITATEAK

1.– Ingurumen Jasangarritasunaren sailburuordearen hasierako 2018ko abuztuaren 3ko Ebazpenaren bidez (AAI00335), ingurumen-baimen integratua eman zitzaion Elmubas Ibérica SL sozietateak Azpeitiko udal-mugartean (Gipuzkoa) sustatzen duen lagun egiteko animalientzako pentsuak fabrikatzeko instalazioari, abenduaren 16ko 1/2016 Legegintzako Errege Dekretuaren babesean (Kutsaduraren prebentzio eta kontrol integratuari buruzko Legearen testu bategina onartzen duena).

2.– Ingurumen Jasangarritasunaren sailburuordearen 2018ko abuztuaren 3ko Ebazpenaren bidez (AAI00335), 16-I-01-000000000335 erregistro-kodea esleitu zitzaion Elmubas Ibérica SLk ustiatutako instalazioari.

3.– 2019ko urriaren 15ean, urriaren 10eko TEC/1023/2019 Agindua argitaratu zen Estatuko Aldizkari Ofizialean, zeinetan ezartzen baita noiztik aurrera eskatu ahal izango zaien nahitaezko finantza-bermea Ingurumen Erantzukizunari buruzko urriaren 23ko 26/2007 Legearen III. eranskinean jasotako jarduerei –ekainaren 22ko ARM/1783/2011 Aginduaren bidez 3. lehentasun-mailakotzat sailkatuak–.

4.– 2019ko abenduaren 4an, 2019/2031 Betearazpen Erabakia (EB), Batzordearena, 2019ko azaroaren 12koa, argitaratu zen Europako Batzordearen Aldizkari Ofizialean, zeinaren bidez ezartzen baitziren elikagaien, edarien eta esnearen industrietako teknika erabilgarri onenei (TEO) buruzko ondorioak, 2010/75/EB Zuzentarauaren, Europako Parlamentuaren eta Kontseiluarenaren, arabera (C/2019/7989).

5.– 2020ko urtarrilaren 27an, Euskal Herriko Agintaritzaren Aldizkarian argitaratu zen 4/2020 Dekretua, urtarrilaren 21ekoa, zeinaren bidez indargabetu egiten baita irailaren 25eko 183/2012 Dekretua, Ingurumeneko administrazio-prozeduretan zerbitzu elektronikoen erabilera arautzeko eta ingurumenean eragina duten jardueren Euskal Autonomia Erkidegoko erregistroa sortzeko eta arautzeko dena.

6.– 2020ko urtarrilaren 30ean, Elmubas Ibérica SLk baimenaren (AAI00335_MNS_2020_001) aldaketa ez-funtsezkoa eskatu zuen, lehengaia eta produktu bukatua biltegiratzeko gaitasuna handitzeko, eta horretarako, egungo instalazioaren aldameneko bi pabiloi gaitu ziren. Organo honek aldaketa ez-funtsezkoa zela baieztatu zuen 2020ko otsailaren 11n.

7.– 2021eko otsailaren 8an, Elmubas Ibérica SLk baimenaren funtsezko aldaketa eskatu zuen, produkzio-gaitasuna handitzeko proiekturako (AAI00335_MS_2020_002).

8.– Ingurumen Jasangarritasunaren sailburuordearen 2021eko ekainaren 21eko ebazpenaren bidez, ingurumen-inpaktuaren adierazpena formulatu zen, eta aldatu egin zen Elmubas Ibérica SLri emandako ingurumen-baimen integratua, Azpeitiko udalerrian (Gipuzkoa) lagun egiteko animalientzako pentsua fabrika zezan eman zitzaiona.

9.– 2023ko otsailaren 1ean, instalazioaren titularrak instalazio baimenduan aldaketa bat egiteko asmoa jakinarazi zion Euskal Autonomia Erkidegoko ingurumen-organoari, eta aldaketa hori funtsezkoa ez zela ere bai. Horretarako, AAI00335_MNS_2022_001 dokumentazioa erantsi zuen, aldaketa hori funtsezkoa ez dela justifikatzeko.

10.– Organo orri jakinarazitako aldaketaren bidez, eskatu egin zuen izurriak sanitizatu eta kontrolatzeko hondakin arriskutsu fitosanitario berri baterako (060205 EHZ) baimena.

11.– 2023ko abuztuaren 11n, ingurumen-organoak, baimena berrikuste aldera, honako hauek helarazteko eskatu zion Elmubas Ibérica SLri: instalazioaren funtzionamenduaren eta ondorioetan deskribatutako teknika erabilgarri onenen arteko alderaketa bat eta instalazioari buruzko bestelako dokumentuak.

12.– 2023ko abuztuaren 18an, ingurumen-baimen integratua berrikusteko eskatutako dokumentazioa aurkeztu zuen Elmubas Ibérica SLk.

13.– Ikusi eta gero nahikoa zela aurkeztutako dokumentazioa, Ingurumenaren Kalitatearen eta Ekonomia Zirkularraren zuzendariaren 2023ko abuztuaren 29ko Iragarkiaren bidez, Elmubas Ibérica SLren ingurumen-baimen integratuaren berrikuspena jendaurrean jarri zen 30 egun balioduneko epean, egoki iritzitako alegazioak aurkezteko. Euskal Herriko Agintaritzaren Aldizkarian argitaratu zen iragarkia, 2023ko irailaren 8an.

14.– Ingurumen-baimen integratua jendaurrean jartzeko izapideak amaituta, egiaztatu da ez dela alegaziorik aurkeztu.

15.– Urriaren 18ko 815/2013 Errege Dekretuaren 16. artikuluan xedatutakoa aplikatuz, 2023ko irailaren 11n, Eusko Jaurlaritzako Ingurumen Kalitatearen eta Ekonomia Zirkularraren Zuzendaritzak txostena eskatu zion Gipuzkoako Ur Kontsortzioari, eta, 2023ko urriaren 17an, Gipuzkoako Osasun Publikoaren Zuzendariordetzari, Larrialdiei Aurre Egiteko eta Meteorologiako Zuzendaritzari eta Azpeitiko Udalari.

16.– Azaroaren 8an, Azpeitiko Udalak eta Larrialdiei Aurre Egiteko Zuzendaritzak txosten bana bidali zuten, eta espedientean jaso da txosten horien emaitza.

17.– 2023ko azaroaren 15ean, Kutsaduraren Prebentzio eta Kontrol Integratuari buruzko Legearen 20. artikuluan xedatutakoa betez, Elmubas Ibérica SLren esku utzi zen espediente osoa.

18.– 2023ko azaroaren 17an, Elmubas Ibérica SLk idazki bat igorri zuen alegaziorik ez dagoela adierazteko.

ZUZENBIDEKO OINARRIAK

1.– 2016ko abenduaren 31n, Estatuko Aldizkari Ofizialean argitaratu zen 1/2016 Legegintzako Errege Dekretua, abenduaren 16koa, Kutsaduraren Prebentzio eta Kontrol Integratuari buruzko Legearen testu bategina onartzen duena.

2.– Aipatutako testu bateginaren 26. artikuluan daude ezarrita baimena berrikusteko baldintzak. Horri jarraituz, lau urteko epean, instalazioaren jarduera nagusiari dagozkion TEOen inguruko ondorioak argitaratzen direnetik aurrera, organo eskudunak ziurtatuko du instalazioaren baimenaren baldintza guztiak berrikusi direla eta, beharrezkoa izanez gero, egokitu direla, eta instalazioak aipatutako TEO erreferentzia-agirien ondorio aplikagarriak betetzen dituela.

3.– Hori horrela izanik, ingurumen-baimen integratua berrikusi behar da Batzordearen 2019/2031 2019ko azaroaren 12ko Betearazpen Erabakira egokitzeko, zeinaren bidez ezartzen baitziren elikagaien, edarien eta esnearen industrietako teknika erabilgarri onenei (TEO) buruzko ondorioak, Europako Parlamentuaren eta Kontseiluaren 2010/75/EB Zuzentarauaren arabera (C/2019/7989).

4.– Ingurumen-baimen integratua eman ondoren, ingurumenari buruzko araudi berria promulgatu da; beraz, Ingurumen Jasangarritasunaren sailburuordearen 2018ko abuztuaren 3ko Ebazpenaren baldintzak egokitu egin behar dira, ofizioz, indarrean dagoen araudi berrira, Ebazpen horren laugarren apartatuan jasotzen denari eta Ingurumen-ebaluazioari buruzko abenduaren 9ko 21/2013 Legearen 44. artikuluan ezarritakoari jarraikiz.

5.– Ebazpen honetan, kontuan izan dira teknika erabilgarri onenak eta aplikatzekoa den sektoreko legeriak zehaztutako neurriak eta baldintzak, bai instalazioak gehienez isur edo igor ditzakeen gai kutsagarrien muga-balioak zehazteko, bai ingurumen osoa ahalik eta gehien babesteko asmoz instalazioaren ustiapenari ezarriko zaizkion bestelako baldintzak zehazteko. Zehazki, Europako Batzordearen BREF dokumentu honen edukia hartu da kontuan: Elikagaien, edarien eta esnearen industrietako teknika erabilgarri onenak (TEO) («Best Available Techniques (BAT) Reference Document for the Food, Drink and Milk Industries»), 2019.

6.– Instalazioko isuri atmosferikoei eta zarataren sorrerari dagokienez, adierazi behar da IPPC Legeak 1. artikuluan ezartzen duela bere helburua atmosferaren, uraren eta lurzoruaren kutsadura saihestea dela, edo, hori ezinezkoa denean, kutsadura hori murriztu eta kontrolatzea, ingurumena ahalik eta gehien babesteko.

7.– Aipatutako IPPC Legearen 3. artikuluak honela definitzen ditu «teknika erabilgarri onenak»: oinarri jakin bat eratzeko teknika batzuen gaitasun praktikoa frogatzen duten jardueren eta ustiapen moten garapen faserik eraginkorrena eta aurreratuena; zehazki, isurtzeko muga-balioen oinarria eratzeko eta emisioak eta ingurumen osoan eta pertsonen osasunean emisioek duten eragina saihesteko edo –hori saihetsezina denean– murrizteko baimenaren beste baldintza batzuen oinarria eratzeko teknikak darabiltzaten jardueren eta ustiapen moten garapen faserik eraginkorrena eta aurreratuena.

8.– Administrazio Publikoen Administrazio Prozedura Erkidearen urriaren 1eko 39/2015 Legearen 72. artikulua aplikatuko da, zeina izapideen kontzentrazioari buruzkoa baita: «Administrazioa sinplifikatzeko printzipioarekin bat, egintza bakar batean erabakiko dira izaeragatik batera bultza daitezkeen eta nahitaez bata bestearen ondoren bete beharrekoak ez diren izapide guztiak».

9.– Ingurumen Jasangarritasuneko Sailburuordetzak Ebazpen hau emateko eskumena du, Ekonomiaren Garapen, Jasangarritasun eta Ingurumen Saileko egitura organikoa eta funtzionala ezartzeko den otsailaren 23ko 68/2021 Dekretuan xedatutakoaren arabera.

Aipatutako legeria, eta gai honetan aplikatu behar diren gainerako xedapen guztiak aintzat hartuta, honako hau

EBAZTEN DUT:

Lehenengoa.– Funtsezkoa ez den baina ingurumen-baimen integratua aldarazten duen aldaketatzat jotzea Elmubas Ibérica SLk jakinarazitako aldaketa-proiektua (AAI00335_MNS_2022_001), Azpeitian (Gipuzkoa) lagun egiteko animalientzako pentsuak fabrikatzeko jarduerarena.

Bigarrena.– Elmubas Ibérica SLri Azpeitiko udal-mugartean lagun egiteko animalientzako pentsuak fabrikatzeko 2018ko abuztuaren 3ko Ebazpenaren bidez emandako ingurumen-baimen integratua berrikustea, Batzordearen 2019ko azaroaren 12ko (EB) 2019/2031 Betearazpen Erabakian jasotako baldintzetan.

Hirugarrena.– Aldatzea, ebazpen honi atxikitako eranskinean zehaztutako moduan, ingurumen-baimen integratuaren honako apartatu hauek:

– Lehenengoa.

– Bigarrena.

Laugarrena.– Ebazpen hau jakinaraztea Elmubas Ibérica SL enpresari, Azpeitiko Udalari, ingurumen-baimen integratua berrikusteko prozeduran parte hartu duten erakundeei, eta gainerako interesdunei.

Errekurtsoak:

Egintza honek ez du administrazio-bidea amaitzen, eta, haren aurka, gora jotzeko errekurtsoa jarri ahalko zaio Ekonomiaren Garapen, Jasangarritasun eta Ingurumeneko sailburuari, jakinarazpena egin eta hurrengo egunetik aurrera hilabeteko epean, bat etorriz Administrazio Publikoen Administrazio Prozedura Erkidearen urriaren 1eko 39/2015 Legearen 121. eta 122. artikuluetan xedatutakoarekin.

Vitoria-Gasteizen, 2023ko azaroaren 23an.

Ingurumen Jasangarritasunaren sailburuordea,

AITOR ALDASORO ITURBE.

(Ikus .PDF)

Azterketa dokumentala