Euskal Herriko Agintaritzaren Aldizkaria

19. zk., 2024ko urtarrilaren 25a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

EUSKAL HERRIKO UNIBERTSITATEA

394

EBAZPENA, 2024ko urtarrilaren 18koa, Universidad del País Vasco / Euskal Herriko Unibertsitateko Irakasle-ikertzaileen arloko errektoreordearena, irakasle agregatuen plazak betetzeko lehiaketari buruzko 2023ko abenduaren 14ko Ebazpena zuzentzeko dena.

AURREKARIAK

Lehenengoa.– 2023ko abenduaren 14ko ebazpenaren bidez (2023ko abenduaren 29ko EHAA), deialdi publikoa egin zen UPV/EHUko irakasle agregatuen plazak betetzeko; horien artean, 5. zenbakiduna zelarik, erakundearen barruko kudeaketan AGC8L1-D00051-33 kodearekin identifikatzen dena, Didaktika eta Eskola Antolakuntza jakintza arlokoa.

Bigarrena.– Deialdiaren oinarrien I. eranskinean, errakuntza antzeman da profila osatzen duten irakasgaietan, «Matematikako tailerra» agertu beharrean, «Hizkuntzen Didaktikarako Ikuspegi Berriak» agertu behar delarik.

ZUZENBIDEKO OINARRIAK

Lehenengoa.– Irakasle-ikertzaileen arloko errektoreordeak eskumena du, eskuordetzaz, ebazpen hau emateko, Universidad del País Vasco / Euskal Herriko Unibertsitateko errektoreak 2021eko urtarrilaren 28an gobernu taldearen egitura eta funtzionamendu arloak zehazteko, eta eskumenak eskuordetzeko emandako ebazpenak (otsailaren 12ko EHAA) eskumenak eskuordetuta.

Bigarrena.– 39/2015 Legeak, urriaren 1ekoak, Administrazio Publikoen Administrazio Prozedura Erkidearenak, honako hau ezartzen du 109.2 artikuluan:

«Administrazio publikoek edozein unetan zuzendu ditzakete, ofizioz edo interesdunek eskaturik, beren egintzetako oker materialak, egitezkoak edo aritmetikoak.»

Horregatik guztiagatik, honako hau

EBATZI DUT:

Lehenengoa.– Zuzentzea, 2023ko abenduaren 14ko ebazpenaren bidez onartutako deialdiaren oinarrien I. eranskinean deskribatutako AGC8L1-D00051-33 barne-ondorioetarako kodetutako lanpostuaren profila osatzen duten irakasgaiak honela zuzentzea:

Hau dioen lekuan:

Plaza zenbakia: 5. Kodea: AGC8L1 - D00051-33. Kategoria: Irakasle agregatuak. Jakintza arloa: Hizkuntzaren eta Literaturaren Didaktika: Saila: Hizkuntzaren eta Literaturaren Didaktika: Ikastegia: Bilboko Hezkuntza Fakultatea. Hizkuntza eskakizuna: Elebiduna. Arduraldia: Osoa. Irakatsi beharreko irakasgaiak: «Matematikako tailerra».

Beste hau jarri behar da:

Plaza zenbakia: 5. Kodea: AGC8L1 - D00051-33. Kategoria: Irakasle agregatuak. Jakintza arloa: Hizkuntzaren eta Literaturaren Didaktika: Saila: Hizkuntzaren eta Literaturaren Didaktika: Ikastegia: Bilboko Hezkuntza Fakultatea. Hizkuntza eskakizuna: Elebiduna. Arduraldia: Osoa. Irakatsi beharreko irakasgaiak: «Hizkuntzen Didaktikarako Ikuspegi Berriak».

Bigarrena.– Jakinaraz dakion honako erabaki hau dagokion sailari eta argitara dadin Unibertsitatearen webgunean (Irakasleen atala - tramitean diren Deialdiak). Har beza kontuan hala dagokion Irakasle-ikertzaileen Zerbitzuko atalak.

AZKEN XEDAPENA

Ebazpen honen kontra aukerako berraztertze errekurtsoa jar dakioke UPV/EHUko Irakasle ikertzaileen arloko errektoreordeari hilabeteko epean, edo, bestela, administrazioarekiko auzi errekurtsoa jar daiteke zuzenean Bilboko administrazioarekiko auzietako dagokion epaitegian bi hilabeteko epean, ebazpen hau argitaratu eta biharamunean zenbatzen hasita.

Leioa, 2024ko urtarrilaren 18a.

Irakasle-ikertzaileen arloko errektoreordea,

FEDERICO RECART BARAÑANO.

Azterketa dokumentala