Euskal Herriko Agintaritzaren Aldizkaria

2. zk., 2024ko urtarrilaren 3a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

URAREN EUSKAL AGENTZIA

35

IRAGARKIA, zeinaren bidez jendaurrean jartzen den Eibar Udalerriko (Gipuzkoa) Gorosta auzoan dagoen Iturri Baztarra iturburuko ura etxeko erabilerarako, abeltzaintzarako eta ureztatzerako aprobetxatzeko administrazio-emakidaren eskaeraren espedientea.

Espedientearen kodea: A-G-2023-0008.

Eskatzailea: Iturri Baztarra Erabiltzaileen Elkargoa.

Jardueraren kokapena: Eibarko udalerriko (Gipuzkoa) Gorosta auzoa.

Bilketa-puntua (UTM (ETRS89) koordenatuak):

X = 543.787; Y = 4.784.251.

Eskatutako urteko bolumena: 1.077 m³ urtean.

Uraren erabilera: etxeko, abeltzaintzako eta ureztatzeko erabilera.

Obren deskribapena: iturburuko ura kutxeta baten bidez biltzen da, eta, kutxeta horretatik, hodi baten bidez eramaten da banaketa-kutxatila bateraino. Soberako ura iturburutik 5 metrora dagoen ibairaino eramaten da. Banaketa-kutxatilatik ateratzen dira hiru baserri erabiltzaileen depositu bakoitzera ura eramaten duten hodiak. Horien edukiera 10 m³, 8 m³ eta 15 m³ da.

Eta hori guztia jendaurrean jartzen da, guztiak jakinaren gainean egon daitezen, hogei eguneko epean, iragarki hau EHAAn argitaratzen den egunaren biharamunetik aurrera, uztailaren 18ko 665/2023 Errege Dekretuaren 8. xedapen gehigarrian xedatutakoarekin bat etorriz (dekretu horrek 849/1986 Errege Dekretua aldatzen du), kaltetutzat jotzen direnek erreklamazioak aurkez ditzaten Uraren Euskal Agentzia honetan, eta han egongo da espedientea ikusgai, nahi duenak aztertu ahal izan dezan, aldez aurretik hitzordua eskatuta.

Vitoria-Gasteiz, 2023ko abenduaren 18a.

Aprobetxamenduen arduraduna,

ANABEL MONTILLA OLALDE.

Azterketa dokumentala