Euskal Herriko Agintaritzaren Aldizkaria

219. zk., 2023ko azaroaren 16a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

EKONOMIAREN GARAPEN, JASANGARRITASUN ETA INGURUMEN SAILA

5161

EBAZPENA, 2023ko urriaren 30ekoa, Industria Administrazioaren Gipuzkoako lurralde-ordezkariarena. Honen bidez, artxibatzen da ondorengo instalazioa aldatzeko ireki zen espedientea: «132 kV-ko (zirkuitu bikoitza) linea elektrikoa, Mondragon AEra sartzekoa Abadiano AE-Azpeitia AE 2 eta Ormaiztegi AE-Abadiano AE 1 lineetatik», Arrasate udalerrian. Erreferentzia: AT-Y-2022-00057.

AURREKARIAK

1.– 2022ko apirilaren 26an, I-DE Redes Eléctricas Inteligentes, SAU enpresak, aipatutako instalazioarentzat administrazio-baimena eta proiektua aldatzeko onespena eskatu zituen.

2.– 2022ko azaroaren 8an, Ekonomiaren Garapen, Jasangarritasun eta Ingurumen Sailaren Industria Administrazioaren Gipuzkoako lurralde-ordezkariaren Ebazpenaren bidez, I-DE Redes Eléctricas Inteligentes, SAU enpresari administrazio baimena eta proiektua aldatzeko onespena eman zitzaizkion ondorengo instalazioarentzat: «132 kV-ko (zirkuitu bikoitza) linea elektrikoa, Mondragon AEra sartzekoa Abadiano AE-Azpeitia AE 2 eta Ormaiztegi AE-Abadiano AE 1 lineetatik», Arrasate udalerrian.

3.– Ebazpen berean baimendutako instalazio elektrikoak onura publikokotzat deklaratzen ziren. Deklarazio horrek, abenduaren 26ko 24/2013 Legearen 56. artikuluan xedatutakoaren indarrez, honako hauek dakartza: ukitutako ondasunak okupatu edo eskubideak eskuratu behar direla, eta okupazioa, gainera, presaz egin behar dela. Deklarazioak, halaber, Nahitaezko Desjabetzeari buruzko 1954ko abenduaren 16ko Legearen 52. artikuluak presaz okupatzeko deklarazioari dagokionez ezartzen dituen ondorioak zehazten ditu, 53. artikuluan ezarritako erregistro-ondorioekin.

4.– 2023ko urriaren 25ean, I-DE Redes Eléctricas Inteligentes, SAU enpresak idatzi bat aurkeztu zuen jakinarazteko ez dutela gauzatuko proiektatutako obra eta ATY-2022-57 espedienteren bidez emandako baimenari uko egiten diola.

ZUZENBIDE OINARRIAK

Industria Administrazioaren Gipuzkoako Lurralde Ordezkaritzak du espediente hau ebazteko eskumena, Ekonomiaren Garapen, Jasangarritasun eta Ingurumen Sailaren egitura organikoa eta funtzionala ezartzen dituen otsailaren 23ko 68/2021 Dekretuan ezarritakoaren arabera (2021-03-05eko EHAA).

Aipatutako lege-xedapenak ikusita, eta oro har zein zehazki aplikagarri diren gainerakoak oinarri hartuta, Industria Administrazioaren Gipuzkoako lurralde-ordezkariak honako hau

EBATZI DU:

Lehenengoa.– Onartzea uko egiteko eskaera eta artxibatzea ondorengo instalazioa aldatzeko ireki ziren espedienteak: «132 kV-ko (zirkuitu bikoitza) linea elektrikoa, Mondragon AEra sartzekoa Abadiano AE-Azpeitia AE 2 eta Ormaiztegi AE-Abadiano AE 1 lineetatik», Arrasate udalerrian.

Bigarrena.– Ebazpen honen edukia interesdunei jakinaraztea.

Hirugarrena.– Ebazpen hau Euskal Herriko Agintaritzaren Aldizkarian eta Gipuzkoako Aldizkari Ofizialean argitaratzeko agintzea.

Ebazpen honek ez du administrazio-bidea amaitzen, eta bere aurka gora jotzeko errekurtsoa jar daiteke Proiektu Estrategikoen eta Industria Administrazioaren zuzendariaren aurrean, hilabeteko epearen barruan, ebazpen hau jakinarazi eta hurrengo egunetik aurrera zenbatzen hasita, eta hori guztia Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta hurrengo artikuluen arabera.

Donostia, 2023ko urriaren 30a.

Industria Administrazioaren Gipuzkoako lurralde-ordezkaria,

AGUSTIN AROSTEGI ARTETXE.

Azterketa dokumentala