Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

204. zk., 2023ko urriaren 25a, asteazkena


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Izendapenak, egoerak eta gorabeherak

HERRI KONTUEN EUSKAL EPAITEGIA
4861

55/2023 EBAZPENA, urriaren 5ekoa, Herri Kontuen Euskal Epaitegiko lehendakariarena, zeinaren bidez Herri Kontuen Euskal Epaitegiko karrerako funtzionario izendatzen baita mendeko gidariaren lanpostua betetzeko 2022ko 67. eta 73. ebazpenen bidez deitutako hautaketa-prozesua gainditu duen hautagaia.

Herri Kontuen Euskal Epaitegian mendeko gidariaren lanpostua betetzeko salbuespenezko egonkortze-prozesuan egindako lehiaketaren barruan, HKEEko karrerako funtzionario izendatzeko hautatu eta proposatu den izangaiari buruz Epaimahai Kalifikatzaileak egindako proposamenarekin bat etorriz,

eta deialdiaren zortzigarren oinarri orokorrean eskatutako betekizunak betetzen direla egiaztatu ondoren,

Lehendakaritza honek Herri Kontuen Euskal Epaitegiaren otsailaren 5eko 1/88 Legearen 19.3.f artikuluak eman dizkion eskumenez baliatuta, eta Herri Kontuen Euskal Epaitegiaren Barne Araubidearen Erregelamenduaren 3.4h) artikuluarekin loturik (Herri Kontuen Euskal Epaitegiaren Osoko Bilkurak 2022-10-27an onartu zuen erregelamendu hori eta 2022ko abenduaren 28ko 247. zk. Euskal Herriko Agintaritzaren Aldizkarian argitaratu zen),

EBAZTEN DUT:

Lehenengoa.– Herri Kontuen Euskal Epaitegiko karrerako funtzionario izendatzea Epaimahai Kalifikatzaileak hautatutako eta proposatutako hautagaia, ebazpen honen eranskinean agertzen dena.

Bigarrena.– 1.– Ebazpen honen bidez izendatutako izangaiak hogeita hamar eguneko gehienezko epea izango du Herri Kontuen Euskal Epaitegiko Idazkaritza Nagusian lanpostuaz jabetzeko, izendapen-ebazpena Euskal Herriko Agintaritzaren Aldizkarian argitaratu eta hurrengo egunetik kontatzen hasita. Argitalpena izendapenaren jakinarazpentzat hartuko da.

Epe hori luzatu ahal izango da izendatutakoak hala eskatzen badu, eta betiere horretarako bidezko arrazoirik badago.

2.– Ezarritako epean lanpostuaz jabetzen ez den izangaiak zuzenean galduko du lanpostuaz jabetzeko eskubidea.

Hirugarrena.– Ebazpen honen bidez izendatutako izangaia ez bada lanpostuaz jabetzen ezarritako epean, beste izangai batek ordezkatuko du, hautagaien behin betiko zerrendako puntuazio-hurrenkeraren arabera.

Laugarrena.– Ebazpen hau ez da behin betikoa administrazio bidean, eta Gorako Administrazio Errekurtsoa aurkeztu ahal izango da haren kontra, Herri Kontuen Euskal Epaitegiaren Osoko Bilkuraren aurrean; errekurtsoa aurkezteko epea hilabetekoa (1) izango da, jakinarazpena jaso eta hurrengo egunetik aurrera kontatuta. Errekurtsoa espresuki ebazten ez bada, ezetsi egin dela ulertuko da.

Vitoria-Gasteiz, 2023ko urriaren 5a.

HKEEko lehendakaria,

ANA HELGUERA LÍBANO.

HKEEko idazkari nagusia,

JULIO ARTETXE BARKIN.

ERANSKINA
MENDEKO GIDARIA
Lanpostuak derrigorrezko 1. hizkuntza-eskakizuna du.
(Ikus .PDF)

Azterketa dokumentala