Euskal Herriko Agintaritzaren Aldizkaria

204. zk., 2023ko urriaren 25a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Izendapenak, egoerak eta gorabeherak

HERRI KONTUEN EUSKAL EPAITEGIA

4857

51/2023 EBAZPENA, urriaren 5ekoa, Herri Kontuen Euskal Epaitegiko lehendakariarena, zeinaren bidez xedatzen baita Herri Kontuen Euskal Epaitegiko karrerako funtzionario izendatzea auditore atxiki lanpostuak betetzeko 2022ko 67. eta 69. ebazpenen bidez deitutako hautaketa-prozesua gainditu duten hautagaiak.

Herri Kontuen Euskal Epaitegian auditore atxiki lanpostuak betetzeko salbuespenezko egonkortze-prozesuan egindako lehiaketaren barruan, kontuan hartuz zer proposatu duen epaimahai kalifikatzaileak Herri Kontuen Euskal Epaitegiko karrerako funtzionario izendatzeko hautatu eta proposatu diren izangaiei buruz,

Eta egiaztatu ondoren deialdiaren zortzigarren oinarri orokorrean eskatutako betekizunak betetzen direla,

Herri Kontuen Euskal Epaitegiaren otsailaren 5eko 1/88 Legearen 19.3.f artikuluak eman dizkion eskumenez baliatuta, eta Herri Kontuen Euskal Epaitegiaren Barne Araubidearen Erregelamenduaren 3.4.h) artikuluarekin loturik (Herri Kontuen Euskal Epaitegiaren Osoko Bilkurak 2022-10/27an onartu zuen erregelamendu hori eta 2022ko abenduaren 28ko 247. zk. Euskal Herriko Agintaritzaren Aldizkarian argitaratu zen), lehendakaritza honek

EBAZTEN DU:

Lehenengoa.– Herri Kontuen Euskal Epaitegiko karrerako funtzionario izendatzea Epaimahai Kalifikatzaileak hautatutako eta proposatutako hautagaiak, ebazpen honen eranskinean zerrendatzen direnak.

Bigarrena.– 1. Ebazpen honen bidez izendatutako izangaiek hogeita hamar eguneko epea izango dute lanpostuaz jabetzeko Herri Kontuen Euskal Epaitegiko Idazkaritza Nagusian, izendapen-ebazpena Euskal Herriko Agintaritzaren Aldizkarian argitaratu eta hurrengo egunetik hasita. Argitalpena izendapenaren jakinarazpentzat joko da.

Epe hori luzatu ahal izango da izendatutakoak hala eskatzen badu, eta betiere horretarako bidezko arrazoirik badago.

2.– Ezarritako epean lanpostuaz jabetzen ez diren izangaiek zuzenean galduko dute lanpostuaz jabetzeko eskubidea.

Hirugarrena.– Ebazpen honen bidez izendatutako izangaia ez bada lanpostuaz jabetzen ezarritako epean, beste izangai batek ordezkatuko du, hautagaien behin betiko zerrendako puntuazio-hurrenkeraren arabera.

Laugarrena.– Ebazpen hau ez da behin betikoa administrazio bidean, eta, beronen aurka, erregutze-errekurtso administratiboa jarri ahal izango du(te) Herri Kontuen Euskal Epaitegiaren Osoko Bilkuraren aurrean; errekurtsoa aurkezteko epea hilabetekoa (1) izango da, jakinarazpena jaso, eta hurrengo egunetik aurrera kontatuta. Errekurtsoa espresuki ebazten ez bada, ulertuko da ezetsi egin dela.

Vitoria-Gasteiz, 2023ko urriaren 5a.

HKEEko lehendakaria,

ANA HELGUERA LÍBANO.

HKEEko idazkari nagusia,

JULIO ARTETXE BARKIN.

ERANSKINA

(Ikus .PDF)

Azterketa dokumentala