Euskal Herriko Agintaritzaren Aldizkaria

203. zk., 2023ko urriaren 24a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

BERDINTASUN, JUSTIZIA ETA GIZARTE POLITIKETAKO SAILA

4840

EBAZPENA, 2023ko urriaren 4koa, Giza Eskubide, Biktima eta Aniztasun zuzendariarena, Giza Eskubideen 2023ko «René Cassin» Sariaren epaimahaiaren osaera iragartzeko dena.

Giza Eskubideen «René Cassin» saria arautzen duen urriaren 16ko 427/2013 Dekretuaren 3.1 artikuluak aurreikusten duenez, urtero, Giza Eskubideen arloan eskumena duen zuzendaritzako titularraren ebazpen baten bidez, sari horren deialdia egingo da. Aurrekoa oinarri hartuta, eta Giza Eskubide, Biktima eta Aniztasuneko zuzendariaren 2023ko uztailaren 12ko Ebazpenaren bidez, 2023ko «René Cassin» sarirako deia egin da (uztailaren 28ko EHAA, 143. zenbakia).

Urriaren 16ko 427/2013 Dekretuaren 6. artikuluak ezartzen duenez, saria merezi duen pertsona edo pertsonak hautatzeko, epaimahai bat eratuko da. Epaimahai hori Giza Eskubideekin lotutako izen handiko 9 pertsonak osatuko dute, eta Giza Eskubideen arloan eskumena duen Zuzendaritzako titularraren ebazpen bidez izendatuko dira.

Era berean, lehen aipatutako manuak ezartzen du epaimahaiaren osaera deialdiaren ebazpenean argitaratuko dela, eta kasu honetan 2023ko uztailaren 12ko Ebazpenean gauzatu dela. Ebazpen horretan, Monika Hernando Porres andrea izendatzen da epaimahaiaren idazkari, hitzarekin baina botorik gabe, urriaren 4ko 116/2022 Dekretuaren bidez (urriaren 7ko EHAA, 193. zk.) Giza Eskubide, Biktima eta Aniztasuneko zuzendari kargutik kendu ondoren.

2023ko irailaren 5ean, Noemí Ostolaza Arcauz andrea Biktimen eta Aniztasunaren Giza Eskubideen zuzendari izendatu zen (irailaren 8ko EHAA, 172. zk.).

Aurrekoari jarraiki, eta urriaren 16ko 427/2013 Dekretuak, «René Cassin» saria arautzen duen araua kontuan hartuta, honako hau ezartzen du 6.3 artikuluan: «Epaimahaiko burua Bakearen, Bizikidetzaren eta Giza Eskubideen arloan eskumena duen Idazkaritza Nagusiko titularra izango da, eta Giza Eskubideen arloan eskumena duen Zuzendaritzako titularrak beteko du Idazkaritza, hitzarekin baina botorik gabe».

EBATZI DUT:

Lehenengoa.– 2023rako «René Cassin» sariaren epaimahaiaren osaera iragartzea, honela:

Epaimahaia honela osatuko da:

Lehendakaria: Jose Antonio Rodríguez Ranz jauna, Eusko Jaurlaritzako Giza Eskubide, Memoria eta Lankidetzako sailburuordea.

Batzordekidea: Silvia Escobar Moreno, 2011ra arte Giza Eskubideei buruzko Misio Bereziko Espainiako enbaxadorea.

Kidea: Jon Mirena Landa Gorostiza jauna, UVP/EHUko Giza Eskubideen eta Botere Publikoen Katedrako zuzendaria.

Batzordekidea: María Oianguren Idígoras andrea, Gernika Gogoratuz-eko zuzendaria.

Batzordekidea: Juan José Alvarez Rubio jauna, EHUko Nazioarteko Zuzenbide Pribatuko katedraduna eta Zuzenbidean doktorea.

Batzordekidea: Miren Elgarresta Larrabide, Emakunde-Emakumearen Euskal Erakundeko zuzendaria.

Kidea: Mikel Mancisidor de la Fuente jauna, Nazio Batuetako Eskubide Ekonomiko, Sozial eta Kulturalen Batzordeko kidea.

Batzordekidea: Manuela Mesa, Ceipaz-Kultura de Paz elkarteko zuzendaria eta Demospaz Unibertsitate Institutuko zuzendarikidea.

Batzordekidea: Carlos Martín Beristain jauna, Giza Eskubideetan aditua, 2020ko René Cassin sariduna.

Idazkaria: Noemí Ostolaza Arcauz, Giza Eskubide, Biktima eta Aniztasuneko zuzendaria.

Bigarrena.– Ebazpen honek ez dio amaiera ematen administrazio-bideari, eta, beraren aurka, interesdunek gora jotzeko errekurtsoa aurkeztu ahal izango diote Giza Eskubide, Memoria eta Lankidetzako sailburuordeari, hilabeteko epean, ebazpena Euskal Herriko Agintaritzaren Aldizkarian argitaratu eta hurrengo egunetik aurrera.

Vitoria-Gasteiz, 2023ko urriaren 4a.

Giza Eskubide, Biktima eta Aniztasun zuzendaria,

NOEMI OSTOLAZA ARCAUZ.

Azterketa dokumentala