RSS
189. zk., 2023ko urriaren 3a, asteartea
- Bestelako formatuak:
- PDF (363 KB - 6 orri.)
- EPUB (377 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
EKONOMIA ETA OGASUN SAILA
4525
136/2023 DEKRETUA, irailaren 19koa, «Euskal Zibersegurtasun Agentzia» zuzenbide pribatuko ente publikoaren 2023. urteko aurrekontua onartzen duena.
2023ko uztailaren 19an, 7/2023 Legea argitaratu zen Euskal Herriko Agintaritzaren Aldizkarian (7/2023 Legea, ekainaren 29koa, Euskal Zibersegurtasun Agentzia sortzekoa). Lege horrek argitaratu eta hurrengo egunetik aurrera izan ditu ondorioak.
Behin entitatea eratuta, eta ekitaldi honetan behar bezala jarduteko behar dituen lege-baliabideak izan ditzan, ezinbestekoa da entitatearen 2023ko aurrekontua onartzea.
Urteko aurrekontuen legeak indarrean jarri ondoren sortzen diren entitate publikoen aurrekontuak onar ditzake Gobernuak, bat etorriz Euskadiko aurrekontu-araubidearen arloan indarrean diren lege-xedapenen testu bateginaren bigarren xedapen gehigarriarekin; testu bategin hori maiatzaren 24ko 1/2011 Legegintzako Dekretuak onartu zuen (1/2011 Legegintzako Dekretua, Euskadiko aurrekontu-araubidearen arloan indarrean diren lege-xedapenen testu bategina onartzen duena eta Euskal Autonomia Erkidegoko sektore publikoko fundazio eta partzuergoei aplikatu beharreko aurrekontu-araubidea arautzen duena).
Horrenbestez, Ekonomia eta Ogasuneko sailburuaren proposamenez, eta Gobernu Kontseiluak 2023ko irailaren 19an egindako bilkuran proposamena aztertu eta onartu ondoren, honako hau
XEDATZEN DUT:
Artikulu bakarra.– Euskal Zibersegurtasun Agentziaren 2023ko aurrekontua onartzea, 999.667 euroko zuzkidurekin, eta zenbatetsitako baliabideak entitatearentzat onartutako zuzkiduren guztizko zenbateko berekoak izatea. Dekretu honen eranskinean jasota daude aurrekontu horren banakapena eta aurreikusitako urteko kontuak.
AZKEN XEDAPENA.– Indarrean jartzea.
Dekretu honek Euskal Herriko Agintaritzaren Aldizkarian argitaratu eta hurrengo egunetik aurrera izango ditu ondorioak.
Vitoria-Gasteiz, 2023ko irailaren 19a.
Lehendakaria,
IÑIGO URKULLU RENTERIA.
Ekonomia eta Ogasuneko sailburua,
PEDRO MARÍA AZPIAZU URIARTE.
