Euskal Herriko Agintaritzaren Aldizkaria

162. zk., 2023ko abuztuaren 25a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

EKONOMIAREN GARAPEN, JASANGARRITASUN ETA INGURUMEN SAILA

4037

AGINDUA, 2023ko uztailaren 26koa, Ekonomiaren Garapen, Jasangarritasun eta Ingurumeneko sailburuarena, zeinaren bidez onartzen baitira, 2023rako, Euskal Autonomia Erkidegoko elikakatea eta zuraren katea digitalizatzeko laguntzen deialdiaren oinarriak.

Eusko Jaurlaritzak Euskadiko Eraldaketa Digitalerako Estrategia 2025 Europako estrategiaren testuinguruan zehaztu du.

Eraldaketa digitaleko testuinguru batean gaude gizartearen esparru guztietan, eta horrek eragina du nola ekonomian hala gizartean. Jasangarritasun-helburuei jarraikiz, Europako Batzordeak, Europako Parlamentuaren eta Europako Kontseiluaren erregelamendu-proposamen baten bidez, Europa Digitala Programa 2021-2027 ezarri du. Programaren helburu orokorra EBren, estatu kideen eta industriaren inbertsioak sustatzea da, Europako ekonomiaren, industriaren eta gizartearen eraldaketa digitala bultzatzeko eta, horrela, lehiakortasuna hobetzeko, eten digitala murrizte eta EBren autonomia estrategikoa indartze aldera.

Zientzia, Teknologia eta Berrikuntzako Euskadi 2030 Plan berriak (ZTBP Euskadi 2030) islatzen duen bezala, gure autonomia-erkidegoak hiru esparrutako eraldaketa bati egin behar dio aurre: teknologiko/digitala, energetiko/klimatikoa eta sozial/sanitarioa. Iraultza teknologiko/digitalak ekonomiaren sektore guztiei eragingo die. Sektore horiek trantsizio-prozesu batean daude antolamendu-metodo tradizionalen eta digitalizazioan oinarritutako antolaketaren artean. Horretarako, prozesuen automatizazioan eta hobekuntzan aurrera egiten ari dira, baita soluzio malguak eta robotizazio, fabrikazio gehigarri edo konektibitateko teknologiak txertatzen ere makinen eta ekipamenduen artean, hori baita adimen artifizialeko eta big data teknologiak aplikatzeko funtsa.

Digitalizazioa, ikerketa, garapen teknologikoa eta berrikuntza herrialdeen garapen ekonomikoaren adierazleak dira, baita produktibitaterako, lehiakortasunerako eta hazkunde jasangarrirako faktore erabakigarriak ere. EAE, azken hamarkadotan, ahalegin publiko eta pribatu bateratua egiten ari da espezializazio adimendunaren eta ezagutza-gizartearen sustapenean funtsatuta, EAE Europako berrikuntza-gune bihurtzea izanik lehentasunezko helburua.

EAE egoera aurreratuan dago bere ekonomia eta gizartea Europar Batasunaren ingurunean digitalizatzeari dagokionez, Ekonomia eta Gizarte Digitalen Europako Indizearen arabera (DESI). EBk, izan ere, indize hori erabili ohi du EB-28ko herrialdeen bilakaera konparatua neurtzeko, eta horri jarraikiz, EAE zazpigarren postuan zegoen 2020an. Indize horrek bost alderdi neurtzen ditu: konektagarritasuna; giza kapitala; Interneteko zerbitzuen erabilera; teknologia digitalak enpresetan txertatzea; eta zerbitzu publiko digitalak. EAE bost alderdi horietatik lautan dago lehen zortzi herrialdeen artean; Interneteko zerbitzuen erabilera da salbuespen bakarra.

Beste sektore batzuetan eraldaketa digitalerako bidea onartuta eta hasita badago ere, elikagaien sektorea moteldu egiten da bere kasuistika espezifikoa dela medio. Elikagaiak heterogeneoak dira eta iraungi egiten dira; horregatik, elikagaiak manipulatzea eta eraldatzea ohi baino konplexuagoa da.

Kontuan izan behar da, gainera, elikagaien eta zuraren balio-kateko enpresen ezaugarri komun bat tamaina dela, neurri handi batean enpresa txiki eta ertainek eta mikroenpresek osatzen baitute. Bestalde, badakigu sektore hori tradizionala dela, eta, orokorrean, industrializazio-maila handiagoa duten beste sektore batzuetan baino motelago sartzen direla teknologia eta prozesu berriak.

Elikaduraren balio-katea EAEko BPGd-aren % 10,6 da, eta 31.000 bat enpresa izanik, guztira 95.000 enplegu baino gehiago sortzen ditu. Zuraren balio-katea, berriz, BPGd-aren % 1,54 da, eta 18.000 lanpostu sortzen ditu.

Digitalizazioak eta teknologia digitalen erabilera adimendunak zeregin erabakigarria dute enpresen berrikuntza, lehiakortasuna eta hazkundea arrakastatsua izan daitezen, eta horiek merkatuan kokapen sendoagoa izateko aukerak eskaintzen dituzte. Digitalizazioak berrikuntza ugari eskaini ditzake prozesuetan, eta, beraz, ETE-ei aukera ematen die lehiakideengandik bereizteko; esate baterako, fabrikazio-enpresei eta enpresa txikizkariei aukera ematen die ekoizpenaren efizientzia hobetzeko, fabrikazio-prozesuak eta hornidura-katea automatiza baititzakete.

Agindu honen xedea digitalizazio-proiektuetan eta 4.0 teknologia txertatzeko proiektuetan gastu eta inbertsioetarako laguntzen deialdia egitea da, EAEko elikakateko eta zuraren kateko lehiakortasuna hobetzeko eta baliabideak optimizatzeko.

Gainera, deialdi honetan egokitzat jo da behi-, ardi- eta zaldi-aziendak kudeatzeko teknologia berriak txertatzeko laguntza ematea, desagertzen ari den figura tradizional baten aurrean ofizio bat mantentzeaz gain, hainbat jatorritako baliabide naturalen larratzea optimizatu ahal izateko (haraneko belardiak udaberrian eta udazkenean; mendiko herri-belardiak udan; uztondoak udan zereala bildu ondoren; erabilera publikoko mendia udazkenean eta neguan, basoko larratzearen bidez, etab.), urtean zehar hainbat unetan erabilera egokituz, ingurumena hobetzeko bokazioarekin oso lotuta.

Larratze-lan horrek natur ingurunea ahalik eta ondoen kudeatzen laguntzen du, eta ingurumen- eta gizarte-onurak dakartza. Ingurumenarentzat dakartzan onurak, besteak beste: suteen aurkako larratzea, lugorriak garatzea, goi-tentsioko lineak eta suebakiak zaintzea, natur igarobideak mantentzea, ekosistema-zerbitzuak sustatzea, mendian sastrakak mekanikoki kentzea eta gehiegizko larratzea.

Agindu honen bidez iragarritako laguntzak jasota daude Ekonomiaren Garapen, Jasangarritasun eta Ingurumeneko Sailaren 2021-2023 urteetarako Dirulaguntzen Plan Estrategikoan. Plan estrategiko hori Ekonomiaren Garapen, Jasangarritasun eta Ingurumeneko sailburuaren 2021eko martxoaren 17ko Aginduaren bidez onartu zen (Ekonomiaren Garapen, Jasangarritasun eta Ingurumeneko Sailaren 2021, 2022 eta 2023rako dirulaguntzen plan estrategikoa onartzekoa), dagozkion eguneraketekin. Plan horren bertsio eguneratua Eusko Jaurlaritzaren web-orrian dago argitaratuta, eta Eusko Jaurlaritzaren «euskadi.eus» web-orrian ere bai, sailari eskainitako gunean eta «Planak eta proiektuak» atalean.

Laguntzak, lehen bi lerroetan, minimis laguntzen esparruaren arabera emango dira, eta honako hauek aplikatu beharko dira: Europako Batzordearen 1407/2013 (EB) Erregelamendua, 2013ko abenduaren 18koa, Europar Batasunaren Funtzionamenduari buruzko Tratatuaren 107. eta 108. artikuluak minimis laguntzei aplikatzeari buruzkoa; Europako Batzordearen 1408/2013 (EB) Erregelamendua, 2013ko abenduaren 18koa, Europar Batasunaren Funtzionamenduari buruzko Tratatuaren 107. eta 108. artikuluak nekazaritza-sektoreko minimis laguntzei aplikatzeari buruzkoa; Europako Batzordearen 717/2014 (EB) Erregelamendua, 2014ko ekainaren 27koa, Europar Batasunaren Funtzionamenduari buruzko Tratatuaren 107. eta 108. artikuluak arrantza- eta akuikultura-sektoreko minimis laguntzei aplikatzeari buruzkoa; Europako Batzordearen 360/2012 (EB) Erregelamendua, 2012ko apirilaren 25ekoa, Europar Batasunaren Funtzionamenduari buruzko Tratatuaren 107. eta 108. artikuluak interes ekonomiko orokortzat jotzen diren zerbitzuak ematen dituzten enpresentzako minimis laguntzei aplikatzeari buruzkoa; eta aplikagarriak izan daitezkeen Estatuko nahiz Europar Batasuneko zuzenbideko gainerako xedapenak.

Hirugarren lerrorako, gehieneko zenbateko hori Europako Batzordearen 2022ko abenduaren 14ko 2022/2472 (EB) Erregelamenduan xedatutakoa aplikatuko da. Erregelamendu horren bidez, nekazaritza- eta basogintza-sektoreetan eta landa-eremuetan barne-merkatuarekin bateragarriak diren zenbait laguntza-kategoria deklaratzen dira Europar Batasunaren Funtzionamenduari buruzko Tratatuaren 107. eta 108. artikuluak aplikatuz.

Aurrekontu-zuzkidura nahikoa dago Euskal Autonomia Erkidegoko 2023. urteko Aurrekontu Orokorrak onartzen dituen 2022ko abenduaren 23ko 15/2022 Legeak baimendutako kredituen arabera, eta, Euskal Autonomia Erkidegoko aurrekontu-araubideari dagokionez indarrean dauden lege-xedapenen testu bategina onartzen duen maiatzaren 24ko 1/2011 Legegintzako Dekretuan ezarrita dagoenari jarraikiz, laguntza-deialdi honek aurrekontu-estaldura nahikoa du.

Eta Jaurlaritzari buruzko ekainaren 30eko 7/1981 Legeari jarraikiz (lege horren 26.4 artikuluaren arabera, Jaurlaritzako kide gisa dagozkien eskumenak alde batera utzi gabe, sailburuek beren sailari dagozkion gaietan administrazio-xedapen orokorrak eta ebazpenak emateko eskudantzia izango dute), honako hau

EBAZTEN DUT:

Artikulu bakarra.– Deialdia.

Onartzea, 2023rako, Euskal Autonomia Erkidegoko elikakatea eta zuraren katea digitalizatzeko laguntzen deialdiaren oinarriak, agindu honen eranskinean jasota daudenak.

AZKEN XEDAPENETAKO LEHENENGOA.– Errekurtsoak.

Agindu honen aurka, berraztertzeko errekurtsoa jarri ahal izango zaio Ekonomiaren Garapen, Jasangarritasun eta Ingurumeneko sailburuari, hilabeteko epean. Bestela, administrazioarekiko auzi-errekurtsoa jar daiteke Euskal Autonomia Erkidegoko Justizia Auzitegi Nagusiko Administrazioarekiko Auzien Salan, bi hileko epean. Kasu bietan, agindua argitaratu eta hurrengo egunean hasiko da epea.

AZKEN XEDAPENETAKO BIGARRENA.– Ondorioak.

Agindu honek Euskal Herriko Agintaritzaren Aldizkarian argitaratu eta hurrengo egunetik aurrera izango ditu ondorioak.

Vitoria-Gasteiz, 2023ko uztailaren 26a.

Ekonomiaren Garapen, Jasangarritasun eta Ingurumeneko sailburua,

MARÍA ARANZAZU TAPIA OTAEGUI.

I. ERANSKINA

1. oinarria.– Xedea eta helburua.

1.– Agindu honen xedea da Euskal Autonomia Erkidegoko elikakatearen eta zuraren katean digitalizazioa txertatzeko eta sustatzeko laguntzen deialdia egitea, lehiakortasuna hobetze aldera.

2.– Agindu honetan araututako laguntzek hiru helburu dituzte: batetik, enpresei laguntzea digitalizazio-prozesua hasten, sistema digitalak txerta ditzaten; bestetik, digitalizazio-fase aurreratuan dauden enpresei laguntzea, 4.0 teknologia txerta dezaten; Euskal Autonomia Erkidegoko elikakatean eta zuraren katean eragina duten digitalizazio-proiektu estrategikoak sustatzea; eta, azkenik, digitalizazio-teknologia berriak zabaltzea aziendaren kudeaketan.

2. oinarria.– Laguntzen izaera.

Programa hau gauzatzerakoan eta ebazterakoan, publizitatearen, lehiaren eta objektibotasunaren printzipioak bete behar dira.

Agindu honetan jasotako laguntzak lehiaketa prozeduraren bidez adjudikatuko dira, Euskal Autonomia Erkidegoko Ogasun Nagusiaren Antolarauei buruzko Legearen testu bateginaren 51.4 artikuluan ezarritakoaren arabera (azaroaren 11ko 1/1997 Legegintza Dekretuaren bidez onetsi zen testu bategina).

Programa honen esparruan emandako laguntzak itzuli beharrik gabeko dirulaguntzak izango dira.

Aipatutako 3. oinarriko 3.a eta 3.b lerroetarako, agindu honen esparruan eman beharreko laguntzak Estatuarenak izango dira, eta, beraz, honako hauek aplikatu beharko dira: Europako Batzordearen 1407/2013 (EB) Erregelamendua, 2013ko abenduaren 18koa, Europar Batasunaren Funtzionamenduari buruzko Tratatuaren 107. eta 108. artikuluak minimis laguntzei aplikatzeari buruzkoa; Europako Batzordearen 1408/2013 (EB) Erregelamendua, 2013ko abenduaren 18koa, Europar Batasunaren Funtzionamenduari buruzko Tratatuaren 107. eta 108. artikuluak nekazaritza-sektoreko minimis laguntzei aplikatzeari buruzkoa; Europako Batzordearen 717/2014 (EB) Erregelamendua, 2014ko ekainaren 27koa, Europar Batasunaren Funtzionamenduari buruzko Tratatuaren 107. eta 108. artikuluak arrantza- eta akuikultura-sektoreko minimis laguntzei aplikatzeari buruzkoa; Europako Batzordearen 360/2012 (EB) Erregelamendua, 2012ko apirilaren 25ekoa, Europar Batasunaren Funtzionamenduari buruzko Tratatuaren 107. eta 108. artikuluak interes ekonomiko orokortzat jotzen diren zerbitzuak ematen dituzten enpresentzako minimis laguntzei aplikatzeari buruzkoa; eta aplikagarriak izan daitezkeen Estatuko nahiz Europar Batasuneko zuzenbideko gainerako xedapenak.

Hirugarren lerrorako, 3c), Europako Batzordearen 2022ko abenduaren 14eko 2022/2472 (EB) Erregelamenduan xedatutakoa aplikatuko da. Erregelamendu horren bidez, nekazaritza- eta basogintza-sektoreetan eta landa-eremuetan barne-merkatuarekin bateragarriak diren zenbait laguntza-kategoria deklaratzen dira Europar Batasunaren Funtzionamenduari buruzko Tratatuaren 107. eta 108. artikuluak aplikatuz.

3. oinarria.– Laguntza-lerroak eta diruz lagundu daitezkeen jarduketak.

Honako laguntza hauek emango dira, agindu honen 1. oinarriko xedea lortzeko:

3.a.– Enpresei digitalizatzen hasten laguntzeko laguntzak. Aurrerapauso bat egin eta sistema digitalak txertatu nahi dituzten enpresak dira. Zerbitzuak finantzatzeko aukera izango dute, hala nola digitalizazio integraleko planak edo enpresaren jarduera-eremu guztietarako –esate baterako, elikakateari lotutako produktuak kudeaketarako, ekoizpenerako edo merkaturatzeko– tresna digitalak txertatzea. Diruz lagundu ahalko dira, besteak beste, honako jarduera hauekin lotutako jarduketak:

– Diagnostikoak garatzea, soluzio digitalak ezartzeko.

– Enpresan kudeaketa aurreratuko sistemak ezartzea, hala nola ERP (enterprise resource planning edo enpresa-baliabideak planifikatzeko sistemak), business intelligence deritzona (negozio-adimena), SMC, mantentze-lan prebentiboa, hornidura-katearen kudeaketa logistikoa, etab.

– Produktuaren bizi-zikloaren kudeaketa (besteak beste, CAM CAE, PDM, DMF motako aplikazioen ezarpena).

– Merkataritza elektronikoa ezartzea: erosketa elektronikoak, salmenta elektronikoak, B2B (business to business) proiektuak, B2C (business-to-consumer) proiektuak eta abar.

– Telelana txertatzeko edo hobetzeko sistemak sustatzea, duten izaeragatik EAEko elikakatearen eta zuraren katearen sektoreak berezkoa duen aldiberekotasunik –ez fisikorik ez denborazkorik– gabe egiteko aukera ematen duten zereginak gauzatzean.

– Eskuratutako tresnak abian jartzeko beharrezkoak diren prestakuntza-jarduketak programatzea eta eskaintzea.

3.b.– Digitalizazio-fase aurreratu batean dauden eta elikakateari lotutako produktuak egiteko 4.0. teknologia erabili nahi duten enpresentzako laguntzak. Diruz laguntzeko moduko jarduketak izango dira, besteak beste, honako jarduera hauekin lotutakoak:

– Enpresen digitalizazio-egoeraren diagnostikoa, askotariko 4.0 teknologien ezarpen-maila baloratzeko.

– Mota hauetako azpiegiturak garatzea:

• Plataforma txertatuak, biltegiratzeko, kontrolerako, alertak sortzeko, negozio-analitikako eta txostenak sortzeko oinarrizko funtzionalitateekin.

• Datuak, kudeaketa-sistema korporatiboak eta enpresarako edo balio-katerako garrantzitsuak diren kanpo-datuak biltegiratzeko plataforma digitalekin osatzea.

• Makina eta sistema industrial guztiak plataforma digitaletan txertatuz amaitzea.

• Prozesu industrial guztietan zibersegurtasun-soluzio oso bat ezartzea: segurtasun-soluzioak gaitzea, gorabeherak eta arrotzak antzemateko eta horiei denbora errealean erantzuteko.

– Digitalizazioa ekoizpen-prozesuan eta produktuen kontrolean:

• Ikuskapen-sistemak eta sentsorika aurreratua eratzea.

• Soluzio automatizatuak eta sistema robotikoak planifikatzea eta diseinatzea.

• Prozesuko datu garrantzitsuak lortu eta txertatzea historikoen ekoizpena eta sorkuntza kudeatzeko plataforman.

• Prozesuak optimizatzea, datuak tratatzeko teknikak aplikatuz (machine learning deritzona, etab.).

• Prozesuen eta produktuen datuak digitalizatzea eta plataforman edo hodeian ostatatzea.

• Erabiltzailearen interfazea (HMI, Human Machine Interface) hobetzeko plan bat egitea eta abian jartzea, soluzio digitalen bidez (adib.: sentsoreak, tableta, etab.), langileen gaitasunak, prestakuntza (adib.: langile berriak), osasuna eta laneko segurtasuna hobetzeko, besteak beste.

– Elikakatearen, zuraren katearen eta horien industriaren negozio-datuak analizatzea:

• Datuak analizatzeko ereduak garatzea ikaste automatikoko tekniken eta abarren bidez.

• Ekoizpen-prozesua optimizatzeko eta produktuaren kalitatea, segurtasuna eta osotasuna ziurtatzeko aurreikuspen- eta agindu-ereduak garatzea: bai enpresaren barruko prozesuaren mailan (adib.: prozesuaren efizientzia hobetzea), bai balio-katearen mailan (prozesuen artean).

• Enpresatik edo balio-katetik kanpoko datuak txertatzea, merkatuari, bezeroari, sare sozialei, klimari, inguruneari eta abarri buruzko datuak barne.

– Katearen ekosistema / konektagarritasuna / negozio-adimena:

• Ekosistemako eragile guztiekin datuak partekatzeko eta ondoriozko IPR (jabetza intelektuala eta industriala) kudeatzeko plana definitzea.

• Merkatuaren eta kontsumitzaileen eskariaren zaintza eta prospektiba, denbora errealean.

• Hornitzaileekin, bezeroekin eta azken erabiltzaileekin –adibidez, kontsumitzaileekin– lehen harreman digitalak garatzea (esaterako, eskariaren araberako eskaeren automatizazioa...).

• Kudeaketa indibidualizatu eta proaktiboa duen eta bezero edo azken erabiltzailearengana (adibidez, kontsumitzailea) bideratutako arreta-sistema bat ezartzea.

• Katearen gainerako mailekin, hornitzaile nagusien, bezeroen eta kateko beste eragile batzuen informazio-sistemekin osatzea.

• Informazio partekatuaren trazabilitaterako, kalitate-kontrolerako eta subiranotasunerako sistema bat ezartzea.

• Negozio-eredu berriak sortzea, datu adimendunen kudeaketan eta tratamenduan funtsatuta.

• Elkarlaneko berrikuntzara, gardentasunera, komunikaziora eta abarretara bideratutako Open Data plataformak garatzea.

– Eskuratutako tresnak abian jartzeko beharrezkoak diren prestakuntza-jarduketak.

Euskal Autonomia Erkidegoko elikakatean eta zuraren katean eragina duten eta digitalizazio-fase aurreratuan dauden enpresen proiektuak bakarrik kalifikatu ahal izango dira digitalizazio-proiektu estrategiko gisa.

3c.– Abeltzaintza-ustiategientzako laguntzak, behi-, ardi- eta zaldi-aziendaren geolokalizazioko lepokoak eta itxitura digitaleko eskuratzeko.

Lepokoek, gutxienez, honako espezifikazio hauek izan beharko dituzte:

– Animaliaren posizionamendua kontrolatzea denbora errealean – aplikazio mugikor eta/edo web bidezko bistaratzea.

– Hesi birtualak sortzeko eta aziendaren baztertze-eremuak zehazteko aukera, aplikazio mugikor eta/edo web bidez.

– Ekipoek animaliekin elkarreragiteko aukera izan behar dute, animaliek errespeta ditzaten mugikorrerako eta/edo webgunerako aplikazioaren bidez definitutako hesi birtualak.

– Bateriak kudeatzeko sistema bat, autosufizientzia eta etorkizuneko birjarpena bermatzeko.

4. oinarria– Onuradunak.

1.– 3. oinarriko 3a eta 3b lerroetan adierazitako proiektuetarako laguntzen onuraduna hauetako edozein izan daiteke, baldin eta EAEko elikakatekoa edo zuraren katekoa bada. Enpresak, edozein forma juridiko dutela ere. Hona sailkapena:

A.– Enpresa txiki eta ertainak (ETEak). Mota horren barnean honako hauek bereizten ditugu:

– Mikroenpresa: 10 langile baino gutxiago izanik urteko negozio-bolumenean edota urteko balantze orokorrean 2 milioi euroko zenbatekoa gainditzen ez duena.

– Enpresa txikia: 50 langile baino gutxiago izanik urteko negozio-bolumenean edota urteko balantze orokorrean 10 milioi euroko zenbatekoa gainditzen ez duena.

– Enpresa ertaina: gutxienez 50 pertsonari baina 250 pertsonari baino gutxiagori lana ematen dien eta, gehienez ere, 50 milioi euroko urteko negozio-bolumena edo, gehienez ere, 43 milioi euroko urteko balantze orokorra duten enpresak.

B.– Enpresa handiak, alegia, enpresa txiki eta ertainen definiziotik kanpo geratzen direnak.

C.– Elkarteak.

D.–Enpresa-elkarteak.

E.– Nortasun juridikorik gabeko pertsona fisiko edo juridiko pribatuen elkarteak eta ondasun-erkidegoak. Horietan parte hartzen duten enpresa guztiak joko dira onuraduntzat, eta guztiek bete beharko dituzte agindu honetan ezarritako betekizun eta baldintzak. Elkarteen eskabideek berariaz adierazi behar dituzte elkarteko kide bakoitzak proiektua gauzatzeko hartzen dituen konpromisoak eta bakoitzari aplikatu beharreko zenbatekoa, horiek ere onuradun gisa hartuko baitira. Dena den, taldearen ordezkari edo ahaldun bakar bat izendatu beharko dute, zeinak nahikoa botere izango baitu, onuradun gisa, taldeari dagozkion egitekoak betetzeko, eta kide bat izendatu beharko dute funtsen hartzaile izateko, zeinak banatuko baitizkie funtsok taldeko gainerako kideei. Elkarteak ezin dira desegin Euskadiko Ogasun Nagusiaren Antolarauei buruzko Legearen testu bategina onartzen duen Legegintza Dekretuko 44. artikuluak, 32.m) artikuluarekin batera, finkatzen duen preskripzio-epea igarotzen den arte.

2.– 3. oinarriko 3a eta 3b lerroetan adierazitako proiektuen laguntzetarako, onuradunek ekonomia-jardueren gaineko zergan alta emanda egon beharko dute, Ekonomia Jardueren Sailkapen Nazionalaren (EJSN) hurrengo epigrafeetan (III. eranskina).

3.– 3. oinarriko 3c lerroan adierazitako proiektuen laguntzetarako, onuradunek behi-, ardi- eta zaldi-azienden abeltzaintza-ustiategien titular izan beharko dute, baldin eta ustiategia Nekazaritza Ekoizpenaren Erregistro Orokorrean inskribatuta egoteko baldintza betetzen badute (urtarrilaren 16ko 9/2015 Errege Dekretuaren bidez sortua, nekazaritzako lehen mailako ekoizpenean higiene-arloko erkidegoko araudia aplikatzeko baldintzak arautzen dituena), edo, hala badagokio, Euskal Autonomia Erkidegoko Nekazaritza Ustiategien Erregistroan inskribatuta badago (Euskal Autonomia Erkidegoko Nekazaritza Ustiategien Erregistro Orokorrari buruzko irailaren 27ko 203/2011 Dekretuaren bidez sortua); eta, bigarrenik, lau baldintza hauetako bat betetzen badute:

a) Esnetarako behi-aziendako abeltzaintza-ustiategi baten titularra izatea, 2022an abenduaren 19ko 1075/2014 Errege Dekretuan aurreikusitako eskabide bakarra aurkeztu badu, eta, bertan, esnetarako behi-ustiategietarako lotutako laguntza ordaintzeko gutxienez 30 animalia zehaztu bazaizkio.

b) Haragitarako behi-aziendako abeltzaintza-ustiategi baten titularra izatea, 2022an abenduaren 19ko 1075/2014 Errege Dekretuan aurreikusitako eskabide bakarra aurkeztu badu, eta, bertan, gutxienez, 15 animalia zehaztu bazaizkio behi ume-hazleak mantentzeko laguntza ordaintzeko.

c) Ardi-aziendako abeltzaintza-ustiategi baten titularra izatea, 2022an abenduaren 19ko 1075/2014 Errege Dekretuan aurreikusitako eskabide bakarra aurkeztu badu, eta, bertan, gutxienez 200 animalia zehaztu bazaizkio.

d) Zaldi-aziendako abeltzaintza-ustiategi baten titularra izatea, 2023an nahitaezko urteko aitorpena aurkeztu badu.

e) Ahuntz-aziendako abeltzaintza-ustiategi baten titularra izatea, 2023an nahitaezko urteko aitorpena aurkeztu badu.

5. oinarria.– Diruz lagundu daitezkeen kostuak.

1.– 3a) eta 3b) lerroetarako, diruz lagundu daitezkeen kostutzat hartuko dira 3. oinarrian deskribatutako jarduerei lotutako aholkularitza, ingeniaritza, hardware eta softwareko kostuak, eta SaaS soluzioen eta cloud ereduen gisako zerbitzu lagungarriak, baldin eta honako baldintza hauek betetzen badituzte:

– 2023ko urtarrilaren 1etik 2023ko abenduaren 31ra sortutako edo fakturatutako kostuak, urteko proiektuen kasuan; edo 2024ko abenduaren 31ra artekoak, zenbait urtetarako proiektuen kasuan.

– Dirulaguntzei buruzko azaroaren 17ko 38/2003 Lege Orokorraren 31. artikuluan ezarritakoari jarraikiz, diruz lagundu daitekeen gastuaren zenbatekoak Sektore Publikoko Kontratuei buruzko azaroaren 8ko 9/2017 Legean –horren bidez, Europako Parlamentuaren eta Kontseiluaren 2014ko otsailaren 26ko 2014/23/EB eta 2014/24/EB zuzentarauen transposizioa egiten da Espainiako ordenamendu juridikora– kontratu txikirako ezarritako zenbatekoak gainditzen dituenean, gutxienez hiru eskaintza –zenbait hornitzailerenak– eskatu beharko ditu onuradunak, obrarako konpromisoa kontratatu aurretik, zerbitzua eman aurretik edo ondasuna entregatu aurretik, non eta, haien ezaugarri bereziak direla-eta, merkatuan ez den aski erakunde haiek egin, eman edo entregatzeko.

– Efizientzia- eta ekonomia-irizpideen arabera hautatuko da aurkeztutako eskaintzen artean, eta berariaz justifikatu beharko da hautu hori, memoria batean, proposamen ekonomiko merkeena ez denean. Eskaintza horiek justifikazioarekin batera aurkeztu beharko dira, edo, bestela, dirulaguntza-eskabidearekin batera.

– Honako hauek ez dira diruz lagundu daitezkeen kostuak izango: eskatzaileak berak edo taldeko enpresaren batek egindako lanak, aholkulariaren joan-etorrietako gastuak, material didaktikoak sortzea, aretoak alokatzea, dietak eta antzekoak. Gastu horiek bereizita agertu beharko dira fakturen kontzeptuan.

2.– Funtzionamendu- eta mantentze-gastuetan lagundu ahal izango da proiektua martxan jartzen den bitartean, gehienez ere 18 hilabetez.

3.– 3c) lerrorako, 3c) oinarrian deskribatutako lepokoak erosteko kostua baino ez da diruz lagunduko. Konexio- eta mantentze-zerbitzuen kostuak ez dira diruz lagunduko. Diruz lagunduko dira 2023ko urtarrilaren 1etik 2023ko abenduaren 31ra arte sortutako edo fakturatutako gastuak, urteko proiektuen kasuan, edo 2024ko abenduaren 31ra artekoak, zenbait urtetarako proiektuen kasuan, Batzordearen 2022ko abenduaren 14ko 2022/2472 (EB) Erregelamenduaren 6. artikuluko i) apartatuaren arabera.

Dirulaguntzei buruzko azaroaren 17ko 38/2003 Lege Orokorraren 31. artikuluan ezarritakoari jarraikiz, diruz lagundu daitekeen gastuaren zenbatekoak Sektore Publikoko Kontratuei buruzko azaroaren 8ko 9/2017 Legean –horren bidez, Europako Parlamentuaren eta Kontseiluaren 2014ko otsailaren 26ko 2014/23/EB eta 2014/24/EB zuzentarauen transposizioa egiten da Espainiako ordenamendu juridikora– kontratu txikirako ezarritako zenbatekoak gainditzen dituenean, gutxienez hiru eskaintza –zenbait hornitzailerenak– eskatu beharko ditu onuradunak, obrarako konpromisoa kontratatu aurretik, zerbitzua eman aurretik edo ondasuna entregatu aurretik, non eta, haien ezaugarri bereziak direla-eta, merkatuan ez den aski erakunde haiek egin, eman edo entregatzeko.

Azken kasu horretan, onuradunak jakinarazi eta egiaztatu beharko du hiru aurrekontuak lortzea ezinezkoa dela, merkatuan ez dagoelako aurrekontu horiek egiten, ematen edo hornitzen dituen nahikoa erakunde.

4.– Merkataritzako eragiketetan berankortasunaren aurka borrokatzeko neurriak ezartzen dituen abenduaren 29ko 3/2004 Legea betez, ez dira diruz lagunduko salgaiak jaso edo zerbitzuak eman direnetik 60 egun naturalera edo gehiagora ordaintzen diren gastuak, ez eta faktura edo ordainketa baliokidearen eskabidea aldez aurretik jasotakoak ere. Horretarako, garraio-agiri edo antzeko dokumentu baten bidez, zerbitzua jaso edo eman den unea egiaztatu beharko da.

6. oinarria.– Finantzaketa.

1.– Agindu honetan ezarritako laguntzak finantzatzeko, 2023ko eta 2024ko ekitaldietarako, 3.000.000 euro bideratuko dira. Kopuru hori Euskal Autonomia Erkidegoko aurrekontu orokorren –Euskal Autonomia Erkidegoko 2023. urteko Aurrekontu Orokorrak onartzen dituen abenduaren 23ko 15/2022 Legearen bidez onetsitakoen– kontura finantzatuko da, eta horietatik 1.500.000 euro 2023rako ordainketa-kredituari dagozkio, eta 1.500.000 euro, berriz, 2024rako konpromiso-kredituari. Honela banatuko da:

A) 450.000 euro digitalizazio-prozesua hasten ari diren enpresa-proiektuei esleituko zaizkie; zehazki, 150.000 euro 2023rako ordainketa-kredituari dagozkio, eta gainerako 300.000 euroak, berriz, 2024rako konpromiso-kredituari.

B) 900.000 euro digitalizazio-fase aurreratuan dauden eta 4.0 teknologia txertatu nahi duten enpresen proiektuei esleituko zaizkie; zehazki, 200.000 euro 2023rako ordainketa-kredituari dagozkio, eta gainerako 700.000 euroak, berriz, 2024rako konpromiso-kredituari.

C) 1.650.000 euro, abeltzaintza-ustiategien titularrek lepokoak erosteko; horietatik, 1.150.000 euro 2023ko ordainketa-kredituari dagozkio, eta 500.000 euro 2024ko konpromiso-kredituari.

2.– Emango diren laguntzen zenbateko guztia ezingo da izan baliabide horiek baino handiagoa, ez eta baliabideok eguneratzean ateratzen den zenbatekoa baino handiagoa ere, indarrean dagoen legedia betez aurrekontu-aldaketak onartzen diren kasuetan.

Gehikuntza hori gertatuz gero, deialdiaren ebazpena eman baino lehen egin behar da, eta horren berri emango da Nekazaritzako, Arrantzako eta Elikagai Politikako sailburuordearen ebazpen baten bitartez.

7. oinarria.– Betekizun orokorrak.

Agindu honetan iragarritako laguntzen onuradun izateko, oinarri honetan ezarritako baldintzak bete behar dira. Izan ere, oinarri honek, besteak beste, jasotzen ditu honako hauetan dauden baldintzak: Dirulaguntzei buruzko abenduaren 17ko 38/2003 Lege Orokorraren 13. artikuluan, eta Euskal Autonomia Erkidegoko Ogasun Nagusiaren Antolarauei buruzko Legearen testu bategina onartzen duen azaroaren 11ko 1/1997 Legegintzako Dekretuan. Hauek dira horiek guztiak:

1.– Diruz lagundu daitezkeen jarduerak Euskal Autonomia Erkidegoaren lurralde-eremuan egitea, eta beste laguntza-esparru batek ez finantzatu izana, 22. oinarrian aurreikusitakoa salbu.

2.– Zerga-betebeharrak eta Gizarte Segurantzarekikoak egunean izatea, Ekonomia eta Ogasuneko sailburuaren zerga-betebeharrak eta Gizarte Segurantzarekikoak betetzen direla egiaztatzeari buruzko 2023ko otsailaren 13ko Aginduarekin bat etorriz, bai eta Euskadiko Aurrekontu Orokorren kargura ematen diren laguntzen eta dirulaguntzen esparruko dirulaguntzak itzultzeari buruzko betebeharrekin bat etorriz ere. Baldintza hori bete beharko da nola onuradun izateko hala izaera horri eusteko dirulaguntzaren likidazioa egin arte. Horrenbestez, eta horri dagokionez, egiaztapenak egingo dira bai dirulaguntza ematen denean bai ordainketak egiten direnean.

3.– Dirulaguntzaren onuradun den pertsona fisikoa edo juridiko pribatua ez izatea krisian den enpresa, estatuek krisialdian dauden enpresa ez-finantzarioak salbatzeko eta berregituratzeko ematen dituzten laguntzei buruzko zuzentarauen arabera (2014/C 249/01).

4.– Inbertsioak ingurumenaren arloko eta arlo higieniko-sanitarioko arauak bete ditzala Euskal Autonomia Erkidegoan aplikatzekoa den berariazko araudiarekin bat (21/2013 Legea, abenduaren 9koa, ingurumen-ebaluazioari buruzkoa, eta 10/2021 Lege Orokorra, abenduaren 9koa, Euskadiko Ingurumen Administrazioarena).

5.– Dirulaguntzak itzultzeko obligazioak ordainduta izatea, erregelamendu bidez ezarritako baldintzei jarraikiz, edo Dirulaguntzen Lege Orokorraren edo hori ezartzen duten beste lege batzuen arabera dirulaguntzak lortzeko aukera galtzea dakarren zehapenen bat jaso ez izana ebazpen irmo baten bidez. Pertsona onuradunek edo erakundeek dirulaguntzak itzultzeko betebeharren ordainketak egunean dituztela ulertuko da zorrak geroratuta edota zatikatuta daudenean, edo, bestela, dagokion itzultze-ebazpena dela-eta horiek etetea erabaki denean.

Baldintza hori bete beharko da nola onuradun izateko hala izaera horri eusteko dirulaguntzaren likidazioa egin arte. Horrenbestez, eta horri dagokionez, egiaztapenak egingo dira bai dirulaguntza ematen denean bai ordainketak egiten direnean.

Euskal Autonomia Erkidegoko Ogasun Orokorreko Antolarauei buruzko Legearen testu bategineko 50.4 artikuluan ezarritakoarekin bat etorriz, onuradunei dirulaguntzak eta laguntzak emateko eta, bidezkoa denean, ordaintzeko ezinbestekoa da Euskal Autonomia Erkidegoko Administrazio Orokorrak eta beraren erakunde autonomoek ematen dituzten izaera bereko laguntzen edo dirulaguntzen arloan hasita dauden eta oraindik izapidetzen ari diren itzulketa- eta zehapen-prozedura guztiak amaitzea.

6.– Halaber, ezingo zaie laguntzarik edo dirulaguntzarik eman sexuan oinarrituta diskriminatzen duten jarduerei, ez eta sexuan oinarrituta diskriminatzeagatik edo emakumeen eta gizonen berdintasunaren arloko araudia ez betetzeagatik administrazio- edo zigor-zehapenen bat ezarri zaien pertsona fisikoei eta juridikoei ere, dagokion zehapenean ezarritako denbora-tarte osoan (EONALTBren 50.5 artikulua).

7.– Elkarteen kasuan, Zuzendaritza Batzordean gizonen eta emakumeen presentzia orekatua izatea, hots, sexuetako batek ere ez izatea Zuzendaritza Batzordeko kideen % 40 baino gutxiago.

8.– Euskadiko Ingurumen Administrazioaren abenduaren 9ko 10/2021 Legean finkatutako arau-hauste astunengatik eta oso astunengatik bide administratiboko ebazpen irmoaren bidez zigortutako pertsona fisiko edo juridiko publiko zein pribatuek ezin izango dute kontratatu, ez eta Euskal Autonomia Erkidegoaren lurralde-eremuko sektore publikoko dirulaguntzak eskuratu dagozkien neurri zuzentzaileak egikaritu arte eta dagokien isuna ordaindu arte.

9.– Onuradunaren arabera, aplikatu beharreko edozein erregelamenduren minimis erregimenari atxikitako laguntzak jaso dituzten onuradunek ezin izango dute gainditu azken hiru zerga-ekitaldietan baimendutako gehieneko laguntza: 2021, 2022 eta 2023, eta eskabidean, adierazi beharko dute ea eskatu edo jaso duten minimis izaerako laguntzarik 2021eko, 2022ko edo 2023ko ekitaldietan. Kasu horretan, emailea nor den adierazi beharko dute, bai eta emandako zenbatekoa ere.

Erregelamendu bakoitzak, gehienez ere, honako zenbateko hauek baimentzen ditu:

– Europako Batzordearen 1407/2013 (EB) Erregelamendua, 2013ko abenduaren 18koa, Europar Batasunaren Funtzionamenduari buruzko Tratatuaren 107. eta 108. artikuluak minimis-laguntzei aplikatzeari buruzkoa: 200.1 €/enpresa.

– Europako Batzordearen 1408/2013 (EB) Erregelamendua, abenduaren 18koa, Europar Batasunaren Funtzionamenduari buruzko Tratatuaren 107. eta 108. artikuluak nekazaritzako minimis-laguntzei aplikatzeari buruzkoa: 15.000 €/enpresa).

– Europako Batzordearen 717/2014 (EB) Erregelamendua, ekainaren 27koa, Europar Batasunaren Funtzionamenduari buruzko Tratatuaren 107. eta 108. artikuluak arrantzako eta akuikulturako minimis-laguntzei aplikatzeari buruzkoa: 30.000 €/enpresa.

– Europako Batzordearen 360/2012 (EB) Erregelamendua, apirilaren 25ekoa, Europar Batasunaren Funtzionamenduari buruzko Tratatuaren 107. eta 108. artikuluak interes ekonomiko orokorreko zerbitzuak ematen dituzten enpresei emandako minimis-laguntzei aplikatzeari buruzkoa: 500.000 €/enpresa.

10.– 50 langile baino gehiago dituzten enpresen kasuan, indarrean dagoen berdintasun-plan bat edukitzea, Euskal Autonomia Erkidegoko Hitzarmenen, Lan Akordio Kolektiboen eta Berdintasun Planen Erregistroa eta Gordailuan inskribatuta dagoena.

11.– Ez eskatu izana konkurtso-deklarazioa, edozein prozeduratan kaudimengabetzat ez jo izana, konkurtsoan deklaratuta ez egotea, salbu eta horretan eraginkortasuna hartu badu hitzarmen batek, esku-hartze judizialaren eraginpean ez egotea edo desgaitu ez izana, Konkurtsoari buruzko uztailaren 9ko 22/2003 Legearen arabera, konkurtsoaren kalifikazio-epaian ezarritako desgaikuntza-denboraldia amaitu gabe.

12.– Dirulaguntzak lortzeko aukera galduta ez izatea ebazpen irmo baten bidez ezarritako zehapena dela-eta, edo honako delitu hauetako bat egin izanagatik: prebarikazioa, funtzionario-eroskeria, ondasun publikoak bidegabe erabiltzea, eragimen-trafikoa, iruzurrak eta legearen aurkako ordainarazpenak edo hirigintza-delituak.

13.– Kausaren batean errudun deklaratua izateagatik, Administrazioarekin egindako edozein kontraturen amaiera irmoa ebatzita ez izatea.

14.– Pertsona fisikoa, merkataritza-sozietateen administratzaileak edo beste pertsona juridiko batzuen legezko ordezkaritza dutenak ez egotea Kargu publikodunen jokabide-kodea eta haien interes-gatazkak arautzen dituen ekainaren 26ko 1/2014 Legean ezarritako kasuren batean, edo Hauteskunde Araubide Orokorraren ekainaren 19ko 5/1985 Lege Organikoan araututako hautapen bidezko karguren bat ez izatea, lege horretan ezarritako baldintzetan. Horrez gain, ez egotea hauetan aurreikusitako kasuren batean: Estatuko Administrazio Orokorreko goi-kargudunen jarduna arautzen duen martxoaren 30eko 3/2015 Legea eta Administrazio publikoen zerbitzura dauden langileen bateraezintasunen abenduaren 26ko 53/1984 Legea.

15.– Erregelamenduz zerga-paradisu gisa kalifikatutako herrialde edo lurralde batean ez izatea zerga-egoitza.

16.– Elkarteen kasuan, horiek elkartzeko eskubidea arautzen duen martxoaren 22ko 1/2002 Lege Organikoaren 4. artikuluko 5. eta 6. apartatuetan aurreikusitako debekuen kausetan nahastuta ez egotea. Eta inskribatzeko administrazio-prozedura ez etetea ez-zilegitasun penalaren zentzuzko zantzuak egoteagatik, 1/2002 Lege Organikoaren 30.4 artikuluan xedatutakoari jarraikiz, harik eta ebazpen judizial irmoa eman, eta, horren bitartez, inskripzioa dagokion erregistroan egin ahal izan arte.

17.– Ez egotea berreskuratze-agindu baten mende, Europako Batzordeak aurretiaz erabaki badu laguntza bat legez kanpokoa eta barne-merkatuarekin bateraezina dela.

18.– Dirulaguntzak lortzeko debekua izango dute, halaber, irizten bada, zuzentzen dituzten pertsonengatik edota beste zirkunstantzia batzuengatik, beste aurreragoko enpresa batzuen jarraipena direla edota beste enpresa batzuetatik eratorriak direla, eraldatze, bat-egite edo ondorengotza arrazoiengatik.

19.– 30.000 eurotik gorako dirulaguntzetarako, eskatzaileak merkataritza eragiketetan berankortasunaren aurkako neurriak ezartzen dituen abenduaren 29ko 3/2004 Legearen aplikazio-eremuan sartzen diren subjektu baino ez direnean, ezingo dira onuradun edo erakunde laguntzaile izan lege horretan aurreikusitako ordainketa-epeak betetzen ez dituzten enpresak.

Inguruabar hori kontabilitateko araudiaren arabera galdu-irabazien kontu laburtua aurkez dezaketen sozietateek egiaztatuko dute, Dirulaguntzei buruzko azaroaren 17ko 38/2003 Lege Orokorraren 26. artikuluan aurreikusitakoaren arabera. Kontabilitateko araudiaren arabera galdu-irabazien kontu laburtua aurkeztu ezin duten sozietateek ordaintzeko legezko ordainketa-epeak betetzen dituztela egiaztatu behar dute, Kontu Auditoreen Erregistro Ofizialean inskribatutako auditore batek emandako ziurtagiriaren bidez. Ziurtagiri horrek kontuan hartuko du enpresa bezeroaren ordainketen benetako epea, enpresa hornitzaileak aldez aurretik kobratzeko edozein finantzaketa alde batera utzita.

8. oinarria.– Eskabideak aurkezteko epea eta modua.

1.– Eskabideak aurkezteko epea hilabetekoa izango da, agindu hau Euskal Herriko Agintaritzaren Aldizkarian argitaratu eta hurrengo egunetik aurrera. Eskabidearekin batera, oinarri honen 8. paragrafoan eskatzen diren agiriak aurkeztu beharko dira.

2.– Ekainaren 20ko 91/2023 Dekretuaren 15.1.a) artikuluan xedatutakoa betez (91/2023 Dekretua, herritarrei arreta integrala eta kanal anitzekoa ematekoa eta zerbitzu publikoak bitarteko elektronikoz irispidean izatekoa), honako hauek behartuta egongo dira bitarteko elektronikoak erabiltzera Euskal Autonomia Erkidegoko sektore publikoarekin harremanetan jartzeko: urriaren 1eko 39/2015 Legearen 14.2 artikuluan aipatzen diren subjektuak eta enpresaburu indibidual edo autonomoak, beren lanbide-jardueran egiten dituzten izapide eta jarduketetarako. Beraz, eskabide guztiak bitarteko elektronikoen bidez aurkeztuko dira, Euskal Autonomia Erkidegoaren Administrazio Publikoaren egoitza elektronikoan sartuta:

https://www.euskadi.eus/ servicios/1207203

3.– Eskabideak aurkezteko, eredu normalizatua erabili beharko da, Euskal Autonomia Erkidegoko Administrazio Publikoaren egoitza elektronikoan eskuragarri dagoena:

https://www.euskadi.eus/servicios/1207203

4.– Eskabidearen ondorengo izapideak elektronikoki egiteko, Euskal Autonomia Erkidegoko Administrazio Publikoaren egoitza elektronikoan sartu beharko da, «Nire karpeta» atalera: https://www.euskadi.eus/nirekarpeta

5.– Eskabideak, erantzukizunpeko adierazpenak, justifikazioak eta gainerako ereduak izapidetzeko moduari buruzko zehaztasunak Euskal Autonomia Erkidegoko Administrazio Publikoaren egoitza elektronikoan daude eskuragarri:

https://www.euskadi.eus/servicios/1207203

6.– Eskabidea ordezkari baten bitartez egiten bada, Administrazio Publikoen Administrazio Prozedura Erkidearen urriaren 1eko 39/2015 Legearen 5. eta 6. artikuluetan xedatutakoaren arabera egiaztatu beharko da ordezkaritza, ahalordeen erregistro elektronikoaren bitartez:

https://www.euskadi.eus/ahalordeen-erregistro-elektronikoa/web01-sede/eu/

7.– Laguntza-eskabidearen ereduaren oinarrizko edukia oinarri hauen eranskin gisa argitaratu da.

8.– Eskabidearekin batera agiri hauek ere aurkeztu behar dira:

a) Pertsona juridikoek, erakundea eratzeko eskrituraren eta estatutuen kopia, dagokion erregistroan sartu dela adierazten duen zigilua jarrita.

b) Honako hauek biltzen dituen memoria:

i) Beharren azterketa eta irtenbidearen egokitzapena. ii) Espero diren emaitzak eta adierazleak.

ii) Aurrekontu xehatua.

iii) Aukeratutako alternatiba.

iv) Garatu beharreko ekintzen deskribapena eta gauzatze-epea.

v) Laguntza emanez gero, enpresan zenbateko hobekuntza ekarriko duen.

vi) Ingurumenaren, produktibitatearen eta iraunkortasun ekonomikoaren hobekuntzak sustatzea.

vii) Erakunde sustatzaileko plantillaren banaketa, sexuaren arabera.

c) Nortasun juridikorik gabeko pertsona fisiko edo juridiko pribatuen taldeei eta ondasun-erkidegoei dagokienez, kide guztiek sinatutako agiri bat, non izendatzen baita, batetik, ordezkari edo ahaldun bakarra, taldeari onuradun den aldetik dagozkion betebeharrak betetzeko ahalorde nahiko dituena, eta, bestetik, funtsen hartzaile izango den kide bat, elkarteko gainerako kideen artean funtsok banatuko dituena.

d) Kontabilitateko araudiaren arabera urteko kontu laburtuak aurkeztu ezin dituzten erakundeen kasuan, eta 30.000,00 eurotik gorako zenbatekoa ematea nahi badute, dagokien dokumentazioa aurkeztu beharko dute, a) edo b) kasuen arabera:

i) Kontu Auditoreen Erregistro Ofizialean inskribatuta dagoen auditore batek sinatutako ziurtagiria, zeinean banakatuta agertzen baita ikuskatutako azken urteko kontuen memorian azaltzen diren ordainketei buruzko informazioa, baldin eta kontu horien arabera abenduaren 29ko 3/2004 Legean ezarritako ordainketa-epealdien betetze-mailara (apartatu honetan ezartzen denera) iristen bada, uztailaren 5eko 15/2010 Legeak, abenduaren 29ko 3/2004 Legea aldatzen duenak, hirugarren xedapen gehigarrian eskatzen den informazioari kasu eginez.

ii) Aurreko zenbakian aipatzen den ziurtagiria ezin bada egin, Kontu Auditoreen Erregistro Ofizialean inskribatuta dagoen auditore batek egindako adostutako prozedurei buruzko txostena, zeinaren bidez, erreferentziazko data batean sozietatearen hornitzaileei ordaindu gabe dauden fakturen lagin adierazgarria berrikusita, ondorioztatzen baita abenduaren 29ko 3/2004 Legean ezarritako ordainketa-epealdiak bete direla, inolako salbuespenik gabe, edo, salbuespenak antzemanez gero, eskatzen den betetze-mailara iristea eragozten ez dutela.

Eskatzen den betetze-maila erdietsitzat joko da baldin eta abenduaren 29ko 3/2004 Legean ezarritako ordainketa-epealdien betetze-maila Enpresen sorkuntzari eta hazkundeari buruzko irailaren 28ko 18/2022 Legearen azken xedapenetako seigarrenaren d) letraren bigarren apartatuan ezartzen den ehunekoaren berdina edo handiagoa bada.

Adostutako prozeduren txostena ikuskatutako sozietateak emandako dokumentazioari buruzkoa izango da; zehazki, hornitzaileei ordaintzeke dauden fakturen xehetasunari buruzkoa, lotuta dauden aldeei dagozkienak alde batera utzita, etete-data. Data hori erreferentzia-datatzat hartuko da, eta, gehienez ere, txostena egin baino hilabete lehenagokoa izango da.

e) 50 langile baino gehiago dituzten enpresek Euskadiko Hitzarmenen, Lan Akordio Kolektiboen eta Berdintasun Planen Erregistroan eta Gordailuan inskribatuta daudela egiaztatzen duen agiria aurkeztu beharko dute.

f) 3a eta 3b lerroen eskatzaileek EJZn alta eman izanaren egiaztagiria aurkeztu beharko dute, III. eranskinean jasotako EJSNetako bati dagokionez.

g) Eta laguntza kuantifikatzeko, erakunde eskatzaileak aurkeztu nahi duen agiri osagarri oro.

h) Erantzukizunpeko adierazpena, non ziurtatzen baita eskatzaileak agindu honetako baldintza guztiak betetzen dituela, hori egiaztatzen duen dokumentazioa duela, eta Administrazioak eskatzen duenean haren esku jarriko duela.

9.– Elikagaien Kalitate eta Industriako Zuzendaritzak automatikoki egiaztatuko ditu NAN, IFK, bere zerga-betebeharren ordainketak eta Gizarte Segurantzarekiko ordainketak egunean dituela egiaztatzen duten agiriak, eskatzaileek edo onuradunek horretarako berariazko baimena eman beharrik gabe, haiek berariaz aurka egiten diotenean salbu, eta, kasu horretan, dagokion ziurtagiria edo dokumentua aurkeztu beharko dute. Hori guztia Euskadiko Ogasun Nagusiaren Antolarauei buruzko Legearen testu bategina onartzen duen 1/1997 Legegintza Dekretuaren 50.3 artikulua aplikatuz, Administrazio Publikoen Administrazio Prozedura Erkidearen 39/2015 Legearen 28.2 artikuluari dagokionez. Era berean, behi-, ardi- eta zaldi-aziendako ustiategi-titularrei lepokoak eskuratzen laguntzeko, ofizioz egiaztatuko ditu erregistroko datuak eta 2022ko eskabide bakarrean zenbatzen diren animaliak.

10.– Urriaren 1eko 39/2015 Legearen 28. artikuluaren 3. apartatuan ezarritakoarekin arabera, oinarri honen 8. apartatuan eskatutako dokumentazioa administrazio honetan edo beste batean entregatzen denean, eta eskatzaileak berariaz deklaratzen badu dokumentu horietan ez dela aldaketarik egin, horiek aurkeztutzat joko dira.

Pertsona edo erakunde eskatzaileak adierazi beharko du zein Administraziotan eta noiz aurkeztu diren dokumentuok, eta Elikagaien Kalitate eta Industriako Zuzendaritzak elektronikoki bilduko ditu bere korporazio-sareen bidez.

Eskatzaileak ez badu nahi oinarri honen 8. paragrafoan eskatutako dokumentazioa eskura dezaten, berariaz agertu beharko da horren aurka, eta dokumentazioa aurkeztu beharko du.

11.– Nahi den hizkuntza ofizialean aurkeztu ahal izango dira laguntza-eskabidea eta eskatutako agiriak. Ildo horretatik, pertsona edo erakunde eskatzaile bakoitzak hautatutako hizkuntza erabiliko da eskabidea aurkeztu ondoko jardueretan, prozedurak irauten duen bitartean, Euskararen Erabilera Normalizatzeko 1982ko azaroaren 24ko 10/1982 Oinarrizko Legeari jarraikiz.

12.- Eskabideak oinarri honetan eskatutako dokumentazioa ez badauka, osorik ez badago edo akastuna bada, interesdunari jakinaraziko zaio hamar egun balioduneko epea duela hutsa zuzentzeko edo beharrezko diren agiriak eransteko. Halaber, adieraziko zaio horrela egin ezean atzera egin duela ulertuko dela, Elikagaien Kalitate eta Industriako zuzendariak ebazpena eman ondoren eta Administrazio Publikoen Administrazio Prozedura Erkidearen urriaren 1eko 39/2015 Legearen 21. artikuluan ezarritakoarekin bat etorriz.

13.– Enpresa txiki eta ertainek (ETE) izaera hori egiaztatu beharko dute, agiri hauek aurkeztuta:

A) Pertsona fisikoentzat: pertsona fisikoen errentaren gaineko zergaren kopia, ekonomia-jardueren eranskinarekin batera, eskabidea aurkeztu aurreko ekitaldikoa.

B) Pertsona juridikoentzat: sozietateen gaineko zergaren kopia bat, eskabidea aurkeztu aurreko ekitaldikoa.

Agiriekin batera, dokumentazioan jasotako egoera aldatu ez dela dioen adierazpena.

14.– Edonola ere, Elikagaien Kalitate eta Industriako Zuzendaritzak, eskabidean adierazitakoa egoki ulertzeko, ebaluatzeko eta eskabidea izapidetzeko, beharrezkotzat jotzen dituen bestelako argibide edo agiri osagarriak eskatu ahal izango dizkio eskatzaileari.

Agindu honen 4. oinarriaren D) apartatuan zehaztutako onuradunen kasuan, proiektuan parte hartzen duten enpresa edo erakunde guzti-guztiei buruzkoak izango dira oinarri honen 8. apartatuan adierazitako agiriak.

15.– Helbide honetan eskuratu daitezke Euskal Autonomia Erkidegoko administrazioaren egoitza elektronikoan onartutako identifikazio eta sinadura elektronikorako bitartekoak:

https://www.euskadi.eus/identifikazio-elektronikorako-onartutako-bitartekoak/web01-sede/eu/

9. oinarria.– Azpikontratazioa.

1.– Onuradunak kontratatutako erakundeak hirugarrenei azpikontratatu ahal izango die, oso-osorik edo zati batean, diruz lagundutako jarduera. Jarduera gauzatzeko azpikontratazioa haren % 100erainokoa izan ahalko da.

2.– Baldin eta hirugarrenei azpikontratatutako jardueraren zenbatekoak dirulaguntzaren zenbatekoa % 20 gainditzen badu, dirulaguntza 60.000 eurotik gorakoa izanik, idatzizko kontratua egin beharko da, zeina Elikagaien Kalitate eta Industriako Zuzendaritzak baimendu beharko baitu kontratua formalizatu aurretik eta eskabidea aurkeztu ondoren.

Kontratua formalizatzeko baimenaren eskabidea laguntza-eskabidearekin batera aurkeztuko da, eta baimentzeko edo ukatzeko ebazpena gehienez ere bi hileko epean eman eta jakinaraziko da, aurkezten den egunetik aurrera zenbatzen hasita. Epe hori igaro eta berariazko ebazpenik ematen ez bada, eskabidea ezetsitzat jo ahal izango da, Dirulaguntzei buruzko azaroaren 17ko 38/2003 Lege Orokorraren 25. artikuluan ezarritakoari jarraituz. Prozeduraren ebazpenaren aurka, interesdunak gora jotzeko errekurtsoa aurkeztu ahal izango dio Nekazaritzako, Arrantzako eta Elikagai Politikako sailburuordeari. Horretarako, hilabeteko epea izango du ebazpenaren jakinarazpena jaso eta hurrengo egunetik aurrera, edo hiru hilabeteko epea administrazio-isiltasunak ondorioak izan eta hurrengo egunetik aurrera.

3.– Kontratua ezin izango da zatikatu kontratuaren zenbatekoa murriztu eta 2. paragrafoko baldintzak bete beharrik ez izateko helburuz.

4.– Kontratistek onuradunaren aurrean baino ez dute betebeharrik izango, eta onuradunari dagokio diruz lagundutako jarduera ondo gauzatzeko erantzukizun osoa Ekonomiaren Garapen, Jasangarritasun eta Ingurumen Sailaren aurrean.

5.– Aurreko apartatuan jasotakoa betetzeko, onuradunen erantzukizuna da diruz lagunduko den jarduera itundua gauzatzean agindu honetan ezarritako mugak errespetatzen direla zaintzea, diruz lagundutako gastuen izaera eta zenbatekoari dagokionez; kontratistek, aldiz, agindu honen 15. oinarriaren 7. apartatuan adierazitako lankidetza-betebeharra bete behar dute, eta muga horiek benetan errespetatzen dituzten ala ez behar bezala egiaztatzeko aukera eman.

6.– Alabaina, onuradunak ezin izango du diruz lagundutako jardueraren gauzatze osoa edo partziala honako hauekin itundu:

A) 7. oinarrian ezarritako betekizunak betetzen ez dituzten pertsona fisiko edo juridikoak.

B) Kontratuaren xede den jarduera egiteko beste dirulaguntza batzuk jaso dituzten pertsona fisiko edo juridikoak.

C) Bitartekari edo aholkulariak, horiei ordaindu beharrekoak eragiketaren kostu totalaren ehuneko jakin gisa zehazten badira, non eta ordainketa hori ez dagoen justifikatuta egindako lanak edo emandako zerbitzuak merkatuan daukan balioaren erreferentziaren arabera.

D) Onuradunarekin loturaren bat duten pertsona fisiko edo juridikoak, hauek gertatzen direnean izan ezik:

1) Elikagaien Kalitate eta Industriako Zuzendaritzaren aldez aurretiko baimena lortu izana.

2) Dirulaguntzaren zenbatekoa ez izatea atxikitako erakundeak egindako kostuarena baino handiagoa. Kostua egiaztatzeko, onuradunaren gastuak frogatzeko ezarrita dauden baldintza berberak justifikatu beharko dira.

E) Deialdi eta programa honetan laguntza eskatu duten baina betekizunak betetzen ez dituztelako edo beharrezko den balorazioa lortu ez dutelako laguntzarik gabe geratu diren pertsona fisiko edo juridikoak.

10. oinarria.– Balorazio-irizpide orokorrak.

1.– 3A) eta 3B) lerroetako proiektuak baloratzeko, bi alderdi hauek hartuko dira kontuan:

a) «Proiektu estrategikoaren» kalifikazioa. Ondorengo irizpideetan gutxienez 40 puntu lortzen dituzten proiektuak estrategikotzat joko dira. Honako irizpide hauek izango dira kontuan:

i) Ekonomiaren Garapen, Jasangarritasun eta Ingurumen Sailak sektorerako egindako planekin eta estrategiekin bat datozen jarduerak: 10 puntu, gehienez. Honako hauek dira:

– Euskadi 2024 Gastronomia eta Elikaduraren Plan Estrategikoa: 5 puntu, gehienez.

– EAEko gastronomiaren eta elikaduraren balio-katean digitalizazio adimenduna garatzeko esparru estrategikoa: 5 puntu, gehienez.

– Euskal Autonomia Erkidegoko Nekazaritzako Elikagaien Katearen Kontrol Plan Ofiziala: 5 puntu, gehienez; edo Euskadiko Egurgintzaren Plan Estrategikoa: 5 puntu, gehienez.

ii) Eragindako kate-maila bereizien kopurua: 20 puntu, gehienez. Maila bat, 0 puntu dira. 5 puntu emango dira maila bakoitzeko: 20 puntu, gehienez.

iii) Proiektuak balio-katean gora egiteko duen maila: 10 puntu, gehienez.

iv) Proiektuak 4.0 teknologia barne hartzea: 10 puntu, gehienez. Honako hauek dira:

–. Adimen artifiziala / Ikaste automatikoa / Ikuspen artifiziala: 5 puntu.

–. Blockchain: 5 puntu.

–. Big Data / Business Intelligence: 5 puntu.

–. Sentsorika / Gauzen Internet (IoT): 5 puntu.

–. Zibersegurtasuna: 5 puntu.

–. Robotika: 5 puntu.

–. – Posizionamendu globalari buruzko informazioa / Droneen teknologia: 5 puntu.

v) Teknologiaren Euskal Sareko agente/zentroen parte-hartzea: 10 puntu, gehienez. 5 puntu emango dira parte hartzen duen zentro bakoitzeko, 10 puntu gehienez.

b) Jarduera-planaren balorazioa. Kontuan izango dira hurrengo irizpideak:

i) Aurkeztutako memoria teknikoaren kalitate egiaztatua; memoria horretan argi eta garbi azalduko dira helburuak, espero diren emaitzak, egutegia, egin beharreko zereginak, erantzukizunen banaketa, aurrekontua hainbanatzeko metodoak eta abar: 55 puntu, gehienez.

(Ikus .PDF)

ii) Enpresen arteko lankidetza. Jarduerak beren lankidetzaren emaitza izan diren bi enpresak edo gehiagok gauzatzea, betiere nortasun juridikoa galdu gabe. Enpresa horietako batek laguntzaren eskatzaile eta onuradun gisa jardun beharko du, eta besteak edo besteek, berriz, erakunde kolaboratzaile gisa. Banaka egiten bada, 0 puntu. 5 puntu emango dira erakunde kolaboratzaile bakoitzeko: 10 puntu, gehienez. Oharra: onuradunarentzako laguntza bakoitza, horietako bakoitzaren partaidetza-ehunekoa oinarritzat hartuta.

iii) Enpresa ETE bat bada. Erakunde edo pertsona onuraduna ETE gisa kalifikatuta egotea; mikroenpresen eta enpresa txiki eta ertainen definizioari buruzko Europako Batzordearen ekainaren 17ko 651/2014 (EB) Erregelamenduaren I. eranskinaren arabera: 10 puntu.

iv) Proiektuak 4.0 teknologia barne hartzea: 10 puntu, gehienez. Honako hauek dira:

–. Adimen artifiziala / Ikaste automatikoa / Ikuspen artifiziala: 5 puntu.

–. Blockchain: 5 puntu.

–. Big Data / Business Intelligence: 5 puntu.

–. Sentsorika / Gauzen Internet (IoT): 5 puntu.

–. Zibersegurtasuna: 5 puntu.

–. Robotika: 5 puntu.

– Posizionamendu globalari buruzko informazioa / Droneen teknologia: 5 puntu.

v) Generoa. Emakumeek sustatutako proiektuak 5 punturekin baloratuko dira.

vi) Proiektuaren kokapena, 10 puntu, gehienez. Honako hauek dira:

–. 1. mailako kalteberatasun-maila duten Arreta Bereziko Eremuak (ABE), indarrean dagoen landa-zonakatzearen dibertsifikazio ekonomikoaren maparen arabera: 10 puntu.

–. 2. kalteberatasun-mailako zonak, indarrean dagoen landa-zonakatzearen dibertsifikazio ekonomikoaren maparen arabera, edo Lehentasunezko Jarduketa Guneak (LJG): 5 puntu.

2.– Laguntza eskuratu ahal izateko, memoria teknikoaren kalitateari buruzko apartatuan 30 puntu lortu beharko dira gutxienez, eta jarduketa-planaren balorazio orokorrean, berriz, 40 puntu.

3.– Aurkeztu diren eta gutxieneko puntuazioa lortu duten proiektuen ordena zehazteko, estrategikotzat jotako espedienteak hartuko dira kontuan lehenengo, aurreko puntuko a) apartatuan zehaztutakoaren arabera; horien ondoren, proiektu ez-estrategikoak hartuko dira kontuan. Gero, jarduketa-planaren balorazioan lortutako puntuazioaren arabera ezarriko da ordena, handienetik txikienera.

4.– 3c) lerroari dagozkion laguntzetarako, honako alderdi hauek baloratuko dira:

i) 4.3 oinarrian eskatzen diren betekizunak betetzen dituzten ustiategiak: 30 puntu.

ii) Ekoizpena kooperatiben bidez edo gutxienez 3 ustiategi biltzen dituzten enpresen bidez merkaturatzen duten ustiategiak: 10 puntu.

iii). Emakumeen titulartasuneko ustiategiak, titulartasun hori osorik izan edo erdibana izan; edo pertsona juridiko baten titulartasuneko ustiategiak, baldin eta emakumeek gutxienez % 50eko partaidetza badute, sozietatea bi kidek osatzen duten kasuetan, edo, behintzat, partaidetza orekatua bada, gainerako kasuetan: 15 puntu.

iv) Ekoizpena kalitate-bereizgarri baten bidez ziurtatuta duten ustiategiak (Ekoizpen ekologikoa, JD, AGB edo Eusko label): 10 puntu.

v) Kudeaketa tekniko-ekonomikoa eta aholkularitza Euskal Autonomia Erkidegoan aitortutako kudeaketa tekniko-ekonomikoko zentro batekin kontratatuta dituzten ustiategiak: 5 puntu.

vi) Aurkeztutako memoriaren kalitatea: gehienez, 10 puntu.

vii) Proiektuaren kokapena, 20 puntu, gehienez. Honako hauek dira:

–. 1. mailako kalteberatasun-maila duten Arreta Bereziko Eremuak (ABE), indarrean dagoen landa-zonakatzearen dibertsifikazio ekonomikoaren maparen arabera: 20 puntu.

–. 2. kalteberatasun-mailako zonak, indarrean dagoen landa-zonakatzearen dibertsifikazio ekonomikoaren maparen arabera, edo Lehentasunezko Jarduketa Guneak (LJG) (ez da bateragarria izango aurreko puntuazioarekin): 10 puntu.

Laguntza jaso ahal izateko, gutxienez 40 puntu lortzea eskatuko da, eta proiektuak puntuazio handienetik txikienera ordenatuko dira, dirulaguntzaren lehentasunaren ondorioetarako.

11. oinarria.– Laguntzaren intentsitatea eta zenbatekoa.

1.– Laguntzaren zenbatekoa kalkulatzeko, aurkeztutako eskabideak baloratuko dira, eta aurretik aipatutako oinarrietan jasotako irizpideak aplikatuko zaizkie.

– 3. oinarriko 3.a) apartatuan ezarritako motako proiektuak (enpresak digitalizatzen hasteko laguntzak): laguntza 50.000 eurokoa izango da gehienez.

– 3. oinarriko 3.b) apartatuan ezarritako motako proiektuak (digitalizazio-fase aurreratuan dauden enpresei 4.0 teknologiak sartzeko laguntzak): laguntza 200.000 eurokoa izango da gehienez, estrategikotzat jotzen diren proiektuetan, eta 100.000 eurokoa gainerakoetan.

– 3. oinarriko 3 c) motako proiektuak (abeltzaintza-ustiategien titularrek lepokoak erosteko laguntzak); laguntzaren muga 60.000 €/ustiategi izango da, guztientzat. Gainera, ardi-aziendarentzako lepokoak eskatzen dituzten ustiategiek lepoko bat soilik eskatu ahalko dute 20 abereko.

2.– 3. oinarriko 3.a) apartatuan (enpresak digitalizatzen hasteko laguntzak) ezarritako motako proiektu guztietan diruz lagundu daitezkeen kostuen laguntzaren edo laguntza-ehunekoaren intentsitatea zehazteko, enpresa mota eta jarduketa-planaren balorazioan lortutako puntuazioa hartuko dira kontuan (10. oinarriko 1. apartatuko b puntuan ezarritakoaren arabera). 3. oinarriko 3.b) apartatuan (digitalizazio-fase aurreratuan dauden enpresei 4.0 teknologiak sartzen laguntzeko laguntzak) ezarritako motako proiektu ez-estrategikoen kasuan, enpresa mota eta jarduketa-planaren balorazioan lortutako puntuazioa hartuko dira kontuan (10. oinarriko 1. apartatuko b puntuan ezarritakoaren arabera).

a) Elkarteak, enpresa-elkarteak, mikroenpresak, enpresa ertainak eta enpresa txikiak:

– Diruz lagundu daitezkeen kostuen % 60 emango zaie 80-100 puntu lortzen dituztenei.

– Diruz lagundu daitezkeen kostuen % 55 emango zaie 70-79 puntu lortzen dituztenei.

– Diruz lagundu daitezkeen kostuen % 50 emango zaie 60-69 puntu lortzen dituztenei.

– Diruz lagundu daitezkeen kostuen % 45 emango zaie 50-59 puntu lortzen dituztenei.

– Diruz lagundu daitezkeen kostuen % 40 emango zaie 40-49 puntu lortzen dituztenei.

b) Gainerako enpresak:

– Diruz lagundu daitezkeen kostuen % 30 emango zaie 80-100 puntu lortzen dituztenei.

– Diruz lagundu daitezkeen kostuen % 27,5 emango zaie 70-79 puntu lortzen dituztenei.

– Diruz lagundu daitezkeen kostuen % 25 emango zaie 60-69 puntu lortzen dituztenei.

– Diruz lagundu daitezkeen kostuen % 22,5 emango zaie 50-59 puntu lortzen dituztenei.

– Diruz lagundu daitezkeen kostuen % 20 emango zaie 40-49 puntu lortzen dituztenei.

3.– 3. oinarriko 3.b) apartatuan (digitalizazio-fase aurreratuan dauden enpresei 4.0 teknologiak sartzen laguntzeko laguntzak) proiektu estrategikotzat jotzen diren proiektuetan diruz lagundu daitezkeen kostuen laguntzaren edo laguntza-ehunekoaren intentsitatea zehazteko, enpresa mota eta jarduketa-planaren balorazioan lortutako puntuazioa hartuko dira kontuan (10. oinarriko 1. apartatuko b puntuan ezarritakoaren arabera).

a) Elkarteak, enpresa-elkarteak, mikroenpresak, enpresa ertainak eta enpresa txikiak:

– Diruz lagundu daitezkeen kostuen % 70 emango zaie 80-100 puntu lortzen dituztenei.

– Diruz lagundu daitezkeen kostuen % 65 emango zaie 70-79 puntu lortzen dituztenei.

– Diruz lagundu daitezkeen kostuen % 60 emango zaie 60-69 puntu lortzen dituztenei.

– Diruz lagundu daitezkeen kostuen % 55 emango zaie 50-59 puntu lortzen dituztenei.

– Diruz lagundu daitezkeen kostuen % 50 emango zaie 40-49 puntu lortzen dituztenei.

b) Gainerako enpresak:

– Diruz lagundu daitezkeen kostuen % 45 emango zaie 80-100 puntu lortzen dituztenei.

– Diruz lagundu daitezkeen kostuen % 42,5 emango zaie 70-79 puntu lortzen dituztenei.

– Diruz lagundu daitezkeen kostuen % 40 emango zaie 60-69 puntu lortzen dituztenei.

– Diruz lagundu daitezkeen kostuen % 37,5 emango zaie 50-59 puntu lortzen dituztenei.

– Diruz lagundu daitezkeen kostuen % 35 emango zaie 40-49 puntu lortzen dituztenei.

4.– 3.c) motako proiektu guztien laguntzaren intentsitatea edo diruz lagun daitezkeen kostuen ehunekoa espedienteak 10.4 oinarrian xedatutakoaren arabera lortutako puntuazioaren arabera ezartzen da:

– Diruz lagundu daitezkeen kostuen % 85 emango zaie 80-100 puntu lortzen dituztenei.

– Diruz lagundu daitezkeen kostuen % 75 emango zaie 60-79 puntu lortzen dituztenei.

– Diruz lagundu daitezkeen kostuen % 65 emango zaie 40-59 puntu lortzen dituztenei.

12. oinarria.– Laguntzen kudeaketa.

1.– Elikagaien Kalitate eta Industriako zuzendariak izango du agindu honetan araututako laguntzak kudeatzeko eskumena.

2.– Elikagaien Kalitate eta Industriako Zuzendaritzako zerbitzu teknikoek eskabide bakoitzean egiaztatuko dute betekizunak betetzen direla, eta berariaz jasota utziko dute hori.

3.– Proiektuak ebaluatu eta baloratzeko, eta balorazio-irizpide objektiboak aplikatzeko eta haiek haztatzeko, Balorazio Batzorde bat sortuko da. Balorazio Batzordeko burua Ekonomiaren Garapen, Jasangarritasun eta Ingurumen Saileko Elikagaien Kalitate eta Industriako Zuzendaritzaren Ikerketa Programen arduraduna izango da. Elikagaien Kalitate eta Industriako Zuzendaritzako teknikari bat eta HAZI fundazioko ordezkari bat izango dira batzordekideak, eta lehenengoak idazkari-lanak egingo ditu. Balorazio Batzordearen osaeran, gaikuntza, konpetentzia eta prestakuntza egokia duten bi sexuen presentzia orekatua bermatuko da, alde batera utzi gabe Euskal Autonomia Erkidegoko bi hizkuntza ofizialen ezagutza nahikoa izatea.

4.– Batzordeak, bere eginkizunak betetzeko, arloko aditu diren pertsonei eskatu ahal izango die hala bileretan parte hartzeko nola aholkularitza emateko, beharrezko irizten dionean.

5.– Balorazio Batzordearen osaera Euskal Herriko Agintaritzaren Aldizkarian argitaratuko da, Nekazaritzako, Arrantzako eta Elikagai Politikako sailburuordearen ebazpen baten bidez.

6.– Balorazio Batzordearen egitekoak honako hauek izango dira:

a) Aplikatu beharreko araudia betetzen duten proiektuen eskabideak aztertu eta ebaluatzea (bai eta betetzen ez dutenak ere), hau da, proiektuak eta ezarritako irizpide objektiboen betetze-maila balioestea.

b) Balioesteko eta kuantifikatzeko finkatzen dituen irizpide objektiboetan oinarrituz, onuradun bakoitzari zenbateko laguntza eman proposatzea.

7.– Balorazio Batzordeak ebazpen-proposamena aurkeztuko dio Elikagaien Kalitate eta Industriako zuzendariari. Proposamenak, gutxienez, agindu honen 14. oinarrian aipatzen den edukia jasoko du.

8.– Balorazio Batzordeak bere barne funtzionamendu-arau propioak izango ditu. Arau horiek aurreikusten ez dituzten gaietan, Sektore Publikoaren Araubide Juridikoaren urriaren 1eko 40/2015 Legearen 15. artikuluan eta hurrengoetan xedatua aplikatuko da.

9.– Balorazio Batzordean parte hartzeko eta beste zeregin batzuetarako, HAZI Fundazioak (HAZI) erakunde lankide gisa jardungo du, Dirulaguntzei buruzko azaroaren 17ko 38/2003 Lege Orokorraren 12. eta 13. artikuluetan ezarritako eran, eta arau horren 16. artikuluko oinarrizko xedapenetan eta 53. artikuluko xedapenetan ezarritakoaren arabera.

10.– Ekonomiaren Garapen, Jasangarritasun eta Ingurumen Sailak lanak, zerbitzuak eta haren helburu sozialari loturiko edozein jarduketa utzi ahalko du HAZIren gain, betiere administrazio-ahalak betetzea ez badakar berekin, eta, gainera, agindutako lanak eta zerbitzuak gauzatzeko behar diren jarraibideak alde bakarretik finkatu ahalko ditu, deialdi honetara aurkez daitezkeen proiektuak baloratzeko behar diren ezagutza espezifikoen –gai jakin batzuei buruzkoen– espezifikotasuna dela-eta.

11.– HAZIk honako eginkizun hau egingo du:

«Aurkeztutako eskabideak aztertu eta ebaluatzea, ebaluazioaren xede den gaian aditua den euskarri teknikoa izateko premian oinarrituta. Ezarritako ebaluazio-organoari laguntza ematea eskabideak aztertzeko eta ebaluatzeko lan materialetan, ezarritako irizpideen arabera».

13. artikulua.– Ebaluatzeko prozedura.

1.– Agindu honetan araututako laguntzak lehiaketa bidez adjudikatuko dira.

2.– Agindu honetan jasotako laguntzak honen arabera adjudikatuko dira: azaroaren 11ko 1/1997 Legegintzako Dekretuaren bidez onartutako Euskal Autonomia Erkidegoko Ogasun Nagusiaren Antolarauei buruzko Legearen testu bateginaren 51.4 artikulua. Eskabideak akatsen bat izango balu, eta zuzendu egin beharko balitz, zuzenketa egin den eguna hartuko da aurkezpen-datatzat.

3.– Laguntzen ebaluazioa eta kuantifikazioa egiteko, Balorazio Batzordeak kontuan hartuko du ea egokitzen diren jarduketen izaera eta edukia eta diruz lagundu daitezkeen kostuak 3. eta 5. oinarrietan aurreikusitakora, bai eta 10. oinarrian ezarritako ebaluazio-irizpideak ere.

14. oinarria.– Ebazpena, ebazteko eta jakinarazteko epeak, jakinarazteko modua eta errekurtsoak.

1.– Aurkeztutako eskabide eta dokumentu bakoitza aztertu ondoren, Balorazio Batzordeak, laguntzak baloratzeko eta kuantifikatzeko irizpide objektiboetan oinarrituz, proposamen bat egingo du onuradun bakoitzari eman beharreko laguntzaren zenbatekoari dagokionez.

2.– Aurreko apartatuan aurreikusitako proposamena jaso ostean, Elikagaien Kalitate eta Industriako Zuzendaritzako titularrak ebazpena emango du, eta, hor, laguntza eman edo ukatuko zaio eskatzaileari.

Hartu beharreko ebazpenak honako informazio hau izan beharko du gutxienez:

A) Aintzat hartutako eskabideei dagokienez:

1.– Onuradunen izena edo izen soziala, eta IFK edo NAN.

2.– Euskal Autonomia Erkidegoko aurrekontuen bidez finantzatutako zenbatekoa eta ordaintzeko modua eta epeak.

3.– Diruz lagundu daitezkeen jarduketak eta kostuak, kasuan kasuko laguntzaren zenbatekoa adierazita.

4.– Proiektua gauzatzeko epea eta proiektuak gauzatzeko epearen bukaera-data.

5.– Laguntza nortasun juridikorik gabeko elkarte bati emanez gero, elkarteko kide bakoitzak proiektua gauzatzeko hartzen dituen konpromisoak eta bakoitzari aplikatu beharreko zenbatekoa islatu beharko dira.

6.– Laguntzaren minimis izaera, Europako erregelamendu aplikagarriaren arabera.

B) Aintzat hartu ez diren eskabideei dagokienez:

1.– Eskatzailearen izena edo sozietate-izena, IFK edo NAN.

2.– Laguntza ukatzeko arrazoiak.

3.– Laguntza ukatzeko ebazpenak ez du agortzen administrazio-bidea, eta halako ebazpenen aurka gora jotzeko errekurtsoa aurkez daiteke, Nekazaritzako, Arrantzako eta Elikagai Politikako sailburuordeari, hilabeteko epearen barruan, jakinarazpena jaso eta hurrengo egunetik hasita.

4.– Lehiaketa-prozeduraren ebazpena Euskal Herriko Agintaritzaren Aldizkarian argitaratuko da, Administrazio Publikoen Administrazio Prozedura Erkidearen urriaren 1eko 39/2015 Legearen 45.1.b) artikuluari jarraikiz. Argitalpen horrek jakinarazpen-ondorioak izango ditu.

Horrez gain, eta informazio gisa, ebazpen osoa helaraziko zaie interesdun guztiei, eta, gainera, ebazpenean interesdun bakoitzari berariaz eragiten dioten alderdiak identifikatuko dira. Informazioa modu elektronikoan helaraziko da, EAEko Administrazio Publikoaren egoitza elektronikoko «Nire karpeta» zerbitzuaren bidez.

Nolanahi ere, Euskal Herriko Agintaritzaren Aldizkarian argitaratutako data joko da jakinarazpen-datatzat.

5.– Prozedura hori ebazteko eta Ebazpena jakinarazteko, sei hilabeteko epea izango da gehienez. Epe hori bukatu eta berariazko ebazpenik eman eta jakinarazten ez bada, eskatzaileek ezetsitzat jo beharko dute eskabidea, hala ezarrita baitago Euskadiko Ogasun Nagusiaren Antolarauei buruzko Legearen testu bategina onartzen duen azaroaren 11ko 1/1997 Legegintzako Dekretuaren 51.9 artikuluan eta Dirulaguntzei buruzko abenduaren 17ko 38/2003 Lege Orokorraren 25.5 artikuluan.

6.– Prozeduraren ebazpenaren aurka (ez dio amaiera ematen administrazio-bideari), gora jotzeko errekurtsoa aurkeztu ahal izango zaio Nekazaritzako, Arrantzako eta Elikagai Politikako sailburuordeari, hilabeteko epean, ebazpenaren jakinarazpena jasotzen denetik aurrera, edo, edozein unetan, administrazio-isiltasunaren ondorioak gertatu eta hurrengo egunetik aurrera, betiere Administrazio Publikoen Administrazio Prozedura Erkidearen urriaren 1eko 39/2015 Legearen 121. eta 122. artikuluei jarraikiz.

7.– Arau honetan aurreikusitako dirulaguntzak erakunde onuradunei emateko –eta, bidezko denean, ordaintzeko– ezinbestekoa izango da bukatuta egotea Euskal Autonomia Erkidegoko Administrazio Orokorrak eta haren erakunde autonomoek emandako izaera bereko laguntzen edo dirulaguntzen arloan hasi eta oraindik izapidetzen ari diren itzulketa- edo zehapen-prozedura guztiak.

Prozedurak, amaieran, laguntza publikoak eskuratzeko desgaikuntza badakar, edo laguntza itzultzeko betebeharra ezartzen badu, eta dirua ez bada borondatez itzuli horretarako finkatutako epean, emandako dirulaguntza indargabetu egingo da, onuradunaren izaera eskuratzeko debekua izateagatik.

15. oinarria– Onuradunen betebeharrak.

Agindu honek arautzen dituen dirulaguntzen onuradunek oinarri honetan ezarritako baldintzak bete behar dituzte: batetik, Dirulaguntzei buruzko abenduaren 17ko 38/2003 Lege Orokorraren 14. eta 46. artikuluetako baldintzak; bestetik, Euskal Autonomia Erkidegoko Ogasun Nagusiaren Antolarauei buruzko Legearen testu bategina onartzen duen azaroaren 11ko 1/1997 Legegintzako Dekretuaren 50.2 artikuluko baldintzak. Honako hauek dira, zehazki:

1.– Laguntza emateko ebazpenak eta, hala badagokio, laguntza luzatzeko ebazpenak xedatzen duen epean egitea diruz laguntzen den jarduera; deialdiaren urtean hasi behar da inbertsioa edo gastua.

2.– Dirulaguntza eman den helbururako erabiltzea.

3.– Emandako dirulaguntza onartzea. Alde horretatik, hamabost eguneko epean, dirulaguntza eman zaiola jakinarazi eta hurrengo egunetik zenbatzen hasita, dirulaguntzaren onuradunak dirulaguntzari berariaz uko egin ezean, dirulaguntza onartu duela ulertuko da.

4.– Emandako laguntzaren zenbatekoarekin ondasun inbentariagarriak eskuratu, eraiki, birgaitu eta hobetzen badira, dirulaguntza eman den helbururako bideratu beharko dira ondasunak, gutxienez horiek gauzatu eta hurrengo 5 urteetan –erregistro publiko batean inskribatu beharreko ondasunen kasuan– edo hurrengo 2 urteetan gainerako ondasunen kasuan.

5.– Elikagaien Kalitate eta Industriako Zuzendaritzari jakinaraztea jarduera edo proiektua partez edo osorik gauzatu dela-eta haren esku jartzea hala egin dela egiaztatzeko beharrezkoak diren agiri guztiak.

6.– Ekonomiaren Garapen, Jasangarritasun eta Ingurumen Sailari, Ogasun eta Ekonomia Saileko Kontrol Ekonomikoko Bulegoari eta Herri Kontuen Euskal Epaitegiari, jasotako laguntzak nola erabili diren eta haien helburuak bete ote diren fiskalizatzeko eskatzen duten informazio guztia eman beharko zaie.

7.– Beste dirulaguntza edo laguntza batzuk eskatzen badizkiote administrazioren bati edo erakunde publiko edo pribaturen bati diruz laguntzen den ekintza bera finantzatzeko, Elikagaien Kalitate eta Industriako Zuzendaritzari jakinarazi behar diote, eta, hala badagokio, eman egin dizkietela ere jakinarazi behar diote, idatziz, beste dirulaguntza edo laguntza horiek eman dizkietela jakin eta hamabost egun balioduneko epean.

8.– Dirulaguntza emateko kontuan hartzen den egoera subjektibo edo objektiboren bat aldatzen bada, aldaketaren berri emango zaio Elikagaien Kalitate eta Industriako Zuzendaritzari, idatziz, 19.2 oinarrian jasotzen den terminoetan.

9.– Gastuei eta diruz lagundutako jarduerei buruz ematen den informazio edo publizitate guztian, argiki jasotzea Eusko Jaurlaritzaren funtsekin finantzatu direla jarduerok, Eusko Jaurlaritzaren erakunde-nortasunaren eskuliburua arautzen duen abuztuaren 31ko 318/1999 Dekretuan xedatuarekin bat.

10.– Merkataritza-legeriak eskatutako terminoetan ikuskatutako kontabilitate-liburuak, erregistro izapidetuak eta gainerako dokumentu guztiak izatea, eta deialdi bakoitzean finantzatutako inbertsioarekin lotutako inbertsio eta gastu guztietarako kontabilitate-kode egoki bat edo kontabilitate-sistema bereizi bat mantentzea, araudiak finkatzen dituen kontrolak egin ahal izateko.

11.– Jasotako funtsak zertarako erabili diren frogatzen duten agiriak gordeko dira, bai eta elektronikoak ere, baldin eta egiaztatu eta kontrolatu ahal badira.

12.– Eskabidean jakinaraztea ea sartuta dauden ala ez Euskal Autonomia Erkidegoko Administrazioak eta haren erakunde autonomoek emandako izaera bereko laguntzen edo dirulaguntzen esparruan hasiera eman zaion edozein itzulketa- edo zehapen-prozeduratan, eta zeintzuk diren zehaztea.

16. oinarria.– Gehieneko exekuzio-epeak.

1.– Inbertsioak edo gastuak urtebetean edo hainbat urtetan gauzatu ahal izango dira. 2023ko aurrekontu-ekitaldian hasi behar dira diruz laguntzeko ekintzak.

2.– Urteko proiektuen exekuzio-epea 2023ko abenduaren 31n amaituko da. 3.– Hainbat urtetako proiektuak gauzatzeko epea 2024ko abenduaren 31n amaituko da.

17. oinarria.– Gastua justifikatzea.

1.– Dirulaguntzei buruzko abenduaren 17ko 38/2003 Lege Orokorraren 30. artikulua betez, dirulaguntza jaso duen inbertsio- edo gastu-proiektuaren betearazpena eta onuradun izateko eskatutako betekizunak eta baldintzak betetzen direla justifikatzeko, agiri hauek aurkeztu beharko zaizkio landa-garapenaren arloko zuzendaritza eskudunari:

a) Egindako jarduketen justifikazio-memoria bat, jarduketa-plana betetzeari eta jardueren betetze-mailari buruzko informazioa jasoko duena, bai eta laguntza emateko kontuan hartu diren baldintza eta eskakizunak betetzeari buruzkoa ere.

b) Faktura originalak eta froga gisa balio bera duten gainerako agiriak, merkataritzako trafiko juridikoan balio dutenak edo administrazio-eraginkortasuna dutenak, faktura jaulkitzeko beharrik ez dagoen kasuetan, Fakturazio-betebeharrak arautzeko Erregelamendua onartzen duen Errege Dekretuaren 3. artikuluari jarraikiz betiere (azaroaren 30eko 1619/2012 Errege Dekretua), eta dagokien ordainketa-frogagiria.

c) Adierazpen bat, zehazten duena fakturak eta ordainketak justifikatzeko gainerako egiaztagiriak ez direla aurkeztu diruz lagundu daitezkeen beste programa batzuk justifikatzeko edo, hartarako aurkeztu badira, zehazten duena zer programa justifikatzeko aurkeztu diren eta faktura edo egiaztagiri bakoitzaren zer ehuneko lagundu den diruz.

2.– Elikagaien Kalitate eta Industriako Zuzendaritzak foru-ogasunarekiko eta Gizarte Segurantzarekiko zerga-betebeharrak egunean dauden egiaztatuko du, automatikoki eta ofizioz. Hala ere, eskatzaileak berariaz uka dezake laguntza-eskabidean inplizituki dagoen baimen hori, eta, hala egiten badu, ziurtagiria edo eskatzen zaion agiria aurkeztu beharko du, betiere urriaren 1eko 39/2015 Legearen 28.2 artikuluan xedatutakoaren arabera.

3.– Elikagaien Kalitate eta Industriako zuzendariak dokumentu gehiago eskatu ahal izango ditu, egoki baderitzo. Eskabide hori arrazoitu egin beharko da.

4.– Aurreko apartatuetan aipatutako agiriak aurkeztu ondoren, proiektuaren azken ebaluazioa egingo dute Elikagaien Kalitate eta Industriako Zuzendaritzako langileek, eta proiektuak berarekin soilik inbertsioa edo soilik gastua badakar, edo inbertsioa eta gastua elkarrekin, proiektua gauzatu dela adierazten duen azken ziurtagiria egingo dute.

5.– Laguntzak modu egokian kudeatzen eta ordaintzen direla bermatzeko, honako hauek izango dira egindako gastuen egiaztagiriak aurkezteko gehieneko epeak: urteko proiektuetarako, 2024ko urtarrilaren 31; hainbat urteko proiektuetarako, 2025eko urtarrilaren 31.

18. oinarria.– Dirulaguntzen ordainketa.

Erakunde onuradunak Eusko Jaurlaritzako Hirugarrenen Erregistroan jasota egon beharko du. Alta emateko edo hirugarren interesdunaren datuak aldatzeko, Eusko Jaurlaritzak emandako hirugarrenentzako erregistro telematikora jo beharko da, honako helbide honetan:

https://www.euskadi.eus/altaterceros https://www.euskadi.eus/hirugarrenak

1.– Ordainketak honela egingo dira 3A, 3B eta 3C lerroetarako:

A) Ebazpenarekin batera, aurretiko lehen ordainketa bat egingo da, zeina emandako laguntzaren % 25 izango baita.

B) Urte bakoitzean, ordainketak kontura egin daitezke, proiektuak gauzatzeko erritmoaren arabera. Horretarako, interesdunek eskabidea egin behar dute aurretik. Gehienez ere, konturako ordainketa bat egingo da urte bakoitzeko. Konturako ordainketa egiteko eskabidearekin batera, 17. oinarriaren 1. paragrafoan aipatzen diren agiriak aurkeztuko dira. Ezin izango da konturako ordainketarik eskatu ordainketa aurreratua justifikatu gabe.

2.– Zehapen-prozeduraren batean edo dirulaguntzen itzultze-prozeduraren batean sartuta egonez gero, laguntza jasotzeko, lehenik handik atera beharko da. Prozeduraren ondorioz laguntza publikoak jasotzeko desgaikuntza edo itzultzeko betebeharra ezarriko balitz, itzulketa ez bada borondatezko aldian egiten, baldintzapean emandako laguntza indargabetu egingo da, onuradun izateko debekua dakarten egoeretako batean egoteagatik. Hala badagokio, dirulaguntza hauek onuradunei ordaintzeko, dirulaguntzak itzultzeko betebeharren ordainketak egunean izan beharko dira.

3.– Inbertsioak ez badira egiten gehieneko epeen barruan, edo inbertsioa egin izana egiaztatzeko agiriak ez badira aurkezten epe barruan, onuradunek dirulaguntza hartzeko eskubidea galduko dute, eta, hala badagokio, agindu honen 21. oinarriko itzulketa-prozedura jarriko da abian.

4.– Izaera juridikorik ez duten pertsona fisiko edo juridiko pribatuen taldeei eta ondasun-erkidegoei dagokienez, funtsen hartzaile izateko izendatu den kideari egingo zaio ordainketa, eta hark banatuko ditu taldeko gainerako kideen artean.

19. oinarria.– Dirulaguntzaren baldintzak aldatzea.

1.– Beste erakunde publiko nahiz pribatu batetik beste laguntza edo dirulaguntzaren bat jasoz gero, idatziz justifikatu eta jakinarazi beharko zaio Elikagaien Kalitate eta Industriako Zuzendaritzari, eta, horren ondorioz, gerta liteke dirulaguntza emateko ebazpena aldatzea; kasu horretan, dena dela, agindu honetan ezarritako betekizunak eta laguntza ematea eragin zuen helburua gorde beharko dira. Horretarako, Elikagaien Kalitate eta Industriako zuzendariak dagokion aldaketa-ebazpena emango du, hala egokituz gero emandako dirulaguntzaren zenbatekoak oinarri berriaren arabera doitzeko. Hala bada, 1991ko abenduaren 17ko 698/1991 Dekretuan jasotako itzulketa-prozedurari ekingo zaio.

2.– Jarduketek, nahitaez, aurkeztutako laguntza-eskabidean eta dokumentazio osagarrian jasotakoak bildu beharko dituzte, eta Elikagaien Kalitate eta Industriako Zuzendaritzak horietan aldaketak egiteko baimena eman ahal izango du, baldin eta erakunde onuradunak aldez aurretik justifikatu baditu aldaketa horiek, eta jarduketen izaera eta lortu nahi diren helburuak indargabetzen ez badira. Elikagaien Kalitate eta Industriako Zuzendaritzak aurkeztutako aldaketa-eskabide guztiak ebaluatuko ditu, eta hilabeteko epean ebatziko du horiek baimendu edo ukatzea. Epea igaro eta ebazpenik eman ez bada, eskabidea ukatutzat joko da.

3.– Baldin eta egindako inbertsioaren edo gastuaren behin betiko benetako kostua txikiagoa bada onartutako eta dirulaguntza emateko erreferentziatzat hartutako aurrekontua baino, eta laguntza helburu bererako erabiltzen bada, emandako dirulaguntzaren zenbatekoa txikitu egingo da, dagokion proportzioan, Elikagaien Kalitate eta Industriako zuzendariaren likidazio-ebazpen baten bidez, eta, gero, oinarri berriari aplikatuko zaio dirulaguntzaren ehunekoa.

20. oinarria.– Atzera egitea eta uko egitea.

1.– Eskatzaileak atzera egin ahal izango du, betiere laguntzak emateko prozeduraren ebazpena jakinarazi aurretik. Horretarako, atzera egiteko eskabide bat helarazi beharko dio Elikagaien Kalitate eta Industriako zuzendariari, idatziz, eta hark, ebazpen baten bidez, bete-betean onartuko du eskabidea, eta amaitutzat emango du hari dagokion prozedura.

2.– Laguntzaren onuradunak 15 eguneko epea izango du emandako laguntzari uko egiteko, dirulaguntza eman izanaren jakinarazpena jaso eta hurrengo egunetik aurrera zenbatzen hasita, 15. oinarriko 3. apartatuan jasotakoari jarraikiz. Horretarako, emandako laguntzei uko egiteko eskabidea helarazi beharko dio Elikagaien Kalitate eta Industriako zuzendariari, idatziz, eta hark, ebazpen baten bidez, bete-betean onartuko du eskabidea, eta amaitutzat emango du hari dagokion prozedura.

Ukoa onartuta, onuradunak automatikoki galduko du ebazpen bidez onartutako eskubidea, bai eta emandako laguntza kobratzeko eskubidea ere.

Halaber, aipatu bezala, 15 egunen ostean ere uko egin dakioke, baina horrek jasotakoa itzuli beharra ekarriko du, dagozkion berandutze-interesak gehituta.

21. oinarria.– Ez-betetzeak.

1.– Ez-betetzeen kausak izango dira, gutxienez, honako hauek:

a) Agindu honetan ezarritako betebeharren bat ez betetzea.

b) Dirulaguntza emateko ebazpenean ezartzen diren baldintzak, halakorik izanez gero, ez betetzea.

c) Laguntza emateko xedea ez betetzea.

d) Euskadiko Ogasun Nagusiaren Antolarauei buruzko Legearen 53. artikuluan eta Dirulaguntzei buruzko 2003ko azaroaren 17ko 38/2003 Lege Orokorraren 37. artikuluan xedatu itzulketa-kausaren bat sortzea.

2.– Jarduketaren zati bat ez bada betetzen, Dirulaguntzei buruzko azaroaren 17ko 38/2003 Lege Orokorraren 37.2 artikuluari jarraikiz, honela jokatuko da, dokumentazioa 19. oinarrian adierazitako moduan aztertu ondoren:

a) Dirulaguntzaren xede diren jarduerak ez badira zati batean betetzen, laguntzaren zati bat itzuli beharko da, lortu ez diren helburuen gastuari edo justifikatu gabeko jardueraren gastuari dagokion ehunekoan, 19. oinarrian adierazitako eran.

b) 19. oinarrian adierazitakoaren arabera, baimendu gabeko aldaketak eginez gero, desbideratutako zenbatekoak itzuli beharko dira.

3.– Onuraduna aurreko apartatuan zerrendatutako ez-betetzeen kausetako batean balego, Elikagaien Kalitate eta Industriako Zuzendaritzak, 15 eguneko epean, interesdunari entzunaldia emango dion itzultze-espedientea egin ondoren, egokitzat jotzen dituen alegazioak egin ditzan, ebazpen baten bidez, dirulaguntza jasotzeko eskubidea kenduko dio onuradunari, partez edo osorik, eta, hala badagokio, kobratu dituen laguntzak eta dirulaguntzen arloan aplikatu beharreko berandutze-interesak itzuli beharko dizkio onuradunak Euskal Autonomia Erkidegoko Diruzaintza Nagusiari, partez edo osorik, proiektuaren gauzatze-mailaren proportzioan, Euskal Autonomia Erkidegoaren aurrekontu orokorren kargura ematen diren dirulaguntzen bermeei eta horiek itzultzeari buruzko abenduaren 17ko 698/1991 Dekretuan eta Euskadiko Ogasun Nagusiaren Antolarauei buruzko Legearen testu bateginaren 53. artikuluan eta 2003ko dirulaguntzei buruzko azaroaren 17ko 38/2003 Lege Orokorraren 37. artikuluan xedatuarekin bat. Gainera, dagozkion gainerako neurriak hartuko dira. Ez-betetzea inbertsioei eusteko epeari badagokio, emandako dirulaguntzaren itzulketa pro rata temporis egingo da.

Aipatutako diru kopuruak diru-sarrera publikotzat hartuko dira lege-ondorio guztietarako.

4.– Arau-hauste administratibotzat har daitezkeen gertakarien ondorioz hasten bada itzulketa-prozedura, organo eskudunari jakinaraziko zaizkio gertakariok, dagokion zehapen-prozedura has dezan.

22. oinarria.– Bateragarritasunak.

1.– Agindu honetan aurreikusitako dirulaguntzak bateragarriak dira beste edozein erakunde publiko zein pribatuk xede bererako emandako beste edozeinekin, betiere dirulaguntza guztien baturak gainditzen ez baditu agindu honek egoera bakoitzerako ezarritako gehieneko ehunekoak. Muga hori gaindituko balitz, gaindikinari dagokion zenbatekoa kenduko zaio laguntzari, Elikagaien Kalitate eta Industriako zuzendariaren ebazpen baten bidez, erakunde onuradunari entzun ondoren.

2.– Aurreko paragrafoan xedatutakoa gorabehera, baldin eta laguntzen mugak desberdinak badira, erakunde onuradunarentzat onuragarriena den muga hartuko da kontuan gaindikina kalkulatzeko.

23. oinarria.– Datuen babesari buruzko oinarrizko informazioa.

Datu pertsonalak izen hau duen tratamendu-jardueran tratatu eta sartuko dira: Elikagaien kalitate eta industriaren arloko laguntzak.

– Arduraduna: Elikagaien Kalitate eta Industriako zuzendaria, Ekonomiaren Garapen, Jasangarritasun eta Ingurumen Saila.

– Xedea: Elikagaien Kalitate eta Industriako Zuzendaritzaren laguntzen, beken eta I+Garen jarraipena, kontrola eta kudeaketa.

– Legitimazioa:

• Tratamendua beharrezkoa da interes publikoaren izenean misio bat egiteko edo tratamenduaren arduradunari aitortzen zaizkion ahalorde publikoak egikaritzeko.

– Hartzaileak:

• Euskal Autonomia Erkidegoko beste organo batzuk.

• Nekazaritza eta Arrantzako Estatistika Ofizialen Zerbitzua (SEAS). Erakunde ordaintzailea.

– Eskubideak: eskubidea duzu datuak eskuratzeko, zuzentzeko eta ezerezteko, bai eta informazio gehigarrian adierazitako beste eskubide batzuk ere.

– Informazio gehigarria: datuen babesari buruzko informazio gehigarri eta xehea duzu gure web-orrian:

https://www.euskadi.eus/informazio-klausulak/web01-sedepd/eu/gardentasuna/001600-capa2-eu.shtml

– Araudia:

• Datuak Babesteko Erregelamendu Orokorra (https://www.avpd.euskadi.eus/contenidos/informacion/20161118/eu_def/adjuntos/rgpd_2016R0679-es-eu.pdf)

• 3/2018 Lege Organikoa, abenduaren 5ekoa, Datu Pertsonalak Babestekoa eta Eskubide Digitalak Bermatzekoa (https://www.avpd.euskadi.eus/contenidos/informacion/20161118/eu_def/adjuntos/LOPDGDD-20181206-eu-es.pdf).

II. ERANSKINA

ESKABIDEA EGITEKO FORMULARIOAREN EDUKIA

Laguntzaren eskabide-inprimakia webgune honetan dago eskuragarri: https://www.euskadi.eus/hasiera/

Funtsezko eduki hau du:

ERREFERENTZIAKO PERTSONAREN IDENTIFIKAZIO-DATUAK, AURKEZPENAREKIN ETA JUSTIFIKAZIOAREKIN LOTUTA SOLASKIDE-LANAK EGITEKO

Izen-abizenak:

Lanpostua edo kargua:

Telefono finkoa / Mugikorra:

Helbide elektronikoa:

Identifikazio-dokumentu mota (NAN/AIZ) Zenbakia:

ESKATZAILEAREN IDENTIFIKAZIO-DATUAK

Erakundearen izena (pertsona juridikoek soilik).

Pertsona fisikoaren izen-abizenak:

Identifikazio-agiri mota (IFK/NAN/AIZ) Telefono finkoa.

Telefono mugikorra. Helbide elektronikoa.

Lurralde historikoa.

Sexua (pertsona fisikoek soilik). Jakinarazpen eta komunikazioetarako kanala. Abisuak jasotzeko helbide elektronikoa. Jakinarazpenen hizkuntza.

1.– Informazio orokorra.

1.1.– Inbertsio-proiektuaren edo gastuaren titulua.

1.2.– Jarduketa-proiektuaren deskribapen laburra (gehienez 200 hitz):

1.3.– Jarduketa-proiektuaren lurralde-eremua (kokapen zehatza: proiektua gauzatuko den eremuak, hiriak, auzoak edo udalerriak): _______________.

1.4.– Jarduketa-proiektuaren iraupena:

(Ikus .PDF)

1.5.– Jarduketa-proiektuaren finantzaketa:

(Ikus .PDF)

2.– Memoria teknikoa.

2.1.– Beharrizanen azterketa eta proposatutako konponbidearen egokitasuna, gehienez 500 hitz.

2.2.– Espero diren emaitzak eta adierazleak (deskribatu aurreikusitako emaitzak eta horiek neurtzeko erabiliko diren adierazleak).

(Ikus .PDF)

(Ikus .PDF)

(Ikus .PDF)

2.3.– Aurrekontu xehatua.

(Ikus .PDF)

2.4.– Alternatibaren aukeraketa (deskribatu aukeratutako gastu/jardueren aukerak), gehienez 1.000 hitz.

2.5.– Egin beharreko ekintzen deskribapena eta gauzatzeko epea (2.4 apartatuan deskribatutako gastuak/jarduerak zerrendatu eta bakoitzaren gauzatze-hilabeteak X batez markatu).

(Ikus .PDF)

(Ikus .PDF)

2.6.– Laguntza emanez gero, enpresaren hobekuntzan izango dituen ondorioak (deskribatu jarduera-proiektua enpresaren jarduera ekonomikoan gauzatzeak dakartzan aurrerapenak), gehienez 200 hitz.

2.7.– Ingurumenaren, produktibitatearen eta iraunkortasun ekonomikoaren hobekuntzak sustatzea (azaldu labur-labur jarduketa-proiektuak enpresaren jarduera ekonomikoan dituen beste inpaktu txikiago batzuk: ingurumena, ekoizpen-efizientzia), gehienez 200 hitz.

2.8.– Erakunde sustatzaileko plantillaren banaketa, sexuaren arabera

(Ikus .PDF)

Honako hauek ziurtatzeko erantzukizunpeko adierazpena:

– Enpresa ez dago krisialdian, estatuek krisialdian dauden enpresa ez-finantzarioak salbatzeko eta berregituratzeko ematen dituzten laguntzei buruzko zuzentarauen arabera (2014/C 249/01).

– Proiektuak EAEn ingurumen-gaietan aplikatu beharreko berariazko araudia betetzea (21/2013 Legea, abenduaren 9koa, Ingurumen-ebaluazioari buruzkoa; eta 10/2021 Legea, abenduaren 9koa, Euskadiko Ingurumen Administrazioarena) –dagokionean, inbertsio-proiektuek ingurumenean duten eragina ebaluatuko da, aurrez–, baita higiene-araudia eta inbertsio bakoitzari aplikatu beharreko Europar Batasuneko arauak ere.

– Jakinaraztea ea diruz lagundu daitekeen proiektu bererako bestelako dirulaguntza, laguntza, diru-sarrera edo baliabide ekonomikorik eskatu zaion administrazio publiko edo erakunde publiko nahiz pribaturen bati, baita eskuratu den edo ez ere.

(Ikus .PDF)

– Ea azken hiru urteetan eskatu eta lortu duen edozein administrazio publikotatik edo erakunde publikotatik minimis laguntzarik edo ez (Batzordearen 2013ko abenduaren 18ko 1407/2013 (EB) Erregelamenduaren aplikazio-esparrua; Batzordearen 2013ko abenduaren 18ko 1408/2013 (EB) Erregelamenduaren esparrua; Batzordearen 2014ko ekainaren 27ko 717/2014 (EB) Erregelamenduaren esparrua; Batzordearen 2012ko apirilaren 25eko 360/2012 (EB) Erregelamenduaren esparrua).

(Ikus .PDF)

– 3c lerroari dagokionez, Batzordearen 2022ko abenduaren 14ko 2022/2472 (EB) Erregelamenduaren 8. artikuluan jasotako metatze-arauak errespetatu beharko dira, jasotako beste zenbateko batzuk adierazita.

(Ikus .PDF)

– Euskal Autonomia Erkidegoko Administrazioak eta haren erakunde autonomoek emandako izaera bereko laguntza eta dirulaguntzen esparruan abiarazi duten itzultzeko edo zehatzeko prozeduraren batean sartuta dagoen edo ez.

– EAEko Administrazioak eta haren mendeko erakundeek emandako laguntzen edo dirulaguntzen esparruan, itzulketa- edo zehapen-prozeduretako kantitate zehatzak ordaintzeko betebeharrari dagokionez egunean dagoen edo ez. Betebehar horien ordainketak egunean dituztela ulertuko da, baldin eta zorrak geroratuta eta zatituta badaude, eta, horrez gain, gaineratutako zor, interes eta gastu guztiak estaliko dituen bermea eratu bada.

– Ez du dirulaguntza edo laguntza publikoak eskuratzea eragozten dion zigor- edo administrazio-arloko zehapenik edo epai irmorik, ezta horretarako ezgaitzen duen legezko inolako debekurik ere, sexu-bereizkeriagatik ezarritako debekuak barnean direla, EONALTBren 50.5 artikuluan xedatutakoaren arabera.

– Konkurtso-deklaraziorik ez duela eskatu, edozein prozeduratan kaudimengabetzat jota ez dagoela, konkurtsoan deklaratuta ez dagoela, salbu eta horretan eraginkortasuna hartu badu itun batek, esku-hartze judizialaren eraginpean ez dagoela edo desgaitua ez dagoela Konkurtsoari buruzko uztailaren 9ko 22/2003 Legearen arabera, konkurtsoaren kalifikazio-epaian ezarritako desgaitze-aldia amaitu gabe.

– Dirulaguntzak lortzeko aukera galduta ez izatea ebazpen irmo baten bidez ezarritako zehapena dela-eta, edo honako delitu hauetakoren bat egin izanagatik: prebarikazioa, funtzionario-eroskeria, ondasun publikoak bidegabe erabiltzea, eragimen-trafikoa, iruzurrak eta legearen aurkako ordainarazpenak edo hirigintza-delituak.

– Ez du administrazioarekin egindako kontraturen baten suntsiarazpen irmorik eragin, suntsiarazpen-arrazoi horren errudun deklaratu dutelarik.

– Pertsona fisikoa, merkataritza-sozietateen administratzaileak edo beste pertsona juridiko batzuen legezko ordezkaritza dutenak ez daude Kargu publikodunen jokabide-kodea eta haien interes-gatazkak arautzen dituen ekainaren 26ko 1/2014 Legean ezarritako kasuren batean, edo ez daukate Hauteskunde Araubide Orokorrari buruzko ekainaren 19ko 5/1985 Lege Organikoan araututako hautapen bidezko karguren bat, lege horretan edo arlo hau arautzen duen araudi autonomikoan ezarritako baldintzetan.

– Ez du galdu laguntza edo dirulaguntza publikoak lortzeko aukera ebazpen irmo baten bidez ezarritako zehapena dela-eta, edo honako delitu hauetakoren bat egin izanagatik: prebarikazioa, funtzionario-eroskeria, ondasun publikoak bidegabe erabiltzea, eragimen-trafikoa, iruzurrak eta legearen aurkako ordainarazpenak edo hirigintza-delituak.

– Ez du zerga-egoitza erregelamenduz zerga-paradisu gisa kalifikatutako herrialde edo lurralde batean.

– Ez da zehatua izan Euskadiko Ingurumen Administrazioaren abenduaren 9ko 10/2021 Legean aurreikusitako arau-hauste astun eta oso astunengatik administrazio-bidean ebazpen irmo baten bidez, edo, zehatua izan bada, dagozkion neurri zuzentzaileak bete ditu eta isuna ordaindu du.

– Elkarteen kasuan, elkartzeko eskubidea arautzen duen martxoaren 22ko 1/2002 Lege Organikoaren 4. artikuluaren 5. eta 6. apartatuetan aurreikusitako debekuen kausetan sartuta ez egotea. Eta inskribatzeko administrazio-prozedura ez etetea ez-zilegitasun penalaren zentzuzko zantzuak egoteagatik, 1/2002 Lege Organikoaren 30.4 artikuluan xedatutakoari jarraikiz, harik eta ebazpen judizial irmoa eman, eta, horren bitartez, inskripzioa dagokion erregistroan egin ahal izan arte.

– Ez egotea berreskuratze-agindu baten mende, Europako Batzordeak aurretiaz erabaki badu laguntza bat legez kanpokoa eta barne-merkatuarekin bateraezina dela.

– Kontabilitate-araudiaren arabera, urteko kontu laburtuak aurkez ditzaketen erakundeetako bat izanik, nire erantzukizunpean aitortzen dut betetzen ditudala abenduaren 29ko 3/2004 Legean aurreikusitako ordainketa-epeak (3/2004 Legea, abenduaren 29koa, merkataritza-eragiketetan berankortasunaren aurkako neurriak ezartzen dituena).

Halaber, erantzukizunpeko adierazpen hau aurkezteak –39/2015 Legearen 69. artikulua aplikatuta– esan nahi du betebehar horiek betetzen dituela, hala ziurtatzen duen dokumentazioa duela, hura eskatzen zaionean Administrazioaren eskura jarriko duela, eskubidea aitortzen zaion bitartean betebehar horiek betetzeko konpromisoa hartzen duela; badakiela funtsezko zehaztasunik ezak, faltsukeriak edo ez-egiteak erantzukizun penalak, zibilak edo administratiboak izan ditzakeela; eta Administrazioak egiaztatzeko, kontrolatzeko eta ikuskatzeko ahalmena duela.

Laguntza honen organo kudeatzaileak automatikoki egiaztatuko ditu NANa, IFK, zerga-betebeharrak egunean dituela egiaztatzen duten ziurtagiriak eta Gizarte Segurantzarekiko ordainketak egunean dituela egiaztatzen duten agiriak, bai eta elkarteko zuzendaritza batzordeko kideen ziurtagiriak eta indarrean dagoen berdintasunerako plana inskribatu izanaren ziurtagiria ere. Horretarako, pertsona eskatzaileek edo onuradunek ez dute berariazko baimenik eman beharrik izango, berariaz uko egiten diotela adierazten denean salbu, eta, kasu horretan, dagokien ziurtagiria edo eskatutako dokumentua aurkeztu beharko dute. Hori guztia Euskadiko Ogasun Nagusiaren Antolarauei buruzko Legearen testu bateginaren 1/1997 Legegintzako Dekretuaren 50.3 artikulua eta Administrazio Publikoen Administrazio Prozedura Erkidearen 39/2015 Legearen 28.2 artikulua aplikatuz.

– Berariaz ukatzen dut baimena, eta adierazpen honekin batera aurkeztuko ditut ziurtagiriak.

III. ERANSKINA

DIGITALIZAZIOA 2023 DIRUZ LAGUN DAITEZKEEN EJSN-EN ZERRENDA

01.– Nekazaritza, abeltzaintza eta ehiza.

0230.– Basoko produktuen bilketa, zura salbu.

03.– Arrantza eta akuikultura.

10.– Elikagaien industria.

11.– Edarien fabrikazioa.

461.– Nekazaritzako lehengaien, bizirik dauden animalien, ehungintzako lehengaien eta erdi landutako produktuen merkataritzako bitartekariak.

4617.– Elikagaien, edarien eta tabakoaren merkataritzako bitartekariak.

4621.– Zerealen, tabako-zotzen, hazien eta animalientzako elikagaien handizkako merkataritza.

4631.– Fruta eta barazkien handizkako merkataritza.

4632.– Haragiaren eta haragizko produktuen handizkako merkataritza.

4633.– Esnekien, arrautzen, olioen eta jan daitezkeen gantzen handizkako merkataritza.

4634.– Edarien handizkako salmenta.

4636.– Azukrearen, txokolatearen eta gozoen handizkako merkataritza.

4637.– Kafearen, tearen, kakaoaren eta espezien handizkako merkataritza.

4638.– Arrainen, itsaskien eta beste elikagai batzuen handizkako merkataritza.

4639.– Elikagaien, edarien eta tabakoaren espezializatu gabeko handizkako merkataritza.

4721.– Espezializatutako establezimenduetan fruta eta barazkien txikizkako merkataritza.

4722.– Espezializatutako establezimenduetan haragiaren eta haragizko produktuen txikizkako merkataritza.

4723.– Espezializatutako establezimenduetan arrainen eta itsaskien txikizkako merkataritza.

4724.– Espezializatutako establezimenduetan ogien eta okindegiko eta gozotegiko produktuen txikizkako merkataritza.

4725.– Espezializatutako establezimenduetan edarien txikizkako merkataritza.

4729.– Espezializatutako establezimenduetan elikagaien txikizkako merkataritza.

4781.– Salmenta-postuetan eta azoka txikietan janariaren, edarien eta tabakoaren txikizkako merkataritza.

4711.– Espezializatu gabeko saltokietan txikizkako merkataritza, batez ere elikagaiak, edariak eta tabakoa saltzen dutenak.

4719.– Txikizkako merkataritza espezializatu gabeko saltokietan.

0210.– Basogintza eta basoko beste jarduera batzuk.

0220.– Zurgintzako industria.

0240.– Basogintza babesteko zerbitzuak.

1610.– Zura zerratzea eta arrabotatzea.

1621.– Zurezko txapen eta oholen fabrikazioa.

1624.– Zurezko ontzien eta enbalajeen fabrikazioa.

Jarraian zerrendatuta dauden EJSNak kontuan hartu ahal izango dira Euskadiko NEIEn inskribatutako establezimenduren bat duten erakundeentzat:

1622.– Muntatutako zurezko lurzoruen fabrikazioa.

1623.– Eraikuntzarako zurezko beste egitura batzuen eta zurgintzako eta ebanisteriako piezen fabrikazioa.

1629.– Zurezko beste produktu batzuen fabrikazioa; kortxozko artikuluak, saskigintza eta espartzugintza.

2512.– Metal-arozgintzaren fabrikazioa.

3519.– Beste mota batzuetako energia elektrikoen ekoizpena.

3530.– Lurrunaren eta aire girotuaren hornidura.

4673.– Zuraren, eraikuntzarako materialen eta aparatu sanitarioen handizkako merkataritza.

4677.– Txatarraren eta hondakinezko produktuen handizkako merkataritza.

4941.– Salgaiak errepidetik garraiatzea.

6820.– Ondasun higiezinak norberaren kontura alokatzea.

4920 – Salgaiak trenbidetik garraiatzea.

4941.– Salgaiak errepidetik garraiatzea.

5020 – Salgaiak itsasotik garraiatzea.

5121.– Salgaiak airetik garraiatzea.

5210.– Gordailua eta biltegiratzea.

5510.– Hotelak eta antzeko ostatuak.

5590.– Beste ostatu batzuk.

5610.– Jatetxeak eta janari-postuak.

5621.– Ekitaldietarako janari prestatuen hornikuntza.

5629.– Beste janari-zerbitzu batzuk.

5630.– Edarien saltokiak.

Azterketa dokumentala