Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

159. zk., 2023ko abuztuaren 22a, asteartea


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

BERDINTASUN, JUSTIZIA ETA GIZARTE POLITIKETAKO SAILA
4010

EBAZPENA, 2023ko uztailaren 10ekoa, Giza Eskubide, Biktima eta Aniztasuneko zuzendariarena, zeinaren bidez deialdia ebazten baita bizikidetzaren eta giza eskubideen arloko proiektuak egiten dituzten Euskal Autonomia Erkidegoko udalentzako eta gainerako toki-entitateentzako laguntzetarako.

Apirilaren 24ko 57/2018 Dekretuaren bidez, bizikidetzaren eta giza eskubideen arloko proiektuetarako dirulaguntzak arautu ziren.

Giza Eskubideen, Biktimen eta Aniztasunaren zuzendariaren 2023ko martxoaren 14ko Ebazpenaren bidez, deialdia egin zen bizikidetzaren eta giza eskubideen arloko proiektuak egiten dituzten Euskal Autonomia Erkidegoko udalentzako eta gainerako toki-entitateentzako laguntzetarako.

Deialdiaren ebazpeneko 7. artikuluarekin bat etorriz, horretarako izendatutako balorazio-batzordeak proposamen bat egin du dirulaguntzak emateko, eta, hori ikusita, honako hau

EBAZTEN DUT:

Lehenengoa.– I. eranskineko zerrendako erakundeen eskabideak kanporatzea, eranskinean bertan adierazitako arrazoiengatik.

Bigarrena.– II. eranskineko zerrendako erakundeei laguntzak esleitzea, eranskinean bertan adierazitako zenbatekoen arabera.

Hirugarrena.– III. eranskineko zerrendako erakundeei laguntzak ukatzea, eranskinean bertan adierazitako arrazoiengatik.

Laugarrena.– Eusko Jaurlaritzaren finantzaketarekin egiten diren ikerketek Gogora Memoriaren, Bizikidetzaren eta Giza Eskubideen Institutuak egindako «Giza Eskubideen eta Oraintsuko Memoriaren Udal Txostenak egiteko oinarriak eta irizpideak (1960-2018)» dokumentuan ezarritako printzipioak errespetatu beharko dituzte.

Bosgarrena.– Ebazpen honek ez du administrazio-bidea amaitzen, eta interesdunak gora jotzeko errekurtsoa jar diezaioke hierarkian gorago dagoen organoari, hilabeteko epean, hau argitaratu eta hurrengo egunetik aurrera, Administrazio Publikoen Administrazio Prozedura Erkidearen urriaren 1eko 39/2015 Legearen 121. eta 122. artikuluetan xedatutakoari jarraikiz.

Vitoria-Gasteiz, 2023ko uztailaren 10a.

Giza Eskubide, Biktima eta Aniztasuneko zuzendaria,

MÓNICA HERNANDO PORRES.

(Ikus .PDF)

Azterketa dokumentala