Euskal Herriko Agintaritzaren Aldizkaria

155. zk., 2023ko abuztuaren 16a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HEZKUNTZA SAILA

3960

AGINDUA, 2023ko uztailaren 24koa, Hezkuntzako sailburuarena, Bermeon (Bizkaia) dagoen «I. Arozena-Barrueta´tar Benito» Bigarren Hezkuntzako Institutuaren izen espezifikoaren aldaketa onesteko dena.

Abenduaren 29ko 3/2020 Lege Organikoak aldatutako Hezkuntzari buruzko maiatzaren 3ko 2/2006 Lege Organikoaren 111. artikuluan eta Euskal Autonomi Erkidegoan unibertsitateaz kanpoko ikastetxeen sarea antolatzeko eta planifikatzeko irizpideak ezartzen dituen otsailaren 3ko 21/2009 Dekretuaren 6. artikuluan (otsailaren 28ko 30/2023 Dekretuak aldatua) xedatutakoaren arabera, Derrigorrezko Bigarren Hezkuntza, Batxilergoa eta Lanbide Heziketa eskaintzen duten ikastetxe publikoei bigarren hezkuntzako institutu esango zaie. Bestalde, Hezkuntza, Hizkuntza Politika eta Kulturako sailburuaren 2016ko otsailaren 4ko Aginduak Euskal Autonomia Erkidegoko ikastetxeen izen orokorra eguneratzen du.

Hezkuntzarako Eskubidea arautzen duen uztailaren 3ko 8/1985 Lege Organikoaren 13. artikuluan ezartzen denez, ematen dituzten irakaskuntzei dagokien izen orokorraz gain, ikastetxeek izen espezifikoa izan behar dute.

Bigarren Hezkuntzako Institutuen Araudi Organikoa onartzen duen urtarrilaren 26ko 83/1996 Errege Dekretuaren 3. artikuluaren arabera, eskola-kontseiluari dagokio ikastetxearen izen espezifikoaren proposamena egitea.

Bermeoko (Bizkaia) «I. Arozena-Barrueta´tar Benito» Bigarren Hezkuntzako Institutuaren izen espezifikoa aldatzeko eskabidea aztertu da. Ikastetxe horretako Ordezkaritza Organo Gorenak erabaki zuen eskaera hori egitea 2023ko ekainaren 12an, ikastetxearen autonomia-esparruko azken arduraduna den aldetik, Euskal Eskola Publikoari buruzko otsailaren 19ko 1/1993 Legearen 31. artikuluan ezarritakoaren arabera.

Espediente hori ezarritako prozeduraren arabera izapidetu da, indarreko arauek eskatzen dituzten agiriak erantsi zaizkio eta horretan eskumena duen Hezkuntzako Ikuskaritzak aldeko txostena egin du, Jaurlaritzari buruzko ekainaren 30eko 7/1981 Legearen 26. artikuluak eta Hezkuntza Sailaren egitura organikoa eta funtzionala ezartzen duen otsailaren 23ko 71/2021 Dekretuaren 4. artikuluak esleitutako eskumenak baliatuz.

EBAZTEN DUT:

Lehenengoa.– Bermeoko udalerrian (Bizkaia), Matxitxako z/g helbidean dagoen «I. Arozena-Barrueta´tar Benito» Bigarren Hezkuntzako Institutuaren izen espezifikoa aldatzea onartzen da; aurrerantzean, «Bermeo» Bigarren Hezkuntzako Institutua izango du izena. Ikastetxeak 015106 (EAE) eta 48012127 (unibertsala) kode-zenbakiak ditu.

Bigarrena.– Ikastetxearen izen espezifiko berria Hezkuntza Sailaren Unibertsitateaz kanpoko Ikastetxeen Erregistroan inskribatuko da, eta horren berri emango zaio unibertsitateaz kanpoko ikastetxeen Estatuko Erregistroari.

Hirugarrena.– Agindu hau Euskal Herriko Agintaritzaren Aldizkarian argitaratu eta hurrengo egunean jarriko da indarrean.

AZKEN XEDAPENA

Agindu honen aurka, aukerako berraztertze-errekurtsoa aurkez dakioke Hezkuntzako sailburuari, hilabeteko epean, agindua Euskal Herriko Agintaritzaren Aldizkarian argitaratu eta biharamunetik aurrera; bestela, administrazioarekiko auzi-errekurtsoa aurkez daiteke Euskal Autonomia Erkidegoko Auzitegi Nagusian, bi hilabeteko epean, agindua Euskal Herriko Agintaritzaren Aldizkarian argitaratu eta biharamunetik aurrera.

Vitoria-Gasteiz, 2023ko uztailaren 24a.

Hezkuntzako sailburua,

JOKIN BILDARRATZ SORRON.

Azterketa dokumentala