Euskal Herriko Agintaritzaren Aldizkaria

133. zk., 2023ko uztailaren 13a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

EKONOMIAREN GARAPEN, JASANGARRITASUN ETA INGURUMEN SAILA

3371

EBAZPENA, 2023ko ekainaren 23koa, Nekazaritza eta Abeltzaintzako zuzendariarena, zeinaren bidez baimena ematen baitzaie 802. ikastarotik 808. ikastarora bitarteko ikasleei produktu fitosanitarioen erabiltzaile profesionalaren oinarrizko mailako, maila kualifikatuko eta fumigatzaile mailako txartelak emateko eta baliozkotzeko.

EGITATEAK

Lehenengoa.– Ikastaro hauek antolatu dira:

– 802. zenbakiko ikastaroa, Fraisoro Eskola BHIk emandakoa: Lanbideren profesionaltasun-ziurtagiria, produktu fitosanitarioei buruzkoa, maila kualifikatukoa, C motako txartela eskuratzeko eskubidea dakarrena.

– 803. zenbakiko ikastaroa, Derioko Nekazaritza Eskola LHIIk emandakoa: produktu fitosanitarioen erabiltzaile profesionalaren ikastaroa, oinarrizko mailakoa, B motako txartela eskuratzeko eskubidea dakarrena.

– 804. zenbakiko ikastaroa, Gestión Integral Denbo SLek emandakoa: produktu fitosanitarioen erabiltzaile profesionalaren ikastaroa, oinarrizko mailakoa, B motako txartela eskuratzeko eskubidea dakarrena.

– 805. zenbakiko ikastaroa, Hazi Fundazioak emandakoa: produktu fitosanitarioen erabiltzaile profesionalaren berriztatze-ikastaroa, oinarrizko mailakoa, B motako txartela eskuratzeko eskubidea dakarrena.

– 806. zenbakiko ikastaroa, Hazi Fundazioak emandakoa: produktu fitosanitarioen erabiltzaile profesionalaren ikastaroa, oinarrizko mailakoa, B motako txartela eskuratzeko eskubidea dakarrena.

– 807. zenbakiko ikastaroa, Hazi Fundazioak emandakoa: produktu fitosanitarioen erabiltzaile profesionalaren ikastaroa, maila kualifikatura pasatzekoa, C motako txartela eskuratzeko eskubidea dakarrena.

– 808. zenbakiko ikastaroa, titulua baliozkotzekoa, maila kualifikatukoa, C motako txartela eskuratzeko eskubidea dakarrena, beste autonomia-erkidego batzuetan egindako oinarrizko mailako produktu fitosanitarioen erabiltzaile profesionalaren ikastaroak, B motako txartela eskuratzeko eskubidea dakarrena, eta beste autonomia-erkidego batzuetan egindako ikastaroak, fumigatzaile mailakoa, F motako txartela eskuratzeko eskubidea dakarrena.

Irailaren 14ko 1311/2012 Errege Dekretuaren IV. eranskineko A zatian –oinarrizko mailari dagokionez–, B zatian –maila kualifikatuari dagokionez– eta C zatian –fumigatzaile mailari dagokionez– jasotzen diren edukia eta ikastorduak kontuan hartuta eman dira zazpi ikastaro horiek, eta, hurrenez hurren, B, C eta F motetako txartelak eskuratzeko eskubidea dakarte. Dekretu horren bitartez, hain zuzen, produktu fitosanitarioak modu jasangarrian erabili ahal izateko jardun-esparrua ezartzen da.

Bigarrena.– Landare Osasunaren Batzorde Tekniko Koordinatzaileak txartelak ematearen aldeko proposamena egin du.

Ikusi dira, halaber, honako hauek:

ZUZENBIDEKO OINARRIAK

Lehenengoa.– Irailaren 14ko 1311/2012 Errege Dekretuaren 18.1.a) artikulua, gaitze-mailei buruzkoa, eta IV. eranskina, prestakuntza-gaiei buruzkoa, eta 20. artikulua, txartelak egin, berritu eta kentzeari buruzkoa.

Bigarrena.– Ekonomiaren Garapen, Jasangarritasun eta Ingurumen Sailaren egitura organikoa eta funtzionala ezartzen duen otsailaren 23ko 68/2021 Dekretuaren 17.1.b) artikulua, non Nekazaritza eta Abeltzaintza Zuzendaritzari esleitzen baitzaizkio landare-osasunaren alorreko eginkizunak. Horrenbestez, honako hau

EBAZTEN DUT:

Lehenengoa.– Nekazaritzako produktu fitosanitarioen erabiltzaile profesionalaren txartelak emateko agintzea:

1.– Maila kualifikatukoa, 802. ikastaroan, ebazpen honen I. eranskineko zerrendan agertzen diren pertsonei.

2.– Oinarrizko mailakoa, 803. ikastaroan, ebazpen honen II. eranskineko zerrendan agertzen diren pertsonei.

3.– Oinarrizko mailakoa, 804. ikastaroan, ebazpen honen III. eranskineko zerrendan agertzen diren pertsonei.

4.– Oinarrizko mailakoa, 805. ikastaroan, ebazpen honen IV. eranskineko zerrendan agertzen diren pertsonei.

5.– Oinarrizko mailakoa, 806. ikastaroan, ebazpen honen V. eranskineko zerrendan agertzen diren pertsonei.

6.– Maila kualifikatukoa, 807. ikastaroan, ebazpen honen VI. eranskineko zerrendan agertzen diren pertsonei.

7.– Maila kualifikatukoa, oinarrizko mailakoa eta fumigatzaile mailakoa, 808. ikastaroan, ebazpen honen VII. eranskineko zerrendetan agertzen diren pertsonei.

Bigarrena.– Ebazpen honen aurka, interesdunek gora jotzeko errekurtsoa jar diezaiokete Nekazaritzako, Arrantzako eta Elikagai Politikako sailburuordeari. Horretarako, hilabeteko epea izango dute, ebazpena argitaratzen den egunetik aurrera.

Vitoria-Gasteiz, 2023ko ekainaren 23a.

Nekazaritza eta Abeltzaintzako zuzendaria,

JORGE GARBISU BUESA.

(Ikus .PDF)

Azterketa dokumentala