RSS
78. zk., 2023ko apirilaren 25a, asteartea
- Bestelako formatuak:
- PDF (178 KB - 5 orri.)
- EPUB (172 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
EKONOMIAREN GARAPEN, JASANGARRITASUN ETA INGURUMEN SAILA
1955
EBAZPENA, 2023ko apirilaren 17koa, Nekazaritza eta Abeltzaintzako zuzendariarena, zeinaren bidez baimena ematen baita 796 zenbakiko ikastarotik 798 zenbakiko ikastarora bitarteko ikasleei produktu fitosanitarioen erabiltzaile profesionalaren oinarrizko mailako, maila kualifikatuko eta pilotu aplikatzailearen mailako txartelak emateko eta baliozkotzeko.
EGITATEAK
Lehenengoa.– Ikastaro hauek antolatu dira:
– 796 zenbakiko ikastaroa, Derioko Nekazaritza Eskola LHIIk emandakoa: produktu fitosanitarioen erabiltzaile profesionalaren ikastaroa, oinarrizko mailakoa, B motako txartela eskuratzeko eskubidea dakarrena.
– 797 zenbakiko ikastaroa, Gestión Integral Denbo SLk emandakoa: produktu fitosanitarioen erabiltzaile profesionalaren ikastaroa, oinarrizko mailakoa, B motako txartela eskuratzeko eskubidea dakarrena.
– 798 zenbakiko ikastaroa, baliozkotzen dituena C motako txartela eskuratzeko eskubidea dakarren maila kualifikatuko titulua, beste autonomia-erkidego batzuetan egindako produktu fitosanitarioen erabiltzaile profesionalaren oinarrizko mailako ikastaroak (B motako txartela eskuratzeko eskubidea dakartenak) eta pilotu aplikatzailearen maila.
Irailaren 14ko 1311/2012 Errege Dekretuaren IV. eranskineko A zatian –oinarrizko mailari dagokionez–, B zatian –maila kualifikatuari dagokionez– eta D zatian –pilotu aplikatzailearen mailari dagokionez– jasotzen diren edukia eta ikastorduak kontuan hartuta eman dira hiru ikastaro horiek, eta hurrenez hurren B eta C motatako eta pilotu aplikatzailearen mailako txartelak eskuratzeko eskubidea dakarte. Dekretu horren bitartez, hain zuzen, produktu fitosanitarioak modu jasangarrian erabili ahal izateko jardun-esparrua ezartzen da.
Bigarrena.– Landare Osasunaren Batzorde Tekniko Koordinatzaileak txartelak ematearen aldeko proposamena egin du.
Ikusi dira, halaber, honako hauek:
ZUZENBIDEKO OINARRIAK
Lehenengoa.– Irailaren 14ko 1311/2012 Errege Dekretuaren 18.1.a) artikulua, gaitze-mailei buruzkoa, eta IV. eranskina, prestakuntza-gaiei buruzkoa, eta 20. artikulua, txartelak egin, berritu eta kentzeari buruzkoa.
Bigarrena.– Ekonomiaren Garapen, Jasangarritasun eta Ingurumen Sailaren egitura organikoa eta funtzionala ezartzen duen otsailaren 23ko 68/2021 Dekretuaren 17.1.b) artikulua, non Nekazaritza eta Abeltzaintza Zuzendaritzari esleitzen baitzaizkio landare-osasunaren alorreko eginkizunak. Horrenbestez, honako hau
EBAZTEN DUT:
Lehenengoa.– Nekazaritzako produktu fitosanitarioen erabiltzaile profesionalaren txartelak emateko agintzea:
1.– Oinarrizko mailakoa, 796 zenbakiko ikastaroan, ebazpen honen I. eranskineko zerrendan agertzen diren pertsonei.
2.– Oinarrizko mailakoa, 797 zenbakiko ikastaroan, ebazpen honen II. eranskineko zerrendan agertzen diren pertsonei.
3.– Maila kualifikatukoa, oinarrizko mailakoa eta pilotu aplikatzailearen mailakoa, 798 zenbakiko Ikastaroan, ebazpen honen III. eranskineko zerrendetan agertzen diren pertsonei.
Bigarrena.– Ebazpen honen aurka, interesdunek gora jotzeko errekurtsoa jar diezaiokete Nekazaritzako, Arrantzako eta Elikagai Politikako sailburuordeari. Horretarako, hilabeteko epea izango dute, ebazpena argitaratzen den egunetik aurrera.
Vitoria-Gasteiz, 2023ko apirilaren 17a.
Nekazaritza eta Abeltzaintzako zuzendaria,
JORGE GARBISU BUESA.