RSS
67. zk., 2023ko apirilaren 5a, asteazkena
- Bestelako formatuak:
- PDF (137 KB - 2 orri.)
- EPUB (129 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
SEGURTASUN SAILA
1677
IRAGARKIA, ibilgailuen hondar-tratamenduarako erabakiak jakinarazteko dena.
Ezinezkoa izan da behean adierazitako datuak dituzten ibilgailuen hondar-tratamendua baimentzeko erabakiak jakinaraztea, eta, horregatik, iragarki honen bidez jakinarazten zaizkie interesdunei, Administrazio Publikoen Administrazio Prozedura Erkidearen urriaren 1eko 39/2015 Legearen 44. artikuluan xedatutakoa betetzeko.
Lehenengoa.– Trafikoari, Ibilgailu Motordunen Zirkulazioari eta Bide Segurtasunari buruzko Legearen testu bategina onartzen duen urriaren 30eko 6/2015 Legearen 106.1 a) artikuluak ezartzen duenez, trafikoa kudeatzeko eskumena duen administrazioak ibilgailua Ibilgailuen Tratamendurako Zentro Baimendu batera lekualdatzeko agindu ahal izango du, ondoren suntsitu eta deskontaminatzeko, baldin eta bi hilabete baino gehiago igaro badira ibilgailua ibilgetuta geratu zenetik edo haren administrazioa ibilgetu zenetik.
Bigarrena.– Aipatutako 6/2015 Legearen 106.1 artikuluaren azken paragrafoan xedatutakoaren arabera, ibilgailua lekuz aldatzeko agindua eman baino lehen, Administrazioak ibilgailuaren titularrari errekerimendua egingo dio, eta ohartaraziko dio ibilgailua hilabeteko epean kentzen ez badu tratamendurako zentro baimendura eramango dela.
Hirugarrena.– Espedientea aztertuta, egiaztatu da bete egin direla urriaren 30eko 6/2015 Legearen 106.1 artikuluan aurreikusitako baldintza guztiak, ibilgailua Tratamendurako Baimendutako Zentro batera eramatea agintzeko.
Erabakia
Ibilgailuaren hondar-tratamendua baimentzea; beraz, ibilgailuak tratatzeko zentro baimendu batera eraman beharko da, ondoren suntsitu eta deskontaminatzeko.
Horren berri ematen da, interesdunek horren berri izan dezaten, eta banakako jakinarazpenaren balioa izango du haientzat.
39/2015 Legearen 112. eta 123. artikuluetan ezarritakoaren arabera, ebazpen horien aurka berraztertzeko errekurtsoa aurkez diezaiokete interesdunek Trafikoko zuzendariari, hilabeteko epean, ebazpena argitaratu eta hurrengo egunetik aurrera.
Jakinarazpen honek Estatuko Aldizkari Ofizialean argitaratu eta hurrengo egunetik aurrera izango ditu ondorioak.
Bilbao, 2023ko martxoaren 23a.
Bizkaiko Trafiko Lurralde arduraduna,
ELISA BIKANDI MARKAIDA.
