RSS
62. zk., 2023ko martxoaren 29a, asteazkena
- Bestelako formatuak:
- PDF (129 KB - 3 orri.)
- EPUB (193 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
HEZKUNTZA SAILA
1533
EBAZPENA, 2023ko martxoaren 8koa, Ikastetxe eta Plangintzaren zuzendariarena, 2022ko ekitaldian eman diren laguntzen onuradunen zerrenda jakitera ematen duena, unibertsitateaz kanpoko irakaskuntzako ikastetxeen titular diren irakaskuntza-kooperatibentzako dirulaguntzetarako Hezkuntzako sailburuaren 2022ko maiatzaren 10eko Aginduak finkatutako esparruan (2022ko ekainaren 3ko EHAA).
Hezkuntzako sailburuaren 2022ko maiatzaren 10eko Aginduaren 13.1 artikuluan ezarritakoaren arabera, deialdi horretan aurreikusitako laguntzak emateko prozeduraren ebazpena Ikastetxe eta Plangintzaren zuzendariak emango du eta interesdunei jakinaraziko zaie Eusko Jaurlaritzako Egoitza Elektronikoan argitaratuz (https://www.euskadi.eus/iragarki-taula-elektronikoa), sei hileko epean, agindua argitaratu eta hurrengo egunetik zenbatuta. Aurkeztutako eskaerei dagokienez, kooperatiba onuradun bakoitzari emandako dirulaguntzaren zenbatekoa adieraziko da edo, dagokionean, eskaera ezesteko edo ez onartzeko arrazoiak.
Hori hala izanik ere, organo kudeatzaileak beste aukera bat ere badu: interesdunei jakinarazpenen abisuak bidaltzea, SMSak edo mezu elektronikoak igorriz, eskabideetan jarri zituzten telefono mugikorretara eta helbide elektronikoetara. Abisu horiek ez dute inolaz ere jakinarazpen-baliorik izango.
Gainera, dirulaguntzak emateko ebazpena EHAAn argitaratuko da, denek horren berri izan dezaten.
Horregatik guztiagatik, dirulaguntzen espedienteak ebazten dituen Ikastetxe eta Plangintzaren zuzendariaren 2022ko azaroaren 3ko Ebazpena jakinarazi ondoren, honako hau
EBAZTEN DUT:
Artikulu bakarra.– Argitara ematea, ebazpen honen eranskinean agertzen den bezala, Hezkuntzako sailburuaren 2022ko maiatzaren 10eko Aginduaren esparruan emandako dirulaguntzen zerrenda. Agindu horren bidez, unibertsitateaz kanpoko irakaskuntzako ikastetxeen titular diren irakaskuntza-kooperatibentzako dirulaguntzak arautzen dira.
Vitoria-Gasteiz, 2023ko martxoaren 8a.
Ikastetxe eta Plangintzaren zuzendaria,
EUGENIO JIMENEZ IBAÑEZ.