RSS
36. zk., 2023ko otsailaren 21a, asteartea
- Bestelako formatuak:
- PDF (143 KB - 4 orri.)
- EPUB (255 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
BERDINTASUN, JUSTIZIA ETA GIZARTE POLITIKETAKO SAILA
908
IRAGARKIA, Arabako, Bizkaiko eta Gipuzkoako Doako Laguntza Juridikoaren Batzordeek emandako zenbait ebazpenen jakinarazpenei buruzkoa.
Honen bidez, honako hau jakinarazten diet ondoren zerrendatzen diren doako laguntza juridikoaren eskatzaileei: Arabako, Bizkaiko eta Gipuzkoako Doako Laguntza Juridikoaren Batzordeek haien eskaerak artxibatzeko edo ukatzeko ebazpenak eman dituztela, edo, hala badagokio, eskubidea errebokatzeko prozedurari hasiera emateko ebazpenak eman dituztela, Doako Laguntza Juridikoari buruzko urtarrilaren 10eko 1/1996 Legearen 19. artikuluaren arabera.
Saiatu arren, aipatutako ebazpenak ezin dira zuzenean jakinarazi. Hori dela eta, iragarki hau argitaratzen da, Administrazio Publikoen Administrazio Prozedura Erkidearen urriaren 1eko 39/2015 Legearen 44. artikuluan xedatutakoa betetzeko.
Artxibatzeko eta ukatzeko ebazpenak aurkaratzeko, idazkia aurkeztu beharko zaio dagokion Doako Laguntza Juridikoaren Batzordeko idazkariari, hamar eguneko epean, jakinarazpen hau egin eta hurrengo egunetik aurrera, Doako Laguntza Juridikoari buruzko urtarrilaren 10eko 1/1996 Legearen 20. artikuluan ezarritakoaren arabera. Bestalde, eskubidea errebokatzeko prozedurari hasiera emateko ebazpenei dagokienez, interesdunei hamabost eguneko entzunaldi-epea ematen zaie, jakinarazpen hau egiten denetik kontatzen hasita. Epe horretan alegazioak egin edo egoki iritzitako dokumentazioa aurkez dezakete.
Horretarako, aipatutako ebazpenen kopiak eskura daitezke dagokion Doako Laguntza Juridikoaren Batzordearen egoitzan.
Horren berri ematen da, eranskinean adierazitako interesdunak jakinaren gainean egon daitezen eta banakako jakinarazpentzat har dezaten.
Jakinarazpen honek Estatuko Aldizkari Ofizialean argitaratu eta hurrengo egunetik aurrera izango ditu ondorioak.
Vitoria-Gasteiz, 2023ko otsailaren 2a.
Justizia zuzendaria,
EUGENIO ARTECHE PALOMAR.
