Euskal Herriko Agintaritzaren Aldizkaria

211. zk., 2022ko azaroaren 4a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

GOBERNANTZA PUBLIKO ETA AUTOGOBERNU SAILA
OSASUN SAILA
BERDINTASUN, JUSTIZIA ETA GIZARTE POLITIKETAKO SAILA

4731

120/2022 DEKRETUA, urriaren 18koa, Asociación de Animación Hospitalaria Algaraklown Ospitaleko Pailazoen Elkartea izeneko erakundea onura publikokoa dela aitortzeko dena.

Euskadiko Elkarteei buruzko ekainaren 22ko 7/2007 Legearen 42. artikuluak dioenez, Euskal Autonomia Erkidegoko Elkarteen Erregistro Orokorrean inskribatuta dauden elkarteak onura publikokotzat aitortu ahal izango dira, baldin eta elkarteok, beren jardueren bitartez, interes orokorra edo guztien ongia lortzen laguntzen badute eta, horretarako, eskuzabaltasun-, altruismo-, elkartasun- eta aniztasun-balioak nabarmen gauzatzen badituzte.

Lege horren babesean, Asociación de Animación Hospitalaria Algaraklown Ospitaleko Pailazoen Elkarteak aitormen hori eman dakiola eskatu du, bere ustez onura publikoko erakundea dela aitortzea merezi duelako, ospitaleratutako pertsonaren eta haren laguntzaileen ospitale-bizitzaren kalitatea eta osasun emozionala hobetzen lagundu.

Asociación de Animación Hospitalaria Algaraklown Ospitaleko Pailazoen Elkartea izeneko erakundea Euskal Autonomia Erkidegoko Elkarteen Erregistro Orokorrean inskribatuta dago (zenbakia: AS/G/166683/2012), Justizia eta Herri Administrazio Saileko Administrazio Erregistroen eta Toki Araubidearen Zuzendaritzaren 2012ko martxoaren 30eko Ebazpenari jarraikiz.

Euskal Autonomia Erkidegoan garatzen ditu bere eginkizunak.

Eratu zenetik Asociación de Animación Hospitalaria Algaraklown Ospitaleko Pailazoen Elkarteak beharrezko jarduera guztiak egiten ditu ospitaleratutako pertsonaren eta haren laguntzaileen ospitaleetako bizi-kalitatea eta osasun emozionala hobetzen laguntzeko helburu orokorra lortzeko, eta umorearen, fantasiaren eta jolasaren botereaz sentsibilizatzeko; egoera, gaixotasuna eta ingurunea desdramatizatzeko; halaber, honako helburu hauek lortzen laguntzen du: zenbait helburu lortzea, hala nola, beldurra, gozamena edo beldurra, eta jolas-egoera jakin batzuk.

Helburu horiek lortzeko, elkarteak gizartean interes orokorrekotzat jotzen diren jarduerak egiten ditu.

Ekainaren 22ko 7/2007 Legearen 45.2 artikuluak xedatutakoarekin bat eginez, onura publikoa Gobernu Kontseiluak emandako dekretu bidez aitortuko da, gaiaren arabera egoki diren sailek proposamena egin ostean. Agindu hori betez, dagokion espedientea izapidetu da, eta sailek eta erakundeek egindako txostenak erantsi zaizkio espedienteari.

Hori dela bide, Gobernantza Publiko eta Autogobernuko sailburuak, Osasuneko sailburuak eta Berdintasun, Justizia eta Gizarte Politiketako sailburuak proposatuta, interesa duten entitateek eta erakundeek egindako txostenak aztertu dira, eta, Gobernu Kontseiluak 2022ko urriaren 18ko bileran eztabaidatu eta onartu ondoren, honako hau

XEDATZEN DUT:

Artikulu bakarra.– Asociación de Animación Hospitalaria Algaraklown Ospitaleko Pailazoen Elkartea onura publikokoa dela aitortzen da, bere jardueren bidez interes orokorraren alde egiten duela uste baita. Elkarte hori Euskal Autonomia Erkidegoko Elkarteen Erregistro Orokorrean inskribatuta dago, AS/G/16683/2012 zenbakiarekin.

Horrekin batera, aitorpen honi dagozkion eskubideak aitortzen zaizkio, hain zuzen ere, Euskadiko Elkarteei buruzko ekainaren 22ko 7/2007 Legearen 43. artikuluan xedatutakoak.

Vitoria-Gasteizen, 2022ko urriaren 18an.

Lehendakaria,

IŃIGO URKULLU RENTERIA.

Gobernantza Publiko eta Autogobernuko sailburua,

OLATZ GARAMENDI LANDA.

Osasuneko sailburua,

MIREN GOTZONE SAGARDUI GOIKOETXEA.

Berdintasun, Justizia eta Gizarte Politiketako sailburua,

BEATRIZ ARTOLAZABAL ALBENIZ.

Azterketa dokumentala