Euskal Herriko Agintaritzaren Aldizkaria

100. zk., 2022ko maiatzaren 25a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

ASTEASUKO UDALA

2250

IRAGARKIA, 2022. urteko, enplegua egonkortzeko enplegu publikoaren eskaintzari buruzkoa.

Lan Toki Administrazioaren Jardunbideari buruzko 7/1985 Legeak, apirilaren 2koak, bere 21.1.g) artikuluan eman didan ahalmenaz, maiatzaren 16ko 2022/149 Alkatetza Dekretuaren bitartez, hurrena erabaki dut:

Lehenengoa.– Asteasuko Udalaren aldi baterako enplegua egonkortzeko giza baliabideak arrazionalizatzeko plana onartzea.

Bigarrena.– 2022 urterako Asteasuko udalaren enplegu publikoko eskaintza onartzea, estabilizazio plazei dagokiona, ezohiko, enplegu publikoan behin-behinekotasuna murrizteko premiazko neurriei buruzko abenduaren 28ko 20/2021 Legearen Seigarren Xedapen Gehigarrian ezarritakoaren arabera, eranskinean jasotakoa.

Hirugarrena.– Dekretu hau Gipuzkoako Aldizkari Ofizialean eta Udaleko iragarki-taulan argitaratzea. Era berean, Euskal Funtzio Publikoari buruzko uztailaren 6ko 6/1989 Legearen 24 artikuluan jasotakoaren arabera, eskaintza horren laburpen bat argitaratuko da Euskal Herriko Agintaritzaren Aldizkarian.

Laugarrena.– Ebazpen honen berri ematea interesdunei.

Dagozkion ondorioetarako argitaratzen dena.

Jakinarazten zaizun eta Administrazio-bidez behin betikoa den erabakia edo ebazpen honen aurka administraziorekiko auzi-errekurtsoa jar dezakezu Euskal Herriko Autonomia-Elkarteko Zuzentza Auzitegi Gorenaren administrazioarekiko Auzitarako Sailaren aurrean, bi hilabeteko epean, jakinerazpen hau jaso eta biharamunetik hasita, administrazioarekiko auziak arautzen dituen uztailaren 13ko 29/1998 legearen 8. Eta 46. Artikuluan ezarritakoaren arabera. Guzti hau Herri-Administrazioen Administrazio Prozedura Erkideari buruzko urriaren 1eko 39/2015 Legearen 114.c) artikuluarekin bat etorriz.

Nolanahi ere, nahi izanez gero, aurreko idatz-zatian adierazitako administrazioarekiko auzi-errekurtsoaren aurretik berraztertzeko errekurtsoa aurkez diezaiokezu ebazpena eman zuen organoari hilabeteko epean, jakinarazpen hau jaso eta biharamunetik hasita.

Guzti hau, aurretik adierazitako urriaren 1eko 39/2015 legearen 123. eta 124. Artikulu eta kideotan ezarritakoarekin bat etorriz, eta zure eskubideak babesteko egoki irizten dituzun egintza edo errekurtsoak aurkeztearen kaltetan gabe.

Asteasu, 2022ko maiatzaren 16a.

Alkatea,

MARIA PILAR LEGARRA CORTAJARENA.

ERANSKINA

Enplegu publikoan behin-behinekotasuna gutxitzeko premiazko neurrien abenduaren 28ko 20/2021 Legearen seigarren xedapen gehigarria:

Funtzionarioak:

– Izena: Gizarte laguntzailea.

Plaza kopurua: 1.

Taldea/Azpitaldea: A2.

Eskala: Administrazio Berezia.

Hizkuntza-eskakizuna: 3 (derrigortasun-data: 1992-12-31).

– Izena: Ekonomia arloko administraria.

Plaza kopurua: 1.

Taldea/Azpitaldea: C1.

Eskala: Administrazio Orokorra.

Hizkuntza-eskakizuna: 3 (derrigortasun-data: 2005-08-08).

– Izena: Administrari laguntzailea.

Plaza kopurua: 1.

Taldea/Azpitaldea: C2.

Eskala: Administrazio Orokorra.

Hizkuntza-eskakizuna: 3 (derrigortasun-data: 2013-02-20).

– Izena: Kultura arduraduna.

Plaza kopurua: 1.

Taldea/Azpitaldea: C2.

Eskala: Administrazio Berezia.

Hizkuntza-eskakizuna: 3 (derrigortasun-data: 1992-12-31).

Pertsonal laborala:

– Izena: Operariak.

Plaza kopurua: 2.

Taldea/Azpitaldea: AP.

Hizkuntza-eskakizuna: 3 (derrigortasun-data: 1998-12-31).

Azterketa dokumentala