Euskal Herriko Agintaritzaren Aldizkaria

48. zk., 2022ko martxoaren 8a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

LAN ETA ENPLEGU SAILA

1106

EBAZPENA, 2022ko otsailaren 21ekoa, Laneko eta Gizarte Segurantzako zuzendariarena, zeinaren bidez agintzen baita gordailutu daitezela «Gizatea (Asociación de Empresas de Inserción del País Vasco – Gizarteratzeko eta Laneratzeko Euskadiko Enpresen Elkartea)» enpresa-antolakundearen estatutuak aldatzeko erabakia eta estatutuak.

Ikusi da Laneko eta Gizarte Segurantzako Zuzendaritzan hasitako espedientea Gizatea (Asociación de Empresas de Inserción del País Vasco – Gizarteratzeko eta Laneratzeko Euskadiko Enpresen Elkartea)» enpresa-antolakundearen estatutuak aldatzeko erabakia eta estatutuak gordailutzeari buruzkoa, eta ebazpena eman da, honako aurrekari hauek oinarritzat hartuta:

AURREKARIAK

Lehenengoa.– 2021eko urriaren 21ean, aipatutako enpresa-antolakundearen estatutuak aldatzeko erabakia gordailutzea eskatzeko dokumentazioa aurkeztu da.

Bigarrena.– Gordailutzeko aurkeztutako dokumentazioan honako hauek daude: gordailutze-eskabidea; estatutuak aldatzeko erabakiaren ziurtagiria; aldatutako estatutuen zerrenda, eta ordezkariek behar bezala sinatutako estatutu berrien testu osoa.

Hirugarrena.– 2021eko urriaren 27an, zuzentzeko errekerimendua egin zen; 2021eko urriaren 28an, bete egin zen.

Aurrekari horiei zuzenbideko oinarri hauek aplikatu behar zaizkie:

ZUZENBIDEZKO OINARRIAK

Lehenengoa.– Sindikatu- eta enpresa-elkarteen estatutuak gordailutzeko eskumena organo honi ematen dio Lan eta Enplegu Sailaren egitura organikoa eta funtzionala ezartzen duen urtarrilaren 19ko 7/2021 Dekretuaren 10.1.m) artikuluak.

Bigarrena.– Administrazio-prozedura honetan aplikatu behar den funtsezko araudia apirilaren 1eko 19/1977 Legean eta maiatzaren 29ko 416/2015 Errege Dekretuan jasota dago, sindikatu- eta enpresa-antolakundeen estatutuak gordailutzeari buruzkoak baitira.

Hirugarrena.– Gordailutzeko aurkeztutako dokumentazioa aztertuta, zuzenbidearen araberakoa dela egiaztatu da. Horrenbestez, gordailutzeko onartu behar dira aipatutako enpresa-elkartearen estatutuak aldatzeko dokumentazioa eta estatutu aldatuak, eta horren berri eman.

Aipaturiko oinarriak eta, oro har, aplikatu behar diren xedapenak aztertu ondoren, honako hau

EBAZTEN DUT:

Lehenengoa.– Agintzea gordailutu daitezela «Gizatea (Asociación de Empresas de Inserción del País Vasco – Gizarteratzeko eta Laneratzeko Euskadiko Enpresen Elkartea)» enpresa-antolakundearen estatutuak aldatzeko erabakia eta estatutuak.

Bigarrena.– Eman den egunaren biharamunetik aurrera izango ditu ondorioak ebazpen honek.

Hirugarrena.– Agindua ematea gordailutze hori argitara dadin Euskal Herriko Agintaritzaren Aldizkarian, Sindikatuen eta Enpresa Erakundeen Estatutuak Gordailutzeari buruzko maiatzaren 29ko 416/2015 Errege Dekretuaren 13. artikuluan aurreikusitako baldintzetan.

Laugarrena.– Agindu honen berri eman bekie interesdunei, betiere Administrazio Publikoen Administrazio Prozedura Erkidearen urriaren 1eko 39/2015 Legearen 40. artikuluan xedatu moduan; halaber, jakinarazi behar zaie horren aurka administrazioarekiko auzietarako errekurtsoa jarri ahal izango dela Euskal Autonomia Erkidegoko Auzitegi Nagusiaren Lan Arloko Salan, Administrazioarekiko Auzien Jurisdikzioa arautzen duen uztailaren 13ko 36/2011 Legean xedatuaren arabera.

Vitoria-Gasteiz, 2022ko otsailaren 21a.

Laneko eta Gizarte Segurantzako zuzendaria,

ANGEL LAPUENTE MONTORO.

Azterketa dokumentala