Euskal Herriko Agintaritzaren Aldizkaria

2. zk., 2022ko urtarrilaren 4a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Izendapenak, egoerak eta gorabeherak

LAN ETA ENPLEGU SAILA

15

AGINDUA, 2021eko abenduaren 16koa, Jaurlaritzako bigarren lehendakariorde eta Lan eta Enpleguko sailburuarena, zeinaren bidez ebazten baita Gipuzkoako Lan eta Gizarte Segurantzako Lurralde Ordezkaritzako lurralde-ordezkariaren lanpostua (kodea: 511786/8) izendapen askeko sistemaren bidez betetzeko deialdi publikoa.

Honako hauetan xedatutakoaren arabera: Euskal Funtzio Publikoari buruzko uztailaren 6ko 6/1989 Legearen 46.2.d) artikulua, eta Jaurlaritzako bigarren lehendakariorde eta Lan eta Enpleguko sailburuaren 2021eko azaroaren 10eko Aginduaren hirugarren oinarria, zeinaren bidez iragarri baitzen Gipuzkoako Lan eta Gizarte Segurantzako Lurralde Ordezkaritzako lurralde-ordezkariaren lanpostua (kodea: 511786/8) izendapen askeko sistemaren bidez betetzeko deialdi publikoa (2021eko azaroaren 22ko EHAA, 232. zk.).

XEDATZEN DUT:

Lehenengoa.– Victor Monreal de la Iglesia lurralde-ordezkari izendatzea Lan eta Enplegu Sailaren Gipuzkoako Lan eta Gizarte Segurantzako Lurralde Ordezkaritzan (kodea: 511786; dotazioa: 8).

Bigarrena.– Izendapenak 2021eko abenduaren 23an izango ditu ondorioak.

Agindu honek amaiera ematen dio administrazio-bideari. Horrenbestez, agindu honen aurka aukerako berraztertzeko errekurtsoa jar daiteke Jaurlaritzako bigarren lehendakariorde eta Lan eta Enpleguko sailburuaren aurrean, hilabeteko epean, edo, bestela, administrazioarekiko auzi-errekurtsoa Administrazioarekiko Auzien Epaitegian, bi hilabeteko epean. Agindu hau Euskal Herriko Agintaritzaren Aldizkarian argitaratu eta hurrengo egunean hasiko da errekurtsoak aurkezteko epea.

Vitoria-Gasteiz, 2021eko abenduaren 16a.

Jaurlaritzako bigarren lehendakariorde eta Lan eta Enpleguko sailburua,

IDOIA MENDIA CUEVA.

Azterketa dokumentala