Euskal Herriko Agintaritzaren Aldizkaria

84. zk., 2021eko maiatzaren 3a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

SEGURTASUN SAILA

2496

IRAGARKIA, zeinaren bidez epatzen baitira Vitoria-Gasteizko Administrazioarekiko Auzien 3 zenbakiko Epaitegian izapidetzen ari den 3/2021 prozedura laburtuan interesa dutenak.

Polizia eta Larrialdietako Euskal Akademiaren zuzendari nagusiak erabaki du Vitoria-Gasteizko Administrazioarekiko Auzien 3 zenbakiko Epaitegira bidaltzea honako prozedura honi buruzko administrazio-espedientea:

3/2021 prozedura laburtua, izangai batek hasitakoa, Polizia eta Larrialdietako Euskal Akademiaren zuzendari nagusiaren 2020ko uztailaren 6ko eta 2020ko urriaren 5eko ebazpenen aurka. Lehenengo ebazpenak Ertzaintzaren Oinarrizko Eskalako agenteen kategorian sartzeko hautaketa-prozeduratik kanpo utzi zuen errekurtsogilea; prozedura hori 2018ko abenduaren 3ko Ebazpenaren bidez iragarri zen, eta abenduaren 18ko EHAAn (242. zk.) argitaratu. Bigarren ebazpenak, berriz, izangaiak hautaketa-prozeduratik kanpo utzi izanaren aurka jarritako berraztertze-errekurtsoa ezetsi zuen.

Horregatik, Administrazioarekiko Auzien Jurisdikzioa arautzen duen uztailaren 13ko 29/1998 Legeak 49.1 artikuluan xedatutakoaren arabera, prozeduran interesa duten pertsonak epatzen dira, bederatzi eguneko epearen barruan, iragarki hau Estatuko Aldizkari Ofizialean argitaratu eta hurrengo egunetik aurrera, Vitoria-Gasteizko Administrazioarekiko Auzien 3 zenbakiko Epaitegian ager daitezen, egoki baderitzote, beren interes legitimoen alde egiteko.

Arkauti, 2021eko apirilaren 7a.

Polizia eta Larrialdietako Euskal Akademiako zuzendari nagusia,

ANDRÉS ZEARRETA OTAZUA.

Azterketa dokumentala