RSS
61. zk., 2021eko martxoaren 26a, ostirala
- Bestelako formatuak:
- PDF (313 KB - 7 orri.)
- EPUB (527 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
SEGURTASUN SAILA
1826
IRAGARKIA, zeinaren bidez jakinarazten baitira Ertzaintzaren zuzendariak eta Segurtasuneko sailburuordeak emandako ebazpenak, zerikusia dutenak Herritarren Segurtasuna Babesteko martxoaren 30eko 4/2015 Lege Organikoan eta Segurtasun Pribatuaren apirilaren 4ko 5/2014 Legean ezarrita dauden arauak haustearekin.
Aipatutako ebazpenak zuzenean jakinaraztea lortu ez denez, iragarki hau argitaratzen da, hala ezarrita baitago Administrazio Publikoen Administrazio Prozedura Erkidearen urriaren 1eko 39/2015 Legearen 44. artikuluan.
1.– Ebazpen horiek ez dute administrazio-bidea agortzen, eta berorien aurka, gora jotzeko errekurtsoa jarri ahal izango dio interesdunak Segurtasuneko sailburuordeari (Ertzaintzaren zuzendariak eman badu ebazpena) edo Segurtasuneko sailburuari (Segurtasuneko sailburuordeak eman badu ebazpena), bi kasuetan hilabeteko epean, iragarki hau argitaratu eta hurrengo egunetik aurrera. Halaber, interesdunak espedientea azter dezake Segurtasuna Koordinatzeko Zuzendaritzan (Larrauri Mendotxe bidea 18, Erandio).
2.– Isuna ordaintzeko epea:
a) Hilaren 1etik 15era bitartean jakinarazitako isuna bada, jakinarazpenaren egunean hasi eta hurrengo hilaren 5era arte, edo, egun hori balioduna ez bada, hurrengo egun baliodunera arte.
b) Hilaren 16tik azken egunera bitartean jakinarazitako isuna bada, jakinarazpenaren egunean hasi eta hurrengo hilaren 20ra arte, edo, egun hori balioduna ez bada, hurrengo egun baliodunera arte.
Gora jotzeko errekurtsoa aurkezteko hilabeteko epea isuna ordaintzeko epea baino beranduago amaitzen bada, errekurtsoa aurkezteko epea amaitu ondorengo lehen egun baliodunera arte luzatuko da ordainketarako epea, baldin eta ez bada errekurtsorik aurkezten (Euskal Autonomia Erkidegoko Ogasun Nagusiaren Diru-bilketa Erregelamenduari buruzko abuztuaren 31ko 212/1998 Dekretuaren 44.3, 44.1 eta 44.4 artikuluak).
3.– Isuna honela ordaindu daiteke: zehapen-ebazpenari erantsitako ordainketa-gutuna honako finantza-erakunde laguntzaile hauetan aurkeztuta: Kutxabank, Banco Santander, Laboral Kutxa, Sabadell Guipuzcoano, Bankia, Bankoa, BBVA, la Caixa, eta beste erakunde batzuen txartelak erabilita. Internet: http://www.euskadi.net/nireordainketa, ordainketa-gutuneko datuak erabilita.
4.– Isuna borondatezko epe horretan ordaintzen ez bada, premiamendu bidez ordainaraziko da interesdunaren ondaretik, urriaren 1eko 39/2015 Legearen 101.1 artikuluan xedatutakoari jarraituz.
5.– Herritarren Segurtasuna Babesteko martxoaren 30eko 4/2015 Lege Organikoaren 36.16 artikuluan aurreikusitako arau-hausteengatik adingabeei ezartzen zaizkien isunak eten ahal izango dira, baldin eta, arau-hausleek eta haien legezko ordezkariek eskatuta, tratamendua edo errehabilitazioa egitea beharrezko badute, edo berriz hezteko jarduerak egitea onartzen badute (legearen bosgarren xedapen gehigarria). Horretarako, asmo hori adierazi beharko zaio administrazio honi, hamabost egun balioduneko epean, ebazpen hau jakinarazi eta hurrengo egunetik zenbatzen hasita.
Eranskinean aipatutako interesdunak jakinaren gainean egon daitezen argitaratzen da hau, eta haientzat banakako jakinarazpenaren balioa izango du.
Jakinarazpen honek ondorioak izango ditu Estatuko Aldizkari Ofizialean argitaratu eta hurrengo egunetik aurrera.
Erandio, 2021eko martxoaren 12a.
Segurtasuneko sailburuordea,
JESÚS MARÍA ZUBIAGA NIEVA.
