50. zk., 2021eko martxoaren 10a, asteazkena
- Bestelako formatuak:
- PDF (260 KB - 1 orri.)
- EPUB (219 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
HEZKUNTZA SAILA
1437
AGINDUA, 2021eko otsailaren 16koa, Hezkuntzako sailburuarena, Oñatiko «R.M. Zuazola-Larraña» Bigarren Hezkuntzako Institutu Publikoaren (Gipuzkoa) izen espezifikoa aldatzeko baimena emateko dena.
Oñatiko «R.M. Zuazola-Larraña» Bigarren Hezkuntzako Institutu Publikoaren izen espezifikoa aldatzeko baimena eskatzeko ikastetxearen erakunde titularraren legezko ordezkariak abiarazitako espedientea aztertu da.
Espediente hori prozeduraren arabera izapidetu da, indarreko arauek eskatzen dituzten agiriak erantsi zaizkio, eta arlo horretan eskumena duen erakundeak horri buruzko txostena eman du.
Hezkuntzarako eskubidea arautzen duen uztailaren 3ko 8/1985 Lege Organikoa eta gai horretan aplikatzekoak diren gainerako legeak ikusi ondoren, honako hau
EBAZTEN DUT:
Artikulu bakarra.– «R.M. Zuazola-Larraña» Bigarren Hezkuntzako Institutu Publikoaren izen espezifikoa aldatzeko baimena ematen da: aurrerantzean «Oñati» Bigarren Hezkuntzako Institutu Publikoa izango du izena. Ikastetxeak 013015 eta 20009135 kode-zenbakiak ditu, eta ikastetxearen egoitza helbide honetan dago: Unibertsitate etorbidea 6, Larraña auzoa 16, Oñati (Gipuzkoa).
AZKEN XEDAPENA
Agindu honen aurka, aukerako berraztertze-errekurtsoa aurkez dakioke Hezkuntzako sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera; bestela, administrazioarekiko auzi-errekurtsoa aurkez daiteke Euskal Autonomia Erkidegoko Auzitegi Nagusian, bi hileko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.
Vitoria-Gasteiz, 2021eko otsailaren 16a.
Hezkuntzako sailburua,
JOKIN BILDARRATZ SORRON.