Euskal Herriko Agintaritzaren Aldizkaria

24. zk., 2021eko otsailaren 3a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DONOSTIA / SAN SEBASTIÁNGO LEHEN AUZIALDIKO 6 ZENBAKIKO ZUZENEKO LAGUNTZA EMATEKO UNITATE PROZESALA

614

EDIKTUA, ezkontzaz kanpoko seme-alabentzako neurriei buruzko adostasun gabeko 636/2016 prozeduraren ondoriozkoa.

Donostiako Lehen Auzialdiko 6 zenbakiko Epaitegia – Zuzeneko Laguntza emateko Unitate Prozesal Zibila.

Judizioa: ezkontzaz kanpoko seme-alabentzako neurriei buruzko adostasun gabeko 636/2016 prozedura.

Gaia: guraso eta seme-alaben arteko neurriak.

Demandantzailearen prokuradorea: Teresa Zulueta Calvo.

Judizio horretan epaia eman da 2020-12-11n. Horren bidez amaiera eman zaio prozesuari. Epaitzak honako hau dio, hitzez hitz:

EPAITZA

Zulueta Calvo prokuradore andreak Ana Reyna Sevilla Ortega andrearen izenean eta hura ordezkatuz Dany Antonio Torrez jaunaren aurka jarri duen demanda baiesten dut, eta, hortaz, harremana haustearen ondoriozko neurri hauek hartzea erabaki dut, XXXXX alaba adingabekoari dagokionez:

1.– Adingabearen zaintza eta jagoletza amari egotzi zaizkio, Ana Reyna Sevilla Ortega an-dreari.

2.– Guraso-ahala amak bakarrik izango du, Ana Reyna Sevilla Ortega andreak. Guraso-ahalaren arloan hartu beharreko erabakien artean, honako hauek daude, besteak beste:

– Adingabearen egoitza, hark ohiko bizileku duen udalerritik kanpora aldatzea; adingabea atzerrira joatea, oporraldiko bidaietan ez bada.

– Ikastetxea aukeratzea edo ikastetxez aldatzea.

– Eskolaz kanpoko jarduerak edo jarduera osagarriak zehaztea.

– Gizarte- eta erlijio-ospakizun garrantzitsuak; hala nola, bataioa, lehen jaunartzea eta beste erlijio batzuetako antzeko ekitaldiak.

– Premiazkoak ez diren ekintza medikoak, ebakuntza egitea edo tratamendu mediko luzea dakartenak, edo tratamendu psikologikoak.

3.– Dany Antonio Torrez jaunak XXXXX alaba adingabearen mantenu-pentsio gisa ordaindu beharko duen pentsioa hilean 150 eurokoa izango da, atzeraeraginez, demanda jarri zen egunetik (2016ko maiatzaren 5a) alaba adinez nagusia edo ekonomikoki independentea den edo izateko moduan dagoen arte, fede onaren eskakizunen arabera. Urteko hamabi hilabeteetarik bakoitzeko lehen bost egunen barruan ordainduko dio kopuru hori amari, azken horrek hautatutako kontuan. Pentsioa urtero eguneratuko da, horretarako errekerimendua egin beharrik izan gabe, Estatistikako Institutu Nazionalak edo horren ordezko erakundeak ezarritako Kontsumoko Prezioen Indizeak aurreko urtean zehar (abendutik abendura zenbatuta) izandako aldaketen arabera; 2022. urtean eta urtarrilaren 1etik aurrera izango ditu ondorioak eguneraketak.

Aitak zuzenean ordaindu behar dituen era horretako gastuak ez dira kenduko ebazpen honen arabera ordaindu behar duen pentsiotik.

4.– Independentzia ekonomikorik ez duen bitartean alabaren bizitzan sortzen diren aparteko gastuak % 50ean ordainduko ditu guraso bakoitzak. Ebazpen honen oinarri juridikoetan ezarritakoarekin bat etorriz, kontzeptu horretatik kanpo utziko dira, esaterako, eskola-uniformearen edo -liburuen gastuak (urtero errepikatzen badira); baina beste batzuk berriz sartuko dira, eta katalogo posiblea osorik adierazteko asmorik gabe, honako hauek dira horietakoak: gastu medikoak, kirurgikoak, ospitalekoak, ortopedikoak, dentistarenak, psikologikoak, farmazeutikoak, ortodontziakoak, logopediakoak, eta, oro har, osasun-sistema publikoan edo dagokion medikuntza-erakundetan sartzen ez diren gaixotasun fisiko edo mentalei lotutakoak, bai eta –prestakuntza-arloan– eskolan atzeratuta egonez gero derrigorrezko ikasgaiei buruzko klase partikularretakoak ere. Egin beharreko gastua medikoa bada eta Gizarte Segurantzak edo dagokion erakunde medikoak ordaintzen ez badu eta beharrezkoa bada, erdibana ordainduko dute aitak eta amak; horretaz gain, fakultatiboa eta tratamendua bi gurasoek elkarrekin adostutakoak izango dira.

Amak erabakiko du aurreko paragrafoan aipatutako aparteko gastuak egitea, eta, horretarako, ez du aitaren baimenik behar izango.

Aparteko gastuak ordaintzeko obligazioa amaitu egingo da, alabak –adin nagusikoak edo legez emantzipatuak izanik– ekonomikoki independentea izatea lortzen duenean, Kode Zibilaren 150. eta 152. artikuluetako azkentze-kausak baztertu gabe.

5.– Ez da egokia aitaren (Dany Antonio Torrez jauna) aldeko bisita-erregimenik ezartzea.

6.– Ez da egokia beste neurririk hartzea.

Dany Antonio Torrez demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian argitaratuko den ediktu baten bidez jakinaraztea erabaki da, Prozedura Zibilaren 1/2000 Legearen (PZL) 497.2 artikuluan xedatutakoari jarraituz.

Ebazpen horren aurka apelazio-errekurtsoa jar daiteke, hogei egun balioduneko epean, ediktu hau argitaratzen denetik hasita, jakinarazitako ebazpenean bertan adierazten den eran.

Interesdunak eskuragarri dauka jakinarazten den ebazpenaren testu osoa, epaitegi honetako bulego judizialean, eta, han, osorik aztertu ahal izango du.

Donostia, 2021eko urtarrilaren 7a.

JUSTIZIA ADMINISTRAZIOAREN LETRADUA.

Azterketa dokumentala