Euskal Herriko Agintaritzaren Aldizkaria

230. zk., 2020ko azaroaren 19a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DONOSTIA / SAN SEBASTIÁNGO LEHEN AUZIALDIKO 6 ZENBAKIKO ZUZENEKO LAGUNTZA EMATEKO UNITATE PROZESALA

4990

EDIKTUA, behin betiko neurriak aldatzeari buruzko 322/2019 prozeduraren ondoriozkoa.

Donostiako Lehen Auzialdiko 6 zenbakiko Epaitegia, Zuzeneko Laguntza emateko Unitate Prozesal Zibila.

Judizioa: behin betiko neurriak aldatzekoa, 322/2019.

Gaia: neurriak aldatzea.

Demandatzailearen prokuradorea: Ines Perez-Arregui de Codes.

Judizio horretan 222 zenbakia duen epaia eman da 2020-09-18an, eta horren bidez prozesuari amaiera eman zaio. Hona hemen epaitza, hitzez hitz:

EPAITZA

Baiesten da Pérez Arregui de Codes epaitegietako prokuradoreak Gabriela Ruiz Núñez andrearen izenean eta haren ordezkari gisa Luis Jerson Rebolledo Vera jaunaren kontra aurkeztu duen demanda; horrenbestez, guraso eta seme-alaben arteko harremanak arautzeko 122/2011 zenbakidun prozeduran 2011ko ekainaren 15ean eman zen 191/2011 epaian ezarri ziren neurriak aldatzen dira:

1.– Seme adingabearen zaintza eta jagoletza, orain ere, amarena izango da eta guraso-ahalaren titularitatea bi gurasoek partekatuko dute, baina guraso-ahalaz baliatu ahal izatea amari, Gabriela Ruiz Núñez andreari, esleitzen zaio esklusiboki.

2.– Gainera, honako neurri hau ere ezatzen da. Mantenu-pentsioa: xxxxxx seme adingabearen elikadura-premiei aurre egiteko, aitak ordaindu egin beharko du mantenu-pentsio bat, hileko 150 eurokoa, zeinak iraungo baitu semea adinez nagusi izan arte, edo ekonomikoki burujabe izan arte edo halako izateko kondizioan izan arte, fede onezko jokabidearekin bat etorriz. Urteko hamabi hilabeteetarik bakoitzeko lehen bost egunen barruan ordainduko da kopuru hori aitak berariaz zehazten duen kontuan. Pentsioa urtero eguneratuko da, horretarako errekerimendua egin beharrik izan gabe, Estatistikako Institutu Nazionalak edo horren ordezko erakundeak ezarritako Kontsumoko Prezioen Indizeak aurreko urtean –abendutik abendura– izandako aldaketen arabera; 2021. urtean eta urtarrilaren 1etik aurrera izango ditu ondorioak eguneraketak.

Ebazpen honetan ezartzen ez den guztian, guraso eta seme-alaben arteko harremanak arautzeko 2011ko ekainaren 15eko epaian ezarri ziren neurriak aplikatuko dira. Donostiako Lehen Auzialdiko 8 zenbakiko Epaitegian bideratu zen 122/2011 prozeduran eman zen epai hori.

Luis Jerson Rebolledo Vera demandatuaren gaur egungo bizilekua ezezaguna denez, ebazpena Euskal Herriko Agintaritzaren Aldizkarian argitaratutako ediktu baten bidez jakinaraztea erabaki da, Prozedura Zibileko 1/2000 Legearen 497.2 artikuluaren arabera (PZL).

Ebazpen horren aurka apelazio-errekurtsoa aurkez daiteke hogei egun balioduneko epean, ediktu hau argitaratzen denetik hasita, jakinarazi den ebazpenean bertan adierazten den eran.

Interesdunak eskuragarri dauka jakinarazten den ebazpenaren testu osoa, epaitegi honetako bulego judizialean, eta, han, osorik aztertu ahal izango du.

Donostia, 2020ko urriaren 5a.

JUSTIZIA ADMINISTRAZIOAREN LETRADUA.

Azterketa dokumentala