206. zk., 2020ko urriaren 20a, asteartea
- Bestelako formatuak:
- PDF (217 KB - 1 orri.)
- EPUB (217 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
KULTURA ETA HIZKUNTZA POLITIKA SAILA
4358
EBAZPENA, 2020ko urriaren 7koa, Kulturako sailburuordearena, Dokumentuak Balioesteko eta Aukeratzeko Batzordeko (DOBAUBA) kideak izendatzeko eta batzorde horren osaeraren berri emateko dena.
Artxibo Zerbitzuetako Araudia eta Euskal Autonomia Erkidegoko Dokumentazio Ondarea erregulatzeko arauak onartzen dituen azaroaren 21eko 232/2000 Dekretuak, 30.1 artikuluan, Dokumentuak Balioesteko eta Aukeratzeko Batzordea sortzen du (DOBAUBA), Kultura Ondarearen Zuzendaritzari atxikita. Diziplinarteko kide anitzeko organoa izango da eta helburu hauek izango ditu: dokumentuak balioesteko eta aukeratzeko irizpide orokorrak egitea eta bateratzea, onar daitezen proposatzea eta behar bezala aplikatzen direla kontrolatzea.
32. artikuluak ezartzen duenez, Batzordea lehendakariak, lehendakariordeak eta sei batzordekidek osatuko dute, eta Kultura Sailak izendatuko ditu guztiak.
Horrenbestez, aurkeztutako proposamenak ikusirik, honako hau
EBAZTEN DUT:
Artikulu bakarra.– Kultura Ondarearen Zuzendaritzak proposatuta, honako hauek izendatzea Dokumentuak Balioesteko eta Aukeratzeko Batzordeko lehendakari, lehendakariorde eta batzordekide:
Lehendakaria: Mikel Aizpuru Murua jauna, Kultura Ondarearen zuzendaria.
Lehendakariordea: F. Borja Aguinagalde Olaizola jauna, Euskadiko Dokumentu Ondarearen Zentroaren (Irargi) arduraduna.
Batzordekideak: Irune Zumalde Igartua andrea, Euskal Autonomia Erkidegoko Herri Administrazioaren Artxibo Nagusiaren arduraduna.
Guadalupe Larrarte Iturbe andrea, Tolosako Udal Artxibo Zerbitzuaren arduraduna.
Santiago de Pablo Contreras jauna, historia garaikidean espezializatutako historialaria.
Koro Pascual Saleta andrea, artxibozainen elkartearen (ALDEE) izenean.
Josebe Alonso Marigómez andrea, Euskadiko Dokumentu Ondarearen Zentroko (Irargi) teknikaria.
Mikel Carrillo de la Peña jauna, Kultura Ondarearen Zuzendaritzako Aholkularitza Juridikoko teknikaria.
AZKEN XEDAPENA
Euskal Herriko Agintaritzaren Aldizkarian argitaratu eta hurrengo egunean jarriko da indarrean ebazpen hau.
Vitoria-Gasteiz, 2020ko urriaren 7a.
Kulturako sailburuordea,
ANDONI ITURBE AMOREBIETA.