RSS
203. zk., 2020ko urriaren 15a, osteguna
- Bestelako formatuak:
- PDF (241 KB - 1 orri.)
- EPUB (219 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILERIA
Izendapenak, egoerak eta gorabeherak
EUSKAL HERRIKO UNIBERTSITATEA
4247
EBAZPENA, 2020ko urriaren 5ekoa, Universidad del País Vasco / Euskal Herriko Unibertsitateko errektorearena, lehiakide bat Unibertsitateko Katedradun izendatzeko dena. Unibertsitateko irakasleen kidegoetako funtzionarioaren plaza hori betetzeko lehiaketarako deia 2020ko ekainaren 14ko Ebazpenaren bidez egin zen (2020-06-22ko BOE eta 2020-07-10eko EHAA).
2020ko ekainaren 14ko Ebazpenaren bidez (2020-06-22ko BOE eta 2020-07-10eko EHAA) argitara emandako lehiaketa epaitu behar duen batzordearen proposamena ikusita, eta proposatutako lehiakideak deialdian aipatutako dokumentuak aurkeztu ondoren (deialdiko 9. oinarria), errektoreak ondoren zehazten den izendapena egitea ebatzi du, 6/2001 Lege Organikoko 65. artikuluak emandako ahalmenez baliatuta (abenduaren 21eko Legea, Unibertsitateena; abenduaren 24ko BOE), bai eta lege horrekin bat datozen xedapenek emandakoez ere:
Francisco José Basterrechea Elguezabal jauna (NAN: ***1714**) Unibertsitateko katedradun izendatzea; jakintza arloa: «Kimika Fisikoa»; Kodea: CUC8/1 – D00039-14; Saila: «Kimika Fisikoa»; Ikastegia: «Zientzia eta Teknologia Fakultatea»; Hizkuntza eskakizuna: elebiduna; Arduraldia: osoa; Egin beharreko irakaslanak eta ikerlanak: «Kimika Fisikoa I», «Kimika Fisikoa II» eta «Egitura metodoak sistema biologiko eta atmosferikoak ikertzeko».
Izendatutako lehiakideak 20 laneguneko epea izango du, ebazpena Estatuko Aldizkari Ofizialean argitaratzen den egunaren biharamunetik hasita, plaza horren jabe egiteko.
Leioa, 2020ko urriaren 5a.
Errektorea.
Eginkizunak eskuordetuta (Ebazpena, 2017ko urtarrilaren 25ekoa, errektorearena, 2017-02-03ko EHAA).
Irakasle-ikertzaileen arloko errektoreordea,
INMACULADA GUERRICAGOITIA MARINA.
