Euskal Herriko Agintaritzaren Aldizkaria

181. zk., 2020ko irailaren 14a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

EKONOMIAREN GARAPEN, JASANGARRITASUN ETA INGURUMEN SAILA

3633

EBAZPENA, 2020ko irailaren 9koa, Nekazaritza eta Abeltzaintzako zuzendariarena, 2020ko ekainaren 2ko Ebazpenaren bidez ezarritako ehizatzeko gaitasun-azterketaren bigarren deialdia bertan behera uzten duena. Ebazpen horren bidez, ehizatzeko gaitasun-azterketetarako deialdia egiten da 2020. urterako.

2020ko urtarrilaren 9an, Nekazaritza eta Abeltzaintzako zuzendariaren 2019ko abenduaren 12ko Ebazpena argitaratu zen Euskal Herriko Agintaritzaren Aldizkarian, 5. zenbakian. Ebazpen horren bidez, ehizatzeko gaitasun-azterketen deialdia egin zen 2020rako.

2020ko ekainaren 5ean, Euskal Herriko Agintaritzaren Aldizkarian (109. zk.) argitaratu zen Nekazaritza eta Abeltzaintzako zuzendariaren 2020ko ekainaren 2ko Ebazpena, aurrekoa aldatzen duena.

Ebazpenaren bigarren ebazpen-zatian, ehizatzeko gaitasun-azterketaren bigarren deialdia egiteko data eta ordu berriak ezarri ziren, eta adierazi zen azterketa hori 2020ko irailaren 19an izango zela, 10: 00etan, Letren Fakultatean, Gasteizko Unibertsitateko pasealekuko 5. zenbakian.

Azken ebazpen hori argitaratu ondoren, Larrialdiei Aurre Egiteko Bidea-Labi Euskadiko Babes Zibileko Plana aktibatu da, COVIDren hedapenaren ondoriozko osasun-alerta egoeran dagoelako19 (EHAA, 160. zk., 2020ko abuztuaren 17koa, astelehena).

Hori guztia dela eta, eten egin behar da 2020ko irailaren 19an, 10: 00etan, Letren Fakultatean, Gasteizko Unibertsitateko pasealekuko 5. zenbakian, egingo den proba.

Horrenbestez, honako hau

EBAZTEN DUT:

Lehenengoa.– 2020ko irailaren 19an, 10: 00etan, Gasteizko Unibertsitate kaleko 5. zenbakian dagoen Letren Fakultatean, ehizatzeko gaitasun-azterketa bertan behera uztea, beste abisu bat eman arte.

Bigarrena.– Ebazpen honek ez dio amaiera ematen administrazio-bideari, eta, beraren aurka, interesdunek gora jotzeko errekurtsoa aurkez diezaiokete Nekazaritzako, Arrantzako eta Elikagai Politikako sailburuordeari, hilabeteko epean, ebazpena Euskal Herriko Agintaritzaren Aldizkarian argitaratu eta hurrengo egunetik aurrera.

Vitoria-Gasteiz, 2020ko irailren 9a.

Nekazaritza eta Abeltzaintzako zuzendaria,

JORGE GARBISU BUESA.

Azterketa dokumentala